最新資訊

RG Z Gundam 開$219送地台開件刀
by / on 22/11/2012 at 11:20 am

RG Z Gundam 開$219送地台開件刀

  RG Z Gundam出咗!唔好問我分件、賣相、變形甚麼甚麼,唔買!?你唔好話你係砌模型囉!首批開價$219,送地台都開件刀,你買嗰問無畀你!?

Read more ›

Marc Jacobs設計 LV版初音現身
by / on 22/11/2012 at 8:30 am

Marc Jacobs設計 LV版初音現身

呢個有少少似又唔係好似嘅初音,的確係初音,而且仲係由Louis Vuitton創作總監Marc Jacobs設計嘅!呢隻係為咗12月一套歌劇而設計,名為「The End」,12月1日同2日會喺山口・山口情報芸術センター舉行,除咗初音之外,仲有音樂家涉谷慶一郎同岡田利規參與。呢個初音唔只著住LV服裝,就連佢個袋都係Vuitton嘅「Speedy」。不過日本初音迷似乎唔係好受呢套,網上留言都係鬧爆話佢唔似初音,香港初音迷點睇?

Read more ›
PS3《初音未來-Project DIVA-F》3月7日發售 封面/預約特典曝光
by / on 22/11/2012 at 7:43 am

PS3《初音未來-Project DIVA-F》3月7日發售 封面/預約特典曝光

初音迷注意!之前公佈PS3會出嘅《初音未來-Project DIVA-F》,有消息透露將會喺下年3月7日發售,價錢7329円,預訂仲有Q版初音掛飾送!今次PS3版本會追加多6首新歌,仲有新造型、新模式同自訂道具,據知可以同PS Vita進行數據同步,片就未有,但網上已經有預訂封面圖。唉,唔知買唔買埋Hori隻大手掣好,好煩惱呀!

Read more ›
新片速報 《薩爾達傳說》最新預告
by / on 22/11/2012 at 6:52 am

新片速報 《薩爾達傳說》最新預告

Sorry,又係我。係,我起個咁嘅題,無非想引你入嚟睇,呢段預告片的確係《薩爾達傳說》新作嘅預告,長43秒,畫面超靚!但到底係咪Wii U遊戲呢?嘻!係咪好好奇呢?我唔講你哋知,入嚟睇片自己知……算啦,咁做都係太賤,我講喇,係美國任天堂同Dark Horse Comics合作推出《The Legend of Zelda: Hyrule Historia》呢本畫集嘅預告片,出書都有預告,係咪吊詭先?

Read more ›
新片速報《數碼暴龍》歷代主角現身 特典送懷舊數碼暴龍機
by / on 22/11/2012 at 1:56 am

新片速報《數碼暴龍》歷代主角現身 特典送懷舊數碼暴龍機

先講清楚,初回特典送嘅唔係真係你讀小學玩嗰部數碼暴龍機,而係下載碼,即係你可以喺你部PSP度玩番呢部機懷舊吓,而且仲可以用ad-hoc連戰對戰,都夠玩啦!係時候約番啲小學同學聚一聚喇!呢隻Namco Bandai喺下年1月17日推出,打正旗號為慶祝《數碼暴龍(デジモンアドベンチャー)》誕生15周年推出嘅PSP遊戲,會集合動畫同電影版嘅章節,另外亦有大量迷宮、育成原素,當然仲可以同歷代主角合作或者交手!今次亦有新畫面同新PV發佈!懷舊吓先啦!

Read more ›
《亞特蘭提斯Online》 黃德斌帶住公主抗末日
by / on 21/11/2012 at 11:37 pm

《亞特蘭提斯Online》 黃德斌帶住公主抗末日

之前都報導過,中華網龍請嚟大隻肌肉男黃德斌同台灣model、有小安心雅之稱嘅小海Umi影《亞特蘭提斯Online》宣傳照,大斌哥仲做埋香港區代言人,睇佢兩嚿胸肌,就知係大製作!佢今次拍宣傳照嘅造型就係末日騎士,小海就做「亞特蘭提斯」公主,齊齊戰鬥!遊戲由Gameone代理營運,中華網龍研發,12月7日就推出,可似煲住過12月21日,有大隻斌幫拖,唔怕世界末日啦!仲可以煲埋聖誕新年假,啱晒數!

Read more ›

新片速報 電腦最強守衛 動態感應識出聲識變身
by / on 21/11/2012 at 8:20 pm

新片速報 電腦最強守衛 動態感應識出聲識變身

Valve出嗰隻《Portal 2》你有冇玩?冇玩唔緊要,呢隻Thinkgeek出嘅7.5吋高turret一樣夠你過癮。USB攞電,只要你插著佢,喺你離開個位時,有人經過或者行近,佢就會變型兼發出唔同聲,嚇走(!?)想搞你部電腦嘅人!最抵死係發出遊戲內嘅聲音會有「Target acquired」、「I see you」、「Preparing to dispense product」等,搞到佢瞓低又會嗌「Critical error」、「I don’t hate you」等,仲有,冇人理佢(30秒)時都會叫:「Are you still there?」,$39.9美元,抵死!

Read more ›
第11彈RG 命運高達下年春季發售
by / on 21/11/2012 at 7:40 pm

第11彈RG 命運高達下年春季發售

雜誌情報一單,RG Zeta已經到港,二百鬆可變型真係幾抵玩,學編輯苦茶話齋,齋啪放公司一晚搞掂冇得頂。咁下隻呢?就係1/144 Destiny Gundam命運高達!預計2013年春季發售,啱啱有設計圖睇,真係正,正在唔駛儲錢,打孖嚟都唔赤!

Read more ›
新片速報《限界凸騎》捽心口出絕招
by / on 21/11/2012 at 7:22 pm

新片速報《限界凸騎》捽心口出絕招

《神次元戰機少女》間廠Compile Heart新作,呢隻RPG睇佢啲女角咁靚都知邪邪地,點知真係邪釘嘢。嗱,睇吓呢條試玩片段,打直部機,畫面顯示嘅就係萌味濃郁嘅女角,玩法要不斷掃個輕觸屏,係咁捽係咁捽,咁你捽人哋心口,人哋一定臉紅啦,咁臉紅就可以出絕招喇……遊戲個名叫《限界凸騎 Monster Monpiece(限界凸騎 モンスターモンピース)》,有超過50個插畫家參與製作、吉祥物係海狗,可以連線對戰,下年1月24日推出。

Read more ›
新片速報 《美食獵人》美食屋四天王合作技
by / on 21/11/2012 at 6:48 pm

新片速報 《美食獵人》美食屋四天王合作技

動漫RPG總會有捧場客啩?Namco Bandai Games將會喺12月13日為呢套喺2008年開始於日本《週刊少年Jump》連載嘅漫畫推出3DS遊戲。《美食獵人(トリコ グルメモンスターズ!)》呢段TVCM就睇到美食屋四天王嘅合作技,仲有關於怪物育成、通訊對戰嘅原素,仲有初回特典送幾張AR卡你玩!

Read more ›
新片速報 遙控Angry Birds 成屋周圍游
by / on 21/11/2012 at 6:37 pm

新片速報 遙控Angry Birds 成屋周圍游

  對Angry Birds,真係有啲膩,不過呢件Products,真係有啲好笑!氫氣球Angry Birds?唔止!呢隻RC Flying Red Angry Birds Air Swimmers,你可以透過遙控,將佢全屋游走,不過家有貓的咪買,包你一日爛十個!家有小朋友咪買,包你瞓着覺時俾雀喙!切記!

Read more ›

今日報價 3DS《Pokemon不可思議的迷宮》/ $360《E.X.TROOPERS》低開$288
by / on 21/11/2012 at 6:22 pm

今日報價 3DS《Pokemon不可思議的迷宮》/ $360《E.X.TROOPERS》低開$288

今個星期,有3DS嘅Pokemon迷就必買《Pokemon不可思議的迷宮》啦,日版開價$360。另外仲有隻啱射擊迷同《Lost Planet》迷嘅就係Capcom隻《E.X.TROOPERS》,LP外傳故事,一改變成日系動畫風,第三身射擊,故事同網上對戰內容都好豐富,抵開$288幾抵玩。另外,《動物之森》都再返貨,不過都要$450。

Read more ›
突發!下周二(27日)PSN下載試玩《人中之龍 5》+ 今日體驗《DmC》
by / on 21/11/2012 at 4:49 pm

突發!下周二(27日)PSN下載試玩《人中之龍 5》+ 今日體驗《DmC》

SEGA宣佈,12月6日推出嘅PS3《人中之龍 5(龍が如く5 夢、叶えし者)》將會喺11月27日喺PSN有試玩版免費下載!雖然呢隻唔試都諗住買,不過率先有得玩吓先就梗係興奮!內容會係玩呢一集桐生一馬初出場嘅福岡‧永洲街章節,下星期二(27日),日本PSN,到時再提你!另外,入面仲有最新冴島大河篇嘅雪地打熊人畫面!最後,提提大家,Capcom隻《DmC》今日都會有體驗版免費喺日本PSN同Xbox Live下載,放工返屋企下載啦!

Read more ›
今日下載 PS3/3DS《Space Harrier II》懷舊回歸
by / on 21/11/2012 at 4:35 pm

今日下載 PS3/3DS《Space Harrier II》懷舊回歸

我唔知你哋幾多歲,有冇記憶尖沙嘴天星碼頭嗰度某地庫曾經有間超大間嘅機舖,而我第一次接觸體感遊戲就係喺嗰度,嗰隻叫《After Burner》,之後一隻就係呢隻《Space Harrier》喇!有番咁上下機齡一定認得畫面,SEGA今日會喺PSN同3DS推出呢隻遊戲嘅合輯下載版,結合多個版本,800円。

Read more ›
新片速報《Just dance 4》屋企挑戰〈江南Style〉
by / on 21/11/2012 at 3:12 pm

新片速報《Just dance 4》屋企挑戰〈江南Style〉

之前報導過Ubisoft會為PS3/Xbox360《Just dance 4》推出PSY人人跳到爛嗰隻〈江南Style〉出DLC,咁今日Xbox Live就已經有得下載喇,PS3版就要等到下星期27日先有得下載。老老實實你唔好話我聽你未喺屋企自己試過跳,如果未,就真係要挑戰吓!

Read more ›