最新資訊

動漫授權市場開動 雪晴水晶畫板有售
by / on 06/01/2017 at 10:30 am

動漫授權市場開動 雪晴水晶畫板有售

動漫基地《想入非非──老夫子漫畫作品展》完結,緊接有《動漫授權市場》,唔係展覽有乜好行?行攤位囉。屆時有二十個本地動漫同玩偶創作單位駐場,有茶敍,有Open-mic介紹會。創作單位包括jin x cafedebollo x La La Woodland、阿塗、Alice Hobbey Illustration、羅浩光、Devil Toys、多利繪、格子、香港插畫師協會、Intoxic Studio、江記、杜翰煬、Morning Gary、海洋創作有限公司、豬朋狗友、七十二行、彩虹守護者、森巴Family、快樂文族、The Art of Bonnie Pang同野士創工。當中的快樂文族有售雪晴水晶畫板、特價快樂生活手帳本同車仔鎖匙扣,而雪晴亦會喺1月11日6:00pm-6:30pm親臨動漫基地面見Fans,大家識做喇。

Read more ›

孖寶裝《新著龍虎門》1月19日見街 送利是封每本$60
by / on 06/01/2017 at 9:45 am

孖寶裝《新著龍虎門》1月19日見街 送利是封每本$60

每年見到玉皇朝賣利是封廣告,即係代表農曆新年就快到嘞,今年孖寶裝《新著龍虎門》鐵定1月19日出版,特別版分「龍虎三皇戰無不勝」同「神威虎猛天下無雙」兩個專刊版本,各附送一套八個利是封,各售$60。兩套利是封有乜唔同?無唔同,都係龍虎三皇、王風雷、戒仔、石鐵、王小鷹加韋陀做主角,淨係底色一紅一黃有分別咁解啫。抵唔抵買?梗抵!計死數,孖寶裝即係一書兩期內容,《新著龍虎門》依家賣緊$19,兩期內容即係本身已經值$38,$60減$38即係$22,$22除8,即係每個利是封唔使$3,咁你話抵唔抵嘞?

Read more ›
【有片】運氣嘅嘢 日本網民玩夾獎品機奇蹟中獎
by / on 06/01/2017 at 9:04 am

【有片】運氣嘅嘢 日本網民玩夾獎品機奇蹟中獎

日本嘅UFO機,好多時都有特別設計,好虐人,但往往喺呢個時候都會發生奇蹟。呢位玩家最後就嗌得好興奮,你睇後面嘅夜神月都唔太相信呢個事實。

Read more ›
山雞變鳳凰 白水出2017利是封每個$2.5
by / on 06/01/2017 at 9:00 am

山雞變鳳凰 白水出2017利是封每個$2.5

時間過得好快,仲有唔夠一個月就農曆新年,又係時候買利是封,吓?未有資格派?咁儲有資格嘞啩?溫水2017雞年山雞變鳳凰利是封正式開賣,白水份人都坦白得好可愛,喺面書留言曰:「純粹係自己用唔晒,同想搵人分擔印刷費!」山雞變鳳凰,好意頭吖!Fine,有興趣嘅就私底下PM佢喇,一買最少60個起,限量300個,每個$2.5,抵撐。

Read more ›
【有片】Wallpaper engine繼續放毒 《Evangelion》動態Wallpaper
by / on 06/01/2017 at 8:52 am

【有片】Wallpaper engine繼續放毒 《Evangelion》動態Wallpaper

噚日見到初音個動態Wallpaper,真係毒性好強,搞到我都想買呢個Wallpaper engine。本來諗緊,但o依家我諗唔駛諗喇,因為睇咗呢段係《Evangelion新劇場版》嘅動態Wallpaper……

Read more ›
日本「多士喵」扭蛋 超無奈表情還原度高
by / on 06/01/2017 at 8:12 am

日本「多士喵」扭蛋 超無奈表情還原度高

之前網上都興過一排,將塊多士挑空再套上喵星人個頭度,估唔到BANDAI居然用呢個概念推出扭蛋喎!我最欣賞佢還原返喵星人勁無奈嘅表情。總共有6個款式,每隻唔同嘅喵,頭上嘅多士都唔同味道,有原味、朱古力、抹茶、波蘿等等,今個月頭有得扭嘞!

Read more ›

日本超可愛「軍佬BB」  超濃密頭髮Twitter爆笑登場
by / on 06/01/2017 at 7:21 am

日本超可愛「軍佬BB」 超濃密頭髮Twitter爆笑登場

好多BB都超多頭髮,不過好似呢個日本BB仔,生到好似軍佬咁,真係太可愛嘞!呢幾張相喺Twitter熱傳,住喺大阪嘅呢個B只得3個月大,出世嘅時候頭髮已經好濃密。睇返佢媽媽都好靚女,仲好多頭髮,唔怪得之啦。

Read more ›
【好補】日本超巨型生蠔Twitter熱傳 大過手掌超美味
by / on 06/01/2017 at 7:17 am

【好補】日本超巨型生蠔Twitter熱傳 大過手掌超美味

日本宮城縣南三陸町原來盛產大蠔!最近有日本網民放咗佢哋稱為「牡蠣」,我哋叫「蠔」嘅新鮮捕獲生蠔相上Twitter,大過隻手掌嘅生蠔真係嚇一跳,唔知一啖食唔食得晒呢?漁夫話今日海水夠凍,所以隻蠔會特別美味!睇見有無流口水?

Read more ›
日本10代女子「最想擁有嘅女藝人樣貌」 橋本環奈落選/石原聰美第一
by / on 06/01/2017 at 7:03 am

日本10代女子「最想擁有嘅女藝人樣貌」 橋本環奈落選/石原聰美第一

而家日本10幾歲嘅女仔,最想擁有邊個女藝人嘅靚樣?好多人以為橋本環奈一定有份,估唔到佢排20名以外落選。而第一位係石原聰美,大家好鍾意嘅結衣BB新垣結衣就排第二位,第三位係北村景子,之後係有村架純、桐谷美玲。至於佐佐木希就排第9位嘞。有日本網民將結果放上2ch討論區,有人話:「點解新垣結衣唔係第一位?」、「想成為桐谷咁厚妝嘅醜女?」、「堀北真希太強!」。BTW,可能10幾歲嘅女仔都希望自己成熟啲,所以同年齡嘅橋本環奈唔入選?

Read more ›
睇見都舒服 日本出「白雪公主」「愛麗斯」童話家居服
by / on 05/01/2017 at 10:26 pm

睇見都舒服 日本出「白雪公主」「愛麗斯」童話家居服

之前出過校服,今次就係係童話系列。呢系列家居服除一件過之外,質地仲係睇見都好似摸到繼而好舒服嗰隻。有「小紅帽」、「白雪公主」、「魔女」、「愛麗斯」四款,各9,169円,「愛麗斯」仲平啲,8,089円,1月尾至3月頭派貨,到時可能唔凍,但夏天你喺屋企都會開冷氣嘛,照樣可以做公主,仲可以搵人扮小矮人,係咪好玩先……

Read more ›
好多「原來」!10年前2007年日本產物大集合
by / on 05/01/2017 at 10:14 pm

好多「原來」!10年前2007年日本產物大集合

踏入2017年好多回顧,之前睇過動畫同遊戲,今次輪到睇圖,有動畫、電影、產品、大事等等,當中原來《Evangelion新劇場版 序》已經係10年前,原來o依家紅到變誠哥嘅新海誠套《秒速5厘米》又係10年前,仲有結衣BB同三浦春馬套《戀空》、香取慎吾演嘅《西遊記》電影版、木村拓哉演嘅《HERO》電影都係2007年上映。仲有,無限啪啪紙呀!時間過得好快呀呀呀呀!EVA新劇場版幾時先俾個結局我呀?

Read more ›

【有片】可以咁玩!日本畫師玩可擦原子筆 吹熱風即除衫
by / on 05/01/2017 at 9:50 pm

【有片】可以咁玩!日本畫師玩可擦原子筆 吹熱風即除衫

擦得甩嘅原子筆我有用過,但我真係唔知原來可以咁玩。呢位日本畫師就畫咗一幅作品,而畫作嘅女主角條裙就係用可擦原子筆嚟畫,之後用熱風代替磨擦而產生嘅熱力,啲筆跡一樣會消失,就變成咁喇!再嚟佢仲示範多一個作品,有頭髮邊個想俾你吹甩晒佢?

Read more ›
有片:更多動物變身 貓Drone一飛衝天
by / on 05/01/2017 at 9:30 pm

有片:更多動物變身 貓Drone一飛衝天

記唔記得四年前將貓變成標本再變成Drone嗰單嘢?片中主人叫Bart,佢隻寵物貓死咗,就將隻貓製成標本,然後搵工程師Arjen幫手,撐開手手腳腳兼開膛破肚,將貓標本嵌成一架Drone。前排又再有影片,唔只貓,連鴕鳥,老鼠、獾、鵝、鯊魚都可以變成Drone,遨遊天際,好不威風。個人認為以鴕鳥最有型,體形龐大條頸又夠長,嘴藐藐加上睩大眼睛,真正喺天空飛嘅活生生雀仔見到佢,分分鐘嚇到走夾唔抖。

Read more ›
蒼井空可愛扮雞 祝大家2017新年快樂
by / on 05/01/2017 at 8:15 pm

蒼井空可愛扮雞 祝大家2017新年快樂

啱睇,好睇,因為出年肖雞,所以蒼井空專登打扮到隻雞咁款,喺面書登相兼留言曰:「Happy New Year!! May 2017 be a happy and great year for you!!」可愛到暈,我Like。

Read more ›
日本《週刊Playboy》 今期有「馬場ふみか」卷頭
by / on 05/01/2017 at 7:01 pm

日本《週刊Playboy》 今期有「馬場ふみか」卷頭

21歲嘅《non‧no》專屬Model「馬場ふみか」,上個月出完第一本個人寫真,啱啱又做咗封面加卷頭,講緊係《週刊プレイボーイ》3&4新年合拼號,題目係「女神様の休日」,唔,都係嗰句,睇過《仮面ライダードライブ》應該認得佢?

Read more ›

本週人氣

7548 views

《銀魂》完結篇最後畫面 原來……

7056 views

Nintendo Switch Online遊戲列表 20隻經典周三有得玩

6352 views

日本長壽動畫聲優高齡化 列表中大量60歲以上

5921 views

新片速報 陳年街機合作幾打 《Capcom Belt Action Collection》網上連線

4756 views

理想與現實 日本宅男形象圖Twitter熱傳