最新資訊

有片:Hero野士漫畫大賞八強出爐 宣傳片第三彈《Hero or Devil》
by / on 24/05/2016 at 10:30 pm

有片:Hero野士漫畫大賞八強出爐 宣傳片第三彈《Hero or Devil》

望到頸都長嘅「Hero野士漫畫大賞」終於產生八強,有關方面亦釋出第三條宣傳片 《Hero or Evil》,插畫繼續搵林祥焜操刀,而主角則搵嚟張繼聰飾演善良廚師仔 。劇中,廚師仔唔知點解食完杯麵會變超人,得到超能力後佢殺死無良老闆同貪錢 女人,取代老闆之位繼續作惡。今次玩Open ending,善惡一念間,應該Be hero定 Be evil,看官自己參透嘞。順帶一提,嚟緊5月28日,八強將會師西九龍中心即場 較量,爭逐四強名額,呢個周六,有節目喇。

Read more ›

《不是人間》再版惹罵戰 謝森龍異道歉抵讚
by / on 24/05/2016 at 10:00 pm

《不是人間》再版惹罵戰 謝森龍異道歉抵讚

係奇怪嘅,唔敢講話唔尊重讀者感受,但事實真係有不公平之處。講緊漑係謝森龍 異嘅《不是人間》單行本創刊號,之前出咗第一版,家陣話出第二版,出得第二版 係好事,即係多人買喇,但可惜,打算出嘅第二版講明比第一版大書度,而之後嘅 第二期,亦繼續會以大書度形式出落去,咁你叫買咗第一版嘅讀者情何以堪呢?須 知現今港漫市道疲弱,仍然肯出錢買實體書嘅讀者,十居其九都係儲書之人,第一 期細,第二期大,成何體統呢?此舉無疑惹嚟掠水之嫌。

Read more ›
反璞歸真 3DS出2D格鬥《ONE PIECE 大海賊闘技場》
by / on 24/05/2016 at 9:44 pm

反璞歸真 3DS出2D格鬥《ONE PIECE 大海賊闘技場》

無雙、大亂鬥呢啲玩法真係玩到悶喇,如果出番2D格鬥遊戲,加華麗嘅必殺技,講真仲有興趣。呢隻3DS《ONE PIECE 大海賊闘技場(ダイカイゾクコロシアム)》就係呢類遊戲,暫時官網開張但發售日未定。

Read more ›
新片速報 《討鬼伝2》第2彈PV PS Vita試玩版今日下載
by / on 24/05/2016 at 9:39 pm

新片速報 《討鬼伝2》第2彈PV PS Vita試玩版今日下載

共鬥遊戲嚟講,除咗PS Vita冇得玩嗰隻之外,呢隻講真都算幾好玩。嚟緊7月28日推出嘅《討鬼伝2》有新片睇,介紹遊戲系統,英雄之魂係正嘅,而且聲優陣又強勁,仲有「中川翔子」嘅主題曲。

Read more ›
【有片】Conan加埋《權力遊戲》角色 玩《Overwatch》整爛Iron Throne
by / on 24/05/2016 at 9:32 pm

【有片】Conan加埋《權力遊戲》角色 玩《Overwatch》整爛Iron Throne

名嘴Conan又玩嘢,今次玩《Overwatch》,仲搵埋《Game of Thrones》嘅Peter Dinklage同Lena Headey,仲要整爛張「Iron Throne」!仲有一件奇怪嘅事,就係佢拎起嚟介紹嘅係PS4版本,但佢哋手揸嘅手掣就係Xbox One嘅……係咪因為想公平啲?

Read more ›
【有片】囡囡玩VR喪屍Game嚇到癲 奇妙肢體動作全記錄
by / on 24/05/2016 at 9:24 pm

【有片】囡囡玩VR喪屍Game嚇到癲 奇妙肢體動作全記錄

一向都話睇人玩VR開心過自己玩,尤其係睇囡囡。不能逃避,作為機迷,VR嘅驚嚇喪屍遊戲,我哋遲早都要面對,我都好想知自己會唔會嚇到掉眼罩,所以都係去試玩會玩吓先穩陣……好喇,呢位囡囡玩嘅就係《Zombie Freakout》,佢驚嚇嘅動作同情感,完全被好朋友好同事記錄咗落嚟,仲放上網……睇到笑出聲之後,我更加想知佢本身個樣係點?唔知可唔可愛呢?

Read more ›

有愛唔怕痛 日本動漫紋身越嚟越多圖集
by / on 24/05/2016 at 7:46 pm

有愛唔怕痛 日本動漫紋身越嚟越多圖集

紋身,痛o架喎!但日本有好多動漫迷有愛唔怕痛。有報道講越嚟越多動漫迷以動畫人物為圖案紋身,入嚟除咗有紋身師「AKI-BONTEN」嘅作品睇外,仲有網民分享自己嘅戰績。如果要你去紋,會紋咩?

Read more ›
【有片】香港8月25日上映 「庵野秀明」《真‧哥斯拉》中文預告
by / on 24/05/2016 at 7:05 pm

【有片】香港8月25日上映 「庵野秀明」《真‧哥斯拉》中文預告

呢個絕對係好消息,日本7月29日上映嘅《シン・ゴジラ》,即係《Evangelion》神級監督「庵野秀明」嘅《真‧哥斯拉》,香港終於有上映消息喇!係遲少少,不過唔夠1個月都算係咁。「樋口真嗣」係特技監督,演員就有「竹野內豐」、「長谷川博己」、「石原里美」。8月25日,都要入場喇,吼!

Read more ›
【有片】新宿站現14米黑板畫 《Dragon Quest Heroes II》最新宣傳活動開始
by / on 24/05/2016 at 1:30 pm

【有片】新宿站現14米黑板畫 《Dragon Quest Heroes II》最新宣傳活動開始

5月27日推出嘅PS4/PS3/PS Vita《ドラゴンクエストヒーローズⅡ 双子の王と予言の終わり》,之前已講到明又會喺新宿站搞活動,繼篤爆泡泡史萊姆同拆積木之後,今次係玩黑板畫!搵嚟我哋都介紹過、畫過唔少作品嘅「れなれな」嚟畫,幅畫張成14米,入嚟有片睇。展期就係由5月23日至5月29日,都係嗰句,呢幾日喺東京,點都行過影張相啦?

Read more ›
【有片】日本極限級懶惰貓 液體化落樓梯 網民:「係咪想搲背?」
by / on 24/05/2016 at 1:15 pm

【有片】日本極限級懶惰貓 液體化落樓梯 網民:「係咪想搲背?」

啲喵星人出名懶又識嘆,但懶到咁就真係太強勁。呢位日本貓奴影到自己隻喵星人瞓喺度落樓梯,一級瀡一級咁瀡落去……放咗喺Twitter 1日唔夠就有過5萬RT,有日本網民話:「其實佢唔係想落樓梯,而係想搲吓背脊咋?」入嚟回帶睇埋佢平時個可愛樣。

Read more ›
【新片速報】LEGO神人砌出日本姫路城   藏身書內打開彈出
by / on 24/05/2016 at 7:15 am

【新片速報】LEGO神人砌出日本姫路城 藏身書內打開彈出

日本嘅姫路城係世界文化遺產之一,呢個LEGO神人Talapz超勁,7年前整過金閣寺,最近挑戰姫路城,成座砌出嚟不特止,座城仲藏身喺本書入面!即係好似立體聖誕咭咁,當你打開本書,座3D嘅姫路城就會彈出嚟。唔係有片嘅話我都唔信,堅勁。入嚟有回帶睇返金閣寺段片,勁。

Read more ›

【有片】九龍城寨超高質相集 日本/外國網民重溫舊香港
by / on 24/05/2016 at 7:14 am

【有片】九龍城寨超高質相集 日本/外國網民重溫舊香港

當年嘅九龍城,仲有九龍城寨,飛機會喺天台飛過、士多老闆會養7隻貓、郵差會跨過滿地垃圾去派信。無機會經歷嗰個年代,好彩有兩位外國攝影師Greg Girard同Ian Lambot,花咗5年時間紀錄低入面嘅生活。1994年九龍城寨清拆,眨吓眼22年,當年呢個地方係全球人口最密集嘅地方,地方細細住咗3萬3千人,入面龍蛇混雜。外國媒體Daily Mail最近刊登咗呢輯相,仲有片睇。日本2ch好快有人轉載談論,啲留言都好精警,例如:「比起興建迪士尼,將九龍城寨變成主題公園仲吸引」、「咁樣先似香港喎!」係,我都同意。

Read more ›
【好Dirty】日本女生集體清潔男廁 網民:「點解唔戴手套?」
by / on 24/05/2016 at 7:13 am

【好Dirty】日本女生集體清潔男廁 網民:「點解唔戴手套?」

小朋友一齊集體清潔廁所本來無乜特別,不過呢幾張圖最近喺日本就引起熱烈討論。相中一班小學女生走咗入男廁清潔尿兜,標題話「自細就俾佢哋感受到男女平等」,不過網民就發現佢哋無戴膠手套,又無用長柄刷,就咁徒手清潔,而且有啲仲連鞋都無著‥‥‥只可以話:「少年,你太年輕了」,男廁有幾污糟?只月喺入面去個廁所嘅先會明。

Read more ›
【有片】手機賞花必用   顯微鏡式貼紙Kickstarter熱賣
by / on 24/05/2016 at 7:11 am

【有片】手機賞花必用 顯微鏡式貼紙Kickstarter熱賣

手機影相已經做到好多功能,但係想影超近鏡嘢都係對焦唔倒。呢個叫BLIPS嘅鏡頭貼針對呢個問題而推出,而家喺Kickstarter集緊資。佢可以將物件放大8-15倍,就算近到花瓣上嘅水珠都影到,唔覺意捉到隻蚊都可以當部手機係顯微境咁用。U型貼幾薄身,貼喺鏡頭上面就用得,唔用時可以貼機背或者咭片上放入銀包備用。8月出貨嗰批已經訂晒,而家想訂開價$20美金,預計9月到貨。

Read more ›
激情Cos爭隻獨角獸 《The Witcher 3》男女主角情慾場景
by / on 23/05/2016 at 10:11 pm

激情Cos爭隻獨角獸 《The Witcher 3》男女主角情慾場景

如果情侶Cos,有好多角色真係可以入型入格。呢輯圖男主角叫Andrew,女主角Yennefer就叫Christina,出自俄羅斯攝影師Victoria Milligan之手。如果同名嘴Conan一樣有玩過隻遊戲,一定記得呢啲場面,不過就爭隻獨角獸……

Read more ›

本週人氣

8995 views

【有片】可愛到癲!「你點解嚟日本?」節目 日本網民狂讚16歲波蘭妹妹

7573 views

日本「裝銀仔」神器 網民推介Twitter熱傳

7392 views

Nintendo Switch Online遊戲列表 20隻經典周三有得玩

6067 views

機迷出圖 如果出Marvel’s Iron Man遊戲

5963 views

有片:男Coser扮不知火舞 超巨胸+巨蘿靠倒模