最新資訊

貓都有份著?日本童貞必殺服無奈喵
by / on 07/02/2017 at 8:42 pm

貓都有份著?日本童貞必殺服無奈喵

之前見過二次元,又有三次元,仲有成龍,仲有手指都可以著……今次輪到佢喇,係一隻喵星人,著咗呢件「童貞を殺すセーター」,最大件事係佢係男嚟嘅,不過唔知絕咗育未……

Read more ›

【有片】空中飛狗!日本狗仔航拍機「雪丸」腳識郁
by / on 07/02/2017 at 8:33 pm

【有片】空中飛狗!日本狗仔航拍機「雪丸」腳識郁

之前有人用自己隻已故貓貓做標本再變成四軸航拍機,有啲恐怖。呢隻就可愛得多啦!係日本奈良縣王寺町官方製作嘅,隻「雪丸」一路飛,四隻腳仔仲識一路郁,好似喺空中散步咁!講多少少,「雪丸」係日本歷史人物聖德太子嘅愛犬,而呢個地方就係聖德太子之町,好靚呀!

Read more ›
嬌人+喵婆+黑鮑婦+味覺隊長 甘小文《柒頭者聯盟》
by / on 07/02/2017 at 7:45 pm

嬌人+喵婆+黑鮑婦+味覺隊長 甘小文《柒頭者聯盟》

正呀喂!甘員外就快有新作推出喇,作品名為《柒頭者聯盟》,明惡搞《復仇者聯盟》。甘員外喺面書介紹故事中心思想──所謂柒到盡頭便是型,型到盡頭變番柒──喂,聽落好Cult喎。角色方面,則有甚麼嬌人、陳皮女俠、添福俠、頹神、絲芒俠、黑鮑婦、充電俠、喵婆、奇異副學士、膀胱狼、味覺隊長同鐵曱奇俠等等,家陣連造型設定都有埋,一貫笑死人不賠命風格。小文,撐你,畀心機度多啲笑位呀。

Read more ›
網圖分享:港漫人出悼圖 拜拜魯芬BB
by / on 07/02/2017 at 7:07 pm

網圖分享:港漫人出悼圖 拜拜魯芬BB

剛剛過新一年,真係唔想再聽到任何不幸消息,被封高登女神嘅魯芬BB,因皮肌炎引發肺衰竭離世,終年63歲。《女子監獄》山東婆、《九品芝麻官》烈火奶奶等膾炙人口角色、能得利廣告女主角、伙拍張智霖同一眾高登女神拍《你是如此難以忘記》MV等等,依家不斷喺我腦海盤旋。港漫人同讀者出悼圖懷緬呢個歡樂笑蛋,魯芬,多謝你帶畀我哋咁多歡笑聲,一路好走呀。

Read more ›
街機VR玩三國無雙!有風有味有觸感!
by / on 07/02/2017 at 4:39 pm

街機VR玩三國無雙!有風有味有觸感!

勁喎,PS VR如果出街喺呢部VR Sense入面玩,真實感一定更勁!呢部機由Koei Tecmo開發,咁梗係唔少得無雙,官方話夏季推出時會有3隻遊戲,就包括有G1 JOCKEY、真・三國無双同一隻恐怖遊戲,坐喺入面,可以有五種官能感覺,包括有風吹、味道同觸感,不過觸感就唔係有咩摸,而係可以模擬到有唔同蟲喺你身上爬,真係聽見都驚!

Read more ›
【有片】婚禮都要打Call?日本《THE IDOLM@STER》fans結婚實況
by / on 07/02/2017 at 12:17 pm

【有片】婚禮都要打Call?日本《THE [email protected]》fans結婚實況

之前見過《Final Fnatasy》主題婚禮啦,如果Cosplayer們結婚,都要玩得勁啲嘅。今次呢個就玩偶像大師喇,好簡單,不過出片嗰位日本網民都話,睇開頭好難想像到呢個係婚禮,似fans活動多啲!

Read more ›

【有片】新垣結衣「十六茶」新廣告 幕後製作好可愛
by / on 07/02/2017 at 11:08 am

【有片】新垣結衣「十六茶」新廣告 幕後製作好可愛

結衣BB幫十六茶賣廣告都賣咗好耐喇,入嚟有得回帶,睇番由2009年開始拍嘅十六茶廣告,我最鍾意都係佢跳舞嗰啲,尤其同唔同地方吉祥物拍嗰個。不過今次主題係啱啱又有新一輯「草原でブレンド」篇,仲有埋幕後製作,都係嗰句,其實咩情況吓,結衣BB都係好可愛嘅。

Read more ›
【新片速報】日本喵星人玩紙箱 超純熟坐完閂蓋
by / on 07/02/2017 at 11:04 am

【新片速報】日本喵星人玩紙箱 超純熟坐完閂蓋

喵星人最鐘意玩紙箱,日本呢隻好紅嘅喵星人最近又有新玩具,主人唔知訂咗啲乜嘢返嚟,之後剩咗個箱益佢。睇佢一開始聞吓聞吓好好奇,之後好純熟咁打開個箱,然後坐入去,閂埋紙箱,位置啱啱好,全程無NG。最後個箱好似原封不動咁,不過就重咗好多嘞。

Read more ›
【圖集】日本「藏王狐狸村」新片新相 大量超可愛瞇眼狐狸
by / on 07/02/2017 at 11:00 am

【圖集】日本「藏王狐狸村」新片新相 大量超可愛瞇眼狐狸

日本嘅狐狸村好多人都介紹過,不過今次有新相新片,仲猶豫緊去唔去嘅,可以睇完再決定。今次住喺墨西哥嘅外國人Natasha Puente喺1月份出發,先去東京坐新幹線,到達宮城縣嘅白石市再轉的士到達「藏王狐狸村」,不過佢好曳,無跟足管理員嘅指示,例如唔好烏低身因為佢哋會跳上背咬你,仲有唔好摸佢哋。最後佢影咗好多靚相,啲狐狸瞇埋眼望住你笑個樣真係可愛到暈,睇完應該著手計劃吓去探佢哋嘞,不過都係跟足管理員指示好啲。

Read more ›
【有片】北海道《FF VII》大雪像 夜晚玩投影變動畫
by / on 07/02/2017 at 10:42 am

【有片】北海道《FF VII》大雪像 夜晚玩投影變動畫

北海道「第68回札幌雪まつり」嘅《Final Fantasy VII》大雪像睇過啦?夜晚仲有Projection mapping投影落個雪像度,見到唔同角色閃過,又閃電又火焰又盛,最後一句:see you next……

Read more ›
【連環圖】阿部寛都賣萌      可愛狗仔捐褲浪Twitter熱傳
by / on 07/02/2017 at 7:20 am

【連環圖】阿部寛都賣萌 可愛狗仔捐褲浪Twitter熱傳

阿部寛又高大又有男人味,好難同個「萌」字連上關係喎。不過噚日有網民就cap咗電視節目嘅圖上Twitter,將阿部寛極萌嘅一面顯露出嚟。當時阿部寛抱住一隻出世唔夠一個月嘅老虎狗仔,大大隻嘅阿部寛表現得好緊張,之後隻狗仔仲捐入佢嘅褲浪,阿部寛即刻捉返佢出嚟,仲忍唔住好開心咁笑咗出嚟。幾張連環圖喺Twitter好多人分享,講真真係幾可愛嘅,我指隻狗仔同阿部寛。

Read more ›

【圖集】日本喵星人扭蛋 伸懶腰打喊露超可愛
by / on 07/02/2017 at 7:13 am

【圖集】日本喵星人扭蛋 伸懶腰打喊露超可愛

之前出過舔毛貓、坐水煲貓,日本扭蛋公司EPOCH今次出貓奴最愛嘅伸懶腰貓!一式六款,其中三款係坐喺度擘大個口打喊露嘅款式,另外三款係一邊伸懶腰一邊打喊露,各有特色,但全部都勁治癒,好想儲齊一套呀!今個月推出,貓奴要留意嘞。

Read more ›
電話個Mon壞咗點算?日本網民駁Mouse!
by / on 06/02/2017 at 10:14 pm

電話個Mon壞咗點算?日本網民駁Mouse!

有冇試過跌爛咗個Mon?爆咗唔緊要,都可以頂住先,但如果壞咗輕觸功能,部電話仲可以點用?呢位網民部電話就跌咗落地下壞咗輕觸功能,咁佢就試吓用Mouse,點知,真係得……係咪即刻好想試吓?

Read more ›
現實與更現實 綿花糖女孩「天草七美」寫真唔夠真?
by / on 06/02/2017 at 10:01 pm

現實與更現實 綿花糖女孩「天草七美」寫真唔夠真?

綿花糖女孩好喎,女仔都係少少肥仲可愛嘛。睇完天草七美第2隻DVD嘅封面同封底圖,好多人都更加肯定……B96W66H98、H Cup身材嘅佢出新碟,23歲嘅佢喺噚日(5日)仲現真身,睇埋現場啲相,好似有啲唔同……

Read more ›
日本皮製飯團套 掛喺袋超有型
by / on 06/02/2017 at 8:28 pm

日本皮製飯團套 掛喺袋超有型

去日本旅行有時都會喺便利店買呢啲飯團第二朝做早餐,但我都識講,便利店都有得賣,咁到底喺咩情況下需要買定一個掛喺袋度?可能係唔方便離開工作岡位嘅時候?準備去荒山野嶺唔會有便利店?點都好,最重要一件事係有型嘛。呢3款由ARATAYA製作嘅皮套,專門俾你放三角形嘅飯團入去,扣好掛喺袋,真係好型,4,200円個。

Read more ›

人氣話題

1) 【2018出GAME表】 7月至8月 [PS4 / XBox One / Switch / PC / 3DS / PS Vita] - 12622 Views
2) 個樽靚喎!Evangelion x 沙嗲王後日始動 - 10807 Views
3) 【多圖】「店員」Twitter出圖 秋葉原「野郎ラーメン」變《閃乱カグラ》主題店 - 10498 Views
4) 冇電話冇相機點算好?圍影Coser奇妙龍 - 10331 Views
5) 【有片】C94 Coser 又嚟《工作細胞》白血球 - 9367 Views