最新資訊

10月20日上映《Macross FB7》出機套
by / on 13/10/2012 at 6:38 pm

10月20日上映《Macross FB7》出機套

喺10月20日就會喺日本上映,呢套為記念超時空要塞30周年嘅新劇場版《超時空要塞 FB7》,全名叫《マクロスFB7 銀河流魂 オレノウタヲキケ!》,有Fire Bomber有雪露有蘭卡,講起都想睇!香港就冇得同步睇電影,就算去開旅行都唔識日文冇得睇嘅話,可以買嘢吖!呢幾個PSP機套就會喺日本超時空活動時發售,超靚仔!你冇睇錯,係PSP……

Read more ›

新片速報《Lost Planet 3》10分鐘遊戲片
by / on 13/10/2012 at 4:43 pm

新片速報《Lost Planet 3》10分鐘遊戲片

呢段係之前TGS試玩《Lost Planet 3》嘅片段,不過就係影像版,即係唔係偷拍又冇搖鏡,仲幾清楚睇到啲怪物同揸機械人場面添。呢隻Capcom嘅PS3/Xbox360/PC第三身射擊遊戲將會喺下年年頭推出,邊睇邊等。

Read more ›
新片速報 《ZombiU》Gamepad狙擊喪屍
by / on 13/10/2012 at 4:27 pm

新片速報 《ZombiU》Gamepad狙擊喪屍

呢隻無論歐美版(11月18日)或日版(12月8日)都會跟Wii U出嘅Ubisoft第一身射擊遊戲《ZombiU》,今次呢段遊戲畫面就睇到喺倫敦街頭遊走同埋點用Gamepad狙擊喪屍。作為屍迷嘅我真係覺得勁正,跟機要出呢隻!

Read more ›
新片速報 真人電影《Silent Hill: Revelation 3D》最新預告片
by / on 13/10/2012 at 4:14 pm

新片速報 真人電影《Silent Hill: Revelation 3D》最新預告片

  喺美國10月26日就上映,改篇自驚嚇遊戲《Silent Hill》嘅真人電影《Silent Hill: Revelation 3D》啱啱又有新預告,仲有新海報。今次玩3D,啲片段好鬼得人驚,我一定唔會入場睇,除非有女陪。

Read more ›
新片速報 Wii U《Batman Arkham City Armored Edition》用盡雙屏
by / on 13/10/2012 at 3:59 pm

新片速報 Wii U《Batman Arkham City Armored Edition》用盡雙屏

Wii U隻《Batman Arkham City Armored Edition》今年年尾出,咁同PS3/Xbox360版有咩唔同呢?唔同在有Gamepad個輕觸屏幕囉。呢段片就可以睇到點用個Gamepad,不但可以當地圖、揀選裝備檢查武器嘅選單,仲可以用嚟探測敵人,而且用盡六軸功能,可以探測畫面內嘅隱藏要素,仲可以用嚟遙控炸彈同飛鏢嘅攻擊方向。我建議到時你將個Gamepad縳喺手擘度,加多對貓耳,再捏起把聲講嘢,咁咪成個Batman咁,玩得投入!

Read more ›
今日開機 《Nike +Kinect Training》試玩登陸XBAL
by / on 13/10/2012 at 3:44 pm

今日開機 《Nike +Kinect Training》試玩登陸XBAL

今日星期六,如果你好想對住部電視做運動,屋企又夠大,最重要係你係XBAL嘅金會員,今日就可以免費下載《Nike +Kinect Training》Demo試玩版,等你喺屋企都可以鍛鍊身體……另外,仲有即時回饋同喺訓練專家嘅意見協助下,隨「Nike+ Kinect 訓練」個人計畫加強訓練度……妖,搞得嚟我都落街跑咗兩個圈啦!

Read more ›

新片速報《Halo 4 Forward Unto Dawn》第二集有得睇
by / on 13/10/2012 at 3:34 pm

新片速報《Halo 4 Forward Unto Dawn》第二集有得睇

11月6日正式上市嘅Xbox360人氣射擊大作《Halo 4》,今次宣傳好落本,之前都報導Microsoft同343 Industries會搵嚟荷李活電影製作班底拍一套微電影《Halo 4 Forward Unto Dawn》。第一集上星期post咗,啱啱就第二集出咗,16幾分鐘,有動作場面有大量女角登場,仲玩埋搶旗仔添!全套微電影合共五輯,逢周五就更新,完晒之後啱啱好等你連貫埋遊戲世界。另外,微電影都會推出90分鐘特別版,配埋中文字幕收錄喺《Halo 4》中文限量版度。

Read more ›
新片速報 《三國無雙》新作玩倒數
by / on 13/10/2012 at 1:28 pm

新片速報 《三國無雙》新作玩倒數

又係三國,又係無雙,又係玩倒數……Tecmo Koei嘅無雙製作團隊ω-Force啱啱開咗個倒數網,11月1日公佈有咩睇,不過睇嚟,又係同條新片有關,睇完都可以肯定係三國新作……我知,之後又出猛將傳、Empires乜乜物物版吖嘛,老老實實,我真係悶到有啲想嘔。

Read more ›
新片速報 《NARUTO 疾風傳:Ultimate Ninja Storm 3》第三段PV
by / on 13/10/2012 at 1:14 pm

新片速報 《NARUTO 疾風傳:Ultimate Ninja Storm 3》第三段PV

Namco Bandai喺下年春天推出、CyberConnect 2開發嘅PS3/Xbox 360《NARUTO 疾風傳:Ultimate Ninja Storm 3(NARUTO-ナルト- 疾風伝 ナルティメットストーム3)》,啱啱官網就有第三段PV發佈,新嘢就唔算多,係最後有我愛羅嘅忍連合軍集結完畢同埋展示「第四次忍界大戰」畫面!另外,外國網站IGN亦有 New York Comic-Con實機試玩片發佈,入面有link睇。

Read more ›
新片打孖《魔域戰士》合隻 新作齊發佈
by / on 13/10/2012 at 12:56 pm

新片打孖《魔域戰士》合隻 新作齊發佈

前日(11日)喺紐約舉行嘅New York Comic-Con,Capcom都搞咗個發佈會,主力就係《魔域戰士》,即係你細個落機舖打,又吸血殭屍又木乃衣又小紅帽嗰隻格鬥遊戲呀!首先就係第一次曝光嘅新作影片,名為《Darkstalkers Are Not Dead》,裏面有搖滾喪屍Zabel出場,仲有唔少得男主角Demitri!另外,官方亦決定推出1、2集合版,加入啲啲新原素,即睇新片!

Read more ›
超大量小遊戲《人中之龍 5》推氣墊球 玩《VR 2》
by / on 13/10/2012 at 12:10 pm

超大量小遊戲《人中之龍 5》推氣墊球 玩《VR 2》

SEGA喺12月6日推出嘅PS3遊戲《人中之龍 5(龍が如く5 夢、叶えし者)》,堪稱係史詩式大作,繼上次堆小遊戲後,再發佈大量小遊戲,包括入Club SEGA機舖可以打到經典起格立體格鬥遊戲《Virtua Fighter 2》,仲分為2.0同2.1兩個版本,當然仲會加入新原素,仲要支援2人對戰!正!另外,今次仲有釣魚、同靚女影貼紙相,仲有唔少得同夜總會小姐們玩遊戲,今次唔打乒乓波,玩氣墊球,嘩!玩到跌膞喇你火玫瑰!

Read more ›

《神勇飛鷹俠》真人版開拍 五人主角落實
by / on 13/10/2012 at 11:53 am

《神勇飛鷹俠》真人版開拍 五人主角落實

  《神勇飛鷹俠》即係《科學忍者隊》即係台譯《科學小飛俠》,呢套龍之子(タツノコプロ)製作嘅70年代動畫,近年傳過新版,連Smap都扮過拍廣告,超經典!由佐藤東彌導演,劇本搵嚟之前改篇過《Gantz殺戮都市》嘅渡邊雄介(仆街喇!),以未來東京為舞台,主角就係「大鷲の健」松坂桃李、「コンドルのジョー」綾野剛、「白鳥のジュン」剛力彩芽、「燕の甚平」濱田龍臣同「みみずくの竜」鈴木亮平。而武器、機械更會一一重現。入嚟睇舊片重溫吓經典同睇吓超型嘅Smap版啦!

Read more ›
新片速報 《Monster Hunter 3G HD Ver.》首段遊戲片
by / on 13/10/2012 at 11:29 am

新片速報 《Monster Hunter 3G HD Ver.》首段遊戲片

12月8日跟機喺日本推出嘅Wii U高清版《Monster Hunter 3G HD Ver.》,啱啱喺官方頻道發佈咗劈遊戲龍片段。片段睇到唔只係輕輕執番靚3DS嘅畫面,支援1080p全高清同5.1 LinearPCM,堅係重製堅係又滑又細緻,唔係流四之作。而且3DS冋Wii U版資料可以互換,一部Wii U仲可以連3部3DS合作劈龍!遊戲售價4,800日元;Wii U同梱裝賣38,850日元。

Read more ›
新片速報 《刺客教條 3》遠攻近殺反擊技介紹(中文字幕)
by / on 13/10/2012 at 11:16 am

新片速報 《刺客教條 3》遠攻近殺反擊技介紹(中文字幕)

  呢個月係《Biohazard》月嘅話,今個月尾就係《刺客教條》月喇,呢隻10月30日推出嘅PS3/Xbox360/PC刺客系列最新作,又有新片發佈。今次片段最實際,睇到大家最關心嘅武器包括近距離嘅戰斧、木棍同招牌武器袖劍,仲有遠距離嘅弓箭、火槍、繩鏢等,另外以前嘅防禦功能會進化成為格檔,而且更加入反擊系統,短短幾秒慢動作畫面,可以決定推開敵人或者解除佢嘅武裝,再唔係,當場格殺!

Read more ›
連結「6」同「4」兩個泡泡,變成「10」泡泡,就可以同另一個「10」連結取分。
by / on 12/10/2012 at 4:00 pm

免費手機新Game:速算泡泡

好鬼死鍾意「Bubble Link」呢類遊戲,唔使多花巧,齋考你心算之嘛,已經可以玩到我唔捨得停手,一個Level一個Level咁過,過唔到咩,好唔忿氣,再玩,硬係要玩到標晒眼水嘞,先捨得放手。

Read more ›