fbpx

最新資訊

《Thor: The Dark World》新海報曝光 超長超多神

《Thor: The Dark World》新海報曝光 超長超多神

嚟緊美國時間18日就係San Diego Comic-Con 2013舉行嘅日子,到時又肯定大把料報!不過都有率先曝光嘅新嘢o依家就有得睇。講緊嘅係一張超長嘅雷神續集《Thor: The Dark World》海報,見到Chris Hemsworth演嘅Thor、Tom Hiddleston嘅Loki、Anthony Hopkins嘅Odin、Adewale Akinnuoye-Agbaje嘅 Algrim the Strong同埋Christopher Eccleston嘅Malekith。仲話到時未必出到咁高,即係睇全相就趁o依家。另外Marvel Studios嘅總裁Kevin Feige仲留咗句說話添。電影會喺今年11月8日喺美國上映。

Read more ›

「Macross:The Museum」展覽先行發售 雪露蘭卡Tee + 3段變形產品

「Macross:The Museum」展覽先行發售 雪露蘭卡Tee + 3段變形產品

今晚喺幕張舉行嘅「Macross Crossover Live 30」演唱會,去唔到真係飲恨,不過如果嚟緊到10月28日會去日本關西旅行,都可以去手塚治虫記念館睇「Macross:The Museum」呢個展覽,有實物原大個韋基利機艙,正!咁有睇之餘,都知你想駛錢,由7月16日開始會有幾款產品先行喺展場發售,當中包括有三段變形韋基利monogram紙巾套、袋仔等(1,050円至1,575円),仲有呢兩件超正嘅Tee!3,000円,好想要好想要好想要。

Read more ›
小精靈砌模型 《Pokémon X‧Y》初回特典公開

小精靈砌模型 《Pokémon X‧Y》初回特典公開

10月12日全球同步推出嘅3DS《Pokémon X‧Y(ポケットモンスター X・Y)》,繼今朝歐美嗰條新片後,啱啱又有新料發佈。令呢個問題比較切身,因為睇到幾個初回特典版本都有唔同嘅模型送,香港同日都有行貨推出,但你部日版機就唔駛諗,咁橫掂要訂,可以諗吓貴少少有唔同版本,呢幾個版本同部金色主機都係喺8月10日開始喺日本開訂。另外官方亦一次發咗大量遊戲圖,睇到新登場人物外,仲有小精靈嘅交換、進化方法,亦有上次報導成把劍咁嘅小精靈,最後就係PSS機能同埋遊戲入面嘅攝影機能。

Read more ›
新片速報《Dragon’s Crown(魔龍寶冠)》遊戲系統大公開

新片速報《Dragon’s Crown(魔龍寶冠)》遊戲系統大公開

今個月嘅推介,首先係翻煲《Metal Gear》系列啦,之後就輪到月尾呢隻ARPG喇。由Vanillaware、Ignition Entertainment製作,啱啱宣佈咗秋季會推出繁體中文版,我就冇耐性等,一於玩咗日文版先。遊戲會有PS3/PS Vita版,呢條片就集合晒所有遊戲情報同系統資訊,首先兩個版本save可以互用,之後就係遊戲間場會有烹調玩法,俾你自己用唔同食物組合嚟升level,PS3/PS Vita分別可以網上4人連機或者Wi-fi連機,除協力外,仲有大亂鬥玩法嘅鬥技場。而除咗武士、精靈仲有乳搖魔女、魔法師人設幾靚外,神谷盛治設定嘅魔物同樣有睇頭,最後提提,去藍店訂行貨有插畫集送,不過其實……

Read more ›
黃洋達網上小說《茅山高校》 結集成書

黃洋達網上小說《茅山高校》 結集成書

今個書展,黃洋達都湊湊熱鬧,將其網絡小說《茅山高校》結集成書。拋開政見,撇除黃洋達背景同政治理念,再學倪匡話齋:「書只有好睇同唔好睇之分。」咁個人認為,呢本書屬於好睇一類。

Read more ›
網圖分享:天生宿敵Ryu與Ken

網圖分享:天生宿敵Ryu與Ken

話之你大奸大惡,又話之你規行矩步,每個人生命中都總有個剋星剋住晒,有無發覺只要一有某某人出現,你做乜都唔順遂,唞啖氣都好似窒窒吓咁?

Read more ›

牛佬小說《陳浩南傳奇》 書展開賣

牛佬小說《陳浩南傳奇》 書展開賣

都係食老本之作喇,用第二個媒體希望港漫迷乖乖畀錢,今次牛佬唔出漫畫,改出首部個人小說《陳浩南傳奇》卷一之「友情歲月」,我呢個天字第一號牛佬Fans就撐硬架嘞。

Read more ›
大陸模型狂「進擊之新安州」 新安州變單眼巨人

大陸模型狂「進擊之新安州」 新安州變單眼巨人

咩都係進擊,搞到都有少少悶,但呢個有驚喜!噚日喺網上見到呢幾張圖,係大陸上海「CCG Expo」嘅高達模型迷作品。裏頭有城牆有煙,一睇場景都認得係嚟自《進擊之巨人》,但係60米巨人雖然都係紅色,但好似唔同咗樣,原來係《Gundam Unicorn》嘅新安州!至於嗰隻有立體機動裝置嘅訓練兵係咩機體,我睇咗好耐都認唔出,有冇人指教吓?

Read more ›
日本美容怪招    真蝸牛爬面做facial

日本美容怪招 真蝸牛爬面做facial

蝸牛黏液有修復肌膚、回復細嫰嘅神奇功效,好多面膜都加入呢個成份。不過要將隻真蝸牛放上面爬爬吓做facial聽落真係好嚇人。日本惠比壽嘅美容院Ci:z.Labo最近加入呢款活蝸牛美容療程,將隻蝸牛放上面爬60分鐘,聲稱可以有保濕、消炎同埋去角質嘅效果,一次療程要成24150円。所以如果有一日你喺女朋友屋企見倒佢養咗兩隻蝸牛做新寵物,你就唔駛多問嘞。不過,之前大陸杭州有少女直接放隻蝸牛上面吸收護膚品,點知無幾耐隻蝸牛就死咗,建議大家都係唔好亂試。

Read more ›
本地消息 聽日有嘢睇 德福展出極罕玩具遊戲機 1比1英雄現身

本地消息 聽日有嘢睇 德福展出極罕玩具遊戲機 1比1英雄現身

都話放暑假多嘢玩!九龍灣德福廣場聽日(14日)開始至8月5日會有一個名為「型聚Kidult 狂熱大曬冷」嘅活動,展品當中有本地遊戲雜誌女編輯阿琪嘅私藏—價值200萬日元嘅遊戲開發廠商專用「Sony」工作主機,仲有Apple喺1996年生產嘅唯一一部家用遊戲機;另外仲有玩家達人,有蒲開玩具討論區都識嘅Dogulas Mok珍藏玩具;最勁仲有《人人英雄》主腦Zero嘅1比1「Askham City Armored Batman」、「Captain America – The First Avengers」服裝,去戲院睇完《怪獸大學》再去埋睇展覽,再上樓上Uniqlo買動漫Tee換季,妥晒。

Read more ›
撕開小丑面具  Joker爛肉睇見心寒

撕開小丑面具 Joker爛肉睇見心寒

蝙蝠俠電影《The Dark Knight》入面,最吸引嘅角色係小丑Joker,而且演出嘅Heath Ledger真係演得神似,可惜英年早逝。講返正題,芬蘭藝術家=K4ll0最新設計咗一輯Joker插畫,睇到我好心寒,因為撕開小丑面具入面嘅肉全部活生生呈現出嚟,當然仲有佢個經典大嘴,噢,Why so serious?

Read more ›

《Star Trek》酒店主題套房   $5600暫住外太空

《Star Trek》酒店主題套房 $5600暫住外太空

電影《Star Trek Into Darkness》已經落咗畫,好多人大讚好睇,呢套戲喺巴西都好受歡迎,因為巴西 São Paulo嘅喜來登酒店(Sheraton Hotel),啱啱起咗間以《Star Trek》做主題嘅豪華套房,牆上面投射效果好迫真,仲可以用遙控改成唔同效果,十足十去咗太空一樣。價錢方面,開價美金$700一晚,仲有1萬蚊美金嘅Starfleet介指同埋千五蚊美金嘅太空boots賣,《Star Trek》迷唔好亂去喇,好易駛大咗!

Read more ›
法式《One Piece》另類娜美殺入巴黎「Japan Expo」

法式《One Piece》另類娜美殺入巴黎「Japan Expo」

本來呢個喺7月4日開始連續4日喺巴黎舉行嘅「Japan Expo」,我哋都已經報導過,之但係見到呢堆Cosplayer相,我又忍唔住要share俾大家評吓理。無錯,你眼前睇緊嘅就係法國《One Piece》嘅Coser,我明,我真係明,Cosplay在乎嗰份熱誠同埋心意,我收到晒,亦都開咗眼界,多謝。

Read more ›
新片速報  街霸Blanka突入現實生活   瘋狂撞人

新片速報 街霸Blanka突入現實生活 瘋狂撞人

星期六,最啱睇吓笑片開心吓,由Youtube頻道ParodiePub.fr製作嘅呢條短片,主角有街霸嘅Blanka,重點係將日常生活啲人唔小心仆親、跣底嘅畫面,加咗Blanka入去,變成被Blanka突襲而跌底,加埋啲特別聲效,真係好爽!短短幾日已經有30萬人睇過,入嚟仲有得回帶睇返6月出嘅第一集,而家已經有90幾萬點擊,原來大家都好鐘意睇人PK。

Read more ›
加片再推!初音大阪・梅田On Stage!   AR手機演唱會

加片再推!初音大阪・梅田On Stage! AR手機演唱會

  噚日(12日)我哋報導咗呢單News,就係大阪・梅田今日開始到8月6號搞咗個『初音ミク in KNOWLEDGE CAPITAL~ミクが遊びにやってきた~』 去到現場,只要你裝咗Google Play嘅專用App,用手機個鏡頭對住舞台, 就會睇見初音喺激光中跳舞,而且仲會播住kz(livetune)嘅名曲《Tell Your World》,而且呢個AR最強大之處,係360度環迴任你睇!啱啱喺網上發現咗有段片,睇片梗係開心過睇圖,一齊感受吓,如果喺香港搞都唔錯喎,幾千人舉機對住個冇嘢嘅台睇初音,都幾壯觀!

Read more ›