最新資訊

1/6 Jordan開價$2188 朝早排下午抽夜晚買 未玩先俾人玩
by / on 14/01/2013 at 9:10 pm

1/6 Jordan開價$2188 朝早排下午抽夜晚買 未玩先俾人玩

係,我o依家諗起佐敦發燒都落場,射入致勝一球一刻之後要柏賓扶佢離場一幕,我都仲毛管楝兼眼有淚光;係,我仲記得佢當年著45號復出嗰吓幾咁令fans亢奮。Enterbay呢次定價$2188,貴之前隻高比成倍,算!第一隻出45號唔出23號,都算!單頭雕,冇伸脷表情我點擺帶波入樽動作呀?長期企喺度呀?咁Fig咩ure呀?好好好,我有愛,我都算!26號開賣,晨早去旺角攞籌,1000個得200個有得買,下午等網站公佈,之後仲要仆出尖沙咀買?喂我想玩玩具呀,唔係俾你玩呀!o依家我唔買呀!有9折都唔買呀!Fine,你仲想買?想知詳情可以入嚟睇。

Read more ›

PS再嚟新手掣 四肢發達玩倒掛
by / on 14/01/2013 at 8:00 pm

PS再嚟新手掣 四肢發達玩倒掛

睇嚟,PS4真係應該就快公佈喇。Sony最近又有幾張新Move嘅設計圖流出咗,除咗好似之前提到嘅合體、分體玩法外,仲會加入Kinect有嘅聲控功能。今次仲誇張,有大大個掣可以兩頭連接變咗碌棍咁,啲掣可以隨意組合,仲可以分成四件綁埋喺腳度,等你好似圖中咁使出倒掛金勾……

Read more ›
治癒系動畫廣告 《龍貓》監督賣麵包
by / on 14/01/2013 at 7:14 pm

治癒系動畫廣告 《龍貓》監督賣麵包

吉卜力動畫裏頭藍天白雲歐陸小屋嘅風情,係最吸引原素之一。你又有冇試過,睇佢哋動畫入面嘅主角食麵包,感覺好似特別好食咁?自從2010年開始,日本福岡麵包品牌「francois(フランソア)」就搵嚟曾經喺吉卜力製作室擔任《龍貓》、《魔女宅急便》等動畫作畫監督嘅佐藤好春製作一系列廣告,無論人物、環境都好有悠閒溫暖又浪漫嘅感覺,唔使理劇情都好好睇,尤其是對於日日返學或者坐喺Office嘅我哋嚟講……

Read more ›
$65
by / on 14/01/2013 at 4:45 pm

福利報價: 紙箱人重出江湖/ Macross F舊模型特價

  愛上紙箱人, 係由地產廣告開始, 我都想好似佢咁, 有個靚姐姐係咁攬住錫, 不過現實係冇姐姐亦冇樓, 唯有砌個紙箱人啦! 記憶中係再版, 佢仲有一隻全透明特別版, 老實! 如果唔鍾意噴油, 買原色版算, 透明版要成$455, 都係志在參與算!

Read more ›
新片速報 終於有得睇星爺《西遊 降魔篇》製作花絮
by / on 14/01/2013 at 4:41 pm

新片速報 終於有得睇星爺《西遊 降魔篇》製作花絮

周星馳套《西遊 降魔篇》冇周星馳,好多親戚朋友都話唔想睇。係,我都係。之但係,套戲冇佢啫,製作特輯有喎!呢條最新片係製作花絮嘅導演篇,加埋之前嗰條花絮、預告,雖然我又好似有番少少想睇,但你明唔明,就算係你度嘅笑位,唔係由你自己演繹都爭好遠呀!

Read more ›
復仇者聯「萌」  白雪變形俠醫驚嚇爆衫!
by / on 14/01/2013 at 4:32 pm

復仇者聯「萌」 白雪變形俠醫驚嚇爆衫!

自古以來英雄都係男人居多,不過我想睇女版美國隊長、雷神同埋‥‥‥變形俠醫喎!韓國著名插畫師Kyoung-Seok,經常將遊戲、動漫角色重新改造,例如女版雷神,共通點係全部都整得好靚好型,仲好好身裁o忝,我指嗰6嚿腹肌,雖然唔算好新,但應該都好多人都未見識過。至於另一位外國藝術家Christopher Stoll呢?佢就威咯,將迪士尼公們同復仇者英雄crossover,前無來者後無古人,於是你會見倒以下呢個震憾場面 ─ 白雪公主爆衫版變形俠醫,效果超驚嚇!唔知點解,我諗起曾經扮過白雪公主嘅某香港藝人,嘻。

Read more ›

流川楓今夏推出 湘北皇牌狐狸夠傳神
by / on 14/01/2013 at 4:05 pm

流川楓今夏推出 湘北皇牌狐狸夠傳神

出完櫻木同宮城之後,「The spirit collection of Inoue Takehiko」第四彈係邊個?係流川楓吖嘛,之前講咗啦。有樣睇未?之前都有個白模,不過今次呢張相就再清楚啲。售價6,600円,唔知點解平過宮城300幾円,照睇面相就認真唔錯,有一陣狐狸味道喺度,果然係由井上雄彥監修,鈴木剛做原型製作。預定今年夏天出,唔知佢係做咩動作呢?睇佢兩隻手都向手擺,唔通就咁攬住個波喺前面咁dry?

Read more ›
終極iPhone保護殼  全透明內臟任睇
by / on 14/01/2013 at 4:02 pm

終極iPhone保護殼 全透明內臟任睇

終極iPhone保護殼會係點?之前介紹過龍蝦咁大隻嘅iPhone保護殼,最新介紹就係呢個全透明嘅iPhone5殼。由國內專做山寨配件嘅iPhone5Mod開發,仲威水到去埋CES參展。換殼後唔只機背,連邊框以至入sim卡嘅位置都係全透明,內臟睇通睇透,靚唔靚見仁見智,不過就夠晒大膽!咁改法實無保養啦!網上有得訂,開價港幣約$320,但係我點裝呢?

Read more ›
官方雜誌透露 Wii U即將推出《Biohazard》?
by / on 14/01/2013 at 3:42 pm

官方雜誌透露 Wii U即將推出《Biohazard》?

Wii U推出嗰排個勢相當唔錯,但呢兩個月就靜晒落嚟,想買隻新遊戲玩吓都冇。不過任天堂同Capcom咁老友,實有計嘅……最新一期英國官方雜誌《UK Nintendo》就出咗兩版廣告,好簡單幾隻字「Are you scared? You should be… World Exclusive! The first look at a stunning new game」預告下期有震撼消息……

Read more ›
新片3連發 《DmC Devil may Cry》開場動畫 但丁睇鋼管舞
by / on 14/01/2013 at 12:19 pm

新片3連發 《DmC Devil may Cry》開場動畫 但丁睇鋼管舞

17日係香港行貨正式推出日,有冇偷跑聽日就知啦。好心急咩?不如睇吓呢條3條新片,首先,係標題畫面去到開場動畫,但丁喺間酒吧度睇鋼管舞睇到笑笑口;第2條就係打遊樂場嗰關件巨型Hunter波士片段;最後,記唔記得之前出過條報導係但丁戴咗個白色假髮?呢條就係足本影片,都幾好笑。

Read more ›
新片速報 電視遊戲加狗仔 齊齊做善事
by / on 14/01/2013 at 12:01 pm

新片速報 電視遊戲加狗仔 齊齊做善事

講起我就嬲,成立動物警察有幾咁難?喂今次唔係搞普選唔係辣到上頭吖?咁都一句踩停?好少見動物警察?咁你睇多啲Discovery Channel啦仆街禿鷹!奴才!對唔住,我粗鄙咗少少,其實我想講嘅係美國洛杉磯Press Paws將會搞一個活動,係以電視遊戲加狗仔為題材,志願參與嘅有50位藝術家,包括Paul Robertson、Jim Mahfoo等,2月9日喺Gallery Nucleus舉行,所有收益損贈「What’s Up Dog LA!」組織,條片開頭都有個8-bit英雄救咗隻狗呀,好感動呀!

Read more ›

LINE出可愛防毒Apps  女仔必裝
by / on 14/01/2013 at 11:54 am

LINE出可愛防毒Apps 女仔必裝

你有無玩LINE? 呢個喺日本同台灣都極高人氣嘅社交媒體Apps,喺香港始終未出頭,見得最多反而係佢嘅影相App嗰個bling bling眼嘅人仔icon,可能官方都知佢越不務正業越受歡迎,最近推出防毒軟件LINE Antivirus。入面有大家熟悉嘅bling bling眼人仔,掃毒前戴住眼鏡話你「Suspicious」(可疑),1分鐘完成掃毒就變咗得戚樣,簡簡單單啲公仔又可愛,啱晒女仔用,掃完之後放心晒。不過暫時只提供Andriod版本,鬼叫Andriod出名多毒咩?

Read more ›
新片速報 英國街道變8-bit 宣傳《無敵破壞王》
by / on 14/01/2013 at 11:45 am

新片速報 英國街道變8-bit 宣傳《無敵破壞王》

迪士尼套《無敵破壞王(Wreck-It-Ralph)》你有冇睇到?作為機迷見到動畫入面好多熟悉角色登場,都睇得幾開心!不過香港嘅宣傳就唔及得上外國喇,英國為宣傳呢套電影,整咗一條8-bit街道,街入面啲車呀、雲呀、樹呀,甚至狗仔嘅全部變晒做8-bit,行入去真係好似入咗遊戲世界咁!地址喺邊?唔重要喇,因為1月11至13日先有,o依家拆咗……記得入去睇片,有街道嘅製作過程,超正!

Read more ›
日本海賊食品 索柏豆腐月尾推出
by / on 14/01/2013 at 11:41 am

日本海賊食品 索柏豆腐月尾推出

繼之前一眾機動戰士高達古類蟹類變成火鍋豆腐後,今次輪到《One Piece》嘅索柏。由日本「男前豆腐店」製作,呢嚿《チョッパー豆腐》將會喺1月20日喺日本各大超市開賣,198円,附有黑蜜醬汁,即買即食。我都係嗰句,去開旅行冇理由唔買啦!雖然殘忍。

Read more ›
新片速報 第一身《街霸》旋風腿頭都暈
by / on 14/01/2013 at 10:24 am

新片速報 第一身《街霸》旋風腿頭都暈

有冇諗過《街霸Street Fighter》可以變成一隻第一身主觀遊戲?呢位巴西嘅動畫製作人Pipoca就將《街霸 IV》其中一段拆磚嘅Bonus Stage整成第一身主觀版,你可以見到阿隆起腳踢到啲磚散晒飛起晒,仲睇到佢出波動拳同昇龍拳時嘅主觀視點。不過最令人印象深刻嘅係旋風腿,原來出呢招絕招都幾頭暈。

Read more ›

本週人氣

10551 views

【有片】可愛到癲!「你點解嚟日本?」節目 日本網民狂讚16歲波蘭妹妹

8408 views

日本「裝銀仔」神器 網民推介Twitter熱傳

6921 views

我就是高達!舞台劇《機動戰士Gundam 00》角色登場

6494 views

有片:男Coser扮不知火舞 超巨胸+巨蘿靠倒模

5672 views

黃符遮三點 超性感殭濕子Figure