fbpx

最新資訊

巨型戰艦「AAA Wunder」降臨富士急 《Evangelion新劇場版:Q》新搞作

巨型戰艦「AAA Wunder」降臨富士急 《Evangelion新劇場版:Q》新搞作

碟都出咗喇,下集又唔知幾時上,但冇理由唔keep住出新嘢吖。富士急一向都有玩開《Evangelion新劇場版:Q》,今次就加埋《Q》中最搶眼、WILL-E呢架「AAA Wunder」初號機戰艦。唔好開心住,唔係實物,只係有AR擴張現實影相功能,可以幫你扮喺艦入面,而喺特定地方你影個天空,又會見到佢喺天上面航行緊。有冇人暑假去富士急?記得玩埋。

Read more ›

相機鏡頭變手鈪      開價$2000 火速賣晒

相機鏡頭變手鈪 開價$2000 火速賣晒

有無諗過將放喺屋企成個月無用過嗰部單反,拆爛支鏡再整成以下呢款手鈪?講笑啫,不過外國真係有設計師利用舊相機鏡頭整成以下多款手鈪,仲全部賣斷市!本身係攝影師嘅Stefaan duPont開咗個網站SDPNT,收集咗好多古董無用嘅鏡頭,再將佢哋改裝成手鈪喺網上發售,由於係古董,所以數量極之有限,雖然每隻要成港幣$2000,不過都極速賣晒!都係嗰句,買唔倒,自製啦。

Read more ›
新版Xbox360暑假買機優惠 請你食Macaron

新版Xbox360暑假買機優惠 請你食Macaron

暑假嚟喇,我記得以前細個,暑假就梗係乞阿爸阿媽買遊戲玩,有機買Game,冇機買機,都係嗰句啦,下年我會俾心機讀書。如果你屋企未有Xbox360又真係想買佢,咁就唔好蝕,睇清楚官方嘅新優惠。凡於2013年7月11日至8月31日期間喺全線Xbox特約經銷商買新版Xbox 360 4GB主機連Kinect套裝,再成功於9月7日前完成網上登記,就可以得到《Fruit Ninja Kinect》遊戲下載卡乙張,仲可以選擇Xbox x Paul Lafayet法式小圓餅一盒(共12件,可即場自選味道),或者參加「Xbox x Paul Lafayet法式小圓餅二人Fun享製作班」一堂(需於2013年8月23日中午12時前完成登記)。睇完呢段嘢,嘩點係呀?可能你同我一樣唔知講咩好,咁咪唯有講句多謝同唔該囉。

Read more ›
海棉寶寶搭上Toyota     新車頭枕變正方

海棉寶寶搭上Toyota 新車頭枕變正方

星期日又係假期車出動嘅時候!呢架海錦寶寶同Toyota合作嘅全新2014 Highlander,更加堪稱係終極假期車,因為平日揸出街實在太招搖嘞!老實,外形真係誇張到揸出街都會尷尬,不過內籠都幾靚吖,特別係頭枕位置,襯返海棉寶寶變晒正方形,舒唔舒服唔知,不過睇落幾有heart,唯一擔心係全車鮮黃色,望多兩眼會有啲攰。架車今日喺聖地牙哥嘅Padres vs.Giants活動首次展出,好消息係呢架只係概念車,可以放心share比你老婆同埋仔女睇。

Read more ›
新片速報 PS4 20件你不知道的事 影片版

新片速報 PS4 20件你不知道的事 影片版

之前都出過類似嘅報導,我哋唔知嘅嘢都有啲,如果唔想睇字,今次呢條片就啱晒喇。機迷或者唔知嘅事,其實都係嗰幾味,例如手掣Touch Pad可以撳落去啦、500GB硬碟可更換啦、PS Camera有四個收音位置啦,仲有原來PS4已經有140隻遊戲已經開發緊……等等。

Read more ›
結果公佈 1周年送大禮 KEF流動充電器 + 試機碟1隻(5份)

結果公佈 1周年送大禮 KEF流動充電器 + 試機碟1隻(5份)

50多年歷史嘅揚聲器品牌KEF送出嘅流動充電器 + 試機碟1隻共5份得獎名單公佈!得獎者係以下幾位,恭喜晒!請各得獎者在facebook專頁Inbox我們,以便相約領獎,謝謝!另外留意聽日壓軸大獎將會現身!

Read more ›

熊本熊Kumamon x Mini Cooper 參觀英國車廠 日本有得試

熊本熊Kumamon x Mini Cooper 參觀英國車廠 日本有得試

勁!又係日本熊本縣呢隻Kumamon,今次仲越洋去到英國!事源佢同MINI車廠合作推出咗一架「くまモンMINI」,所以早前仲去咗英國嘅Oxford車廠參觀,影咗好多可愛到爆開嘅相!呢架車唔只求其貼啲貼紙上去,個車頭仲有佢個鼻,兩盞車頭燈就係佢對眼,超正!香港應該冇得買,不過,要模仿……其實唔難。

Read more ›
日本真人電影上映《熱血硬派くにおくん》最強高中生

日本真人電影上映《熱血硬派くにおくん》最強高中生

擁有過任天堂紅白機嘅,一定玩過熱血系列,《熱血高校》、《熱血硬派》,都應該記得邊個係くにおに國雄君啦,唔記得可以入嚟睇番遊戲影片,懷吓舊!呢隻經典遊戲喺日本拍咗真人版電影,由大野拓朗演主角,仲有滝口幸広、高嶋香帆、土平ドンペイ、山本梓、水崎綾女參演,監督就係光石富士朗。呢度有兩張劇照,日本9月舉行嘅「第6回したまちコメディ映画祭in台東」會率先有得睇,我諗呢套都冇乜可能喺香港睇到,但係我超想睇呀!

Read more ›
沐浴於愛河之中!輕揉擠出沐浴露!

沐浴於愛河之中!輕揉擠出沐浴露!

今次唔係日本人,今次係西人出品!呢件喺eBay上面有得賣嘅產品,係一個浴室用嘅沐浴露容器,好簡單,同你平時去旅行住酒店啲沐浴露容器或者去商場廁所啲洗手液容器一樣,只需要輕輕一壓,就會有液體流出,不過呢個個質感就特別啲,據講係軟綿綿嘅……試諗吓,當你洗緊頭咪埋雙眼時,輕輕一揉,再捽多啲泡,簡直係沖涼嘅一大享受。29.99美元,一對有兩邊可用是常識,好嘢。

Read more ›
新片速報 揚威海外系列 大陸盜用《進擊之巨人》變《進擊的美男》

新片速報 揚威海外系列 大陸盜用《進擊之巨人》變《進擊的美男》

有時有啲嘢,叫人在造天在看,你抄人嘢,實有人知,唔認都冇用。大陸湖南衛視有個綜藝節目叫《進擊的美男》,個名就當係二次創作啦,但係你用埋人哋首主題曲〈紅蓮の弓矢〉前奏,用埋人哋啲設計風格就唔妥當囉。日本就有網站報導呢件事,報導出咗之後,日本網民嘅留言梗係鬧爆啦,唉……堂堂一個大電視台,可唔可以唔好再做啲咁失禮人嘅嘢?

Read more ›
本週爆Like圖集 可樂連樽食 進擊鬆弛熊熱爆洛杉磯

本週爆Like圖集 可樂連樽食 進擊鬆弛熊熱爆洛杉磯

今個星期最搶鏡爆Like嘅,一定係喺洛杉磯Anime Expo嗰隻巨人coser,行為奔放,仲比佢偶遇進擊之鬆弛熊訓練兵,嚟個世紀熊抱,震憾到呢!另外食得落熔喺手又熔喺口嘅冰製可樂樽更係環保先鋒最愛,可能大家都好想去沙灘隊番支啩。而我本人最鐘意就係倒吊玩bungee jump嘅熊本熊Kumamon,倒吊都木無表情未驚過。最後想講係,其實最爆like嘅係呢個星期嘅送禮勤活動,每個都爆like爆share,今日會公佈大量得獎結果,記住留意呀!

Read more ›

立體畫神人   一支筆一隻手變魔術

立體畫神人 一支筆一隻手變魔術

我好鐘意睇立體畫,有啲似魔術,呃倒人但又令人睇得好開心喎。今次呢輯由神人AlessandroDD創作嘅立體畫,全部用鉛筆畫成,大部份只係見倒畫家隻手同埋支筆,但已經勁立體,例如條蛇畫畫吓好似識走出張紙咁,隻手插爛張紙忽咗變咗鬼爪,不過最神奇都係立體手掌上可以放倒魔戒,我諗極唔明點樣可以做倒,不過真係好好睇。

Read more ›
免費手機新Game:百發百中的籃球

免費手機新Game:百發百中的籃球

次次有Friend叫打籃球,我都諸多藉口,唔係話忙就話呢度痛嗰度痛,實情係懶兼怕熱,不過玩完「Basketball Tricks Lite」呢個Game,我嘅籃球熱血返番晒嚟嘞。

Read more ›
Canon半專業強機落價 G1 X下試$4,680

Canon半專業強機落價 G1 X下試$4,680

  Canon啱啱公佈有四部正機做落價, Hee! 佢哋都新咗好一排, 新改款Upgrade版都差唔多要嚟0架喇, 早啲減定都係時候; 不過真心, G1 X其實真係正到不得了, 好多換鏡無反, 其實都唔多夠佢砌, G15就稍次佢一級兼細部啲, 基本一般無反都係贏佢唔到, 咁即係差唔多!? 咁又唔係, 一部贏成幾條街, 一部贏半條街咁啦, 點解自己又唔買!? 因係我鍾意玩CCTV鏡囉! 其實如果想簡單影靚相, 又諗死自己唔會買鏡頭嘅, 唔好諗, 呢兩部好抵玩!

Read more ›
《Thor: The Dark World》新海報曝光 超長超多神

《Thor: The Dark World》新海報曝光 超長超多神

嚟緊美國時間18日就係San Diego Comic-Con 2013舉行嘅日子,到時又肯定大把料報!不過都有率先曝光嘅新嘢o依家就有得睇。講緊嘅係一張超長嘅雷神續集《Thor: The Dark World》海報,見到Chris Hemsworth演嘅Thor、Tom Hiddleston嘅Loki、Anthony Hopkins嘅Odin、Adewale Akinnuoye-Agbaje嘅 Algrim the Strong同埋Christopher Eccleston嘅Malekith。仲話到時未必出到咁高,即係睇全相就趁o依家。另外Marvel Studios嘅總裁Kevin Feige仲留咗句說話添。電影會喺今年11月8日喺美國上映。

Read more ›