紅色有角快3倍。2013年，Toyota變身為「ZEONICTOYOTA」，為自護公國服務，出咗架馬沙專用Auris，之後同馬沙講咗句機械嘅嘢你唔明o架喇，但就引嚟好多自護公國國民入手，香港都好似有一架。早排亦都展出一架新安洲版本，嚟到2015年，車廠準備「シャア専用オーリス第2弾」概念車，仲拍咗條片，今次玩「消光」金屬色啞面，大大個自護標誌喺車頭，超有型！而且喺片段中見到有量產綠色版……但慢3偣有冇人買？

我想講! 馬沙你夠喇! 一直對你感覺有Cool又型仔, 但自從出咗架車之後, 成日招搖過市Sell自己架車, 多年嚟形象冇晒! ZEONICTOYOTA呢間地球部自護軍兵工廠, 剛剛發佈了新兵器! 就係新安洲……戰車, 暫時都係黑畫面Outline圖一張, 但預計今年五、六月應該可以見到街, 咪先!? 點得嚟開發技術, 由渣古直跳入UC先!? 會唔會學Bandai嗰櫳嘢, 渣古小改款又當新模型出? 正所謂呢度加支槍, 嗰度加條死氣喉就搞掂喇! 死啦! 我開始有啲擔呀!

  香港只有TOYOTA、冇ZEONICTOYOTA已經令人好傷心! 香港行暫時未有考慮返MS-186H-CA決定, 連水貨車行都嫌佢車價太貴……我相信如果想擁有, 真係唔太現實! 不過更傷心嘅事情又再發生, 因為日本AMLUX打算喺10月24號, 東京池袋推出試揸MS-186H-CA計劃, 完全無料、唔使消費、俾你任揸45分鐘, 呢個完全係「毒人計劃」!