最新資訊

《Star Wars VII》採用反斗奇兵編劇 夏里遜福參演!?
by / on 09/11/2012 at 3:26 pm

《Star Wars VII》採用反斗奇兵編劇 夏里遜福參演!?

如果呢個嚟自荷里活嘅報導係堅嘅話,我真係悲喜交集17首,首先,傳聞會由《反斗奇兵3(Toy Story 3)》嘅編劇Michael Arndt撰寫劇本,老實第3集個劇本都幾好,不過星戰又係唔同風格,真係令人有啲擔心。傳聞仲話佢已經寫好40-50頁故事,會有老年嘅Luke、Han同Leia公主現身,準備可以2014年開拍,2015上映!仲有更勁嘅係傳聞喺頭三集星戰演Han嘅夏里遜福已經答應演回呢個角色!如果係,都真係幾開心,同埋真係幾老。

Read more ›

《香港九龍財寶殺人事件》金田一新片明春同步上映
by / on 09/11/2012 at 3:05 pm

《香港九龍財寶殺人事件》金田一新片明春同步上映

為慶祝《金田一少年事件簿》漫畫連載20周年,之前嚟過香港取景嘅《香港九龍財寶殺人事件》SP日劇,啱啱有劇照發佈。報紙都有賣話唔演又演嘅曾志偉,仲有就係主角Johnny’s嘅山田涼介做金田一,川口春奈做七瀨美雪,仲有演出台灣警察嘅吳尊、時裝設計師徐若瑄,同埋韓國BIGBAND嘅V.I。故事以香港為舞台,阿曾志偉就係九龍城黑社會大佬九龍皇帝(!?)。電視台話下年春天會喺亞洲多個地區同步上映,咁喺得香港拍,同步播映是常識吧?

Read more ›
新片速報  劇透慎入!《HALO 4》士官長真身曝光
by / on 09/11/2012 at 2:47 pm

新片速報 劇透慎入!《HALO 4》士官長真身曝光

今個星期全世界都玩緊隻《HALO 4》,可惜我哋日日要返工,所以今日星期五份外興奮!至於無恒心爆機嘅,可以睇吓呢條片,事先聲明有劇透,諗住自己慢慢爆機者唔好手快快click入去呀!呢條片係有外國玩家打爆《HALO 4》最高難度Legendary之後嘅片段,唔會會有士官長嘅真面目?我唔再講落去嘞,費事比你哋打面,有興趣自己入去睇啦!

Read more ›
《GTA V》新圖現身  3個男主角任用
by / on 09/11/2012 at 12:18 pm

《GTA V》新圖現身 3個男主角任用

Rockstar宣佈PS3/Xbox360版《Grand Theft Auto V》會喺下年春天推出之後,啱啱再有新圖發放,今次唔再係索女,而係三個雄糾糾嘅大男人!今期外國雜誌Game Informer封面話比大家知今集居然有三個男主角比你任用,三個惡形惡相唔荒好人。其中右手邊個男主角,暫時得知係東岸嘅退休社團大佬,下星期會有GTA V新Trailer,Game Informer 12月號仲會18版嘅詳細介紹,到時再爆比大家知!

Read more ›
新片速報 《銀魂大富翁》新PV 繼續搞笑
by / on 09/11/2012 at 11:28 am

新片速報 《銀魂大富翁》新PV 繼續搞笑

仲玩PSP?繼One Piece新遊戲出喺PSP後,《銀魂》又係出喺PSP,真係傷盡PS Vita機主嘅心。呢隻「銀魂大富翁」下年1月24日推出,之前個個以為係出銀魂無雙,點知原來「無雙」日文讀音近似「大富翁」,一場誤會,同漫畫風格一樣搞笑。講返遊戲,官方啱啱釋出第三條PV,睇到多啲玩法,都係擲吓骰仔跳吓棋咁,一貫大富翁玩法,不過可以見齊咁多個主角,仲有過場Live 2D技術動畫,抵返啦。

Read more ›
繼續電鋸棒棒糖 白裏透紅雙馬尾 永井亞子
by / on 08/11/2012 at 8:56 pm

繼續電鋸棒棒糖 白裏透紅雙馬尾 永井亞子

勢估唔到,隻啦啦女鋸喪屍遊戲《Lollipop Chainsaw》都出咗成5個月,但係仲有嘢玩。角川Games先前搵嚟兩個美日靚女Jessica Nigri同川本まゆ喺日本街頭影完寫真仲未夠,啱啱又再同twintail-japan合作發佈新寫真,呢位叫永井亞子嘅靚女22歳,職業係自由人認真爽。雖然唔知啲相PS咗幾多,但佢啲皮膚真係白裏透粉紅,睇到我個心卜卜跳。仲有,官網仲有9個空格話Coming soon,睇嚟啦啦靚女陸續有嚟,真係色字頭上一把鋸。

Read more ›

2012亞洲遊戲展 末世代言人是誰?
by / on 08/11/2012 at 7:24 pm

2012亞洲遊戲展 末世代言人是誰?

年年聖誕節附近都會喺灣仔會展搞嘅「亞洲遊戲展」又準備開波,今次SCEH懶神秘,啱啱今日(8日)就向各大傳媒發咗張代言人相,不過淨係睇到個鼻同大大隻隻咁款。上年Twins前年Edison我本人都麻麻哋,睇見仲有少少唔開胃,今年你哋估唔估到係邊個?古天樂?謝霆鋒?余文樂?鄭伊健?草蜢?軟硬?定一話係近排喺高登爆紅,有陰謀嘅鄭子誠……?以下係歷年遊戲展代言回顧,入嚟睇吓有冇路捉先啦!入Playstation HK facebook留言估中,仲有機會得到遊戲展入場券兩張(50名),認真物輕情義重呀!

Read more ›
新片速報 7呎長巨蛇糖 一條36,720卡路里
by / on 08/11/2012 at 5:19 pm

新片速報 7呎長巨蛇糖 一條36,720卡路里

  見到呢條蛇仔糖……我真係無嘢講!好多鬼佬原來真係堅傻!7呎長、26磅、36,720卡路里,真係唔好話食一啖,我覺得就算係聞一聞、索一索都係罪過。

Read more ›
新圖發佈《真‧三國無双 7》甄姫黑絲吹笛玩凌辱
by / on 08/11/2012 at 5:10 pm

新圖發佈《真‧三國無双 7》甄姫黑絲吹笛玩凌辱

估唔到,話咗2013年推出嘅《真‧三國無双 7》,情報同遊戲一樣都係咁不厭其煩,幾個角色造型又一個情報,搞到我好鬼忙。最新三個係夏侯淵(cv:徳山靖彦)、曹丕(cv:神奈延年)同甄姫(cv:住友優子),最正係著魚網絲嘅甄姫,仲要踩住敵軍凌辱,原來古時都興呢味,嚟啦!嚟懲罰我啦女王!

Read more ›
香港預告片 《攻殼機動隊S.A.C.》11月23日上映
by / on 08/11/2012 at 4:43 pm

香港預告片 《攻殼機動隊S.A.C.》11月23日上映

《Evangelion新劇場版:Q》未有消息,我真係唔希望要好似呢套《攻殼機動隊S.A.C.》咁等咁耐……上年喺日本上映嘅最新劇場版,嚟緊11月23日就可以喺香港戲院睇到。呢套士郎正宗原著嘅《攻殼機動隊》,今次由神山健治製作新3D動畫版。泛亞啱啱宣佈會喺嘉禾黃埔、旺角上映,仲有香港版預告片睇!

Read more ›
手提UV 幫手機解毒
by / on 08/11/2012 at 4:31 pm

手提UV 幫手機解毒

    如果稍有常識都知,大家手(才查)嘅手機,含菌量真係隨時仲多過屎坑!日本有間J-Force就推出一部手提型紫外線消毒燈──JF-UVW1B,佢話有除菌除異味之餘,只要經5分鐘照射,殺滅細菌效果仲話有成99%;佢嘅攻擊目標有手機、Mouse、Keyboard等,預計售價4980日圓。

Read more ›

今日下載 3DS《Pokémon不可思議的迷宮》體驗版Save用得番
by / on 08/11/2012 at 4:24 pm

今日下載 3DS《Pokémon不可思議的迷宮》體驗版Save用得番

11月23日推出嘅《Pokémon不可思議的迷宮(ポケモン不思議のダンジョン ~マグナゲートと∞迷宮~)》,好多人睇到實,而噚日官方就公開咗體驗版俾玩家下載。呢個體驗版都算有心咯,係正式遊戲嘅頭段,Save可以用番去正式版,唔駛你重覆又重覆!而且仲可以體驗到今集嘅賣點—AR影相變小精靈!唔知咩嚟?入面有PV比你睇!而除咗上任天堂商店下載,入面仲有QR code,嘟一嘟就去到。

Read more ›
屎忽鬼 快拔槍袋放筷子
by / on 08/11/2012 at 3:17 pm

屎忽鬼 快拔槍袋放筷子

  認真!身邊朋友有冇人用筷子食薯片、食蛋糕、飲檸茶、食雪糕、剧鐵板雜扒,如果有呢類屎忽鬼就啱喇,呢件Chopsticks Holster啱晒佢!

Read more ›
電腦行針表 超級戰鬥格
by / on 08/11/2012 at 2:00 pm

電腦行針表 超級戰鬥格

  8,000轉、兩米車呢種感覺,大家點都諗唔到會喺屋企部腦度感受到!日本MARSHAL配件廠正在開發呢三隻表,好簡單!就係用嚟顯示電腦狀態,包括有HDD用量、溫度同CPU/內存使用率,無錯電腦跟本有軟件做晒呢幾樣嘢,但點及得上三隻表放喺枱面型先!

Read more ›
《Macross》迷今期要買《Newtype Ace》
by / on 08/11/2012 at 1:08 pm

《Macross》迷今期要買《Newtype Ace》

留意到日本《Fami通》介紹11月8日角川書店發行嘅《Newtype Ace》vol.15,係因為今期開始連載《E.X. Troopers》嘅漫畫,由東川祥樹繪畫,有卷頭彩頁仲有37大版。咦?睇清楚啲封面,今期係《Macross 30th》特大號!除咗介紹一系列作品如上映緊嘅劇場版《Macross FB7》,仲有美樹本晴彥嘅《Macross the First》!嗚!我去買咗之後再同大家分享!

Read more ›