最新資訊

新圖發佈《人中之龍 5》品田熱血打擊技
by / on 01/12/2012 at 1:08 pm

新圖發佈《人中之龍 5》品田熱血打擊技

試玩過桐生一馬之後,好期待另外四位主角嘅戲份,五大主角之一品田辰雄,就係其中之一,因為佢曾經都係以甲子園為目標嘅男人,好熱血呀!有關於佢嘅遊戲關卡唔少得打棒球,遊戲系統比起棒球遊戲一啲都唔輸蝕,而且仲可以透過搵五十嵐教練修練令瞄準框架變大,亦可用必殺熱血技令球速睇嚟蟻咁慢,兩隻眼都著火呀!遊戲下星期12月6日就推出喇!

Read more ›

α77/α65劈價走貨 機皇減$1,500
by / on 01/12/2012 at 1:00 pm

α77/α65劈價走貨 機皇減$1,500

  Sony忽然宣僀α77及α65套裝玩落價!其實都唔突然喇!α99都到咗一陣子,要減都好正常;α77及α65都係幾強嘅中高機,孖七大減肥1,500、六五就少減七嚿,無計!銀碼細係水位少啲,有心買就快手啲,唔好諗住攤凍佢想再落啲,香港就話玩孖九啫,好多地方孖七仲係機皇級,啲水佬買嚟走貨唔得呀!?

Read more ›
新品速報《Love Plus》虛擬女友過聖誕
by / on 01/12/2012 at 12:38 pm

新品速報《Love Plus》虛擬女友過聖誕

作為一個長情嘅機迷,唔會咁快唔記得寧寧佢哋啩?聖誕佳節當前,梗係要俾啲錢女朋友駛,Konami就俾呢個機會你喇。由12月15日至25日聖誕節,東京Midtown專門店就會推出一系列聖誕產品,有插畫有file有杯碟有海報,你睇佢哋著到幾靚!

Read more ›
新片速報《魔戒》Lego重現聖盔谷一役
by / on 01/12/2012 at 10:27 am

新片速報《魔戒》Lego重現聖盔谷一役

呢條片係外國Brotherhood Workshop製作嘅,有睇開佢啲片都知佢堅堅哋,今次就搵嚟大堆頭Lego陣容,用Stop Motion技術重拍《魔戒》入面「Helm’s Deep」聖盔谷一役!除咗有爆炸場面、攻城緊張片段外,驚喜所在係精靈射箭仔竟然出嚟搞笑,睇到嗰度真係嘻一聲笑咗出嚟!

Read more ›
本地最新報價 日版Wii U開訂 黑機$3,500
by / on 01/12/2012 at 10:05 am

本地最新報價 日版Wii U開訂 黑機$3,500

日版機嚟喇!之前美版個價睇見都唔安樂,加上芒亨同未來日式遊戲美版可能遲出呢個隱憂,應該都好多機迷決定買日版機。12月8日推出,葵涌廣場G Point就啱啱有最新報價。白機,即係8GB主機訂價$3,080;黑機32GB機,訂價$3,500,至於《Monster Hunter 3G HD ver.》同梱版主機就$4,500,想知日本價位、邊部抵、點買法先啱數,入嚟同你比拼吓!仲有,老闆細細聲講我知,隨時7號就有機,即係可能仲早過日本1日開到機!呢兩日放假,訂咗下個周末就有得玩,安心囉。

Read more ›
轆落會展Canon ImagineNation 試最新6D/C500
by / on 01/12/2012 at 9:46 am

轆落會展Canon ImagineNation 試最新6D/C500

  星期六有無地方去,無就啱喇Canon啱啱舉行咗一個「Canon ImagineNation數碼博覽會」,今明兩日會香港會展舉行,想唔想睇新機落地嘅6D?EOS C500 4K嘅威力,又或者專業如EOS-1D X挑戰極地能力,全部實機一次過Show俾你睇!

Read more ›

新圖發佈《真‧三國無雙 7》吳國猛將登場
by / on 30/11/2012 at 9:55 pm

新圖發佈《真‧三國無雙 7》吳國猛將登場

Tecmo Koei推出、ω-Force製作嘅PS3無限三國遊戲《真‧三國無雙 7》,啱啱又有新畫面睇,就係吳國嘅甘寧、凌統、黃蓋資料同武器,廢話唔講喇,有興趣就埋嚟睇啦。

Read more ›
新片速報 《Dead Island Riptide》喪屍之歌
by / on 30/11/2012 at 9:43 pm

新片速報 《Dead Island Riptide》喪屍之歌

Deep Silver推出、Techland開發嘅《Dead Island》雖然好多人話中咗伏,不過可能係喪屍題材,下年4月23日推出嘅續作就一樣有捧場客,備受注目。《Dead Island Riptide》官方今日發佈咗幾張新圖,故事就講上集四個主角俾風暴搞到去咗另一個Palanai島,繼續大把喪屍等佢,仲有今集遊戲嘅新城市Henderson,都係好多觀光客嘅渡假天堂啦。至於影片方面,唔係遊戲畫面,而係一首由Sam B Feat. Chamillionaire,名為〈No Room In Hell〉嘅rap歌冇刪剪MV,有歌手有泳衣靚女,係冇喪屍啫。

Read more ›
行貨確定!《真‧北斗無雙》同梱PS3主機$2,580
by / on 30/11/2012 at 9:19 pm

行貨確定!《真‧北斗無雙》同梱PS3主機$2,580

嚟緊隻《人中之龍 5》部金色同梱主機型到爆,但冇行貨,搞到訂都要接近4千銀,點買呀?唔緊要,鍾意得咁man嘅人龍,更man嘅北斗一定有愛,12月20日推出嘅Tecmo Koei遊戲《真‧北斗無雙》,一樣有同梱主機,黑色趟蓋250GB主機,印咗北斗一眾主角健次郎同雷奧,手掣一樣正嘢,有北斗七星!仲有主角修羅之國嘅服裝下載碼,加埋個手機袋仔,你!已!經!死!了!連遊戲$2,580,有行貨,真係好,不過都要快訂喇。

Read more ›
新片速報 紐西蘭繼續哈比人 精靈語報告天氣
by / on 30/11/2012 at 4:42 pm

新片速報 紐西蘭繼續哈比人 精靈語報告天氣

可能《魔戒》系列同嚟緊12月上映嘅《哈比人:不思議之旅(The Hobbit An Unexpected Journey)》真係好幫到紐西蘭嘅旅遊業,所以,佢哋好鬼樂意同哈比人玩。繼之前紐西蘭機場同航空搞嘅魔戒搞鬼crossover(入面又有得睇)之後,啱啱仲有電視台新聞報導入面嘅天氣報導cosplay成精靈(Elvish)咁報天氣!而且唔只得個樣,佢仲講埋精靈語,天氣圖界面都轉埋「中土世界」風!有邊個識聽?所以要出英文字幕囉。

Read more ›
出街都懶 日本推出遙控夾公仔Game
by / on 30/11/2012 at 4:26 pm

出街都懶 日本推出遙控夾公仔Game

突然,我好懷念街機畫面靚過家用主機好多嘅日子,嗰陣啲遊戲多數出完街機,之後先移植家用機,大家會討論移植度幾高呀,少咗幾多重捲軸呀咁……你唔明?代表你好後生,大把青春。感性完,講正經,去日本唔少得玩過吓夾公仔機吖?啲獎品放喺邊沿引你夾,仲鬼死咁大份,仲冇得賣,啲舖頭咁早收,夾公仔真係食完飯最佳節目。不過o依家唔使出街,可以喺屋企上網夾,日本Netch推出網上夾公仔遊戲,24個鐘都可以玩,100円一次,中咗嘅獎品會寄番俾你,而且唔係虛擬o架!係影住架公仔機實況o架!

Read more ›

日本大學宇宙航空研究室 瘋狂解構《Evangelion》
by / on 30/11/2012 at 4:16 pm

日本大學宇宙航空研究室 瘋狂解構《Evangelion》

日本人做嘢真係好認真,包括睇動漫畫。《Evangelion新劇場版:Q》之前發佈咗一段6分鐘片頭(入面有得睇),係講明日香喺太空作戰嘅呢,咁日本「[首都大学東京システムデザイン学部航空宇宙システム工学コース・宇宙システム研究室」呢,就走去研究太空船、2號機做嘅噴射、飛身動作嘅物理學,睇吓可唔可行,詳細我唔講,亦都唔識講,不過睇呢幾張圖,真係堅!

Read more ›
《亞特蘭提斯Online》大隻斌再嚟Cosplay
by / on 30/11/2012 at 3:59 pm

《亞特蘭提斯Online》大隻斌再嚟Cosplay

繼上次末日騎士肌味濃Man到爆之後,啱啱黃德斌又有新造型,就係由Gameone代理營運,中華網龍研發嘅年度大作《亞特蘭提斯Online》中嘅暗黑法師。今次唔剝衫,劃晒眼線、油晒黑指甲,邪惡到爆。另外,《亞特蘭提斯》香港區官網已經開始正式上線,並同步釋出眾多遊戲背景設定資料,率先了解遊戲世界觀,入嚟睇埋動畫片,CG同配樂都係大作級數,更加肯定12月7日要嗌埋啲機友網上開戰!

Read more ›
呢張海報,究竟想表達啲乜呢?
by / on 30/11/2012 at 2:00 pm

《古惑仔》榮登全球最長篇連環圖

唔經唔覺,原來我養咗牛佬差唔多二十年,《古惑仔》喺1992年創刊,去到家陣2012年出版到第1561期,成為全球最長篇連環圖,你都咪話唔厲害。

Read more ›
模型油到似動畫 70年代塗裝風格
by / on 30/11/2012 at 1:15 pm

模型油到似動畫 70年代塗裝風格

睇吓上邊左邊張圖,你會以為係一張好普通嘅安彥良和風動畫圖?但當你睇埋右邊個架幅圖,你就會知佢係一隻經過70年代動畫風塗裝技巧嘅高達模型!砌模型係為咗將2D人物3D化,呢位高手就啱啱相反,將模型油到變成動畫咁!呢個作品係「第13回Hobby Japanオラザク選手權」參賽作品,可惜嘅係以一分之差,連季軍都攞唔到,不過,我就覺得佢創意滿分喇!

Read more ›