最新資訊

黑貓meme圖實體化 日本神人又出動
by / on 01/08/2020 at 2:47 pm

黑貓meme圖實體化 日本神人又出動

又係日本呢位專門將動物meme圖實體化嘅神人「めーちっさい」 @meetissai,佢嘅最新作品係呢隻黑貓,動感嘅一刻喺Twitter熱傳,仲被實體化,今次輯相樓主仲好有閒情餵佢食餅,仲有同另一隻貓嘅互動圖,入嚟有回帶。

Read more ›

【撞樣】阿諾舒華辛力加動畫化 激似《JoJo》 承太郎祖父
by / on 01/08/2020 at 2:25 pm

【撞樣】阿諾舒華辛力加動畫化 激似《JoJo》 承太郎祖父

又有撞樣事件,日本Twitter最新熱傳呢對組合,左邊係大家好熟悉嘅阿諾舒華辛力加,右邊就係《ジョジョの奇妙な冒険》入面承太郎嘅祖父Joseph Joestar,越睇越似樣,連啲鬚同個造型都撞埋,之前有個外國人都好似Joseph Joestar,入嚟有回帶。

Read more ›
日本喵星人驚人生長速度  Mega Drive對比圖Twitter熱傳
by / on 01/08/2020 at 2:11 pm

日本喵星人驚人生長速度 Mega Drive對比圖Twitter熱傳

喵星人大得好快,不過呢隻貓嘅生長速度似乎有啲超乎常理喎!日本有貓奴放咗隻貓同部世嘉Mega Drive嘅對比圖,仲有4個不同階段,不過越睇越唔對路,再睇返,樓主原來有5部不同呎吋嘅Mega Drive,由原裝到Mini版到超迷你‥‥‥入嚟有得睇。

Read more ›
網圖分享:戇男的《小仆街》+王風雷
by / on 01/08/2020 at 10:00 am

網圖分享:戇男的《小仆街》+王風雷

戇男是個很勤力的漫畫家,喺面書出圖好密。呢期港漫界熱話非黃玉郎復刻《小流氓》不果莫屬,佢都玩嘢地出番幅《小仆街》封面圖贈吓興,構圖當然係龍虎三皇喇,寫明「正牌戇男作」,「每頁六毫封面另計」,仲話「如果賣到一千書,我可以計到數做!」哈哈哈,雖然明知吹水,但我真心笑咗。另一個港漫界焦點,當然係即將推出嘅《新著王風雷》,戇男都有出賀圖呀,簡簡單單大頭王風雷一幅,好靚!

Read more ›
網圖分享:梁偉家畫張道陵
by / on 01/08/2020 at 9:30 am

網圖分享:梁偉家畫張道陵

留家抗疫,人人有責,梁偉家被困屋企,選擇作畫解悶,今次仲嘗試用新紙作畫。乜新紙?仿古半生熟宣紙喎,好深,唔識,我淨係知畫中張道陵好有霸氣。

Read more ›
網圖分享:馬榮成畫「冷月寒星」
by / on 01/08/2020 at 9:00 am

網圖分享:馬榮成畫「冷月寒星」

斷估應該係畫興大發,又或者打算順便幫上官小威《復刻李小龍》做宣傳,馬榮成忽然依唔知第幾期《李小龍》內文嘅銀螳螂戰九紋龍為藍本,喺面書出圖一幅,仲話當中一招「冷月寒星」令佢印象深刻喎。雖則好多C-Hing話馬Sir丟低支筆太耐,畫功已經回晒塘,但睇完呢幅圖,我覺得絕無此事,真係Keep到咁上下高水準喎,唔知大家點睇?

Read more ›

「龍虎」當道惹來網民奇想 港漫畫家一人一本龍虎乜龍虎物
by / on 31/07/2020 at 9:15 pm

「龍虎」當道惹來網民奇想 港漫畫家一人一本龍虎乜龍虎物

話說家陣既有長壽《新著龍虎門》喇,又有新推出無耐嘅《龍虎5世3世仇》喇,嚟緊9月有本《龍虎門Z》,數落仲有本《復刻龍虎門》添呀,一時間港漫界好似乜都「龍虎」咁。有C-Hing留意到呢點,好搞笑話如果香港漫畫家一人編一本龍虎乜龍虎物的話,書名應該係咁喎:一,邱福龍編《龍虎超人》;二,許景琛編《龍虎快打》;三,徐大寶編《龍虎淫門》;四,肥良編《他媽的龍虎》;五,鄭健和編《龍虎西行》;六,曹志豪編《龍虎群俠傳》;七,邱瑞新編《龍虎蠱惑》;八,牛佬編《上海龍虎鬥》;九,謝志榮編《龍虎天師》;何志文編《龍虎無雙》,哈哈,C-Hing堅有想像力,呢鋪我真係笑咗,不過我覺得未盡齊全。馮志明呢?編《龍虎笑》?馬榮成呢?編《龍虎天下》?仲有劉雲傑,編《龍虎100%》?

Read more ›
毒毒之力 日本宅親證 玩Switch《Ring Fit Adventure》半年變成咁
by / on 31/07/2020 at 7:34 pm

毒毒之力 日本宅親證 玩Switch《Ring Fit Adventure》半年變成咁

到底喺屋企做運動有咩選擇?玩Switch《Ring Fit Adventure》得唔得呀?得。呢位日本宅宅就用呢隻遊戲進行肉體改造,半年之後……好啦,趁今晚打風,我都要瘋狂打機先得!

Read more ›
【有片】會唔會太有型?日本渋谷透明公廁為安全?
by / on 31/07/2020 at 5:51 pm

【有片】會唔會太有型?日本渋谷透明公廁為安全?

透明廁所?係可以變成唔透光嘅電控液晶玻璃!即是可以透過操控,由透明玻璃變成唔透光。雖然都唔係第一次應用於廁所,但呢個可能太開放,所以好多網民都擔心用緊嘅時候突然故障……好冇安全感。不過,其實呢個設計反而係為安全起見,未入去廁所前可以睇清入面情況咁解。

Read more ›
許景琛報料唔關戰虎事 疑似新作叫《龍虎門Z》
by / on 31/07/2020 at 2:45 pm

許景琛報料唔關戰虎事 疑似新作叫《龍虎門Z》

  哎吔,唧牙膏式報料真係好鬼吊人癮嘅啫。擒日報導過許景琛9月將有新書出,佢剛剛又喺面書開Post曰:「唔係戰虎,係王小虎。2020文化傳信授權作品。」而新書則疑似叫《龍虎門Z》,唔關戰虎事呀,關王小虎事呀,咁係Q版?正傳?外傳?前傳?後傳?乜傳物傳?繼續拭目以待啦各位。

Read more ›
照顧香港毒L 蕭邦仲港式H漫《MK妹》$90
by / on 31/07/2020 at 9:30 am

照顧香港毒L 蕭邦仲港式H漫《MK妹》$90

Goodest,蕭邦仲……吖,唔係,係「MK復興會主席」龜頭生野郎本《MK妹》,家陣連香港毒L們都有機會睇喇。實體書,可以捧上手慢慢聞,每本連郵費$90。內容簡介如下──「一個毒撚晚上在屋邨的OK便利店前被MK妹勒索,一氣之下直接把MK妹弄暈,再把她擄走在公屋Gathering的故事」──齋睇呢幾行Description,腦海即時浮起青春可愛背心熱褲MK妹倩影,呢啲咪親切感囉;再先睹為快多幾格內頁,Wow,不愧為港式H漫,個封面好吸睛呀,啲對白好本土呀,啲構圖好間接地直接呀,啲畫面好有H漫Feel呀,真係睇到我額頭有啲熱,耳仔有啲紅,仲有啲口乾添。

Read more ›

陳笑洛字畫雙絕 鄺志德買《未來戰士》水墨畫
by / on 31/07/2020 at 9:00 am

陳笑洛字畫雙絕 鄺志德買《未來戰士》水墨畫

有麝自然香,好嘢自然多人欣賞,之前報導過坐鎮廟街嘅陳笑洛,字畫雙絕,鄺志德也甚欣賞,親臨檔口幫襯買番幅《未來戰士》水墨畫。另,佢又出Post話兩年前畫過一件港漫Tee,畫嘅係王小龍,無記錯靈感應該係來自《龍虎門》〈劫數難逃〉嗰期嘅封面,非常高質。很想要是常識吧,不過Sorry,無得買!因為佢話已經唔喺佢手,所以唔使問價,咁惟有睇咗當買咗囉。

Read more ›
黃玉郎道歉撻Q 送《小流氓》計劃胎死腹中
by / on 30/07/2020 at 10:15 pm

黃玉郎道歉撻Q 送《小流氓》計劃胎死腹中

Sure咗架嘞,係肯肯定無得睇復刻《小流氓》架嘞,黃玉郎喺今期第10期《龍虎5世3世仇》「玉郎一周」詳細交代送書計劃胎死腹中原因:一,人手不足,Call唔到咁多馬幫手包裝入書喎;二,收到「另一出版公司的律師信,說《小流氓》的版權及商標是屬於他們的,暫時不宜將《小流氓》隨書附送」。咁樣算唔算欺騙讀者?雖則好失望,但我唔想用「欺騙」兩個字嚟形容,畢竟送書係Bonus,有就錦上添花,無亦無傷大雅。不過呢,為表誠意,單單撩幾字道歉係唔夠嘅,我覺得黃玉郎應該考慮作出補償,我大膽建議──下期畫多一半篇幅,一期書出夠期半頁數,即係Total有45頁,照舊賣番$23──咁就保證讀者們條氣順番晒,Do you agree?

Read more ›
Reddit外國機迷討論 日本遊戲愛「花田上一對一決鬥」?
by / on 30/07/2020 at 9:57 pm

Reddit外國機迷討論 日本遊戲愛「花田上一對一決鬥」?

  講起花田上一對一,又好似係有唔少打機回憶,Reddit有唔少外國機迷討論呢個問題,首先梗係近日嘅《Ghost of Tsushima》,雖然係外國開發公司,不過都有日本人參與。另外仲有《SEKIRO》、《Bloodborne》,再遠啲仲有《Metal Gear Solid 3》…….不過有機迷出圖指出,其實早於任天堂年代嘅《忍者龍劍傳》已經係咁。

Read more ›
10月開睇多啲 《Evangelion》京都「エヴァンゲリオン京都基地」
by / on 30/07/2020 at 8:37 pm

10月開睇多啲 《Evangelion》京都「エヴァンゲリオン京都基地」

之前都介紹過呢個初號機半身像啦,嚟緊10月3日會喺京都東映太秦映画村有呢個「エヴァンゲリオン京都基地」。啱啱又有多啲圖,睇到唔同影相位同有咩食,扮擘開個絕對領域,好似喺富士急都玩過。

Read more ›