最新資訊

新片速報  日本人爛英文  西人笑爆
by / on 27/01/2013 at 11:21 am

新片速報 日本人爛英文 西人笑爆

仲記唔記得Albert Yip?天水圍酒家嘅「牛柏葉」是也。港式英文笑死人,咁我哋最祟尚嘅日本呢?去過日本都知當地人嘅英文好難聽得明,最近有個加拿大男仔,將日本街上見倒嘅唔合格英文拍成短片放上YouTube,Curry變Carry;Discount變Discunt;中國料理就係Chainese restaurant,不過唔知間中國料理係咪中國人開‥‥‥

Read more ›

日本鐵道時間表 有海報賣廣告
by / on 27/01/2013 at 11:08 am

日本鐵道時間表 有海報賣廣告

香港啲班次咁密,當然唔使時間表啦,阿森美話港鐵會做得更好吖嘛。日本鐵道又多,有啲偏遠地區都要睇定時間表先上得切車。不過,可能o依家網絡世界發達,都冇乜人會拎住份鐵道表嚟睇喇,於是筑波大鉄研「旅と鉄道の会」就要賣廣告叫人哋買佢呢本鐵道時間表,出過好多款海報,其中一款就話呢本嘢除咗睇班次時間外,仲可以要嚟墊煲、擋子彈(!?)、餵山羊(!?!?)……

Read more ›
有片  牙刷版Guitar Hero氹細路
by / on 27/01/2013 at 10:54 am

有片 牙刷版Guitar Hero氹細路

大人細路都鐘意食嘅HI-CHEW糖,有啲似軟糖好好o趙,Reika都好鐘意食。至弊佢嘅糖份超高,咁o趙法小朋友好快爛晒啲牙。出產商Morinaga於是研發咗個類似Guitar Hero嘅小遊戲,將支牙刷無線駁上PC後感應動作,小朋友跟住遊戲畫面刷呀刷,就可以氹佢哋乖乖刷牙!遊戲暫時開發緊,不過已經搵嚟一班小朋友試玩,條片網上有得睇,好開心。不過我最怕啲小朋友玩得太開心,日刷夜刷,刷到牙肉都腫埋,到時糖都食唔倒,陰功。

Read more ›
27/1一週碟報價:寒戰/天生愛情狂頂住癮 1942/血滴子快出
by / on 27/01/2013 at 8:31 am

27/1一週碟報價:寒戰/天生愛情狂頂住癮 1942/血滴子快出

  今個星期繼續冇碟!唔理你BD定DVD,行嗰邊全部有碟在手、但唔推住,問你死未?都係一個原因,唔想新年假時變舊片;但我覺得到時係大家會變得更揀擇,一樣係冇人買囉!點都好,起碼今個星期有《寒戰》同《天生愛情狂》頂吓!

Read more ›
新片速報《復仇者聯盟》幕後電腦製作全面睇
by / on 26/01/2013 at 9:00 pm

新片速報《復仇者聯盟》幕後電腦製作全面睇

係,我知藍光都出咗幾個月,但有冇睇過電影裏面幾個大型戰鬥場面嘅製作?呢條片今個月先出,係由電腦特技製作公司Industrial Light & Magic發佈。原來市內大戰大部份都只係喺綠色幕前做戲,又原來有啲場面係用低科技Stop Motion整!不過小小一個特技,就要動用超過200個專業人士完成。

Read more ›
HP ENVY x2 Tab溝NB玩命19個鐘
by / on 26/01/2013 at 6:27 pm

HP ENVY x2 Tab溝NB玩命19個鐘

  HP係我幾鍾意一個牌子,由Netbook年代已經係佢Fans,人人鬥機身細時,佢就玩細機大字粒,呢啲機先係人用!今日HP公佈出ENVY x2,係Tablet、又係Notebook,掹掹插插個芒就得喇!行Atom 1.8GHz雙核、64GB SSD、2GB LPDDR2 SDRAM,11.6″ Touch芒!呢個功能規格,去到13.9kg咁輕磅,須知鍵盤底座同平板各有一粒2-Cell 鋰電,續航力去到19個鐘,開價都係$6,980!

Read more ›

福利報價: MG托爾吉斯平開$290 蝙蝠俠/羅賓出PLAYARTS改
by / on 26/01/2013 at 5:56 pm

福利報價: MG托爾吉斯平開$290 蝙蝠俠/羅賓出PLAYARTS改

  MG隻托爾吉斯今個星期終於到咗!係一隻幾棘手嘅機體,無論係喺街機或模型兩方面。原機設計問題,硬係覺得佢身粗腳尖,我知自己對佢有偏見,不過老實,模型分件唔錯,活動能力都相當高,最重要係價錢唔貴,3,800日圓以$290平賣,我知日圓係落咗,但都覺得幾抵,聽福菇話,呢隻嘢「瑞記」暫時無得加單!

Read more ›
新片速報  槍戰/裸男/大爆破  電視台廣告點擊過百萬
by / on 26/01/2013 at 4:20 pm

新片速報 槍戰/裸男/大爆破 電視台廣告點擊過百萬

王維基開台無晒聲氣,不如睇吓外國電視台宣傳技倆。有無聽過TNT?無唔出奇,佢係外國一個提供電影節目嘅電視頻道,為宣傳即將登陸荷蘭,拍咗個勁爆廣告放上YouTube,兩日點擊過百萬。片段開首路中心有個大掣,箭咀寫住「Push to Add Drama」,一按之下,大事發生!有途人被脅持上車、有槍戰、爆破、sniper,連裸男都出動埋,場面迫真拍得住大電影,王維基「香港電視」不妨學吓嘢。入嚟仲有得重溫上年4月另一條TNT宣傳片,一樣精彩,YouTube點擊率過咗4千萬,厲害!

Read more ›
冇柴崎幸《神探伽利略》春季月九日劇 新電影版齊公佈
by / on 26/01/2013 at 3:28 pm

冇柴崎幸《神探伽利略》春季月九日劇 新電影版齊公佈

福山雅治做嘅《神探伽利略》真係好有型,加上有我由《Orange Days》(係,我係老餅)開始鍾意嘅柴崎幸…..嘩呀呀呀……之前宣佈《神探伽利略》劇場版第二部「真夏之方程式」(日本6月29日上映)有新女主角,日劇當然都走唔甩,呢套將會喺電影上映前、4月春季月九播放嘅新一輯日劇,都係由吉高由里子擔正演原創角色,柴崎幸只會喺第一集出場交代身後事……雖然,我都幾鍾意吉高由里子喺《Gantz》演嗰個小島多惠,但係……喂無綫又可以開《談情說案 2》喇!

Read more ›
英國玩雪砌喪屍  白兔爬樹猩猩禦寒
by / on 26/01/2013 at 3:09 pm

英國玩雪砌喪屍 白兔爬樹猩猩禦寒

北海道至九州有暴風雪,航班受阻,準備去日本玩嘅朋友要小心嘞。上次報導過日本有人砌冰雕初音,英國都有大風雪,外國人玩雪梗係唔少得喪屍,好似英國布里斯托就有人整咗兩隻喪屍雪人,喺疑似墳墓前面爬出,夠晒創意。另外仲有爬緊樹嘅白兔仔、冰天雪雪下扮白天鵝跳芭蕾舞,最得意都係有人送咗張毛毯比猩猩禦寒,好warm!

Read more ›
有片  賀年iPhone5 自轉360度影全家福
by / on 26/01/2013 at 1:29 pm

有片 賀年iPhone5 自轉360度影全家福

就嚟到新年,去親戚屋企拜年時,除咗迫埋一齊影全家福,如果裝咗呢個app,就可以大家圍住張枱企定定喺原位都影倒全家福。唔駛任何轉盤,裝咗呢個Cycloramic app就可以令部iPhone5透過內置震動功能,自動360度旋轉拍攝全景相或片,不過暫時只支援iPhone5自轉功能,因為iPhone4轉動時會窒窒哋。賣HK$8唔算貴,如果你已經有iPhone5的話。

Read more ›

UFO森林酒店    $5000晚羅茲威爾都嫌貴
by / on 26/01/2013 at 12:47 pm

UFO森林酒店 $5000晚羅茲威爾都嫌貴

我唔信有UFO,但我鐘意玩宇宙飛船,如果去旅行有得住呢間UFO酒店我都想試。呢間位於瑞典Harads近郊嘅UFO獨立屋,傳統UFO飛碟形狀,離地2米,要入屋就要爬上一條長樓梯,加上座落喺森林入面,配合埋天然濃霧,睇落真係以為UFO駕到。要住呢間UFO屋所費不菲,索價港幣大約$5000一晚,可惜入面無羅茲威爾外星人陪瞓,都啱嘅,望住佢哋點瞓得著。  

Read more ›
新片速報 《Biohazard 6》第4彈DLC 「Siege」玩法3月推出
by / on 26/01/2013 at 12:43 pm

新片速報 《Biohazard 6》第4彈DLC 「Siege」玩法3月推出

Capcom啲遊戲,玩爆都唔好收埋住,好似《Biohazard 6》咁,又有新DLC發佈,名為「Siege」,PS3/Xbox360會同步喺3月推出,PS3版收你400円,Xbox360版就320MSP。今次係3打3玩法,一攻一守,一邊有兵幫手,另外喪屍們仲可以解放場地內嘅喪屍怪物出嚟幫拖襲擊Leon佢哋,入嚟有片睇。另外,今個月尾(29日)亦會有新地圖包括「クワッドタワー屋上」同「海底基地 研究所」,之前淨係公佈咗Xbox360版嘅Survivors、Predator同Onslaught DLC,亦宣佈會喺2月登陸PSN。

Read more ›
新片速報 《Luigi’s Mansion 2》四人同玩捉鬼敢死隊
by / on 26/01/2013 at 12:08 pm

新片速報 《Luigi’s Mansion 2》四人同玩捉鬼敢死隊

呢隻《Luigi’s Mansion 2(美版名為Luigi’s Mansion Dark Moon)》,以前細個玩過Game Cube初代,講Mario好兄弟入鬼屋冒險捉鬼。嚟緊3月20日會喺3DS推出全新作,呢條新片就係講遊戲可以支援4人連線合作捉鬼,而且Wi-Fi上網連都得。

Read more ›
獵奇影片 狗狗飲羊奶 圍圈氹氹轉
by / on 26/01/2013 at 12:02 pm

獵奇影片 狗狗飲羊奶 圍圈氹氹轉

唔關打機動漫日韓西人娛樂事,純粹係見外國傳媒介紹呢條片,個人喜好分享吓。圖中有6隻蘇格蘭爹利(Scottish Terriers)狗仔喺度飲羊奶,而佢哋飲奶時有一個習慣,就係圍圈,圍完圈都未完,仲要圍住個盤一路飲一路行,好可愛。

Read more ›

本週人氣

8076 views

《銀魂》完結篇最後畫面 原來……

7514 views

Nintendo Switch Online遊戲列表 20隻經典周三有得玩

6391 views

新片速報 陳年街機合作幾打 《Capcom Belt Action Collection》網上連線

6019 views

日本「裝銀仔」神器 網民推介Twitter熱傳

5257 views

機迷出圖 如果出Marvel’s Iron Man遊戲