最新資訊

【再生日快樂】PS2版《大神》10周年 「神谷英樹」爭取出續作
by / on 20/04/2016 at 5:28 pm

【再生日快樂】PS2版《大神》10周年 「神谷英樹」爭取出續作

《Mother 3》之外,10年前4月20日,仲有呢隻PS2嘅《大神》發售,當年你買晒兩隻?定二選一嚟玩?製作人「神谷英樹」喺Twitter出post之外,仲話Platinum Games未放棄實現推出續作……另外,當然唔少得大量網民賀圖,其實呢隻遊戲都幾多fans!

Read more ›

【生日快樂】《Mother 3》推出10周年 日本Twitter賀圖集
by / on 20/04/2016 at 4:35 pm

【生日快樂】《Mother 3》推出10周年 日本Twitter賀圖集

有冇人有回憶?有冇人曾經狂煲過呢隻RPG?10年前嘅今日,2006年4月20日就係GBA《Mother 3》推出之時,隨住製作人「糸井重里」喺Twitter出文,機迷就狂出賀圖同影片加收藏。講番少少歷史,遊戲第一集喺1989年日本上市,平台係紅白機;第二集1995年,超任嘅。另外製作人曾經講過話系列唔會有新作……

Read more ›
【敬禮】日本自衛隊救災食呢啲 熱飯熱湯只限災民享用
by / on 20/04/2016 at 3:20 pm

【敬禮】日本自衛隊救災食呢啲 熱飯熱湯只限災民享用

近日見到熊本地區嘅災區,已經有連鎖食店送飯,亦都有自衛隊隊員煮大鑊飯分派俾災民,大排長龍派到一粒冇剩,咁問題嚟喇,自衛隊員佢哋自己食咩?原來就係食呢啲凍冰冰嘅「戦闘糧食」罐頭食物!例如圖中嘅「Ⅰ型」,就包括「牛肉野菜煮」、「たくあん漬」同「雞肉飯」。據講佢哋都有嚴格規定,熱嘅食物都係災民優先,而且唔可以接受市民分食物俾佢哋……仲有就係沖涼問題,佢哋又整咗熱水浴設備喎,不過,又係自衛隊員基本唔會使用……呢啲,就真係值得尊敬喇!

Read more ›
「淚袋」+「雙眼皮」= 無敵? 日本網民熱烈討論
by / on 20/04/2016 at 7:14 am

「淚袋」+「雙眼皮」= 無敵? 日本網民熱烈討論

「淚袋」呢樣嘢都講咗好耐,咁究竟有同無係咪差咁遠?最近2ch網民放咗兩位女素人嘅合照上網,標題係:「有無雙眼皮同淚袋可以相差咁遠wwww!」大家都覺得左邊嗰位女仔大眼加淚袋靚過左邊嗰個好多,有唔少網民回帶睇返古今中外嘅明星,發現絕大部份靚仔靚女都有個淚袋,亦有人試吓key走明星們嘅淚袋,發現又真係怪怪哋。不過單眼皮嘅唔駛傷心,有唔少網民留言話鐘意單眼皮女生,仲話覺得右邊嗰位女仔幾靚女,仲似乎好易相處,大家又點睇?

Read more ›
日本《街霸》最強手機座 阿龍阿Ken扮辛苦
by / on 20/04/2016 at 7:13 am

日本《街霸》最強手機座 阿龍阿Ken扮辛苦

想讚吓日本出嘅街霸產品一直都好正,之前有所有角色跪低嘅土下座扭蛋,早兩日又介紹過全部打傷晒面嘅Continue玩具,嚟緊仲有奇譚今個月底推出嘅呢套手機座,吸引在於每個角色嘅表情動作,例如阿龍阿Ken作狀好辛苦托手機,印度佬就雙拳出動,仲有百裂腿春麗同埋啱啱公佈《街霸5》嘅新增角色軍佬。但係點解軍佬會變咗扁面杯墊嘅?好似同其他唔係幾襯,不過勝在夠得意。

Read more ›
【喵生活3.0】高科技改變喵星人習慣 狂玩iPad狂上網
by / on 20/04/2016 at 7:12 am

【喵生活3.0】高科技改變喵星人習慣 狂玩iPad狂上網

科技改變咗人類生活,原來喵星人嘅生活都有翻天覆地嘅轉變。外國網站搜羅咗大量喵星人before & after嘅生活照,例如以前瞓電視頂嘅喵,而家轉咗薄芒電視之後無得瞓;或者以前鍾意瞓喺本書入面,而家就改為瞓喺手提電腦面;以前玩池塘入面嘅真金魚,而家就玩iPad上嘅捉魚遊戲,作為貓奴嘅你睇完應該會好有共鳴。

Read more ›

【IG版 秘密花園】自製情侶顏色簿 5張IG相片製作小禮物
by / on 20/04/2016 at 7:10 am

【IG版 秘密花園】自製情侶顏色簿 5張IG相片製作小禮物

前排好流行《秘密花園》(Secret Garden)呢本顏色簿,聲稱跟住佢塗顏色有助減壓,最近外國有位Cory Will就提供咗個另類方案「Color Me Book」,花費$25美金就可以將5張Instagram嘅相轉成一本獨一無二嘅填色簿,睇落效果好得意,仲幾有紀念價值,最啱送嚟比男女朋友做小禮物。

Read more ›
【有片】日本連鎖食店出手 「すき家」「吉野家」「CoCo壱番屋」出車災區派飯
by / on 19/04/2016 at 10:15 pm

【有片】日本連鎖食店出手 「すき家」「吉野家」「CoCo壱番屋」出車災區派飯

諗起電視台派人去左睇右睇食人啲飯團,我真係諗唔明,又唔係新聞工作人員,去損耗災區啲資源做咩呢?去災區梗係最好幫到手啦。熊本地震,災民如果食到一碗熱辣辣嘅牛肉飯、咖喱飯,真係會好鼓舞,日本嘅連鎖食店「すき家」就1日內派咗8人去,合共派咗2500盒飯,之後仲會繼續;而另一邊嘅「吉野家」、「CoCo壱番屋」都有專車去到派飯,勁!抵佢哋提升到品牌形象啦。

Read more ›
日本屋企著超舒適「校服」 匿埋搵番少女時代
by / on 19/04/2016 at 9:11 pm

日本屋企著超舒適「校服」 匿埋搵番少女時代

如果你唔係Coser,如果你年紀有咁上下,好想搵番著校服嘅回憶又怕醜唔敢著出街,咁呢3款屋企著嘅「校服」就滿足到你喇。8,000円,一件頭過頭笠,綿質有單性,基本上係家居服仲可以著瞓覺……當然,我諗瞓喺你隔籬嗰位都會好榮幸。呢套「校服」由BIBILAB(ビビラボ)推出,之前已經出過男裝版,仲有,官方搵嚟Coser「肉球あやと」嚟做Model又係威,睇吓都戥佢開心。

Read more ›
日本超強鉛筆畫女神 「古谷振一」一支鉛筆畫「新垣結衣」「有村架純」
by / on 19/04/2016 at 8:52 pm

日本超強鉛筆畫女神 「古谷振一」一支鉛筆畫「新垣結衣」「有村架純」

好強!呢位「古谷振一」一直都有好多超靚嘅鉛筆畫作放上網,近日又有新作喇,就係「広瀬すず」、「新垣結衣」、「有村架純」、「石原さとみ」,嗚,啲女神俾你畫晒啦?而且佢仲有片拍埋,俾大家睇吓佢成個完成過程!除咗黑白之外,佢之前仲用木顏色畫過Taylor Swift、Miranda Kerr,一樣勁!

Read more ›
《武林的大神們II》4月20日出版 有裸露鏡頭?
by / on 19/04/2016 at 8:45 pm

《武林的大神們II》4月20日出版 有裸露鏡頭?

唔係吹水,我真係等到頸都長架,講緊嘅係甘小文本《大神的武林們II》,聽日4月20日正式出版。小文透過「G.GOAL CLub」面書專頁呼籲:「因各大漫畫書版位已滿,未能為《大神》刊登廣告,鄙人呼籲親愛的你們代爲廣傳,推到上報,THXXXXXXX。」言詞甚抵死,但都不及今期八大看點之一過癮,佢又咁話:「肛門頂—役,唯一能把刀送進「屠狗輩」身體內的人–林過,重傷剛醒來,—對玉峰倒懸眼前,是其所愛矯容女嗎?員外繪畫此圖時,似有生理反應!」嘩,馬賽克?估唔到《大神的武林們II》都有裸露鏡頭喎!話我賣廣告都係咁話,撐開小文嘅必買,Miss咗第一期嘅唔該買番,報告完畢。

Read more ›

【生於熊本】漫畫家群起打氣 「尾田栄一郎」出圖:「一定會幫忙重建!」
by / on 19/04/2016 at 8:40 pm

【生於熊本】漫畫家群起打氣 「尾田栄一郎」出圖:「一定會幫忙重建!」

熊本地震傷亡慘重,當地居民要努力救災重建,全日本人都同佢哋加油,包括一眾漫畫家!出生於熊本縣嘅《One Piece》作者「尾田栄一郎」都出圖打氣喇!另外睇埋早兩日一直被誤傳為老師作品嘅Fan Art,作畫者都出嚟澄清咗,當然,大家都係一份心意啫!另外睇埋其他漫畫家嘅打氣圖,當中包括有我好鍾意嘅《鐵拳浪子》作者「千葉徹彌」。

Read more ›
日本出「魔道士」衛衣 隨時笠頭出魔法
by / on 19/04/2016 at 7:31 pm

日本出「魔道士」衛衣 隨時笠頭出魔法

之前睇過鎧甲衛衣,嚟緊今年7月中發售嘅仲有呢件「魔道士パーカー」,平時著起嚟冇乜特別,冇人會覺得你中二,不過當你笠埋頂帽,即時變身「魔道士」。有黑色同紅色,11,880円,加埋把遮效果更佳……

Read more ›
東大女生入學/畢業禮現場 結婚對象要咩學歷?
by / on 19/04/2016 at 5:25 pm

東大女生入學/畢業禮現場 結婚對象要咩學歷?

東京大學喎,高材生,咁喺東京大學讀書嘅女學生,理想結婚對象會要咩學歷?駛唔駛一定要東大?或者早稻田大學?慶應義塾大學?定一話大學畢業都OK?不過都係想得這麼理想啫……順便,網民又截咗圖,睇吓現場東大女學生嘅樣先。

Read more ›
暑假去大阪環球影城睇《龍珠 4D》 同L玩《死亡筆記》脫出遊戲
by / on 19/04/2016 at 5:16 pm

暑假去大阪環球影城睇《龍珠 4D》 同L玩《死亡筆記》脫出遊戲

今個暑假又想去大阪USJ環球影城玩?都正常,因為又有新嘢!又同《週刊少年Jump》合作!除咗一向都有嘅《One Piece》熱爆水世界「ワンピース・プレミア・サマー」之外,今次仲有埋《龍珠》嘅「ドラゴンボールZ・ザ・リアル 4-D」,4D睇悟空,變超級撒亞人效果應該好正!另外,仲有《死亡筆記Death Note》嘅脫出遊戲,有L同你合作喎!加埋「週刊少年ジャンプ 展示イベント(仮称)」展覽,由7月1日至9月4日,我個身又痕,留意定有冇平機票都啱喇,不過暑假……

Read more ›

人氣話題

1) 【2018出GAME表】 7月至8月 [PS4 / XBox One / Switch / PC / 3DS / PS Vita] - 12622 Views
2) 個樽靚喎!Evangelion x 沙嗲王後日始動 - 10807 Views
3) 【多圖】「店員」Twitter出圖 秋葉原「野郎ラーメン」變《閃乱カグラ》主題店 - 10498 Views
4) 冇電話冇相機點算好?圍影Coser奇妙龍 - 10331 Views
5) 【有片】C94 Coser 又嚟《工作細胞》白血球 - 9367 Views