最新資訊

新年新女友 内田明理 X ミノ☆タロー《Love Plus》新作?
by / on 06/02/2013 at 3:44 pm

新年新女友 内田明理 X ミノ☆タロー《Love Plus》新作?

Konami隻《Love Plus》真係幫到好多人搵番嗰種溫暖感覺,你摸吓部機,唔係冰冷o架!啱啱就有一個神秘網站現身,寫明係内田明理 X ミノ☆タロー呢對製作人同人設組合,仲話2013年早春,新主角誕生!會唔會係《Lover Plus》新作?定一話又係手機呀……

Read more ›

雜誌情報《One Piece海賊無雙 2》羅 / 斯摩格參戰
by / on 06/02/2013 at 3:19 pm

雜誌情報《One Piece海賊無雙 2》羅 / 斯摩格參戰

新一期《Jump》又有PS3/PS Vita嘅《One Piece海賊無雙 2》新情報。今次就睇到參戰人物會有「特拉法爾嘉·羅」同埋「斯摩格」,而且仲係可以操控嘅角色!興奮吧?遊戲會喺3月20日推出。有中文版呀,不過今年夏天先出,點等?

Read more ›
新片速報 《The Witcher 3: Wild Hunt》系列最後作品公佈
by / on 06/02/2013 at 2:04 pm

新片速報 《The Witcher 3: Wild Hunt》系列最後作品公佈

CD Projekt RED官方發佈咗一段50秒短片,宣佈《The Witcher 3: Wild Hunt》將會推出,而且更加係呢個開放式世界RPG遊戲嘅完結作。片段中見唔到遊戲畫面,但音樂都幾好聽。

Read more ›
《九龍城寨》送吉祥桌布,老利!
by / on 06/02/2013 at 2:00 pm

《九龍城寨》送吉祥桌布,老利!

即係咁,喺呢個E世代,公仔書送甚麼桌布根本唔值得大肆宣傳,但係咁,我份人就比較鍾意好意頭嘢,今次送嘅係桌布主角係吉祥,咁老利,梗要下載啦。

Read more ›
《古惑仔3G》週記: 「收0靚」中人秘技 機會變1/2
by / on 06/02/2013 at 2:00 pm

《古惑仔3G》週記: 「收0靚」中人秘技 機會變1/2

恭喜晒!今日開始,iOS玩家終於可以加入《古惑仔3G》行列!Andriod玩家打咗咁耐,相信已經好有心得,見你哋新嚟報到,等苦茶叔叔點條路你哋行啦!

Read more ›
「Candy Crush」秘技  校快電話3小時賺5條命
by / on 06/02/2013 at 1:44 pm

「Candy Crush」秘技 校快電話3小時賺5條命

噚晚搭巴士狂玩「Candy Crush」,我認我已經中晒毒,好彩落車時見到車上有4個人都玩緊,個心即刻好過啲。講返正題,玩「Candy Crush」都知,最慘係每次得5個心,死咗又要等時間過,好難捱!最近有朋友比咗個貼士我,死晒後將電話調校快3小時,開返遊戲就有返5個心,好狗呀!親身試過真係work。不過記住之後校返正個電話時間,否則第二朝唔知醒就大鑊了!

Read more ›

初音未來眼鏡娘 綠框眼鏡4月發售
by / on 06/02/2013 at 1:39 pm

初音未來眼鏡娘 綠框眼鏡4月發售

當《Monster Hunter》都可以出眼鏡嘅時候,冇近視、對眼大過副鏡嘅初音未來出眼鏡都好理所當然吖。為慶祝SEGA嘅PS3《初音未來 -Project DIVA- F》喺3月7日推出,佢就同日本眼鏡專門店「和真」合作推出兩款眼鏡。售價14,595円,4月推出,男女合用喎。

Read more ›
日本鉄道café特集   乘務員靚女捧餐
by / on 06/02/2013 at 1:19 pm

日本鉄道café特集 乘務員靚女捧餐

去親日本都去Maid Café真係有啲悶。下次去開日本,不如去鉄道café探險啦。今次介紹嘅兩間鉄道主題居酒屋,唔係電車男都去得。先講位於秋葉原附近嘅LittleTGV,店主係電車迷,店內擺放大量佢親手製作嘅鉄道模型,座位仿真實鉄道卡位,最吸引係有cosplay乘務員嘅靚女捧餐,噢!另一間東京都嘅Kiha-sake,無靚女,只得打扮成鉄道車長嘅店長‥‥‥賣嘅係原始風格,食嘅係杯麵罐頭呢類即食食品,facebook仲有飲醉酒瞓喺車廂座椅嘅真實顧客,好寫實呀!

Read more ›
新片速報 新垣結衣 + 吉祥物 Asahi十六茶廣告 超可愛
by / on 06/02/2013 at 12:23 pm

新片速報 新垣結衣 + 吉祥物 Asahi十六茶廣告 超可愛

話說本人啱啱去完台北遊戲展,喺便利店都飲過呢隻茶,之後返到嚟,今日就見到呢個廣告。呢段「イキイキ登場編 全国」廣告,就係新垣結衣同日本全國47個都道府縣嘅吉祥物合演,啲吉祥物好可愛,新垣結衣更加可愛,仲有幕後製作片,我睇咗3次,連續。

Read more ›
日本製超迷你洗衣機   懶人輪盡友福音
by / on 06/02/2013 at 12:20 pm

日本製超迷你洗衣機 懶人輪盡友福音

唔好噓住,如果你同我一樣獨居,你會明白呢個迷你洗衣機幾咁重要。呢部好似榨汁機嘅迷你洗衣機,由日本KING JIM公司開發,2月15日開始日本有得賣,售價14700円,只係容納倒5公升水,15分鐘就可以完成洗衫程序。用嚟洗乜?可以洗內衣褲或者要獨立手洗嘅淺色衫之類,又或者,如果你出名輪盡,成日食晏整污糟件白恤衫,都可以放一個喺公司急救用,不過要小心失魂同事攞錯嚟煲水飲。

Read more ›
新片速報   4K電視示範片   睇畫質有幾靚
by / on 06/02/2013 at 11:59 am

新片速報 4K電視示範片 睇畫質有幾靚

4K電視畫質有幾靚? 我無舖錯相,呢張唔係抽象圖,而係介紹4K嘅示範影片截圖。4K電視殺到埋身,Xbox、PS3兩大新主機睇怕都一定對應4K,咁究竟我駛唔駛換電視?4096 X 2304解像度係1080p嘅四倍,咁即係點?介紹你去YouTube睇呢條片,可以睇倒4K電視下,唔同顏色水墨倒瀉出嚟有幾細緻,片長3分鐘,好有洗滌心靈效果。睇片時,「畫質」記住揀返「原始影片」,否則睇完先發現係1080p唔好鬧我。 

Read more ›

SRS-BTX300
by / on 06/02/2013 at 10:15 am

Sony玩NFC+藍芽喇叭 無印式簡約

  如果你問我有冇偏心Sony?我答有!同一樣產品,佢都係出得靚仔過人;今日佢哋宣佈推出NFC+藍芽喇叭仔,SRS-BTX500同SRS-BTX300,「大冧巴」就輸出大啲機身大啲放屋企,細啲就方便攞住周圍走(內置電池),最緊要係個樣,無印式簡約,搭手機,配iPad,個性樣貌完全Match晒!留意佢仲有白色機身,點解?嚟緊Sony下代Tablet有白機嘛,你唔知咩!?

Read more ›
ATIV S平開$4,598 再送$2,399盒裝Windows 8 專業版
by / on 06/02/2013 at 8:15 am

ATIV S平開$4,598 再送$2,399盒裝Windows 8 專業版

  CES發佈嘅Windows Phone 8智能手機ATIV S,Samsung正式發佈香港推出,4.8吋HD Super AMOLED大屏幕、1.5 GHz高速雙核心處理器,配16GB內存,以$4,598開賣,雖然未高上四核,相對於Android機價,絕對有開頭彩、爭Market Share之嫌,不過更離譜係4月6日前出機,再送價值$2,399嘅盒裝Windows 8 專業版 (升級版) 香港中文版一份,半賣半送!唔通Win8個Market Share真係……

Read more ›
新片速報   未來「廁所」計劃   洗手風乾二合一
by / on 06/02/2013 at 8:07 am

新片速報 未來「廁所」計劃 洗手風乾二合一

呢款外國最新發明,結合洗手感應器及吹風機,去完廁所,可以喺洗手盤一條龍洗手兼乾手,聽落幾方便。由專門生產吹風機嘅Dyson研發,透過紅外線感應技術,用家洗手後將雙手移離梓盤,再伸向出水位兩邊長形吹風機,水龍頭識自動感應出風。我唔肯定如果感應有誤,會唔會成手番梘泡時突然放風?不過我知如果成事,最開心係負責清潔嘅姐姐,因為以後唔駛成日抹地下嘅水漬,亦唔會成地都係抹手廁紙。

Read more ›
喂喂喂!皮鞋變手機   英國製造sell環保
by / on 06/02/2013 at 7:40 am

喂喂喂!皮鞋變手機 英國製造sell環保

唔記得邊套周星馳戲有呢個場面,今次主角換上懶認真嘅西人,原來係環保企劃,唔講得笑。呢款電話名符其實係Walkie Talkie,鞋底裝上手機,可以傾電話或者send message。由英國公司O2同設計師Sean Miles合作,利用棄置手機結合二手鞋,設計咗四款變種手機,旨在提醒趕潮流嘅用家減少棄置手機製造污染。設計師話嚟緊仲會整多幾款手袋、手套嘅變種手機,喺3月展覽展出。話時話,每個電話只係用一隻鞋,諗落概念上都幾環保。

Read more ›