最新資訊

新片速報 《Disney Magic Castle My Happy Life》米奇主機7月推出
by / on 11/03/2013 at 1:28 pm

新片速報 《Disney Magic Castle My Happy Life》米奇主機7月推出

如果你女朋友係迪士尼fans,咁你一係就買定俾個驚喜佢,一係就盡量唔好俾佢知會出呢部機。呢隻迪士尼出嘅3DS RPG遊戲《Disney Magic Castle My Happy Life(ディズニー マジックキャッスル マイ・ハッピー・ライフ)》,裏頭有齊大量迪士尼人物齊登,主角可以換唔同服裝,仲可以喺迪士尼樂園入面冒險同影相,不過最恐怖嘅係佢會喺7月11日同日推出同梱版主機,部機白底金案圖,堅係幾靚,賣24,380円,善哉善哉。

Read more ›

彈幕遊戲《Caladrius》「羞恥Break」爆衫新系統
by / on 11/03/2013 at 1:14 pm

彈幕遊戲《Caladrius》「羞恥Break」爆衫新系統

我唔明,唔通西人特別鍾意打飛機?作為PS3機主嘅我,都好想玩呢個系列嘅縱向射擊彈幕遊戲……4月25日喺Xbox360推出,呢隻《Caladrius》將會有新系統「羞恥Break」登場,即係達到某啲特定條件,女主角們就會爆衫!仲有特寫畫面!能力仲會提升!冇計啦,先前出嘅《限界凸騎》同《閃亂神樂》玩爆衫都狂賣,賣萌爆衫是王道呀!另外今次亦有兩個新敵方人物嘅新圖發佈咗,可以入嚟睇吓。

Read more ›
遊戲到手《God of War: Ascension》開機新片大場面 鎖鏈勾怪 血腥依然
by / on 11/03/2013 at 11:04 am

遊戲到手《God of War: Ascension》開機新片大場面 鎖鏈勾怪 血腥依然

今個星期偷跑潮,呢隻PS3《God of War: Ascension》本來星期二(12日)先出,但歐美版偷完,就輪到行版跑,所以我哋都第一時間出片先!今次遊戲最創新部份可以話係多人模式,Kali遲少少會出試玩片。我就對多人模式感覺麻麻,丁屎咁細粒人仔劈嚟劈去喺個地圖度走嚟走去,有啲地圖仲好細……好,開機!包裝上面寫明有6月出嘅《The Last of Us》體驗版喎,雖然可能同我喺台北遊戲展試玩嗰段一樣,不過都好興奮好想玩,因為當時未玩得晒……

Read more ›
iPhone睇片變3D   日本推3D手機投射盒
by / on 11/03/2013 at 8:02 am

iPhone睇片變3D 日本推3D手機投射盒

其實我好怕睇3D電影,戴住副眼鏡睇得耐會頭暈;至於裸視3D例如3DS,我都係覺得睇到眼花花好攰。如果你無上述問題,呢個iPhone嘅3D顯示器Palm Top Theatre你可以考慮入手,開價港幣$250左右,由日本公司Pied Piper開發,將部iPhone套入專用盒內,透過幾塊鏡狀物體嘅反射,可以睇倒3D效果,睇片見倒效果唔錯,不過個芒認真細小,我睇片都有啲眼花‥‥‥

Read more ›
官方中文字幕影片 PS4「頂尖遊戲開發者談話」
by / on 11/03/2013 at 7:51 am

官方中文字幕影片 PS4「頂尖遊戲開發者談話」

上個月公佈咗PS4,大家都睇咗個手掣,睇咗大量介紹,不過主機未見價錢未知發售日更加唔肯講,都係要等E3喇。啱啱香港PSN就出咗呢條片,叫「頂尖遊戲開發者談話」,仲有中文字幕,簡單啲講就係如果你唔想睇字冇睇嗰日直播會,睇完呢條片你就會知PS4咩事幹。至於啲「頂尐遊戲開發者」……

Read more ›
獵奇發明        透明單車神化發明家
by / on 11/03/2013 at 7:20 am

獵奇發明 透明單車神化發明家

有啲設計真係好獵奇,好似呢架由外國人Jimmy Kuehnle設計嘅透明單車,除咗車軚、鐵鍊同埋腳踏位,基本上全架都係透明,而設計師亦刻意著晒透明雨衣踩住佢出巡。不過我反而想知點解佢個頭縛晒電線咁神化,同埋好彩佢條底底唔係透明嘅。呢位神人仲設計過膠單車、Drawing Bike同埋好多新奇刺激嘅奇特發明,堪稱獵奇發明家。

Read more ›

《Assassin’s Creed IV:Black Flag》男主角靈感嚟自AV男優!?
by / on 11/03/2013 at 7:00 am

《Assassin’s Creed IV:Black Flag》男主角靈感嚟自AV男優!?

《刺客教條4》10月29日出,11月有中文版,咁上個星期大家都睇咗好多片啦?阿男主角Edward Kenway型唔型?有外國遊戲網站就發現呢個Edward Kenway好似一個歐美AV男優Edward Reynolds,唔只造型似,個名都有個字一樣!佢個牌頭叫Pirates,拍過嘅作品有《Space Nuts》、《Batman XXX: A Porn Parody》、《A Mother’s Love》等等,聽啲名都知有料到!可惜我冇乜涉獵歐美嘅AV世界,唔係好識佢。入嚟有片睇回帶,係Edward Kenway,唔係Edward Reynolds,Sorry。

Read more ›
日本Yahoo! 311地震版頭特輯 3年目之復興
by / on 11/03/2013 at 6:35 am

日本Yahoo! 311地震版頭特輯 3年目之復興

噚日我哋搵咗啲日本東北部自2011年3月11日地震後兩年嚟嘅重建情況相片,今日上日本Yahoo!都見到有專題特輯。一入Yahoo!主頁就見藍天白雲綠草地,之後就有地震各災區嘅介紹報導同相片,仲訪問咗幾位唔好嘅人講吓喺呢兩年間嘅日子……版面砌得好靚,入去一路拉落去就有得睇,就算唔識日文,睇圖都覺得呢個專題好有意義,加油!

Read more ›
[編輯Blog]爆炸哥:有啲嘢,想佢完又唔捨得完。
by / on 10/03/2013 at 11:26 pm

[編輯Blog]爆炸哥:有啲嘢,想佢完又唔捨得完。

打機嘅目的係咩?嘆隻Game?當然係,但最終目標都係爆機。唔知你哋有冇試過,如果遇到一隻好好玩嘅遊戲,例如曾幾何時我玩PS隻《Metal Gear Solid》咁,打到最後,真係唔捨得佢完,但最後都係唯有打低Liquid……今日買咗《Gantz》第35期,我有啲感概。

Read more ›
【編輯Blog】Reika:《我們可是看板貓,喵》  日版忌廉哥晒冷
by / on 10/03/2013 at 10:44 pm

【編輯Blog】Reika:《我們可是看板貓,喵》 日版忌廉哥晒冷

鍾意宅文化,應該都聽過「看板娘」,以特定打扮為餐廳、商店「看舖」嘅美少女;「看板貓」,即係看舖貓,但未必有特定服裝,而且絕大部份時間,貓貓都會擅離職守,自由自在遊盪,甚至覺覺豬。簡單講,看板貓即係香港嘅忌廉哥。

Read more ›
[編輯Blog]錢無義:「God of War:Ascenson必玩之作!」
by / on 10/03/2013 at 10:36 pm

[編輯Blog]錢無義:「God of War:Ascenson必玩之作!」

截稿之時,《God of War:Ascenson》中文版已經到手,我哋都已經拍咗開機片,只係等推出日凌時就會出片。呢隻Game同第3集比起嚟變化不大,其實可以話唔需要太大變化,因為本身遊戲性已經幾高,而且連技到必備嘅QTA完結技都夠爽快同血腥……咁可能你會問,冇乜變化咁咪好悶?玩過你就知,超強超壯觀嘅畫面,面對超巨型大佬嗰種壓迫力,真係玩唔停手。

Read more ›

日本東北重生記錄 311地震兩年間 努力的成果
by / on 10/03/2013 at 6:48 pm

日本東北重生記錄 311地震兩年間 努力的成果

2011年3月11日,我記得我喺舊公司開緊工,當時仲籌備緊想5月去北海道旅行……開頭聽到呢個地震消息,以為只係普通料,因為日本人對抗地震嘅能力已經極高。但睇到輪船衝上岸、城市變成澤國、汽車被水衝走嘅畫面,先意會到有幾大鑊。呢次可以話係日本近年遭到嘅最大痛擊,不過日本人出名意志堅定又團結,經過兩年之後,之前嘅廢墟好多已經重建完成!鍾意日本呢個地方或者文化嘅你記唔記得兩年前311你喺邊做緊咩?聽日就係3月11日,雖然核災問題未解決,但都可以一齊見證吓日本人每日努力重建嘅成果!

Read more ›
本周Coser 露出系Kibashi 長腿踩過界
by / on 10/03/2013 at 5:25 pm

本周Coser 露出系Kibashi 長腿踩過界

呢個日本Cosplayer叫Kibashi(キバシ),佢最鍾意係Cos《一騎當千》,咁就啱啦,我最鍾意睇。搵完佢嘅資料之後發現原來佢喺日本除咗玩Cosplay影啲露出度極高嘅靚相之外,仲有出DVD,而啲DVD睇封面都知加非常踩界,有著校服有戴眼鏡仲勁有SM Feel,嘩!咁都係15+,但係AV又反而要打格仔,日本嘅呎界真係好有彈性。話時話,佢話自己身高係170 -175cm,難怪對腳咁長。

Read more ›
新片速報 網上遙距夾公仔 100円次 安坐家中能夾天下事
by / on 10/03/2013 at 5:05 pm

新片速報 網上遙距夾公仔 100円次 安坐家中能夾天下事

上年年尾已經報導過日本Netch會推出網上夾公仔遊戲,啱啱就正式推出,仲有埋片示範教你點夾先係醒。網上夾公仔有咩好呢?夾得差唔怕俾人睇到啦,24小時都可以夾啦,唔使出街啦,夾到佢仲會寄埋份禮物嚟啦,其實都幾爽。o依家個網有40種景品揀,都係啲大路嘢,香港玩唔玩到?暫時只係接受日本國內登記,100円一次,不過佢話遲啲會出埋Android版本,仲會加到有500部夾公仔機放喺公廠大廈自動運作,到時可能接受海外玩家都唔定。

Read more ›
新片速報 《機動戦士ガンダム》彈珠機 土田晃之CM全機體出動
by / on 10/03/2013 at 4:19 pm

新片速報 《機動戦士ガンダム》彈珠機 土田晃之CM全機體出動

之前都報導過,嚟緊如果你4月中去日本旅行,經過啲彈珠機店一定會見到全部貼晒高達海報,因為SANKYO將會推出「フィーバー 機動戦士ガンダム」柏青哥彈珠機。內容有元祖《機動戰士Gundam》劇場版3部曲「機動戦士ガンダム」、「機動戦士ガンダムII 哀・戦士編」同「機動戦士ガンダムIII めぐりあい宇宙(そら)編」,而土田晃之大叫「o依KI媽S」嘅廣告之前睇咗兩條,今次就有大集合,高達、紅綠渣、強人等機體,隻隻都俾佢嗌到出晒嚟!你頂到幾多隻?如果你唔飛住睇都睇得好開心兼睇完再睇,得喇,你係忠心fans,可以移民去殖民星,嗰邊排隊。

Read more ›