最新資訊

日本全國最靚仔高中生選舉       網民:「頭髮濃密似養得好好嘅狗。」
by / on 21/12/2016 at 7:23 am

日本全國最靚仔高中生選舉 網民:「頭髮濃密似養得好好嘅狗。」

日本經常有學生選美,最近有呢個全國性嘅高中男生選美大會「男子高生ミスターコン」,有網民放咗冠軍,來自福井縣嘅高校2年生「本田響矢」(17歲)嘅相片出嚟,喺2ch成為大家食花生討論嘅焦點。有人留言話:「好醜樣」、「而家啲高中生咁成熟嘅」、「幾好吖」、「有無180cm高先」。之後有人放埋第二名「那須泰斗」嘅相,有人讚好有人彈,不過最正都係其中一個留言:「頭髮好濃密,好似養得好好嘅狗一樣。」隔住芒都感覺到滿滿嘅惡意呀!

Read more ›

【這些機會】外國美女去日本探男朋友    日本網民:「好唔甘心!」
by / on 21/12/2016 at 7:17 am

【這些機會】外國美女去日本探男朋友 日本網民:「好唔甘心!」

都話學識外語,貫通全球。最近有日本網民cap咗電視節目《youは何しに日本へ》嘅圖放上2ch,呢個節目專門訪問嚟日本嘅外國男女,今集有個美國靚女,話專程嚟日本搵佢嘅日本男朋友。由於佢男朋友唔算靚仔,戴眼鏡個樣仲老老實實,日本網民睇完就好葡萄嘞。有人留言話:「好唔甘心」、「係咪真架?我都要去美國」、「超級羨慕」、「真係嬲嬲哋」,有過來人就留言話:「要識個外國女朋友,首先要學好外語。」其實學外語嘅學校,應該用呢啲嚟做宣傳,報名數量相信會激增。

Read more ›
有片:麥樂雞一百呎高墮地!用口接!
by / on 20/12/2016 at 5:00 pm

有片:麥樂雞一百呎高墮地!用口接!

都係嗰句,請不要玩食物,今次又乜玩食物呢?玩麥樂雞!控制無人機升到一百呎高,之後掟塊M記麥樂雞落地,而戙企喺地面嘅人呢,就要岳高頭用口接。雖則麥樂雞硬極有個譜,但話晒有一百呎高,衝力應該有番咁上下,食唔中的話,撞落口唇或者塊面應該好痛;食得中的話,又驚會直落喉嚨哽親,有一定危險,千其咪亂試。

Read more ›
漫畫跳出三次元 Twitter熱傳漫畫家新作
by / on 20/12/2016 at 3:50 pm

漫畫跳出三次元 Twitter熱傳漫畫家新作

漫畫人物跳離平面空間,呢類題材嘅作品一向好睇。《ルパン三世T》嘅作者togekinoko就喺Twitter放咗幾幅新作, 次元大介、石川五ェ門全部角色跳出漫畫空間,原來可以咁樣逃走……

Read more ›
有片:噁心慎入!紅都臉埋!鮮魚點辣椒汁互摑!
by / on 20/12/2016 at 3:45 pm

有片:噁心慎入!紅都臉埋!鮮魚點辣椒汁互摑!

又係玩到無嘢好玩嘅癡線Challenge,嗰種核突法,真係齋睇畫面都毛管戙。話說兩條友仔唔知發乜癲,開盤辣椒汁,然後用鮮魚點汁,點完汁再用魚身互摑對方,正手摑,反手摑,總之就出盡力大大棍摑落去,撻一聲,即時紅都臉埋。痛呢,我就估痛極有限,但摑到條魚溶溶爛爛,嗰種滑潺潺嘅觸感,真係好噁心。

Read more ›
池袋Parco食《你的名字。》菜式  宮水家早餐、薄餅加牙籤
by / on 20/12/2016 at 11:47 am

池袋Parco食《你的名字。》菜式 宮水家早餐、薄餅加牙籤

聖誕節加農曆新年假中間,呢段日子應該好多人去旅行?如果1月7日後去東京,你又睇咗《君の名は。》覺得好好睇,咁就一定要去池袋PARCO嘅Colabo Cafe,又或月尾27日去名古屋Parco都得。因為呢段時間都有得食動畫入面嘅食物,而且絕對唔係敷衍,好似將系守湖變成食物啦,又可以食到男主角朋友喺操場分俾佢嘅午餐,仲有高山拉麵,亦都有宮水家同立花家嘅早餐,就連男主角打工嗰間餐廳嘅薄餅都有,如果睇咗套動畫,更加明白點解入面會插咗支牙籤……另外,喺仙台、大阪、広島、福岡嘅Parco都會有產品賣,仲有最後,記得去條樓梯影相呀!

Read more ›

日本「渋谷駅」吸煙區消失 路邊超大量煙頭
by / on 20/12/2016 at 11:41 am

日本「渋谷駅」吸煙區消失 路邊超大量煙頭

日本出名地方乾淨,大家都好有公德心,所以就算好少垃圾筒都唔會通街垃圾,食煙嘅亦都會搵番「喫煙所」企埋一邊食,唔會邊行邊食影響到人啦。有去過東京又食煙嘅煙民,都應該記得「渋谷駅」、「ハチ公横の囲」嘅呢個「喫煙所」,仲應該去食過一兩支煙,但呢個「喫煙所」冇咗之後,有網民就影到變成咁……

Read more ›
【R.I.P.】飛雲說再見 《魔神英雄傳》動畫總監督井内秀治離世
by / on 20/12/2016 at 9:20 am

【R.I.P.】飛雲說再見 《魔神英雄傳》動畫總監督井内秀治離世

可能你唔記得井内秀治呢個名,但應該實睇過佢參與製作嘅作品。《魔神英雄伝ワタル》、《魔動王グランゾート》、《媽媽是小學四年生。》嘅動畫總監督,早於1973年已經參與《鐵甲萬能俠マジンガーZ》製作,亦為《ケロロ軍曹》、《星光少女》、《GUNDAM Build Fighters》負責過Storyboard。井内秀治監督,喺12月15日已經離世,終年66歲。願安息。

Read more ›
日清合味道杯麵好創新        出完「糖果」出「潤唇膏」嚇親網民
by / on 20/12/2016 at 7:53 am

日清合味道杯麵好創新 出完「糖果」出「潤唇膏」嚇親網民

合味道杯麵出嘅糖,你敢唔敢試?有海鮮味、咖喱味、辣蕃茄味‥‥‥又咸又甜感覺怪怪哋。張相由官方喺Twitter放出嚟,網民即時狂share,有人話可以加粒落杯麵度加料。睇返佢哋twitter,之前仲post過杯麵潤脣膏,睇見都打冷震呀!不過其實日清杯麵成日都會post啲特別產品喺Twitter,不過多數都唔會推出嘅,都係玩吓啫。

Read more ›
日本網民抨擊《你的名字。》導演新海誠「好嘔心!」
by / on 20/12/2016 at 7:52 am

日本網民抨擊《你的名字。》導演新海誠「好嘔心!」

《你的名字。》導演新海誠近日居然俾日本網民話佢嘔心。事緣有網民cap咗新海誠接受訪問嘅片段,話題講到電影出現過嘅「口嚼酒」,新海誠提及:「舐鍾意嘅女仔(用過)嘅縱笛」,仲話:「對十幾歲嘅男生嚟講,唾液係一種戀物要素」,網民睇完紛紛留言話佢:「好嘔心」、「感覺係個會犯罪嘅大叔」。其實佢都係根據返套戲嘅「口嚼酒」借題發揮啫,大家又唔駛太過緊張嘅。

Read more ›
【新片速報】日本超市賣蟹員 即場表演凌空魔術
by / on 20/12/2016 at 7:35 am

【新片速報】日本超市賣蟹員 即場表演凌空魔術

呢個凌空魔術之前好多人表演過,不過今次嘅表演場地係日本一間超級市場,表現者係其中一位賣蟹嘅店員,件事即刻唔同晒!呢段影片最近喺Twitter熱傳,片中嘅店員先凌空飛起一隻蟹,之後進化到兩隻蟹一齊飛,最後其中一隻蟹跟住佢去到煲熱水度,然後啪一聲,隻蟹跌咗落煲熱水度,旁邊嘅女士們拍晒手尖叫。BTW,唔知係個員工自發性想表演,定公司要佢學魔術嘅呢?

Read more ›

【相集】兩腳喵星人生命鬥士     蹦蹦跳/落樓梯無難度
by / on 20/12/2016 at 7:02 am

【相集】兩腳喵星人生命鬥士 蹦蹦跳/落樓梯無難度

其實香港都有啲殘障動物,佢哋求生意志當然勁,收養佢哋嘅主人都一樣值得尊敬,人同小動物都叻。呢隻今年3歲嘅喵星人Able失去咗兩隻前腿,但無影響佢嘅正常生活,兩年前好好彩得到主人Walai Sriboonvorakul收養,唔駛喺泰國清邁街頭做流浪貓,雖然無咗兩隻前腿,但佢照樣可以上落樓梯、同其他喵玩追、蹦蹦跳,睇得出佢生活得好快樂,仲有個好朋友Fin Fin成日攬住佢瞓,入嚟有多啲佢嘅相同片,加油呀喵星人!

Read more ›
新片速報 感覺奇妙!《Star Wars》黑武士踩死星玩風笛噴晒火
by / on 19/12/2016 at 10:09 pm

新片速報 感覺奇妙!《Star Wars》黑武士踩死星玩風笛噴晒火

呢個The Unipiper真係好好笑,有技術識玩風笛,仲要識得噴火喎!而且又識踩住個死星大波唔跌,仲有另一條片喺冰天雪地踩住單輪車繼續以黑武士造型玩風笛……但全部嘢加埋一齊,又有意想不到嘅喜感。

Read more ›
《Fami通》VR試玩《絕體絕命都市4Plus》體驗版 臨場感超強
by / on 19/12/2016 at 10:00 pm

《Fami通》VR試玩《絕體絕命都市4Plus》體驗版 臨場感超強

好耐冇消息嘅《絶体絶命都市4Plus》,啱啱有新Gameplay睇到,而且仲係用VR玩!日本《Fami通》早前直播咗,冇睇嘅可以入嚟有gif睇番。不過老老實實,係幾得意同好有臨場感,但玩起嚟,我都係想玩第三身多啲。仲有,好期待另一隻有超人有EVA嘅《巨影都市》呀!

Read more ›
冬季限定 日本「薑樂」1月23日發售
by / on 19/12/2016 at 9:51 pm

冬季限定 日本「薑樂」1月23日發售

日本又有特別味道嘅可口可樂賣喇,今次係幫你取吓暖,可樂加薑。呢款「コカ・コーラ ジンジャー」1月23日就會開始發售,140円一支,嗰排去開日本,要試吓啦。

Read more ›

人氣話題

1) 【2018出GAME表】 7月至8月 [PS4 / XBox One / Switch / PC / 3DS / PS Vita] - 12622 Views
2) 個樽靚喎!Evangelion x 沙嗲王後日始動 - 10805 Views
3) 【多圖】「店員」Twitter出圖 秋葉原「野郎ラーメン」變《閃乱カグラ》主題店 - 10496 Views
4) 冇電話冇相機點算好?圍影Coser奇妙龍 - 10331 Views
5) 【有片】C94 Coser 又嚟《工作細胞》白血球 - 9363 Views