最新資訊

有片 西人Coser變身Commander Shepard 過程全記錄
by / on 13/01/2013 at 11:19 am

有片 西人Coser變身Commander Shepard 過程全記錄

Project Cosplay影片系列,Red 5今次搵嚟專業級西人Crystal Graziano,佢曾經Cos過女版雷電、街霸Cammy等角色。今次就直擊佢將自己變成《Mass Effect》嘅Commander Shepard,呢條片就睇到佢套甲點整,再加埋特別一段特別效果影片,加埋便服版Crystal,嘴唇好鬼厚,拍得幾型幾靚。

Read more ›

《DmC Devil May Cry》行貨偷跑有望 預訂價$320
by / on 13/01/2013 at 11:11 am

《DmC Devil May Cry》行貨偷跑有望 預訂價$320

眨吓眼今日就13日喇,今個月大Game《DmC Devil May Cry》行貨正式推出日期同日版一樣係17日,歐美就係15日,收到風都應該有啲機會偷跑。計落條數,唔計嗰啲予約特別版,買行版應該係價錢最抵同埋最齊DLC,官方建議零售價$328,o依家去葵芳G Point訂番隻就$320,首批除咗有精美禮盒包裝外,仲會附送2大特典,包括「Golden pack」黃金武器包 + 道具搜尋器、「Bone pack」骨頭武器包 + 寶石收集、「Samurai pack」武士武器包 + 升級點數三個DLC,加埋香港先有嘅DmC電話Case,兩款圖案設計隨機抽一款,分為iPhone 5、Galaxy S3 、Galaxy Note 2版本。

Read more ›
13/1一週碟榜:布斯X祖瑟夫 穿越殺自己
by / on 13/01/2013 at 10:19 am

13/1一週碟榜:布斯X祖瑟夫 穿越殺自己

  今個星期終於正路啲,多返啲戲揀!同DVD Pro Andy打牙鉸,佢就大推《時凶獵殺》:「有布斯韋利士、又有夜神起義嘅祖瑟夫哥頓利域,你就知好戲啦!」套戲主要講今日的我、打倒明日的我!話說未來會有時光機,不過呢件事完全唔合法!細Joe(祖飾)就係專職殺未來人嘅時凶殺手;一日撞到穿越回來的布斯,開刀之際,竟發現要殺的原來是未來的自己……

Read more ›
日本新廣告  cosplay三文魚有肥有瘦
by / on 13/01/2013 at 8:56 am

日本新廣告 cosplay三文魚有肥有瘦

扮三文魚算唔算係cosplay?日本廣告公司Try/Apt最近幫挪威海鮮發展局拍咗三條廣告,今次好破格,搵嚟一班現代舞專家,cosplay成一條條挪威三文魚同飯團跳跳紥,啲三文魚有肥有瘦,而且全部都好專業,最尾全部都變晒真壽司,講真幾好睇,不過,你敢唔敢食?天與地喎!

Read more ›
有片  日本「海上自衞隊」裝App學敬禮
by / on 13/01/2013 at 8:19 am

有片 日本「海上自衞隊」裝App學敬禮

Attention!日本人真係做咩都超認真,敬禮係人都識,但你條腰夠唔夠直,手嘅屈曲角度係咪標準?日本海上自衞隊有個叫「Salute Trainer」嘅iPhone App,唔係新出,但睇倒都好想分享吓。玩法簡單,聽到虛擬軍官指令就舉手行禮,最後會根據你嘅靜止度、反射神經、敏捷性、軌跡同最終形態得到總分,再頒發軍階例如「2等海士」鼓勵你。下面有片睇,製作超認真,最搞笑係尾段海軍隊員敬禮時部手機唔小心fing咗落水,原來,佢哋都有出「Salute Trainer」防水機殼,不過not for sale,我頂。

Read more ›
本周Coser 韓風螺旋貓Miyuko
by / on 12/01/2013 at 7:52 pm

本周Coser 韓風螺旋貓Miyuko

上年都介紹過呢個韓國Cosplay組織Spiral cats嘅成員Tasha同Ren,隔咗一排,我有啲掛住韓國正妹,於是我淥咗個辛辣麵,一邊揀相一邊食。係,我知你對我星期六喺屋企寫稿嘅生活冇興趣,咁講番Miyuko,佢4月16日生日,血型係AB型,Cos過好多唔同角色,最令我嬲嬲哋嘅係上年4月嗰陣曾經流傳過佢一張裸體相,好彩後尾證實係假o架啫!我搵番嚟睇,其實都PS得幾真,嗚呀!辣親添!

Read more ›

新片速報 Microsoft新世代主機技術 將你間屋變戰場
by / on 12/01/2013 at 5:21 pm

新片速報 Microsoft新世代主機技術 將你間屋變戰場

有冇發覺無論你當初諗住換幾多吋電視,換咗一排之後,你又會覺得部電視唔夠大?有咁多錢都未必有咁大地方擺部成百吋電視啩?Microsoft Research研發呢個「IllumiRoom」技術就掂當喇,就算你將部電視放喺電視櫃度,佢都可以透過投影技術令電視周圍甚至你屋企個地板、牆壁變成打機戰場一部份!呢條片官方話冇任何後期加工效果,全部現場錄,睇完就知有幾勁!

Read more ›
新片速報 今晚睇直播 中國版AKB48 SNH48出道演出
by / on 12/01/2013 at 5:18 pm

新片速報 今晚睇直播 中國版AKB48 SNH48出道演出

轉個頭,6點48分,中國版AKB48 SNH48將會喺上海淺水灣文化藝術中心作「Give Me Power!」出道演出,門票分198/98人民幣兩種,已經賣晒飛!想見識吓嘅,搜狐會有直播,入嚟有網址。呢隊10月正式組成嘅官方海外組合都係由秋元康監督,舞步同形象都跟得幾足,睇過佢第一首歌MV〈無盡旋轉〉(即係AKB48好紅嗰首〈ヘビーローテーション〉嘅國語版,入嚟有得睇原版同中國版),當中有幾個都幾靚女,不過,我仲係未好接受到……另外,有外國傳媒去咗上海嘉興路裝修緊嘅SNH48專用劇場「星夢劇場」視察過仲拍埋片,附近又街市又盛,幾污糟,入嚟可以感受吓。不過個記者佢都好識嘆,喺檔口買咗件葱油餅食。

Read more ›
有片 手機萌App 女角燃燒你脂肪 引你做運動
by / on 12/01/2013 at 4:04 pm

有片 手機萌App 女角燃燒你脂肪 引你做運動

令男人減肥嘅最大動力係咩?女。係,動畫中嘅萌女唔介意你肥定瘦,但呢個日本出嘅Android/iOS app《Burn your fat with me……》入面3個女主角就會成日叫你做運動。App入面有超過1,000句語音對白,有故事有圖睇可以換衫之餘,開埋感應嘅時候,你拎住部電話做sit up時畫面入面個女角除咗好似按住你對腳之外,仲會幫你數一二三;做掌上壓嗰陣,就可以放部電話喺地,咁佢哋就會喺嘅身下面幫你打氣……最正係英文字幕日語配音,聲優係上原真優、走尾結希同躯河鞠花,見到佢哋咁好身材,條腰係咪好想郁?快啲做sit up啦!廠商仲話今年會出埋乙女版……

Read more ›
港版廣告 金田一《香港九龍財寶殺人事件》今晚J2
by / on 12/01/2013 at 3:26 pm

港版廣告 金田一《香港九龍財寶殺人事件》今晚J2

難得香港同步,雖然我仲停留喺堂本剛同友坂理惠年代,今晚都要提吓大家開電視撐吓場。《香港九龍財寶殺人事件》呢套SP日劇係為慶祝《金田一少年事件簿》漫畫連載20周年而拍嘅,上年仲嚟咗香港取景,主角金田一係Johnny’s嘅山田涼介,川口春奈做七瀨美雪,仲有演出台灣警察嘅吳尊、時裝設計師徐若瑄,同埋香港嘅曾志偉、韓國BIGBAND嘅V.I。港版廣告出咗,主角們叫你睇TVB喎,今晚9點35分J2播,聽日中午再重播可以睇番,唔使上網搵。

Read more ›
今日報料 福利模型有喜 苦茶變傻仔
by / on 12/01/2013 at 1:50 pm

今日報料 福利模型有喜 苦茶變傻仔

星期六風和日麗又仲有1日假,有咩好得過去買模型買玩具?不過,如果你好似我哋編輯苦茶咁係深水埗福利模型嘅fans就要留意,話說今日有個身型瘦削嘅GameoverHK編輯苦茶,好開心崩崩跳咁彈吓彈吓去福利,諗住買吓蟹順便影吓最新到貨玩具報吓價,點知去到門口,轟隆!今日東主有喜,休息1天!嗱,我呢個post絕非想嘲笑任何人,只係希望如果有玩具迷諗住出發去福利,就要改改地點出油旺喇,以免去到做咗傻仔,嘻。

Read more ›

Cyber-shot TF1 愛死4防又耐寒
by / on 12/01/2013 at 1:00 pm

Cyber-shot TF1 愛死4防又耐寒

  三防相機永遠有市場!我知呢排天口凍,大家唔會落水0麻!0甘就0岩喇,0黎緊Sony有部4防,最後一防係耐寒!佢個名叫 Cyber-shot DSC-TF1,機唔高,只係$1,790(1月底前發售),最重要係唔大部、仲幾靚仔0下,睇樣唔知佢有10m防水0羅!平時帶出街都叫見得0下人0麻!

Read more ›
新片速報 秋葉原「陪瞓屋」跟進報導 日本記者親身試
by / on 12/01/2013 at 12:28 pm

新片速報 秋葉原「陪瞓屋」跟進報導 日本記者親身試

上星期報導過日本陪瞓 (添い寝)店繼秋葉原第1店喺9月開幕後,喺新宿開咗第2分店,仲提供新服務「尻枕」,俾用家將個頭枕喺囡囡屁股上面瞓,每分鐘要1,000円。日本就有個戴住摔角手頭套成隻嘰嘰咁嘅記者再一次親身去秋葉原店試過,拍埋片,繼第一集(入嚟有得睇)佢好識食地要求囡囡換上體育制服,之後仲試咗唔同服務,包括拖手瞓、瞓大脾、擁抱、按摩……今次就主要試埋其他服務條片10分鐘長,絕無色情成份,你哋同我著番條褲先。

Read more ›
《侏羅紀公園4》下年6月公映 導演仲未定?
by / on 12/01/2013 at 12:25 pm

《侏羅紀公園4》下年6月公映 導演仲未定?

數數手指,電影《侏羅紀公園》已經推出20年,第三集都已經出咗10年。呢套史匹堡執導生涯票房最高嘅電影,官方啱啱宣佈第四集將會喺下年6月13日上映,仲會係3D製作。記得當年呢班恐龍帶嚟嘅震憾,話晒第一次用CG製作嘅動物電影,真係嚇得吓人O架!今集史匹堡繼續做監制,至於導演?官方仲未定呀,究竟2014年係咪真係上得切O架?套戲暫時未有新圖,不過下面有好多網上搵倒嘅自創poster,幾過癮!

Read more ›
生產進行中 Steve Jobs Figure唔怕封殺嚟香港
by / on 12/01/2013 at 12:04 pm

生產進行中 Steve Jobs Figure唔怕封殺嚟香港

日本Legend Toys一早已經俾咗佢哋整嘅Steve Jobs Figure大家睇,好多人,包括我在內都睇死佢因為版權問題出唔到,不過睇嚟佢哋冇有怕蘋果嘅威嚇,實行量產化!最新圖片睇到教主Steve Jobs主身各部份包括面相,實在係幾高質素,佢哋仲專程嚟到香港山頂蠟像館,搵隻Figure放喺Steve Jobs個蠟像上面影相,嚟個大小喬布斯合照!

Read more ›