Tag: YouTuber

【有片】日本超人氣YouTuber「Hikakin」新貓    跳上背玩自拍

【有片】日本超人氣YouTuber「Hikakin」新貓 跳上背玩自拍

日本超人氣YouTuber「Hikakin」養咗貓,之後好快又養多隻,初登場段片仲過咗1千萬views,好勁!咁佢兩隻貓貓又真係超可愛,仲好識搶鏡。啱啱Hikakin就喺Twitter放咗幾張新相,話隻喵跳上佢背脊之後唔肯走,仲陪佢遊勻全屋影自拍,超搞笑!入嚟有得回帶睇返之前貓登場同埋其他影片。

Read more ›

有片:日本YouTuber飛機杯自娛 專登叫妹妹撞破好事

有片:日本YouTuber飛機杯自娛 專登叫妹妹撞破好事

匿埋睡房替自己製造升天快感,碰啱妹妹唔覺意入房撞破尷尬事,呢啲情節唔係H漫先有,現實世界都有,仲拍埋片添。日本YouTuber頻道「ワタナベマホト」 玩到好大,主角Set好Cam,然後出動飛機杯自娛,去到差不多之際,就以收拾房間為藉口Call妹妹上房,故意等妹妹撞破自己好事…….點知……你估妹妹有乜反應?唔劇透,自己睇,放心,有馬賽克的。

Read more ›
有片:日本YouTuber大整蠱 飯檯標出大隻佬嚇祖母

有片:日本YouTuber大整蠱 飯檯標出大隻佬嚇祖母

睇YouTube頻道「すしらーめん《りく》」係好開心嘅,呢個日本YouTuber好多古靈精怪嘢,亦已經唔只第一次整蠱祖母,今次仲有越玩越大之勢。話說佢先喺食飯檯做手腳,中間雕空,然後搵個一身肌肉嘅光頭大隻佬匿入去,之後等祖母返屋企。喺偷拍鏡頭下,預先黐實檯布嘅電話響起,咁阿祖母梗係順手拎起電話喇,說時遲那時快,檯布因為黐住電話而揭起,大隻佬即時標出嚟大嗌,嚇到阿祖母即刻掩面大叫,嗚,咁玩法,心血少啲都驚會嚇暈,有呢個乖孫,阿祖母都唔知好嬲定好笑咯。

Read more ›
【有片】10歲蘿莉Youtuber陰功豬 約聚會冇人到喊出120萬Views

【有片】10歲蘿莉Youtuber陰功豬 約聚會冇人到喊出120萬Views

o依家啲小朋友咁細個就做YouTuber,都幾威,不過呢位俄羅斯10歲女Alina係幾可愛嘅。唔講呢樣住,講番正經嘢,睇佢YouTube見佢拍片都拍咗半年,本來已經有3,000個subscribers,咁佢就諗住約佢哋聚會吓啦,地點係一個公園,咁條片有超過20個留言話會出席嘅,點知佢帶晒啲糖呀禮物去到,等咗30分鐘,搵勻成個公園都唔見啲朋友仔,於是唯有執番啲嘢返屋企,咁當佢再出片講到一半時,終於忍唔住爆喊,佢話好唔開心好失望,點解你哋要講大話話會嚟,佢仲話帶埋啲謎語同獎品去,諗住同大家玩,之後仲可以合照,識到好多新朋友,不過……

Read more ›
【有片】超瘋狂!日本YouTuber「Hajime」用超巨型電話殼一星期

【有片】超瘋狂!日本YouTuber「Hajime」用超巨型電話殼一星期

買貴嘢,日本好多YouTuber都會咁做,但貴而且大……呢個全球最大電話殼價值38萬円,不過呢個唔係重點,重點係「はじめしゃちょー(hajime)」會用佢一個星期,而且收貨已經拍埋片……見到佢拎住喺鏡前面自拍,真係好正!

Read more ›

有片:一次過鋸八部手機!為呃Like去到好盡!

德州電鋸殺人狂?非也,只不過係個為呃Like可以去到好盡好盡嘅YouTuber啫。唔明架,唔明用電鋸鋸斷智能電話有乜意義架,不過又真係引到人睇囉,從短片所見,智能電話鋼水都唔錯,又要夾實又要對準落點,幾經辛苦先可以將佢哋從中折半。咁Total鋸多錢落海呢?無數錯應該係一次過鋸八部,總值7000美金,好肉赤,我赤到入心。

Read more ›

【新片速報】最憎自拍神棍 外國YouTuber拍片怒剪遊客神棍

出街成日見人揸住支自拍神棍,有時係幾炆嘅,不過好似呢個YouTuber Buddy Bolton咁,快閃狂奔去剪爛人哋嘅自拍神棍,行為又似乎激咗啲。佢哋話好唔滿意紐約市經常有遊客拎自拍神棍出嚟影相阻街,於是做咗呢個行動,見人拎自拍神棍出嚟影相,就馬上衝出去一把較剪剪爆人哋支自拍神棍,被剪嘅人錯愕完之後十居其九會衝上去追打佢。喂,支自拍神棍剪斷事小,部手機跌爆芒事大,憎還憎,千祈唔好亂試。

Read more ›

【新片速報】外國靚女自製《Pokémon Go》頭盔 用條脷捉精靈

之前日本都有媒體用衣架整咗過《Pokémon Go》嘅掛頸免提裝置,最近呢位國靚女YouTuber Simone Giertz再勁啲,自製咗呢個《Pokémon Go》頭盔,戴住佢玩《Pokémon Go》唔駛用手,個頭左郁右郁就得嘞,佢仲親身示範捉精靈嘅方法,就係用條脷‥‥‥

Read more ›

有片:不准手震!火柴砌屋頂!

想成為成功YouTuber,創意一定要有,時間亦唔少得。唔係咩?就好似「CrazyRussianHacker 」主持人咁,無聊到用十支八支火柴玩平衡小遊戲,砌個小屋頂,仲要得一支火柴撐,係唔算好難呀,Trial and error之嘛,只要有耐性,實有一次搞得掂呀,咁講唔敢話你有錯,不過唔知要砌幾耐呢?手震又散,風大啲一吹又散,散完又散。淨係呢份耐性,都值得畀個Like佢。

Read more ›

有片:玩足五年 爆笑字幕版《足球小將》完結

本地YouTuber Eminleo係唔係政協,關我鬼事,我Concern嘅係幾時出爆笑字幕版《足球小將》,剛剛嚟到第十七集,小志強同戴志偉嘅決戰終於完嘞,計番第一集喺2010年2月26日上YouTube,原來去到家陣足足五年半有多。講真,Eminleo啲九唔搭八字幕係好好笑嘅,啲粗口亦運用得天衣無縫。唔好笑我低能,家陣話完結,我居然……有啲唔捨得。

Read more ›

【有片】 超邪惡Oreo大蛋糕食譜 新手都學得識

好邪惡,呢個Oreo大蛋糕睇見都流口水。由好出名整嘢食嘅日本YouTuber 「Hey! It’s Mosogourmet!!」製作,有晒每個程序,新手都肯定學得識,都係基本嘅加奶加糖加蛋加忌廉攪攪攪,睇見啲材料就覺得好肥,好似一次過食咗1000塊Oreo餅咁,所以我睇完決定去麥當勞買杯Oreo麥旋風奬勵吓自己,星期日食好啲!

Read more ›

多圖多片 日本超勁扮聲王 年收入1億4000萬円

年收入1億4000萬,即係港幣900萬左右,除返開每個月75萬港幣收入,好爽。呢位叫Hikakin嘅日本YouTuber,由日本紅到外國,最勁嘅地方係玩Beatbox玩到出神入化,扮乜聲都得,玩過One Piece、寵物小精靈主題曲,連街霸由頭到尾嘅配樂都可以出口技玩晒,勁到癲,入嚟有回帶。今次無端端提起佢,因為日本網民最近摷晒佢啲舊相出嚟,話佢咁嘅樣都搵到咁多錢,成個post充滿葡萄味,算啦成功需苦幹,your face唔一定等於your fate嘅。

Read more ›

新片報報 神級配音 5分鐘連扮100把聲

呢位YouTuber叫Brian Hull,我之前都唔識,不過佢最近慶祝訂閱人數過10萬,特別拍咗條近片賀一賀,因為太勁,令我成為佢10萬零1個訂閱戶。影片入面佢一次過扮咗100個唔同角色嘅聲音,全程重要一take過,片長唔夠5分鐘,淨係轉聲唔好出錯都有難度。扮嘅角色包括魔戒嘅咕嚕、甘道夫、星戰嘅黑武士、瑪利奧大叔、卡通人物Micky Mouse、Winnie the Pooh、Minions等等,難怪佢形容為馬拉松「The 100 Voice Impressions Marathon」。

Read more ›

新片速報 萬聖節血盆大口DIY 口擘擘嚇死人

又到哈佬喂,平時見鬼佬啲化妝好誇張,我哋都介紹咗唔少,不過點樣先可以有樣學樣呢?外國YouTuber goldiestarling就拍咗條片教大家化佢呢個血盆大口妝,原來又唔係想像中咁難,而且仲可以口擘擘郁嚟郁去,好邪惡。

Read more ›

有片拆解 紅色可樂 VS Zero可樂糖份測試

飲可樂你會揀Zero定紅色可樂?呢條片唔係最新不過我啱啱先睇倒,之前睇過人煲紅色可樂,外國YouTuber maricv84做嘅呢個實驗就加埋黑色zero,分別拎個煎pan煲滾啲可樂,當水份蒸發晒後,剩底嘅就係糖分,藉此測試紅黑可樂嘅含糖量‥‥‥ 結果都幾出人意表,原來Zero真係健康好多,薄薄哋一層糖分,令人好安心,不過我以後都唔敢再飲紅色可樂‥‥‥

Read more ›