Tag: YouTuber

有片 吸血鬼周街嚇人 170萬點擊熱播

香港大部份人一起身都會變喪屍,晚晚唔夠瞓好辛苦呀!萬聖節就到,又係嚇鬼玩嘢片出爐時候,外國Youtuber Ed Bassmaster今次扮吸血鬼喺美國費城周街嚇人,影片暫時已經過咗170萬點擊,證明大家都好鍾意睇人被嚇嘅畫面,我都係。

Read more ›

有片 自製《飢餓遊戲》十字弓 辦公室最強武器

睇完《飢餓遊戲》之後,有無想自製返個十字弓(crossbow)玩吓?外國YouTuber Dave Hax就教大家用幾樣簡單文具自製,睇片見倒只需4支鉛筆、1支鉛子筆、幾條橡筋同埋一個夾就做到,連我呢個工具白痴都有信心自己搞得掂!整完最啱用嚟射房入面經常鬧到我體無完膚嘅老細,不過我唔夠膽。

Read more ›

新片速報 日本大熱貓頭鷹 陪寫字賴死唔走

之前報導過日本而家好興養貓頭鷹,仲開咗好多間貓頭鷹café。最近日本YouTuber「o-ji noantica」上載咗幾條貓頭鷹生活短片,吸引好多人睇同埋留言讚好,片中見到貓頭鷹企喺主人隻手上面陪佢喺Tablet上寫字,無論主人隻手點郁,佢都堅持唔肯走,乖之餘平衡力仲極好,好多人都大讚佢好得意!不過拑到咁實,主人隻手痛唔痛?

Read more ›

有片 磁力飄浮裝置 凌空87mm負重10公斤

半空懸浮呢樣嘢我不嬲都覺得好神奇,之前日本魔術師Cyril甚至試過真人離地懸浮,好勁!講返正題,呢個用磁力懸浮裝置網上有片睇,睇片見到放個枕頭上去,可以離地飄起,上面加多個磗頭都頂得住,呢條由Youtuber Brusspup拍嘅片喺網上熱播,用嘅係叫CLM 2 Levitation嘅模組,利用磁力飄浮,最高可可以浮起87mm同埋負重10公斤,好似佢咁放副棋上去凌空捉,堅係型。

Read more ›

有片 打鼓打到著晒火 燒住打足3分鐘

YouTuber呢個o靚仔COOP3RDRUMM3R好堅,打鼓打到著晒火!演奏嘅歌好應景,係Ellie Goulding嘅《Burn》。見佢打到3分鐘左右,突然點著支鼓棍,之後就開始瘋狂玩火!仲打到中間個鼓著埋火,小朋友唔好亂學。支鼓棍啲木都幾好燒,最終把火足足燒咗3分鐘,佢亦打足3分鐘,老實技術唔錯,可以考慮出去做花式表演。

Read more ›

新片速報 6百萬點擊熱爆YouTube 手機毒癮好難戒?

身為現代人,我深深感受到智能手機已經全面入侵人類大腦,而我哋完全無力反抗。出街食飯搭車落bar以至同枕邊人瞓覺,大家都揸住部手機,中晒毒癮。名為Charlene deGuzman嘅YouTuber最近拍咗條「I Forgot My Phone」嘅短片,短短四日已經有6百萬點擊,片中刻劃主人翁無論去到邊,同任何人一齊,對方手上面或者眼裡面都只有手機,坐喺韆鞦上面嘅小妹妹寧願玩手機都唔肯盪韆鞦,影片令好多人好有共鳴。如果你都有同感,睇完個心有啲寒,不如試吓同朋友食飯時放低部手機,行出第一步,搣甩呢舖毒癮啦。

Read more ›

新片速報 網絡熱爆 平民變英雄 單手擋火車

專拍真人版遊戲短片嘅外國YouTuber 單位AndrewMFilms,大部份影片都有過百萬views,真人孖寶兄弟我一得閒就翻睇,而家已經有8百萬次點擊。最近佢哋又有新作,今次嘅「Superhero Depression」講一個普通人無啦啦變咗超人,得到好似變形俠醫咁勁嘅神力,搞到生活上出現大量問題,臨尾仲單手擋停架火車救人,有特技有笑位,值得一睇。入嚟仲有得回帶睇返之前嘅孖寶經典片。

Read more ›

有片 初音女僕機械人 大跳AKB48「I want you~ ♬♪ ~」

「I want you~ ♬♪ ~ I Need You~ ♬♪ ~」 一聽倒AKB48好紅嗰首〈ヘビーローテーション〉,亦即係國產SNH48嗰首《無盡旋轉》,我就忍唔住想喺巴士上面企起身跟住跳!可能呢個外國嘅YouTuber Dr. GIY都有同感,拍咗段跳舞片,主角就係同初音一樣紥孖辮,著重型女僕裝嘅機械人。機械人跳舞唔係第一次見,但係識跳咁複雜嘅舞步真係幾厲害。主人上年仲幫佢拍過另一條跳舞片,我見到背面有隻初音公仔,有理由相信佢呢個機械人係向初音致敬嘅。

Read more ›