Post Tagged with: "YouTuber"

香港YouTuber「大J」為日本風災眾籌 日本Twitter熱傳網民留言感謝
by / on 17/10/2019 at 7:00 am

香港YouTuber「大J」為日本風災眾籌 日本Twitter熱傳網民留言感謝

星期一香港YouTuber「大J」搞咗個網上眾籌,幫助日本受颱風影響嘅民眾,噚晚喺Twitter開始好多日本人討論。唔少日本網民留言感謝香港人,亦有人話香港人處於咁艱難嘅時期,依然幫助日本好感動。今朝睇最新捐款數字去到港幣77萬,捐款暫定會落到日本紅十字會手中,捐款日期仲有3日,想幫助吓日本嘅可以撳入去睇吓。

Read more ›

衝擊變身 日本YouTuber證你的樣子如何靠自己
by / on 16/04/2019 at 8:38 pm

衝擊變身 日本YouTuber證你的樣子如何靠自己

少年太年輕有時係唔識打扮嘅,髮型同眼鏡對嘅影響又真係好大嘅,於是,呢位YouTuber就喺Twitter出咗佢以前嘅相,轉咗髮型除低眼鏡其實可以好唔同,樂觀啲,但又唔好抱太大希望。

Read more ›
【有片】日本YouTuber玩大咗 渋谷馬路瞓大床警方介入
by / on 14/04/2019 at 1:00 pm

【有片】日本YouTuber玩大咗 渋谷馬路瞓大床警方介入

YouTuber經常拍攝具爭議性嘅影片,就算係出名守規矩嘅日本都一樣。最近日本YouTuber頻道「ジョーブログ」嘅片就俾人狂鬧,YouTuber Joe同佢3個朋友喺渋谷最旺嘅十字路口做Crazy Challenge,綠燈時成張床托出去馬路,瞓一陣之後趁轉紅燈前,火速將張床搬返去路邊,點知其中一個人托唔穩失重心,將呀Joe成個人跌咗落張床‥‥‥段片而家喺YouTube有過百萬views,但就有極多負評,大家鬧佢唔用腦好危險,又會影響到其他道路使用者,而東京都警方都已經介入研究緊件事,佢哋有可能觸犯咗當地法律,都係嗰句,玩還玩要用吓腦。入嚟有得睇返段片。

Read more ›
有片:日本YouTuber教衛衣使用貼士 反轉著帽當袋用裝飲品
by / on 08/04/2019 at 8:36 pm

有片:日本YouTuber教衛衣使用貼士 反轉著帽當袋用裝飲品

有帽衛衣係幾型,又易襯衫,但因為有帽所以好阻碇吓。有日本YouTuber好聰明,教你如何將衛衣摺好,體積即時縮細成倍,得,得咗!帽索帶甩咗好煩?唔使煩,原來用一支飲筒就可以輕鬆串番好,又係得,得咗!佢仲教你如何用衛衣變袋,袋起手提電腦用街去,都好實用。最過癮係教你反轉件衛衣嚟著,為乜?帽喺前面心口就直頭當係袋咁用,可以放飲品慢慢啜,唔使用手拎住,又係有計啫。

Read more ›
【新片速報】日本超人氣YouTuber   炒飯prank網民狂改圖 
by / on 26/01/2019 at 2:14 pm

【新片速報】日本超人氣YouTuber   炒飯prank網民狂改圖 

日本YouTuber「水溜りボンド」好高人氣,訂閱人數超過366萬,兩個後生仔經常做無聊嘢,例如最近就扮炒飯專家,買咗個超勁裝置:鐵鑊加炒飯巨浪,之後扮炒嘢呃對方入廚房嚇佢。段片一星期已經過600萬瀏覽,由於張相太震憾,好多網民狂改圖,連Donald Trump都出埋,入嚟有回帶。

Read more ›
【新片速報】韓國YouTuber化妝片唔用真人 動畫爆紅過百萬瀏覽
by / on 23/01/2019 at 7:05 am

【新片速報】韓國YouTuber化妝片唔用真人 動畫爆紅過百萬瀏覽

網上好多教化妝嘅YouTuber,韓國尤其多,估唔到而家進化到用動畫教化妝。呢位YouTuber「LULUPANG 루루팡」所有影片都係用stop motion動畫製作,1星期前有段女仔化妝片已經有166萬瀏覽,3日前再放一段男仔版,而家已經過百萬瀏覽,睇佢化妝嘅過程就好似化真人一樣,跟住嚟做都唔難,而且前後對比極大。入嚟有片睇。

Read more ›

【有片】日本超人氣YouTuber「Hikakin」新貓    跳上背玩自拍
by / on 05/10/2018 at 7:58 am

【有片】日本超人氣YouTuber「Hikakin」新貓 跳上背玩自拍

日本超人氣YouTuber「Hikakin」養咗貓,之後好快又養多隻,初登場段片仲過咗1千萬views,好勁!咁佢兩隻貓貓又真係超可愛,仲好識搶鏡。啱啱Hikakin就喺Twitter放咗幾張新相,話隻喵跳上佢背脊之後唔肯走,仲陪佢遊勻全屋影自拍,超搞笑!入嚟有得回帶睇返之前貓登場同埋其他影片。

Read more ›
有片:日本YouTuber飛機杯自娛 專登叫妹妹撞破好事
by / on 13/12/2017 at 10:15 pm

有片:日本YouTuber飛機杯自娛 專登叫妹妹撞破好事

匿埋睡房替自己製造升天快感,碰啱妹妹唔覺意入房撞破尷尬事,呢啲情節唔係H漫先有,現實世界都有,仲拍埋片添。日本YouTuber頻道「ワタナベマホト」 玩到好大,主角Set好Cam,然後出動飛機杯自娛,去到差不多之際,就以收拾房間為藉口Call妹妹上房,故意等妹妹撞破自己好事…….點知……你估妹妹有乜反應?唔劇透,自己睇,放心,有馬賽克的。

Read more ›
有片:日本YouTuber大整蠱 飯檯標出大隻佬嚇祖母
by / on 22/11/2017 at 9:15 pm

有片:日本YouTuber大整蠱 飯檯標出大隻佬嚇祖母

睇YouTube頻道「すしらーめん《りく》」係好開心嘅,呢個日本YouTuber好多古靈精怪嘢,亦已經唔只第一次整蠱祖母,今次仲有越玩越大之勢。話說佢先喺食飯檯做手腳,中間雕空,然後搵個一身肌肉嘅光頭大隻佬匿入去,之後等祖母返屋企。喺偷拍鏡頭下,預先黐實檯布嘅電話響起,咁阿祖母梗係順手拎起電話喇,說時遲那時快,檯布因為黐住電話而揭起,大隻佬即時標出嚟大嗌,嚇到阿祖母即刻掩面大叫,嗚,咁玩法,心血少啲都驚會嚇暈,有呢個乖孫,阿祖母都唔知好嬲定好笑咯。

Read more ›
【有片】10歲蘿莉Youtuber陰功豬 約聚會冇人到喊出120萬Views
by / on 08/11/2017 at 8:41 pm

【有片】10歲蘿莉Youtuber陰功豬 約聚會冇人到喊出120萬Views

o依家啲小朋友咁細個就做YouTuber,都幾威,不過呢位俄羅斯10歲女Alina係幾可愛嘅。唔講呢樣住,講番正經嘢,睇佢YouTube見佢拍片都拍咗半年,本來已經有3,000個subscribers,咁佢就諗住約佢哋聚會吓啦,地點係一個公園,咁條片有超過20個留言話會出席嘅,點知佢帶晒啲糖呀禮物去到,等咗30分鐘,搵勻成個公園都唔見啲朋友仔,於是唯有執番啲嘢返屋企,咁當佢再出片講到一半時,終於忍唔住爆喊,佢話好唔開心好失望,點解你哋要講大話話會嚟,佢仲話帶埋啲謎語同獎品去,諗住同大家玩,之後仲可以合照,識到好多新朋友,不過……

Read more ›
【有片】超瘋狂!日本YouTuber「Hajime」用超巨型電話殼一星期
by / on 07/10/2017 at 8:12 pm

【有片】超瘋狂!日本YouTuber「Hajime」用超巨型電話殼一星期

買貴嘢,日本好多YouTuber都會咁做,但貴而且大……呢個全球最大電話殼價值38萬円,不過呢個唔係重點,重點係「はじめしゃちょー(hajime)」會用佢一個星期,而且收貨已經拍埋片……見到佢拎住喺鏡前面自拍,真係好正!

Read more ›

有片:一次過鋸八部手機!為呃Like去到好盡!
by / on 24/09/2016 at 7:45 pm

有片:一次過鋸八部手機!為呃Like去到好盡!

德州電鋸殺人狂?非也,只不過係個為呃Like可以去到好盡好盡嘅YouTuber啫。唔明架,唔明用電鋸鋸斷智能電話有乜意義架,不過又真係引到人睇囉,從短片所見,智能電話鋼水都唔錯,又要夾實又要對準落點,幾經辛苦先可以將佢哋從中折半。咁Total鋸多錢落海呢?無數錯應該係一次過鋸八部,總值7000美金,好肉赤,我赤到入心。

Read more ›
【新片速報】最憎自拍神棍 外國YouTuber拍片怒剪遊客神棍
by / on 06/09/2016 at 7:12 am

【新片速報】最憎自拍神棍 外國YouTuber拍片怒剪遊客神棍

出街成日見人揸住支自拍神棍,有時係幾炆嘅,不過好似呢個YouTuber Buddy Bolton咁,快閃狂奔去剪爛人哋嘅自拍神棍,行為又似乎激咗啲。佢哋話好唔滿意紐約市經常有遊客拎自拍神棍出嚟影相阻街,於是做咗呢個行動,見人拎自拍神棍出嚟影相,就馬上衝出去一把較剪剪爆人哋支自拍神棍,被剪嘅人錯愕完之後十居其九會衝上去追打佢。喂,支自拍神棍剪斷事小,部手機跌爆芒事大,憎還憎,千祈唔好亂試。

Read more ›
【新片速報】外國靚女自製《Pokémon Go》頭盔 用條脷捉精靈
by / on 15/08/2016 at 7:14 am

【新片速報】外國靚女自製《Pokémon Go》頭盔 用條脷捉精靈

之前日本都有媒體用衣架整咗過《Pokémon Go》嘅掛頸免提裝置,最近呢位國靚女YouTuber Simone Giertz再勁啲,自製咗呢個《Pokémon Go》頭盔,戴住佢玩《Pokémon Go》唔駛用手,個頭左郁右郁就得嘞,佢仲親身示範捉精靈嘅方法,就係用條脷‥‥‥

Read more ›
有片:不准手震!火柴砌屋頂!
by / on 19/01/2016 at 2:00 pm

有片:不准手震!火柴砌屋頂!

想成為成功YouTuber,創意一定要有,時間亦唔少得。唔係咩?就好似「CrazyRussianHacker 」主持人咁,無聊到用十支八支火柴玩平衡小遊戲,砌個小屋頂,仲要得一支火柴撐,係唔算好難呀,Trial and error之嘛,只要有耐性,實有一次搞得掂呀,咁講唔敢話你有錯,不過唔知要砌幾耐呢?手震又散,風大啲一吹又散,散完又散。淨係呢份耐性,都值得畀個Like佢。

Read more ›