最新資訊

有片  蜘蛛俠變抹窗俠  兒童醫院氹細路
by / on 13/01/2013 at 4:29 pm

有片 蜘蛛俠變抹窗俠 兒童醫院氹細路

我認我一向都麻麻哋鐘意蜘蛛俠,我覺得佢有少少醜樣,但係人不可以貌相,今日睇新聞見倒呢個抹窗嘅蜘蛛叔叔,睇埋背後嘅故事,我覺得好warm,後悔自己以貌取人。喺美國佛羅里達州嘅Tampa Bay,為咗令住院小朋友可以開心笑吓,當日喺All Children’s Hospital清潔落地玻璃窗嘅叔叔,化身做蜘蛛俠爬牆抹窗。原來呢個英雄兵團仲有美國隊長,之前都去過Children’s Hospital旗下其他醫院探小朋友。講真,著住呢件密不透風嘅蜘蛛俠衫抹窗都幾侷吓,但我第一次咁鐘意蜘蛛俠。

Read more ›

有片  蜘蛛潮裙  六隻蜘蛛腳識亂郁
by / on 13/01/2013 at 4:08 pm

有片 蜘蛛潮裙 六隻蜘蛛腳識亂郁

時裝人眼中嘅Spiderwoman係點樣?唔係超緊身超人服,而係烏卒卒嘅機械蜘蛛。由時裝設計師Anouk Wipprecht同工程師Daniel Schatzmayr聯手合作,整成嘅Spider Dress,膊頭上嘅蜘蛛腳真係識郁。見到件衫,唔知點解我諗起MIB入面嘅機械蟲,如果去party有人著住唔覺意篤到我,我應該會大叫!順帶一提,原來呢套蜘蛛衫嘅靈感係來自Xbox同PS3都有出嘅下載遊戲《Limbo》,唔怪得之都係黑麻麻,陰森恐佈啦。

Read more ›
PS改圖神 俄羅斯方塊襲地盤
by / on 13/01/2013 at 3:15 pm

PS改圖神 俄羅斯方塊襲地盤

以前經過地盤,成日都會幻想吊高嘅建築物料係俄羅斯方塊,媽咪會話我打機打上腦。可能係同鄉關係,呢位俄羅斯藝術家Sergey Akinfiev都有同感,於是用電腦效果整咗幅俄羅斯方塊襲地盤圖片。Sergey Akinfiev強項係執相,個人網頁有其他作品,講真,全部都好靚好值得一睇,有飛天單車男、長頸鹿大鬧街頭,清一色超現實風格。仲有,記得click入去睇埋 “Process”,可以睇倒作者由原圖改到完成圖嘅過程,真係神乎其技。

Read more ›
新片速報 國產AKB48 SNH48初次演出實況 Fans已經好瘋狂
by / on 13/01/2013 at 12:21 pm

新片速報 國產AKB48 SNH48初次演出實況 Fans已經好瘋狂

噚晚(12日),中國版AKB48、同樣係由秋元康打造嘅SNH48喺6點48分正式作出道第一次演出「Give Me Power!」。場地係上海淺水灣文化藝術中心,官網已經更新實況,見到開show前近千Fans排隊入場,仲買生寫真、貼紙、熒光棒。咁噚日嘅演出網上有直播嘛,咁就梗係有片睇啦,感受吓現場氣氛之餘,聽吓佢哋全晚唱咗邊首歌,最後壓軸就係〈無盡旋轉〉(即係AKB48好紅嗰首〈ヘビーローテーション〉嘅國語版),你認得嘅……

Read more ›
$29-$59買大片BD   呢舖劈死人!
by / on 13/01/2013 at 11:30 am

$29-$59買大片BD 呢舖劈死人!

  落DVD Pro原本只係影新碟,點知撞到劈價BD!仲要全部大片喎!港產必買係《殺破狼》、《導火線》、《門徒》、《墨攻》、《龍虎門》(各$39);西人片有$29重拍第一集嘅《黑色星期五》,同Set嘅《星空奇遇記》(各$39),就算係新嘅《幽靈奇俠》同《轟天黑幕》,都只係$59!

Read more ›
有片 西人Coser變身Commander Shepard 過程全記錄
by / on 13/01/2013 at 11:19 am

有片 西人Coser變身Commander Shepard 過程全記錄

Project Cosplay影片系列,Red 5今次搵嚟專業級西人Crystal Graziano,佢曾經Cos過女版雷電、街霸Cammy等角色。今次就直擊佢將自己變成《Mass Effect》嘅Commander Shepard,呢條片就睇到佢套甲點整,再加埋特別一段特別效果影片,加埋便服版Crystal,嘴唇好鬼厚,拍得幾型幾靚。

Read more ›

《DmC Devil May Cry》行貨偷跑有望 預訂價$320
by / on 13/01/2013 at 11:11 am

《DmC Devil May Cry》行貨偷跑有望 預訂價$320

眨吓眼今日就13日喇,今個月大Game《DmC Devil May Cry》行貨正式推出日期同日版一樣係17日,歐美就係15日,收到風都應該有啲機會偷跑。計落條數,唔計嗰啲予約特別版,買行版應該係價錢最抵同埋最齊DLC,官方建議零售價$328,o依家去葵芳G Point訂番隻就$320,首批除咗有精美禮盒包裝外,仲會附送2大特典,包括「Golden pack」黃金武器包 + 道具搜尋器、「Bone pack」骨頭武器包 + 寶石收集、「Samurai pack」武士武器包 + 升級點數三個DLC,加埋香港先有嘅DmC電話Case,兩款圖案設計隨機抽一款,分為iPhone 5、Galaxy S3 、Galaxy Note 2版本。

Read more ›
13/1一週碟榜:布斯X祖瑟夫 穿越殺自己
by / on 13/01/2013 at 10:19 am

13/1一週碟榜:布斯X祖瑟夫 穿越殺自己

  今個星期終於正路啲,多返啲戲揀!同DVD Pro Andy打牙鉸,佢就大推《時凶獵殺》:「有布斯韋利士、又有夜神起義嘅祖瑟夫哥頓利域,你就知好戲啦!」套戲主要講今日的我、打倒明日的我!話說未來會有時光機,不過呢件事完全唔合法!細Joe(祖飾)就係專職殺未來人嘅時凶殺手;一日撞到穿越回來的布斯,開刀之際,竟發現要殺的原來是未來的自己……

Read more ›
日本新廣告  cosplay三文魚有肥有瘦
by / on 13/01/2013 at 8:56 am

日本新廣告 cosplay三文魚有肥有瘦

扮三文魚算唔算係cosplay?日本廣告公司Try/Apt最近幫挪威海鮮發展局拍咗三條廣告,今次好破格,搵嚟一班現代舞專家,cosplay成一條條挪威三文魚同飯團跳跳紥,啲三文魚有肥有瘦,而且全部都好專業,最尾全部都變晒真壽司,講真幾好睇,不過,你敢唔敢食?天與地喎!

Read more ›
有片  日本「海上自衞隊」裝App學敬禮
by / on 13/01/2013 at 8:19 am

有片 日本「海上自衞隊」裝App學敬禮

Attention!日本人真係做咩都超認真,敬禮係人都識,但你條腰夠唔夠直,手嘅屈曲角度係咪標準?日本海上自衞隊有個叫「Salute Trainer」嘅iPhone App,唔係新出,但睇倒都好想分享吓。玩法簡單,聽到虛擬軍官指令就舉手行禮,最後會根據你嘅靜止度、反射神經、敏捷性、軌跡同最終形態得到總分,再頒發軍階例如「2等海士」鼓勵你。下面有片睇,製作超認真,最搞笑係尾段海軍隊員敬禮時部手機唔小心fing咗落水,原來,佢哋都有出「Salute Trainer」防水機殼,不過not for sale,我頂。

Read more ›
本周Coser 韓風螺旋貓Miyuko
by / on 12/01/2013 at 7:52 pm

本周Coser 韓風螺旋貓Miyuko

上年都介紹過呢個韓國Cosplay組織Spiral cats嘅成員Tasha同Ren,隔咗一排,我有啲掛住韓國正妹,於是我淥咗個辛辣麵,一邊揀相一邊食。係,我知你對我星期六喺屋企寫稿嘅生活冇興趣,咁講番Miyuko,佢4月16日生日,血型係AB型,Cos過好多唔同角色,最令我嬲嬲哋嘅係上年4月嗰陣曾經流傳過佢一張裸體相,好彩後尾證實係假o架啫!我搵番嚟睇,其實都PS得幾真,嗚呀!辣親添!

Read more ›

新片速報 Microsoft新世代主機技術 將你間屋變戰場
by / on 12/01/2013 at 5:21 pm

新片速報 Microsoft新世代主機技術 將你間屋變戰場

有冇發覺無論你當初諗住換幾多吋電視,換咗一排之後,你又會覺得部電視唔夠大?有咁多錢都未必有咁大地方擺部成百吋電視啩?Microsoft Research研發呢個「IllumiRoom」技術就掂當喇,就算你將部電視放喺電視櫃度,佢都可以透過投影技術令電視周圍甚至你屋企個地板、牆壁變成打機戰場一部份!呢條片官方話冇任何後期加工效果,全部現場錄,睇完就知有幾勁!

Read more ›
新片速報 今晚睇直播 中國版AKB48 SNH48出道演出
by / on 12/01/2013 at 5:18 pm

新片速報 今晚睇直播 中國版AKB48 SNH48出道演出

轉個頭,6點48分,中國版AKB48 SNH48將會喺上海淺水灣文化藝術中心作「Give Me Power!」出道演出,門票分198/98人民幣兩種,已經賣晒飛!想見識吓嘅,搜狐會有直播,入嚟有網址。呢隊10月正式組成嘅官方海外組合都係由秋元康監督,舞步同形象都跟得幾足,睇過佢第一首歌MV〈無盡旋轉〉(即係AKB48好紅嗰首〈ヘビーローテーション〉嘅國語版,入嚟有得睇原版同中國版),當中有幾個都幾靚女,不過,我仲係未好接受到……另外,有外國傳媒去咗上海嘉興路裝修緊嘅SNH48專用劇場「星夢劇場」視察過仲拍埋片,附近又街市又盛,幾污糟,入嚟可以感受吓。不過個記者佢都好識嘆,喺檔口買咗件葱油餅食。

Read more ›
有片 手機萌App 女角燃燒你脂肪 引你做運動
by / on 12/01/2013 at 4:04 pm

有片 手機萌App 女角燃燒你脂肪 引你做運動

令男人減肥嘅最大動力係咩?女。係,動畫中嘅萌女唔介意你肥定瘦,但呢個日本出嘅Android/iOS app《Burn your fat with me……》入面3個女主角就會成日叫你做運動。App入面有超過1,000句語音對白,有故事有圖睇可以換衫之餘,開埋感應嘅時候,你拎住部電話做sit up時畫面入面個女角除咗好似按住你對腳之外,仲會幫你數一二三;做掌上壓嗰陣,就可以放部電話喺地,咁佢哋就會喺嘅身下面幫你打氣……最正係英文字幕日語配音,聲優係上原真優、走尾結希同躯河鞠花,見到佢哋咁好身材,條腰係咪好想郁?快啲做sit up啦!廠商仲話今年會出埋乙女版……

Read more ›
港版廣告 金田一《香港九龍財寶殺人事件》今晚J2
by / on 12/01/2013 at 3:26 pm

港版廣告 金田一《香港九龍財寶殺人事件》今晚J2

難得香港同步,雖然我仲停留喺堂本剛同友坂理惠年代,今晚都要提吓大家開電視撐吓場。《香港九龍財寶殺人事件》呢套SP日劇係為慶祝《金田一少年事件簿》漫畫連載20周年而拍嘅,上年仲嚟咗香港取景,主角金田一係Johnny’s嘅山田涼介,川口春奈做七瀨美雪,仲有演出台灣警察嘅吳尊、時裝設計師徐若瑄,同埋香港嘅曾志偉、韓國BIGBAND嘅V.I。港版廣告出咗,主角們叫你睇TVB喎,今晚9點35分J2播,聽日中午再重播可以睇番,唔使上網搵。

Read more ›