最新資訊

官圖確認 《GTA V》明年春推出 冇PC份!?
by / on 31/10/2012 at 4:20 pm

官圖確認 《GTA V》明年春推出 冇PC份!?

之前已經報導過有海報流出,寫明話《Grand Theft Auto V》會喺明年春推出,果然冇死錯人,官方發佈新圖,上面就寫咗會喺下年春天推出PS3同Xbox360版本。咦?PC版同Wii U冇份?官方未有回應,暫時未有消息,睇嚟就算出都唔係同步喇……

Read more ›

咁大架飛機,點避呀大佬?
by / on 31/10/2012 at 4:00 pm

免費手機新Game:亡命跳傘

上個禮拜,鮑姆加特納著加壓服,由39000公尺嘅太空邊緣跳傘,時速達到1342公里,最後安全著陸地面,呢個跳傘世界最高紀錄得來不易,因為途中要克服腦充血、暈眩、空氣稀薄同低溫症等問題,非常危險云云。

Read more ›
Note嚟緊仲有兩碌!? 7”/9”你揀邊部?
by / on 31/10/2012 at 2:00 pm

Note嚟緊仲有兩碌!? 7”/9”你揀邊部?

  唔通真係一吋長、一吋強?跟據DLNA certification漏出資料,Samsung可能繼Note II之後,仲有兩「碌」畀大家受!暫知型號名稱為GT-N5100同GT-N5110,據稱佢哋都係使用GS III嘅EYNOS 4412 / 1.6GHz四核心處理器,不過佢哋個顯示屏,可能分別有成7″同9″之巨!OMG!如果呢個吹風消息係真,而大家又真係好慣性咁受佢呢套,我相信離一街絕地武士嘅幻想,應該不遠矣!  

Read more ›
四隻腳奀挑鬼命,跳躍就係呢個Box嘅生命。
by / on 31/10/2012 at 2:00 pm

免費手機新Game:跳躍等於生命

    擒晚落吧劈酒,正劈到七八分醉,忽然有豬朋狗友甲拎出部手機話:「唔好猜骰盅,玩呢個Game,邊個最低分邊個飲兩杯,夠唔夠薑?」席間五人個個要威,紛紛接戰。

Read more ›
氧氣罩 iPhone唱K滅聲器
by / on 31/10/2012 at 12:00 pm

氧氣罩 iPhone唱K滅聲器

  我一嬲都唔鍾意黃子華,亦唔鍾意睇男歌女唱、亦唔鍾意由李龍同李基組成嘅二人組合,不過佢哋教曉我一樣嘢,唔識唱K、又或者唔蒲Lunch K,會變成透明人!好!如果你都有咁嘅心,就要喺屋企先練習,如果你已經有俾隔籬屋投訴嘅覺悟,以下呢件MUMICIP將會幫到你!

Read more ›
鑽石爆到周圍都係,好興奮。
by / on 31/10/2012 at 12:00 pm

免費手機新Game:鑽石爆炸

點講好呢?「Gems Explorer」擺明係鑽石方塊類遊戲,但又有別於一般方方正正齋連線玩法,呢次製作商要讚呀,畀少少心思搞丁咁多花臣,成個Game即刻生晒。

Read more ›

新片速報 PUMPKTRIS堅打俄羅斯方塊南瓜
by / on 31/10/2012 at 11:00 am

新片速報 PUMPKTRIS堅打俄羅斯方塊南瓜

  各位老細!先同大家講聲萬聖節快樂!諗掂今晚扮乜鬼嘢未?噚晚睇完錢兄Jessica C.報導,搞到我即刻打消咗扮刺客嘅念頭,細路自問無三個頭……六條臂……所以都係算把啦!把心一橫,今晚決定跟老外整呢個PUMPKTRIS,可以用嚟打俄羅斯方塊嘅南瓜遊街,今晚老蘭我會擺地攤$2舖,一場嚟到唔係唔幫襯呀!?唔好迫我發爛渣呀!

Read more ›
新片速報《Sleeping Dogs》打殭屍官方宣傳片
by / on 31/10/2012 at 10:06 am

新片速報《Sleeping Dogs》打殭屍官方宣傳片

我唔明,香港人咁鍾意慶祝萬聖節,點解萬聖節唔係公眾假期?翌日都唔係,翌翌日都唔係,翌翌翌日先係,因為係星期六……如果你今晚有諗住出去扮鬼扮馬,都可以應吓節下載《Sleeping Dogs》個《北角的噩夢》DLC,著唐裝衫拎桃木劍打殭屍,本來外國網站有20幾分鐘遊戲片段(上面幅圖),睇落好過癮!但轉個頭段片就睇唔到,邊個咁孤寒剷咗?算啦,我哋唔好同人斤斤計較,睇住官方發佈嘅長版介紹片,加埋萬聖節版頭,今晚自己下載嚟玩,幾廿蚊啫!

Read more ›
迪士尼收購LucasFilm 《Star Wars》第七集2015年上映!
by / on 31/10/2012 at 9:46 am

迪士尼收購LucasFilm 《Star Wars》第七集2015年上映!

大件事!我唔係同你哋講笑,而係外國傳媒報導,已經證實迪士尼已經收購咗佐治魯卡斯(George Lucas)嘅LucasFilm,而且計劃延續經典大作《Star Wars》,希望創出新系列,每兩至三年有一集新作品。唉,我O依家心情好複雜,有新嘅《星戰》睇緊係開心,我支激光劍著晒燈,之但係,新系列都唔會由佐治魯卡斯編導,佢只會擔任創作顧問,一代名片,到底會搞成點?我都係熄番把激光劍先……

Read more ›
有相有片 《刺客教條3》Jessica C.最強連動李彩華
by / on 30/10/2012 at 10:52 pm

有相有片 《刺客教條3》Jessica C.最強連動李彩華

嗱,隻遊戲噚日就偷跑咗啦,開機片我哋都拍埋喇,你同我講今日(30日)搞個試玩活動?我當堂嚇一跳!但係!我嚟到灣仔呢間餐廳,即係SCEH搞呢個「性感殺機」嘅活動場地,個心即刻離一離!嘩!有中文版《刺客教條3》試玩喎!仲有《Call of Duty:Black Ops 2》嘅同梱主機亮相喎!嘩嘩!仲有唔俾影相嘅《Hitman Absolution》同冇得試玩嘅《Sleeping Dogs》殭屍DLC添……唉!咁冇計啦,我唯有影Cos刺客嘅Jessica C.同李彩華啦!影完相都冇乜嘢做,好啦,唯有拍埋兩個靚女嘅試玩片啦。

Read more ›
LEGO聖誕村 16/11踩落時代廣場
by / on 30/10/2012 at 5:12 pm

LEGO聖誕村 16/11踩落時代廣場

  繼叮噹做海港城企街後,今次另一經典LEGO人仔都插旗時代廣場!今個聖誕,時代廣場與LEGO攜手舉辦LEGO 80週年慶典,於時代廣場露天廣場和二樓大堂為您帶來「LEGO聖誕村」。聖誕村由11組各式LEGO主題房屋、火車、電車、花園等組成,還有更多新奇主題讓你親自探索。

Read more ›

今日報價 PS3/PS Vita《Need for Speed:Most Wanted》$358/$258
by / on 30/10/2012 at 4:33 pm

今日報價 PS3/PS Vita《Need for Speed:Most Wanted》$358/$258

放工喇,買game返屋企玩喇!好耐冇隻賽車遊戲好玩,唔鍾意動作遊戲,見到Jessica C.著成咁都唔想做刺客嘅話,Fine,你今日可以去買《Need for Speed:Most Wanted》玩喇。PS3同PS Vita版都返咗,分別賣$358同$258,Xbox360版就要稍後先到貨。另外,噚日PS3/PS Vita《刺客教條3》返咗,今日輪到Xbox360版,賣$318。都唔啱玩,你好嘢!仲有XBox360隻《Nike + Kinect Training》 $250、PS3《Sports Champions 2》$250平平哋俾你做運動,仲有一隻合家觀瘟女game《Toy Story Mania》$250,都係抵玩之選。

Read more ›
流動藍牙插卡雙用喇叭 現實版太陽能電筒
by / on 30/10/2012 at 3:09 pm

流動藍牙插卡雙用喇叭 現實版太陽能電筒

老實!以細路智識水平,一真以為《古靈精怪東南亞》,已經係史上最神秘+獵奇經典(雖然後來有錢兄嘅週一二三四五六獵奇系列令我大開眼界……比卡超!),不過RoyQueen呢隻「流動藍牙插卡雙用喇叭」,睇名!真係就咁都知,佢係攞你命三千嘅副線產品系列,將史上最強、最實用、最狠常用、日日都要用嘅所有乜乜七七撈埋一齊啦!

Read more ›
新片速報《Marvel Avengers: Battle for Earth》體感扮英雄
by / on 30/10/2012 at 2:35 pm

新片速報《Marvel Avengers: Battle for Earth》體感扮英雄

呢隻Ubisoft嘅《Marvel Avengers: Battle for Earth》Xbox360版11月8日推出,Wii U版就遲啲跟機,之前都已經有得下載試玩版,體驗體感出招玩法。遊戲發售日迫近,官方都發佈咗一條開售宣傳片,片中兩個小西人玩得好投入,又扮Hulk又扮Iron Man,睇見都攰。

Read more ›
Edifier音符形2.2 專攻中低音
by / on 30/10/2012 at 2:05 pm

Edifier音符形2.2 專攻中低音

  Edifier!識佢由多年前木音箱2.1腦場喇叭,估唔到捱咗咁多年……終於開始走入高檔玩Design喇叭,哎!其實品質係唔錯,今次玩音符賣相嘅e10,靚唔靚仔?真係扮住講”Genki”兼跳晒舞,我都要講句見仁見智,總之努力啦!

Read more ›