fbpx

最新資訊

其實係幾似 日本網民改EVA初號機變「八神庵」

其實係幾似 日本網民改EVA初號機變「八神庵」

唔睇又諗唔起,睇到又覺得身型同啲動靜真係幾似,講緊係《Evangelion》嘅初號機同《拳王》嘅「八神庵」。有日本網民就趁黃金周假期最後一日,分享佢喺假期改造嘅成果……話時話,「八神庵」啲火好似都係紫色嘅。

Read more ›

儲埋最後一期 最終卷《進撃の巨人》34卷封面解禁

儲埋最後一期 最終卷《進撃の巨人》34卷封面解禁

6月9日發售,終於嚟到最後一期34卷。張畫係小朋友版嘅主角們,而且係「進擊」首次表紙、背表紙、裏表紙都係一幅過。另外,5月9日發售嘅《別冊少年マガジン》亦會有作者諌山創訪問同《進撃の巨人》特別企画。

Read more ›
【有片】警世!日本男酒精點火倒入口 網民出哥斯拉圖恥笑

【有片】警世!日本男酒精點火倒入口 網民出哥斯拉圖恥笑

嗱,雖然我知你哋唔會,但都要提多一句千祈咪學,呢位日本男將一杯酒精濃度高嘅酒類點火,之後諗住表演倒入口,最後……有日本網民就好有心出咗一張真‧哥斯拉圖致敬,嗱,咁笑人係唔啱嘅,我出埋呢張圖都係希望提醒大家唔好咁笑人,希望呢位日本男冇乜嘢,或者早日康復啦。我戴咗咁多個頭盔,冇嘢喇啩?

Read more ›
【圖集】日本C99代替網上活動「エアコミケ3」 Coser大集合

【圖集】日本C99代替網上活動「エアコミケ3」 Coser大集合

好耐都未寫過Coser大集合喇,因為近兩年啲公開活動唔係取消就係無限延期……本來日本黃金周5月2日至4日,係Comiket「コミックマーケット99(C99)」舉行嘅日子,不過又搞唔成啦,於是變成第三次「エアコミケ」,Coser自行投稿,今次真係睇咗當去咗。

Read more ›
記得下載 林祥焜首個WhatsApp Sticker

記得下載 林祥焜首個WhatsApp Sticker

「嗨!」、「好開心呀!」、「行啦!」、「掂呀!」、「行街街!」、「HEHE~」,林祥焜首個WhatsApp Sticker出籠,作為Fans的你記得下載。And,下載完,記得多啲使用呀喂。

Read more ›
網圖分享:賀《Metro Pop》15週年

網圖分享:賀《Metro Pop》15週年

你是咪《Metro Pop》讀者?原來呢本免費雜誌已經踏入15週年,咁梗係要賀一賀佢喇,以下十幾幅賀圖,慢慢睇。

Read more ›

提你買書 鄭健和《西遊》珍藏本卷十5月5日見街

提你買書 鄭健和《西遊》珍藏本卷十5月5日見街

無乜特別嘢,純粹提醒大家記得買書咁解啫。鄭健和《西遊》珍藏本卷十將會喺5月5日見街,售$128,隨書附送明信片一張,咪買漏呀喂。

Read more ›
【有片】打機的女生最明事理 本田翼講規限小朋友打機:唔應該用時間限制

【有片】打機的女生最明事理 本田翼講規限小朋友打機:唔應該用時間限制

留意,唔係唔限制,佢係話唔應該用時間限制,而係用「試合」嚟設定打機時間。事源本田翼喺今日5月4日上節目就提到,小朋友長時間打機係應該要節制吓,不過好多父母都會話,嗱打多10分鐘好喇或者嗱30分鐘後熄機,佢話咁就唔妥喇,應該係話,嗱,打埋呢舖就要停咁。有網民表示真係好明事理,尤其有時同online打機,好難喺特定時間強制離開,做人都要學識有責任感嘛……不過都有網民問,咁如果打RPG呢?一舖可能係唔知幾耐噃……係,但建議各小朋友們唔好玩命啦。

Read more ›
日本小學生的堅持 唔俾帶漫畫返學自己畫《進擊之巨人》全班分享

日本小學生的堅持 唔俾帶漫畫返學自己畫《進擊之巨人》全班分享

小學通常都有好多奇妙規矩,以前搜到帶漫畫真係好大鑊架。咁日本呢位小學生因為好想希望大家都睇到《進撃の巨人》,但又唔可以帶返去,所以就自己畫一本拎番去俾同學睇!而且仲話會繼續畫繼續帶……咁可能有人會問,咁咪老翻侵權?我諗呢個情況,就算出版社、作者知道都覺得冇所謂啩?

Read more ›
【有片】日本野菜喵第二彈 唔扮白菜扮粟米

【有片】日本野菜喵第二彈 唔扮白菜扮粟米

記唔記呢隻「みにら」日本貓貓?之前曾經被主人包住扮白菜,可愛到癲!啱啱就有第二彈,係粟米「トウモロコシのおくるみ」呀!不過,首先你主子要冇乜反抗逆來順受先得啦……

Read more ›
想個人科幻啲?日本網民咁樣食啫喱

想個人科幻啲?日本網民咁樣食啫喱

喺啲科幻片入面,人類食飯都唔太需要揀食咩肉呀菜呀魚呀嗰啲,簡單啲全部係唔同嘅營養補給品就得……於是,夏天又就快到,係時候可以食吓啫喱嘅時候,可以試吓咁食吖,成件事科幻晒,食埋好乖乖哋上初號機喇。

Read more ›

【有片】法國任天堂機迷真係好瘋狂 自建初代任天堂店做收藏室

【有片】法國任天堂機迷真係好瘋狂 自建初代任天堂店做收藏室

發覺任天堂機迷真係可以好瘋狂,尤其係外國,例如法國呢位Fabrice Heilig,佢嘅收藏主要唔係遊戲,而係任天堂未製作遊戲主機前推出嘅「花札」遊戲卡,咁佢就索性喺後園整咗個任天堂總部出嚟……雖然唔係依家嗰間咁大間,而係京都嘅店舖,而且只有相片流傳(因為原址已經變咗泊車位),不過佢都深入研究,之後興建咗呢間任天堂店出嚟!有興趣可以睇吓段片,雖然係法文,但有英文字幕。

Read more ›
網圖分享:賀格子成立三週年

網圖分享:賀格子成立三週年

格子舉辦嘅展覽、市集、新書發佈會等等等等,我參加過好多次了,唔可以話次次都精采萬分,但無一次係失望而回卻係事實。格子成立三週年了,畫師們紛紛送上賀圖,希望格子可以長做長有,加油。

Read more ›
支持!Wai On年尾出靈異漫畫!

支持!Wai On年尾出靈異漫畫!

我幾鍾意《暗黑指紋》作者之一Wai On嘅暗黑系畫作的,每幅都落足心機,線條精細風格好詭異,望一眼就容易留下深刻印象。近排佢密密出Post,話預計2021年尾會推出《偉安首本個人靈異作品》,吓?書名咁老定嘅,放心,暫定啫,諗到真正書名自然會通知大家。暫時資料所得,全書黑白,約180頁,一期完,普通版售$88,預訂早鳥價$78兼送多張Postcard,咁當然唔少得手繪封面版喇,售$800,加送「百鬼道場」精品。請支持本地創作,加油。

Read more ›
必撐!《火伙》畫集5月下旬見街!

必撐!《火伙》畫集5月下旬見街!

等到頸長,《火伙》畫集終於鐵定5月下旬見街,無得唔撐呀喂。呢本畫集收錄過百幅插畫同四篇漫畫,除火伙團隊外仲有18位畫手坐鎮,淨係睇呢個幾禮拜鋪天蓋地嘅宣傳圖,幅幅精采,就已經Feel到有幾高質。全書312頁,四封面全收錄,普通版$220,另有手繪封面版,手繪封面版再分A同B餐,A餐可選雞尾、Derek或張君豪是但一人畫封面,限定30本,售$980;B餐三人合力繪畫同一封面,限定20本,售$1600。真心Mode,好期待,好想可以快啲拎上手慢慢聞。

Read more ›