最新資訊

《勇者鬥惡龍10》發表會  3DS連動新情報!
by / on 26/07/2012 at 10:17 am

《勇者鬥惡龍10》發表會 3DS連動新情報!

噚日廠方SQUARE ENIX喺發表會上,公佈咗《勇者鬥惡龍 10 覺醒的五個種族 Online》幾項專為N3DS增設嘅內容,只要下載8月22日推出嘅下載碼,就可以同Wii版本嘅《勇者鬥惡龍 10 覺醒的五個種族 Online》連動,等你喺屋企煲完之後出街都可以繼續玩。

Read more ›

威番次!香港PS Plus會員率先試《PS All-Stars Battle Royale》
by / on 26/07/2012 at 9:41 am

威番次!香港PS Plus會員率先試《PS All-Stars Battle Royale》

香港PSN終於威番次!今年PS陣營重頭作《PS All-Stars Battle Royale》,試玩版啱啱喺香港同埋新加坡嘅PS Store推出,不過只限PS Plus會員,快過晒歐美日本,勁!今次試玩版可以試倒6個之前公佈嘅角色,支援多人對戰模式,快啲入會啦。  

Read more ›
HT       Iron man Mark VII + Hulk       日本搶先現身
by / on 25/07/2012 at 6:05 pm

HT Iron man Mark VII + Hulk 日本搶先現身

日本出嘅玩具,日本公佈先,fine,好正常。香港Hot Toys出嘅玩具,我都要睇日本《Figure王》先見到真身?我覺得好冇面囉!算喇,《復仇者聯盟》中最最最令人期待嘅角色,Iron man Mark VII同埋變型俠醫都現真身!呢隻Iron man就一貫超正,睇嚟都一貫要排隊訂;至於隻變型俠醫,我有保留,睇埋完成品先算。

Read more ›
新片速報《變型金鋼》有合作有對戰
by / on 25/07/2012 at 4:55 pm

新片速報《變型金鋼》有合作有對戰

8月21日推出、由High Moon Studio開發、Activision發行嘅PS3/Xbox360/PC動作射擊遊戲《Transformers: Fall of Cybertron》,又發佈咗新片段,今次睇到可以自設角色,頭部、身體形狀風格都可以自己揀,另外遊戲會有10個對戰地圖同埋合作模式。

Read more ›
隱藏片段《Sleeping Dogs》官方網站有得玩!
by / on 25/07/2012 at 3:53 pm

隱藏片段《Sleeping Dogs》官方網站有得玩!

遊戲最快都要等到動漫展去Xbox360試玩專區排隊試玩,但網站都已經有小遊戲考吓你。之前已經試過玩小遊戲隱藏片段,今次就再下一城,入到網站喺呢張圖度,Click唔同嘅地方可以睇唔同嘅片段,另外亦隱藏咗四件物品,搵得晒出嚟就可以睇到呢段一分鐘倒嘅片,集合晒血腥場面呀!搵唔到?我知呀,上facebook問我啦!

Read more ›
新片速報8分鐘《Sleeping Dogs》飛住車爆你頭
by / on 25/07/2012 at 3:28 pm

新片速報8分鐘《Sleeping Dogs》飛住車爆你頭

啱啱本地試玩完兩關,感覺良好但冇得飛車唔係好夠癮!距離8月14日推出日期仲有唔夠一個月,呢隻Square Enix嘅《Sleeping Dogs》又有試玩片段發佈。雖然好多部份都曝過光,不過連續8分鐘做完一個任務,飛車甩尾之餘仲要揸住電單車開槍爆人頭,仲有旁白介紹系統,睇完應該會再提升你嘅購買意欲。

Read more ›

2012動漫節《Lost Planet 3》《Sleeping Dogs》《Forza Horizon》即場試玩
by / on 25/07/2012 at 11:30 am

2012動漫節《Lost Planet 3》《Sleeping Dogs》《Forza Horizon》即場試玩

2012年動漫節今個星期五就開鑼,今年限量版精品全線賣咗先,會場只會係攞貨嘅地方……不過唔緊要,去逼吓睇吓cosplayer都過癮!而且今年機迷更值得去,因為Xbox試玩專區度除咗有下年年頭推出嘅《Lost Planet 3》!仲有港版GTA之稱嘅《Sleeping Dogs》,最後,同場仲可以玩埋賽車遊戲《Forza Horizon》,仲可以即場預訂。

Read more ›
綾波麗滴眼藥水 「人類爽快化計画」始動
by / on 25/07/2012 at 9:30 am

綾波麗滴眼藥水 「人類爽快化計画」始動

《Evangelion新劇場版: Q》11月17日喺日本上映,有幾大件事?大件事到咩都同佢哋合作囉!繼之前又電話又巨型滑梯又鬚刨又東京巨蛋主題遊戲之後,今次竟然係眼藥水!?呢隻Santen FX Neo大有來頭o架,有試用過嘅人話佢堪稱係眼用嘅Airwave,滴落眼嗰吓涼到以為自己會盲,但對疲勞同紅筋又真係勁有效用,咁佢哋點合作呢個「人類爽快化計画」呢?限定產品有碇真嗣版同綾波麗版眼藥水,仲有網上問答遊戲玩,仲有片嚟緊……

Read more ›
亞洲版《Biohazard 6》特典外套現身
by / on 25/07/2012 at 9:00 am

亞洲版《Biohazard 6》特典外套現身

10月4日推出亞洲版嘅Capcom喪屍大作《Biohazard 6/Resident Evil 6》,剛公佈內容同限量特典嘅外套資料及圖片。亞洲版本將會同北美版一樣,血腥程度冇刪剪,唔會好似日本版咁修正和諧化。另外初回派貨都會包含3個DLC下載包(北美版只贈送其中1種),包括地下鐵場景、戰艦場景同地下室場景。亦一如以往有齊日版同歐美版雙封面,當中嘅Xbox360版係雙DVD裝。最後,限量特典嘅外套實物亦有樣睇,製作極為精美,之前pass咗嘅機迷,見到隨時回心轉意呀! 官方網站 http://www.capcom.co.jp/bio6/ 回帶有片 精選舊報導 新片速報《Biohazard 6》三段試玩 新片速報 Comic-Con再試玩《Biohazard 6》

Read more ›
2012動漫節 《武道狂之詩》喬靖夫 x 葉偉青簽名會
by / on 25/07/2012 at 8:59 am

2012動漫節 《武道狂之詩》喬靖夫 x 葉偉青簽名會

《武道狂之詩》十一卷已經出咗,每次買完呢系列嘅小說,都係極速睇完,一氣呵氣感覺極爽快!而漫畫版呢,節奏更加快,第七卷日前已經推出,不過今年動漫節都唔少得佢份,因為喬大同葉偉青會一齊舉行簽名會,時間係28日星期六1點至1點45分。一次過攞晒兩個簽名,合乎經濟效益……最後,我有投訴,漫畫版圓性唔夠霸氣呀!純粹個人意見,唔好打臉……

Read more ›
新片速報 超熱血!2012超力電磁俠新版MV!
by / on 25/07/2012 at 6:57 am

新片速報 超熱血!2012超力電磁俠新版MV!

多得朋友開心share,令我見識到2012年版超力電磁俠嘅MV!唔只首歌由Tk+9 Factory翻唱,成條片係重新製作兼有CG,超靚超有型!如果佢真係重製動畫,我夠膽講句,我一定每集睇三次,一次睇字幕一次睇畫面一次睇晒字幕加畫面。咁呢條片係咩來頭呢?有條link可以入去睇,原來係「柏青哥」,彈珠機。不過話說回頭,配番Aniki水木一郎首歌,仲正喎!V!V!V! 新版 httpvh://www.youtube.com/watch?v=2Kh7uBEJbnE 水木一郎版 httpvh://www.youtube.com/watch?v=bQzoKhqNJVk 官方網站 http://www.kyoraku.co.jp/product_site/2012/combattlerv/

Read more ›

隨購買全套三個版本《刀劍笑經典全集》送的第二款海報。
by / on 25/07/2012 at 3:05 am

2012動漫節漫人協會精品攻略

除玉皇朝同天下外,漫人協會算係今年動漫節第三勢力,搞手興豬同老馮矢志復出畫壇,希望食住今年動漫節個勢建立地盤。望望精品,食老本就少不免架啦……

Read more ›
Hello Kitty玩晒 Cosplay貓后
by / on 24/07/2012 at 7:02 pm

Hello Kitty玩晒 Cosplay貓后

唔講之前,唔講本地啲麥麥喵,齋講呢兩個月,Hello Kitty已經扮過超音鼠、街霸人物如春麗,o依家仲要晒你冷,一連扮出14個造型,有《變型金剛》柯柏文、Rockman、超人、Watchman、鹹蛋超人,仲有連《復仇者聯盟》個洛基都扮埋!我掙扎咗好耐寫唔寫呢個報導,因為我唔想大家女朋友見到就吊高把聲嗌:「嘩!好得意呀呀呀~」仲要乘14次……對唔住。

Read more ›
第四代金田一 山田涼介殺到香港
by / on 24/07/2012 at 6:00 pm

第四代金田一 山田涼介殺到香港

《金田一少年之事件簿》,我真係細細個就聽過呢個名,之前拍過日劇、電影,嚟緊繼堂本剛、松本潤、龜梨和也之後,又有真人版第四代登場,就係「Hey!Say!JUMP」嘅山田涼介。至於故事方面,背景仲係香港呀!名為《金田一少年之事件簿 香港九龍財寶殺人事件》,講新一代美雪嚟香港參加fashion show,金田一跟埋去點知……又係遇到殺人事件囉!而漫畫版將會喺7月於《週刊少年Magazine》開始連載。咦?會唔會嚟香港拍?

Read more ›
大量DLC等緊你 《刺客教條 3》逐季玩
by / on 24/07/2012 at 3:38 pm

大量DLC等緊你 《刺客教條 3》逐季玩

外國網站收到一張聲稱係由Ubisoft傳比美國遊戲銷量商GameStop嘅信件,首先,Ubisoft話多得佢哋,預購成績好好,冇佢哋嘅支持都冇今日之類……客套完一輪,就講到佢哋已經有專責開發團隊去開發《刺客教條 3(Assassin’s Creed III)》嘅DLC內容,而且更會破格推出「Season Pass」,即係可以俾一次錢就預買晒成季嘅DLC,吓?一季?呢隻game你預玩幾多季呀咁?呢啲咪生意囉!

Read more ›