fbpx

最新資訊

日本黑貓奇妙玩法 貓版空中瑜伽

日本黑貓奇妙玩法 貓版空中瑜伽

小動物有時啲動作同行為都係好奇怪,好似呢隻黑貓仔ちょび君咁……其實同屋仲有另一隻白茶貓女モモ,兩隻都係差唔多……咁可愛啦。

Read more ›

【有片】東京新宿駅東口新CM 立體貓變菲利

【有片】東京新宿駅東口新CM 立體貓變菲利

記唔記得之前日本東京新宿駅東口個巨型屏幕,咪係立體貓貓嘅?啱啱有新嘢,唔係貓,係宇宙大王菲利!其實賣緊嘅係電話遊戲《Dragon Ball Z Dokkan Battle》。

Read more ›
【有片】任記新消息大集合 《BAYONETTA 3》下年出 Switch用N64/MD手掣

【有片】任記新消息大集合 《BAYONETTA 3》下年出 Switch用N64/MD手掣

今朝有冇起身睇?如果未睇的話,呢度嚟個新消息大集合,首先,《BAYONETTA 3》將會喺2022年發售,希望堅啦。仲有《Monster Hunter Rise Sunbreak》呢隻強化版2022年夏季發售,星之卡比有新作《星のカービィ ディスカバリー》2022年春發售,《Mario Party Superstars》就10月29日發售,《刀剣乱舞無双》2022年2月17日發售。仲有電影《マリオ》配音陣容超強!2022年末公開。最後,因為加入咗N64同Mega Drive遊戲,所以都會有手掣喎!

Read more ›
鄺彬強揸旗 《新著龍虎門》推出三期賀圖特別版

鄺彬強揸旗 《新著龍虎門》推出三期賀圖特別版

係好好好好好期待嘅,鄺彬強重掌《新著龍虎門》,10月7日出版,我萬二分開心。新人事揸旗,梗係要搞吓特別版,嚟緊第1118、1119同1120一連三期會推出9+1特別版,每期包一書一唔同主筆嘅複印賀圖畫板三塊,參與主筆有柏迪、馮志明、司徒劍僑、黃水斌、胡紹權、葉明發、米奇、夏偉義同周勝,每期各售$138,畫板Size為15x15cm,9塊畫板儲齊,可以合併為1118期封面圖,都幾有心思。早鳥優惠,提早向「至Goal Club」預訂,送多塊阮大勇賀圖畫板,正呀喂。

Read more ›
《新著中華英雄》10月出版 宣傳圖得把赤劍?

《新著中華英雄》10月出版 宣傳圖得把赤劍?

好了,落實了,今期第1116期《新著龍虎門》出咗正式宣傳圖了,鄺志德亦喺專欄「主編話」透露書名:「團隊新作品《新著中華英雄》,已經開始得如火如荼,工作會議暫時非常順利,暫定10月出版,敬請各位讀友們繼續支持!」我會支持,真心希望可以畫一本出色作品畀大家睇吓喇,要加油呀。另,就呢幅宣傳圖,我朋友咁話:「係咪點都要畫吓華英雄呀?就咁畫把赤劍算數?好求其囉。」我不苟同,下下畫主角邊有癮,赤劍亦屬《中華英雄》Icon,畫赤劍無問題,問題係圖係黑白圖,啲線又多又亂,根本突出唔到把劍,赤劍加番紅色會唔會搶眼啲? 再另,就住上期《新著龍虎門》封面將「火雲七式:火蛇吐信」誤植字為「雷電神腿:火蛇吐信」一事,今期書末重新刊登一次修正圖,不過得罪講句,有啲多餘喎,用文字交代Say個Sorry咪得囉,事關修正圖足足霸咗珍貴的一大頁,留番嚟出多一頁內文好過喇。

Read more ›

邱瑞新《火武耀揚》上期已經預告咗蝙蝠會死,睇完今期見到蝙蝠咁死法,我覺得有啲唔夠轟烈。為師爺陳捱刀,互劈,斷手,嚎叫,諗住點都會同石頭鍊多幾頁,至少都爆多幾滴血喇,點知轉個頭就成個人頭飛出窗俾火武一抱入懷,連如何斬甩人頭都無交代,如此這般咁就釘咗咯,大有落雨收柴之感。 唔知點解,好多港漫都係咁,隨住劇情發展,主角好多時都會俾二線角色搶風頭,例子有《鐵將縱橫》鐵路人、《西遊》白狼等等,而於我,蝙蝠亦屬此例,對比起所謂嘅尖東玩嘢王臭口柱唔知玩過乜大中小鑊嘢、成日將「江湖百年浩劫」掛喺口邊嘅道理哥永遠齋吹當秘笈懶係有智慧、成日話人「柒到上月球」其實自己最柒嘅虎兒、打極唔死話死又唔死仲要臨老入花叢溝海潮嘅黑骨棠、成日挑來挑起「挑那媽」一味得個打字嘅火武、出親場都懶有霸氣實情得個惡樣嘅雷公等人,我覺得呢個二線角色更立體,描寫得比較有血有肉,忠心有義氣性格鮮明,同翠如BB互溝又夠Funny。咁死法係有啲不捨,個人意見,不喜勿插。

Read more ›

《妖怪道》寫錯出版日期 Bookone出Post致歉

《妖怪道》寫錯出版日期 Bookone出Post致歉

Oh!今期第9期《妖怪道》嘅下期預告寫錯咗「《卷十》猿王爭霸篇3死亡獻祭」將會喺「九月二十三日星期四準時出版」,好明顯係睇錯日曆。聖人都有錯,最緊要有錯要認,何況並唔係大錯,Bookone亦已經即時喺面書出Post補鑊,有擔當,就畀番個Like和仔大人喇。記住,正確出版日期係九月三十日,下個禮拜四唔該繼續買書。

Read more ›
日本遮用槍柄 帶遮出街相當有型

日本遮用槍柄 帶遮出街相當有型

如果你習慣拎遮(冇打開時)時係握住遮身,咁有問題喇,好容易會用遮尾拮到人,尤其係上樓梯嘅時候。咁如果你有呢個「槍柄」,加裝上把遮度,咁你以後拎遮就可以好似揸槍咁,好有型,而且仲可以加個扣,好似人哋啲槍帶咁掛喺個身度……不過如果喺依家嘅香港用,我驚……

Read more ›
玩貓的女孩最可愛 日本一Coser「えなこ」新寫真推出

玩貓的女孩最可愛 日本一Coser「えなこ」新寫真推出

本身係都覺得講得太多,日本一Coser「えなこ」噚日出寫真集《OFF COSTUME》未必再提啦。但見到佢呢輯相,入面仲有兩張玩貓圖,又忍唔住喇。

Read more ›
真人版電影《聖闘士星矢》流傳陣容 新田真剣佑係「星矢」沙織係洋妞

真人版電影《聖闘士星矢》流傳陣容 新田真剣佑係「星矢」沙織係洋妞

輪到《聖闘士星矢》喇,早前hollywoodreporter就報道咗真人版嘅演員陣容,當中24歲嘅新田真剣佑會演主角「星矢」,咁收兵女神始祖「沙織」就係Madison Iseman,仲有《權力遊戲Sean Bean演「城戸光政」,Diego Tinoco演「フェニックス一輝」,另外仲有Famke Janssen、Nick Stahl、Mark Dacascos參演……強烈建議「紫龍」搵番中國演員,成龍啦個名又有個龍字。

Read more ›
中秋節有嘢送 張君豪送Postcard

中秋節有嘢送 張君豪送Postcard

多謝張君豪先,佢想大家開心,所以搞咗個節日限定送禮活動。只要大家Post一張《火伙》畫集相片,PM佢通知佢地址,即送呢張2021年新版蛋散仿電影海報Postccard。正呀喂,開心喇?

Read more ›

網圖分享:中秋節快樂

網圖分享:中秋節快樂

今日中秋節,聽日紅日使返工返學,大家有乜好節目?希望大家玩得開心啲,笑多啲,人月兩團圓,中秋節快樂呀喂。

Read more ›
池袋SEGA「セガ池袋GiGO」今日閉館 結束28年歷史有直播

池袋SEGA「セガ池袋GiGO」今日閉館 結束28年歷史有直播

又一間。今次係池袋嘅「セガ池袋GiGO」,將會喺今日9月20日閉館。呢間由GENDA SEGA Entertainment營運嘅店舖,1993年開館,今日就結束28年歷史。而喺今日香港時間下午4點半,網上亦會有直播,入嚟有link,去過或者經過過嘅,可以齊齊歡送佢。

Read more ›
【有片】埼玉縣超有型遊戲機中心 入門口竟然經過山洞

【有片】埼玉縣超有型遊戲機中心 入門口竟然經過山洞

呢條片真係好正,一開始門口冇乜特別正正常常,但推開門之後,入去竟然好似個庭園咁?再行又好似山洞,經過兩條橋之後,再推門,又竟然有條樓梯上去,入到去就係一間超大遊戲機中心,有街機又有夾公仔機……似唔似某啲動漫嘅設定?至於地點,就係日本埼玉縣「ウェアハウス 岩槻店」,下次有機會真係要去呀!

Read more ›
日本Coser「プーチン」 最像真《GIGANT》「パピコ」?

日本Coser「プーチン」 最像真《GIGANT》「パピコ」?

有冇睇奧浩哉嘅《GIGANT》?相比起《GANTZ》覺得點?我自己就覺得都有趣嘅,可以一睇,不過就冇每周追看嘅衝動喇。之前都有唔少Coser變身女主角「パピコ」,今次就係「プーチン」,係咪見過最似嘅一位?話時話,之前「えなこ」都Cos過,入嚟回埋帶。

Read more ›