最新資訊

新片速報 勇者無雙《Dragon Quest Heroes II》PS4/PS3/PS Vita遊戲影片比拼
by / on 28/04/2016 at 2:51 pm

新片速報 勇者無雙《Dragon Quest Heroes II》PS4/PS3/PS Vita遊戲影片比拼

喺呢個《勇者鬥惡龍》嘅世界可以4人協力可以跨機種連線,其實都幾吸引啦?加埋《ドラゴンクエストヒーローズⅡ 双子の王と予言の終わり》有超豪華聲優陣,包括「森山未來」、「武井咲」,上集都有份嘅「中川翔子」、仲有「水樹奈々」、「悠木碧」、「田村睦心」、「茶風林」、「日笠陽子」等等。5月27日推出PS4/PS3/PS Vita版本,官方發佈咗3個版本嘅Gameplay,有PS4就一定唔會買番PS3版啦?但係PS Vita可以四圍玩又幾吸引。定還是,都係等埋中文先?照上次經驗,出完日文版就會公佈中文版幾時發售喇。

Read more ›

【熱愛運動】網民睇得好開心 「小嶋陽菜」玩瑜伽連環圖
by / on 28/04/2016 at 11:04 am

【熱愛運動】網民睇得好開心 「小嶋陽菜」玩瑜伽連環圖

我一向熱愛運動,尤其是睇。我以為睇足球、NBA呢啲先刺激啫,估唔到睇人玩冇分輸贏嘅瑜伽都咁刺激。早兩日「小嶋陽菜」喺電視節目度玩瑜伽,見到做唔同嘅動作,真係令到人心跳加速,成個人活躍起嚟!

Read more ›
睇《權力遊戲》龍媽好過睇AV 第6季開播少百萬人上鹹網
by / on 28/04/2016 at 10:29 am

睇《權力遊戲》龍媽好過睇AV 第6季開播少百萬人上鹹網

有睇《Game of Thrones》,都應該睇過「Mother of Dragons」Daenerys Targaryen幾咁可遇不可求……啱啱香港時間周一朝早就係第6季第1集開播嘅時候,美國Pornhub就統計過,當日播放前一個鐘內,美國少咗4%上佢哋個網,即係過百萬人!另外,亦都好多人搜尋以《Game of Thrones》為題材嘅AV,比平常大增370%!喂我都想見識吓!仲有,好多人搵《Game of Thrones》嘅片同相,主要係搵Emilia Clarke演嘅Daenerys Targaryen,同埋Carice van Houten演嘅Melisandre。

Read more ›
網圖分享:大笑+微笑+苦笑+皮笑肉不笑 動物笑歡顏
by / on 28/04/2016 at 9:45 am

網圖分享:大笑+微笑+苦笑+皮笑肉不笑 動物笑歡顏

日日返工放工,做完就訓,訓醒又做,幾時先捱到禮拜五呀?呵欠打完又打,啲時間都好似無乜點過咁嘅。如果你都有呢種懨懨悶悶嘅感覺,建議你睇睇以下圖輯,有各種動物笑樣,大笑、微笑、苦笑、皮笑肉不笑瓣瓣有齊。睇完,話唔定會心情會好番啲呢?

Read more ›
【宣傳毛巾】日本Twitter熱傳   大媽創作超市廣告毛巾
by / on 28/04/2016 at 7:13 am

【宣傳毛巾】日本Twitter熱傳 大媽創作超市廣告毛巾

好勁,大媽嘅創意唔可以睇少。最近呢條毛巾喺twitter大熱,據講由一位日本大媽製作,白毛巾上繡上超級市場特價廣告嘅字樣,由於製作太精美,喺Twitter吸引超過3萬個RT,連2ch嘅網民都熱烈討論,有人留言話:「比想像中靚」,亦有超強摩擦力嘅網民留言話:「吸水能力應該幾差」。btw,條毛巾真係考手驗手功同耐性,精細程度連我都想要一條。

Read more ›
【有家姐真好】日本愛心家姐整熊仔便當     被形容似中槍
by / on 28/04/2016 at 7:13 am

【有家姐真好】日本愛心家姐整熊仔便當 被形容似中槍

呢個細佬真係壞,放咗家姐親身整嘅晚飯上網,原來係三個有啲似鬆弛熊嘅飯團,家姐仲好細心加埋雞蛋扮冚被。不過個細佬唔多領情,話個飯有啲嘔心,唔怪得之家姐最近偷偷摸摸。不過網友就留言話好想識佢家姐,感覺會係一個好可愛嘅女仔。其實係幾可愛,不過茄汁可以唧得好少少,而家感覺好似熊仔中槍爆血咁‥‥‥

Read more ›

【新片速報】印度改用立體班馬線   阻嚇司機超速駕駛
by / on 28/04/2016 at 7:11 am

【新片速報】印度改用立體班馬線 阻嚇司機超速駕駛

之前都見過有類似嘅立體道路標記,不過唔講唔知,原來係有用途嘅。印度係全世界交通意死亡數字最高嘅國家,為咗令司機減速,交通部部長Nitin Gadkari最近動議換走全國高速公路嘅減速器,改成喺公路上畫3D立體班馬線圖,希望透過立體嘅視覺效果,令司機自動減速。原意好好,不過希望唔會令到好多人圍住影相,增加意外嘅風險。

Read more ›
【不自量力】日本肥喵雙撲手   腰間唧肥肉唔兇狠
by / on 28/04/2016 at 3:12 am

【不自量力】日本肥喵雙撲手 腰間唧肥肉唔兇狠

咁肥嘅喵星人,仲做唔做到相撲手?日本專出古怪扭蛋嘅Kitan又有新嘢出,今次玩喵星人相撲手(はっけよい!ねこ力士),8款喵星人全部摩拳擦掌,包住條巾圍下身,最慘個樣唔夠兇狠,而且腰部又唧咗截肥肉出嚟,好搞笑。另外每個扭蛋跟嘅盒可以砌成相撲擂台,多樣嘢玩!預計5月16日發售,貓奴記住留意嘞。

Read more ›
【原來係咁】日本網民解開《名探偵コナン》「毛利蘭」髮型之謎
by / on 28/04/2016 at 12:47 am

【原來係咁】日本網民解開《名探偵コナン》「毛利蘭」髮型之謎

《名偵探柯南》入面嘅「毛利蘭」,個髮型出名尖到拮死人,但到底點解要有呢個尖角呢?有日本網民就講咗自己嘅諗法,原來係由80-90年代好興嘅「トサカ前髪」髮型演變出嚟。有人諗起「工藤静香」個陳年髮型,又有人出蘭姐嘅演變圖…….

Read more ›
一張圖變圖集 32歲吉澤明步《美少女戰士》內衣新圖
by / on 28/04/2016 at 12:01 am

一張圖變圖集 32歲吉澤明步《美少女戰士》內衣新圖

又嚟一張圖變圖集。今次主角係32歲嘅AV女優「吉沢明歩」。有網民出咗呢張話係新圖,係著住之前Peach John出嘅《美少女戰士》水手服內衣。咁之後網民又狂出佢嘅近照喇,2003年出道到o依家,嘩13年,真係睇住我哋大呀。同埋工作咁繁忙都仲保持到咁嘅樣,好唔錯咯。

Read more ›
【有片】真人電影《死亡筆記 2016》新片段 10年後「彌海砂」現身
by / on 27/04/2016 at 11:31 pm

【有片】真人電影《死亡筆記 2016》新片段 10年後「彌海砂」現身

終於有新片睇到,就係「戸田恵梨香」回歸參演嘅10年後「彌海砂」出一出場!另外仲有被稱為最惡嘅死亡筆記持有者、「川榮李奈」演嘅「青井さくら」!呢套10月29日上映嘅《死亡筆記Death Note Light up the NEW world》,係「小畑健」原作、「藤原竜也」、「松山研一」演嘅真人版電影續作,講嘅係「夜神月」同「L」對決嘅10年後,世界出現6本死亡筆記(原作6冊ルール)。另外登場嘅角色仲有主角「デスノート対策本部」特別小組捜査官「三島創」(「東出昌大」演),「竜崎」(「池松壮亮」演)、網上恐怖份子「紫苑優輝」(「菅田将暉」演)……除咗27歲「戸田恵梨香」參演外,仲有「中村獅童」聲演嘅死神「流克」返嚟搵你……

Read more ›

大阪紅十字會絕世好橋 密室逃脫x捐血
by / on 27/04/2016 at 11:30 pm

大阪紅十字會絕世好橋 密室逃脫x捐血

密室逃脫遊戲,我無玩過,但朋友們大讚好玩,話真真緊張刺激喎,既然咁刺激,日本紅十字會就諗到條絕世好橋──密室逃脫x捐血。遊室主題係「Escape from the closed blood labo」,場景係血液研究中心,參加者要喺N咁多間房裡面搵出實驗室所在,兼喺一粒鐘離開,聽落幾過癮,加上張宣傳海報又製作到黑黑沉沉幾恐怖咁,相信能夠吸引唔少人參與。密室每次可以容納30人,遊戲免費,代價係「無償獻血」,即係要捐血先有得玩呀。賣血就無份喇,捐血可以換遊戲入場券,都唔錯吖。

Read more ›
有片:癲嘅!同鱷魚仔Kiss!咬唇痛人心!
by / on 27/04/2016 at 10:45 pm

有片:癲嘅!同鱷魚仔Kiss!咬唇痛人心!

玩到無嘢好玩,繼續玩自殘啦,繼刻意俾蛇咬之後,今次YouTube頻道「Dudesons」幾條友仔又再獻新猷,一貫作風先來個俄羅斯輪盤,邊個輸咗就要接受大懲罰。大懲罰係俾鱷魚仔錫面,名為錫,實為咬,咁都未算,咬完面再同鱷魚仔Kiss,名為Kiss,實情都係咬,咬唇個咬。輸家無流眼淚,但痛到瞪大眼都有少少面容扭曲,估計應該幾痛吓。係,我隔住個Mon望到都覺痛,何況堅咬?

Read more ›
日本喵星人有動感 被改圖變承太喵/調查喵
by / on 27/04/2016 at 10:33 pm

日本喵星人有動感 被改圖變承太喵/調查喵

日本網民鍾意改圖,最新就有呢隻俾人影到佢跳晒飛起晒嘅海邊喵星人。首先係變成網球選手,見到佢拗腰拗到JoJo立咁款,網民梗係幫佢Key番「白金之星」上去,等佢可以變「空条承太喵」,之後亦都有《進擊之巨人》嘅調查兵,咁巨人……咪即我哋班貓奴囉。

Read more ›
有片:打鼓打出顏色 五顏六色好治癒
by / on 27/04/2016 at 10:15 pm

有片:打鼓打出顏色 五顏六色好治癒

有時唔使太多花臣,越簡單反而越震撼,今次YouTube頻道「The Slow Mo Guys」唔玩太複雜,係咁意放顏色粉末喺鼓面,之後鼓面一敲,鼓底又一敲,粉末即時飛舞,慢鏡頭下五顏六色粉末撈埋一齊,畫面好靚,感覺好自癒。心情唔好嗰陣,可以Loop吓喎。

Read more ›

本週人氣

10646 views

【有片】可愛到癲!「你點解嚟日本?」節目 日本網民狂讚16歲波蘭妹妹

8453 views

日本「裝銀仔」神器 網民推介Twitter熱傳

6938 views

我就是高達!舞台劇《機動戰士Gundam 00》角色登場

6549 views

有片:男Coser扮不知火舞 超巨胸+巨蘿靠倒模

5725 views

黃符遮三點 超性感殭濕子Figure