最新資訊

寵物小精靈出套出貼 3DS大機細機都有份
by / on 11/10/2012 at 1:11 pm

寵物小精靈出套出貼 3DS大機細機都有份

日本HORI喺嚟緊嘅11月推出嘅遊戲配件,就係呢兩款主機套,除咗有大機專用套(1,480日元),仲有舊版3DS用嘅(1,380日元)。另外,同系列仲有可以裝24隻遊戲嘅收納盒(1,280日元),同埋俾3DS細機用嘅專用機貼(1,280日元),合共6張,面底上下加埋屏幕貼。

Read more ›

《E.X.Troopers》 10/18 PSN有得試玩
by / on 11/10/2012 at 12:33 pm

《E.X.Troopers》 10/18 PSN有得試玩

之前TGS有得試玩Capcom呢隻PS3/3DS嘅《E.X.Troopers》,但唔係個個得閒去過,就算去過都未必會排隊試呢隻……機會又嚟喇,下星期四(18日)日本PSN就會有呢隻11月22日先正式推出嘅遊戲試玩,有單人模式之餘,仲有連線合作可以試,仲有試吓出合作技超必同救同伴嘅遊戲系統,又唔駛錢又唔痛,記得down嚟玩。至於3DS版本,就早一日17日有得下載,店頭試玩就都係18日出,以下係新圖發佈。

Read more ›
新片速報 《Medal of Honor》Linkin Park音樂MV
by / on 11/10/2012 at 12:03 pm

新片速報 《Medal of Honor》Linkin Park音樂MV

新一集《Medal of Honor》多人試玩阿金會員玩咗啦?至於故事模式,留意本周末,GameoverHK都會有親身試玩片發佈。賣完廣告入番正題,今集遊戲再次由Linkin Park主唱主題曲〈Castle of Glass〉,Danger Close聯合打造,個MV繼續有型,講從軍之後返屋企一家團聚樂也融融好鬼溫馨,中間爆晒玻璃又風大雨大又係有型!

Read more ›
打大佬,敵方隻飛機好大隻呀。
by / on 11/10/2012 at 12:00 pm

免費手機新Game:十粒星打飛機

下載過N咁多打飛機遊戲,無一個及得上「War In Galaxy Lite」咁好玩,畫面好靚咩?唔係,聲效好正?都唔係啫,好玩在User-friendly,唔會出現無從控制飛機嘅最最最最最根本缺點。

Read more ›
真身曝光 MG 1/100 RX-93 Nu Gundam Ver.Ka
by / on 11/10/2012 at 11:56 am

真身曝光 MG 1/100 RX-93 Nu Gundam Ver.Ka

之前都講過啦,呢隻12月出嘅Ka版Nu Gundam真係屬UC高達模型迷必買妙品,就算齋o拍唔噴甚至係齋買唔o拍,都要擁有。而經過造型圖曝光後,實物素組圖同盒圖都曝光!個盒都係一貫Ka版模型咁簡潔,而隻實物呢,堅係型,不過唔知點解擺個姿勢好似用緊原力咁,至於個架……又要俾多次錢。

Read more ›
靚爆LEGO Batman洞   砌足800小時
by / on 11/10/2012 at 11:50 am

靚爆LEGO Batman洞 砌足800小時

都話外國人嘅時間真係特別多,你睇呢個用LEGO砌成嘅Batman洞穴 – Batcave,睇完真係要講句佩服!呢個Batcave用咗2萬塊lego組成,淨係計重量都有成100磅,燈光效果梗係唔少得,入面仲有4個機關位,例如部升降機識郁,用嚟放batman衫同車嘅位置都識轉。呢件傑作由Carlyle Livingston II同Wayne Hussey兩位外國人夾手夾腳整,你估用咗幾耐時間?開估啦,係800小時!即係唔瞓都要連續砌足33.3日,不過外國人梗係錫身啲,佢哋用咗6個月時間整,不過都係好奢侈!

Read more ›

GALAXY S3 Mini今晚發佈 最強中機開打!
by / on 11/10/2012 at 11:34 am

GALAXY S3 Mini今晚發佈 最強中機開打!

  SAMSUNG滅絕之戰開打!今次殺手係SAMSUNG GALAXY S3 Mini,代號i8190!預計今晚會喺德國發表;GSIII可以話喺Android高價機殺個片甲不留,今次mini芒細4″,功能估計相近,最加上一代「名機」明星效應,開價399歐元,大概$3,980港元,啱啱唔過「四」呢個心理關口,呢舖真係有戲睇!

Read more ›
《NBA2K13》聖誕新球衣外洩
by / on 11/10/2012 at 11:00 am

《NBA2K13》聖誕新球衣外洩

NBA2K13呢隻game預咗長煲,起碼打住過聖誕啦。咁啱嘞,啱啱有駭客開咗NBA2K13個內容,入面有齊預計聖誕節見街嘅17套新球衣,連之前串錯「THUDNER」字嘅雷霆隊球衣都有份,當然,都係繼續串錯啦,大家聖誕節喺屋企有新衫著嘞。根據NBA2K以往經驗,新球衣一般都會先收錄喺碟內,等球隊正式公佈,著埋上身後先喺遊戲內unlock,可惜今次唔小心早咗外洩。好彩2K方面不嬲都唔會就呢啲新衫另外收費,否則又好似XX咁比機迷鬧爆呀!

Read more ›
Command Gundam 福利剛到飛機貨!
by / on 10/10/2012 at 8:46 pm

Command Gundam 福利剛到飛機貨!

  Legend BB 0岩 0岩有飛機貨返, 呢隻Command Gundam真係超開心,佢有鐵球手榴彈、又可以將肩部飛彈變流動座地炮台,同我玩開0既戰隊合金,真係一樣咁好玩!對上0既武者頑駄無 同騎士高達都係超熱賣

Read more ›
EVA電器系列第三第四彈 本部噴霧變喇叭
by / on 10/10/2012 at 6:46 pm

EVA電器系列第三第四彈 本部噴霧變喇叭

越近《Evangelion新劇場版:Q》上映嘅日子11月17日,我個心就越唔舒服,因為仲未收到消息香港幾時有得做,而上映同步率100%呢個心願亦越嚟越遠……算,我用物質嚟麻醉自己!先前已經見過呢個NERV本部噴濕機,係11月出嘅EVA Electronics系列第三彈,第二彈把絕對領域風扇我都有買,呢個又點可以冇?仲有,第四彈公佈埋,係電話喇叭,又係本部,唓,冇乜特別啫!你睇埋個插頭先講嘢,個插頭係初號機條電視插頭呀!便給我敗吧!

Read more ›
今日下載 《鐵拳TT2》DLC有片唔駛錢
by / on 10/10/2012 at 6:19 pm

今日下載 《鐵拳TT2》DLC有片唔駛錢

嗱,呢啲就有良心喇。已經出咗嘅PS3/Xbox360格鬥遊戲《鐵拳 TT2》,新推嘅DLC唔收你錢,有三個角色,仲有新舞台!當中包括有用中國拳法嘅女子高生「平野美晴」,Lily個管家Sebastian同埋大隻仔Slim Bob。入面有片睇,今晚返屋企開機啦!

Read more ›

啦啦女寫真發佈 回味喪屍棒棒糖
by / on 10/10/2012 at 3:45 pm

啦啦女寫真發佈 回味喪屍棒棒糖

  啦啦索女鋸喪屍嘅遊戲《Lollipop Chainsaw》,喺6月已經出咗啦,但係官方角川Games搵嚟Cosplay女主角嗰兩位美日靚女Jessica Nigri同川本まゆ的確令人念念不忘……好嘢!啱啱遊戲同twintail-japan合作推出嘅最新寫真已經發佈,真係睇到我好開心!開心share啦!

Read more ›
大把嘢玩《人中之龍 5》賽雞煮麵玩雪戰
by / on 10/10/2012 at 3:11 pm

大把嘢玩《人中之龍 5》賽雞煮麵玩雪戰

  SEGA隻PS3獨佔大作《人中之龍 5(龍が如く5 夢、叶えし者)》12月6日就推出,一直以嚟咁多情報發放,又有五大角色登場,玩劇情都有排玩,仲未計夜總會識靚女,仲有大量好玩好笑嘅小遊戲,睇嚟可以玩足半年!今次嚟自日本《Fami通》嘅新情報就係今集故事發展嘅五大城市都有特色小遊戲,例如喺錦榮町舊區就有得玩養雞出賽去鬥快;隨時做偶像嘅阿遙就要上台玩採排;仲有桐生一馬喺福岡煮拉麵,或者喺月見野の街玩雪戰,玩法仲十足FPS第一身射擊咁,睇嚟仲有多人模式!正到爆!

Read more ›
劇痛!《神次元戰記 戰機少女V》痛機痛掣痛iPhone
by / on 10/10/2012 at 2:14 pm

劇痛!《神次元戰記 戰機少女V》痛機痛掣痛iPhone

呢隻由idea factory發行,Compile Heart開發嘅PS3日系RPG《神次元戰記 戰機少女V(神次元ゲイム ネプテューヌ V)》,喺8月30日已經出咗,啲女主角真係好妥當!咁妥當就梗係唔好留喺虛擬世界,一於帶佢出街,以下就係由一系列由日本Dezaegg推出嘅PS3、手掣同iPhone痛貼,超靚!咦?iPhone 4S嚟嘅?真係體貼!

Read more ›
一撞到火藥,即死。
by / on 10/10/2012 at 2:00 pm

免費手機新Game:放隻大飛機

一返到公司就周身唔聚財,硬係覺得頭暈身興,對住部電腦好悶,身邊件女同事好豬扒。唉,我多麼想變成一隻飛機,翱翔天際,唔使睇上司面色,唔使為錢煩惱,唔使……唉多次,我都知發夢無咁早,都係打鋪機實際啲。

Read more ›