最新資訊

【有片】學生0%缺席率 白俄羅斯數學教師太吸引
by / on 12/10/2016 at 1:47 pm

【有片】學生0%缺席率 白俄羅斯數學教師太吸引

老實答我,如果你老師係佢咁嘅樣,你會唔會走堂?呢位居於白俄羅斯首都Minsk嘅女教師Oksana Neveselaya,教數學嘅,我唔知佢係咪教得特別好,不過據講佢嗰班學生嘅缺席率係0%,咪住先,係咪男校嚟?有學生拍咗佢上堂時嘅影片,窄身裙明顯對計數有幫助,仲有佢個instagram,真係上底加下底乘以高除以二呀!

Read more ›

【有片】日本神人 用糖扭出《Evangelion》初號機 + 朗基努斯槍
by / on 12/10/2016 at 12:04 pm

【有片】日本神人 用糖扭出《Evangelion》初號機 + 朗基努斯槍

日本網上臥虎藏龍,而且好多手工藝者都鍾意加入動漫元素入作品中。呢位高手就用糖扭出一隻初號機,而且仲要係拎住支「朗基努斯槍」標槍咁款。條片「飴細工:新世紀エヴァンゲリヲン 初号機、襲来 作ってみました。」10分鐘,加埋配樂好勁咁款。

Read more ›
【漂靈定嫖靈?】日本熊本風俗店 Bleach標誌變Burning
by / on 12/10/2016 at 11:28 am

【漂靈定嫖靈?】日本熊本風俗店 Bleach標誌變Burning

離遠見到呢個招牌,會唔會以為連載完結咗嘅《Bleach》開主題餐廳?睇真啲,原來係「火の国 Bruning」喎。有日本網民就出咗圖話喺熊本白川附近見到呢間嘢,上去佢官網睇,佢話自己係「Burning is High Grade Men’s SPA」,仲有好多囡囡嘅相添。唔知Cos「黑崎一護」入去會唔會有折?

Read more ›
繼續奉旨爆粗 Studio Sorry加推「扑嘢」新字扭蛋
by / on 12/10/2016 at 9:45 am

繼續奉旨爆粗 Studio Sorry加推「扑嘢」新字扭蛋

Studio Sorry抽水都算快,食住游蕙禎「扑嘢論」全城熱議個勢,即刻推出「扑嘢」新字扭蛋,仲打算喺嚟緊10月28日理工大學舉辦嘅「嗱喳王大專盃挑戰賽」推出。咁當然,比賽先係主菜喇,大家圍埋一齊放肆爆粗先最最最最最過癮嘛!老規矩,如果自問粗口過人,請即留言報名;唔爆粗但又想感受吓氣氛,留位觀戰亦得。

Read more ›
柏木由紀cosplay《烏龍派出所》麗子     日本網民彈多過讚
by / on 12/10/2016 at 7:14 am

柏木由紀cosplay《烏龍派出所》麗子 日本網民彈多過讚

  《烏龍派出所》(こちら葛飾区亀有公園前派出所)都有好耐歷史,今年終於連載完結啦。最近「柏木由紀」就cosplay入面嘅金髮女角色「麗子」,仲俾網民放咗上2ch討論,不過網民似乎唔太欣賞佢呢個造型,離不開都係話佢個鼻似大蒜。其實睇埋其他相就會發現好好多,都係cap圖問題。之後網民仲回帶睇佢嘅身材進化圖,話佢係「壓倒性嘅成長」,入嚟有回帶。之後仲有「渡邊麻友」cos《光之美少女》……

Read more ›
日本發現奇怪茄子 加對眼似足Pokemon精靈
by / on 12/10/2016 at 7:13 am

日本發現奇怪茄子 加對眼似足Pokemon精靈

呢位日本網民應該好鍾意Pokemon,佢話早幾日收割咗一個茄子,個茄子形狀好古怪,於是幫佢貼咗對眼,而家睇落好似新型嘅Pokemon精靈。有網民留這話:「根本係鰻魚」、「幫佢改名做『茄子鰻魚』」、「呢個應該係進化前嘅形態」。BTW,其實個樣都幾恐怖。

Read more ›

日本網民揭發防貓釘失效 喵星人懶理照瞓照行
by / on 12/10/2016 at 7:13 am

日本網民揭發防貓釘失效 喵星人懶理照瞓照行

日本有唔少買呢類防貓釘擺喺屋企後園或者高牆頂,目的係阻止街貓爬入屋。不過有網民發現人類已經無辦法阻止喵星人嘅入侵,因為佢哋居然大模斯樣瞓喺啲釘上面!可能仲覺得拮吓拮吓好舒服……網民留言話:「呢種刺激啱啱好呀」、「穴位受到刺激好爽」、「睇真啲其實隻貓有避開啲刺嘅」、「可能係專登為貓咪留空嘅,好體貼!」之後陸續有其他網民放相,原來好多喵星人鍾意喺釘上面行,睇嚟佢哋嘅身體已經進化咗。

Read more ›
【新片速報】一嚿雲藍牙聽歌裝置 懸浮識閃電
by / on 12/10/2016 at 7:12 am

【新片速報】一嚿雲藍牙聽歌裝置 懸浮識閃電

呢兩日天陰有雨,如果匿喺室內聽住歌,旁邊仲有嚿雲,聽落都幾型。設計師Richard Clarkson之前都整過嚿閃電雲嘅家用燈,而家再進化,將嚿雲變成藍牙speaker「Making Weather」,開住佢聽歌嚿雲仲會因應音樂閃電光,最正係用咗磁力令嚿雲有懸浮效果。暫時仲未量產,不過應該好快嘞。用嘅物料係聚酯纖維(polyester fibers),放喺屋企做擺設都型。

Read more ›
有片:現實版《龜兔賽跑》 烏龜照贏兔仔照輸
by / on 11/10/2016 at 10:30 pm

有片:現實版《龜兔賽跑》 烏龜照贏兔仔照輸

細細個已經聽過《龜兔賽跑》,呢個故事教訓我哋切勿驕傲,唔好以為一定贏梗,看輕對手就分分鐘反勝為敗。估唔到故事成真,現實版《龜兔賽跑》賽果一樣,烏龜一樣逐步逐向住終點慢慢行,兔仔雖然無訓覺,但跳兩步停,行兩步又停,結果都係輸……

Read more ›
《GANTZ:O》「山咲杏」聲優M・A・O著緊身衣 「武田あやな」泳衣寫真
by / on 11/10/2016 at 10:01 pm

《GANTZ:O》「山咲杏」聲優M・A・O著緊身衣 「武田あやな」泳衣寫真

正喎!喺3DCG動畫電影《GANTZ:O》入面聲演「山咲杏」嘅M・A・O著緊身衣呀!另外「武田あやな」仲好似漫畫卷頭啲囡囡咁有戰鬥服水著……「奥浩哉」原作漫畫改編嘅3DCG動畫電影《GANTZ:O》10月14日喺日本上映,嚟緊10月13日發售嘅《週刊ヤングジャンプ》46號就有呢兩個主題,今期要買。

Read more ›
有片:2131本書骨牌陣 成功破世界紀錄
by / on 11/10/2016 at 9:45 pm

有片:2131本書骨牌陣 成功破世界紀錄

又一世界紀錄誕生!地點西雅圖公共圖書館(Seattle Public Library),項目係最多骨牌成功連線紀錄(Domino Chain),Total用咗2131本書,目測啲書都幾厚身同大本吓,組成嘅長蛇陣經過地面、上過書架,仲過埋橋添,都OK刁鑽架。成功一刻,我都忍唔住好低能地對住個Mon輕輕Yeah咗一聲,好治癒呀。

Read more ›

【有片】途人以為佢係Gundam 日本「龍神丸」Coser流出時代眼淚
by / on 11/10/2016 at 9:37 pm

【有片】途人以為佢係Gundam 日本「龍神丸」Coser流出時代眼淚

其實照計後生啲嘅,都唔會唔識《魔神英雄傳》吖,至少大家都知道機會嚟嗰陣要叫「飛雲」。呢位早半年已經出過嚟嘅日本「龍神丸」Coser,最近又出活動喇,原來佢著咗套甲都仲識行,不過佢話行緊嘅時候,啲人唔係叫「頑張れ龍神丸!」而係叫「頑張れガンダム!」

Read more ›
【有片】你的名字《君の名は。》 中文版主題曲「五月天」〈好好〉有MV
by / on 11/10/2016 at 9:20 pm

【有片】你的名字《君の名は。》 中文版主題曲「五月天」〈好好〉有MV

其實如果係其他人嘅歌,嚇一嚇o架喇,但係「五月天」呢個級數,正啦。日本動畫《君の名は。》今個月喺台灣(香港11月11日)上映,叫《你的名字》,咁台灣仲會用「五月天」嘅〈好好(想把你寫成一首歌)〉嚟做中文宣傳主題曲,有片睇有歌聽喇!不過講番轉頭,RADWIMPS嗰幾首歌真係好好聽,KKBOX都有喇。

Read more ›
日本網民Bad Feeling 黃曉明演中國版《城市獵人》
by / on 11/10/2016 at 8:57 pm

日本網民Bad Feeling 黃曉明演中國版《城市獵人》

繼1993年成龍之後,又有中國人搞「冴羽獠(孟波)」,啱啱又有中國公司買咗「北条司」原作嘅漫畫《城市獵人》版權拍真人版,男主角同出品人都係黃曉明,而「製作總指揮」就係唐季禮。日本網民對於呢個消息表示「嫌な予感」,講真,黃曉明點都似過成龍嘅,但如果同韓國嘅李敏鎬比呢?2018年12月上映,算啦唉,都唔睇o架啦。

Read more ›
對應PSVR 《閃乱カグラ PEACH BEACH SPLASH》玩水新圖
by / on 11/10/2016 at 5:36 pm

對應PSVR 《閃乱カグラ PEACH BEACH SPLASH》玩水新圖

呢隻2017年3月16日推出嘅《閃乱カグラ PEACH BEACH SPLASH》,係「閃亂神樂」系列新作,有玩開都知有幾爆乳同幾有動感同條底線放喺邊,講真對應PS VR真係令人好期待喎。今次公開大量新圖,當中仲有「半蔵学院」角色「飛鳥」、「斑鳩」、「葛城」等人嘅水著造型。最多支援10人對戰,「超限定にゅうにゅう5周年パック」賣24,800円,「にゅうにゅうDXパック」9,980円,普通版6,980円,睇你幾有愛。

Read more ›

本週人氣

9721 views

【有片】可愛到癲!「你點解嚟日本?」節目 日本網民狂讚16歲波蘭妹妹

7927 views

日本「裝銀仔」神器 網民推介Twitter熱傳

7533 views

Nintendo Switch Online遊戲列表 20隻經典周三有得玩

6614 views

我就是高達!舞台劇《機動戰士Gundam 00》角色登場

6274 views

機迷出圖 如果出Marvel’s Iron Man遊戲