Post Tagged with: "XBOX ONE"

日本Xbox One今日發售 秋葉原冇人排隊
by / on 04/09/2014 at 12:08 pm

日本Xbox One今日發售 秋葉原冇人排隊

Xbox One今日(4日)正式喺日本推出,咁其實一有新機或勁Game出,秋葉原一帶電器店都會排晒隊,但今朝……可能因為水貨已經出咗好耐啦?不過,之前PS4出嗰陣,雖然情況都不如以往咁熱鬧,都冇咁靜嘅。更新情報,朝早9點半,其實已經有約10個人排緊……

Read more ›

新片速報 中國首批Xbox One完成出關 大陸Xbox One/PS4將一家親
by / on 03/09/2014 at 9:26 pm

新片速報 中國首批Xbox One完成出關 大陸Xbox One/PS4將一家親

Microsoft嘅Xbox One,聽日喺日本上市,o依家已經有24小時網上直播睇。咁香港同大陸就9月23日啦,咁大陸已經有新聞片睇到第一批嘅Xbox One正式完成出關手續嘅歷史性時刻,可以如期上市喇。另外,之前一直有傳聞話Xbox One合作嘅大陸公司「百視通」,以及PS4合資嘅「東方明珠」將會合拼,咁喺Xbox One同PS4喺大陸仲會唔會自己打自己?又會唔會有PS4/Xbox One同梱優惠?

Read more ›
買到就爽!日本樂天Xbox One套裝半價 限量10部
by / on 30/08/2014 at 12:36 pm

買到就爽!日本樂天Xbox One套裝半價 限量10部

Xbox One喺日本嘅銷情一向麻麻,但係如果半價呢?日本樂天喺聽日(31日)日本時間晚上8點到8點59分將會有呢個「マイクロソフト Xbox One + Kinect Day One エディション」半價優惠,限賣10部,原價53,980円,o依家26,990円咋, 圍番港紙2千蚊部左右,買到就爽。

Read more ›
PS4 /Xbox One手掣進化GIF圖   越變越肥仔
by / on 20/08/2014 at 7:11 am

PS4 /Xbox One手掣進化GIF圖 越變越肥仔

PS4同Xbox One嘅手掣同以往幾代有幾大分別?就咁睇相對比睇得唔夠真,外國網站就有人整咗GIF圖,比你直接睇佢嘅演變。原來PS4手掣一代比一代肥,至於Xbox變得最多係中間嘅交叉X型符號。除咗呢兩部主機,仲有得睇埋Gameboy進化至3DS嘅GIF圖同埋任天堂手掣演變,睇完好懷念那些年嘅打機時光,好想放暑假呀!

Read more ›
停一停諗一諗 傳聞歐洲Xbox One減價在即
by / on 04/08/2014 at 5:38 pm

停一停諗一諗 傳聞歐洲Xbox One減價在即

傳聞一則,原本喺歐洲地區賣399.99歐元嘅冇Kinect版Xbox One,傳聞會減價至349.99歐元。呢個消息源自外國機迷發現咗一張西班牙文嘅官網價錢圖片,似乎係喺手提電話版網站見到,主機減至349.99歐元……如果呢個消息屬實,咁亞洲地區……係咪都會減幾嚿?不過,當然西班牙官網暫時都仲係399.99歐元定價啦。

Read more ›
外國一樣俾人寸 Xbox唔明咩叫「Exclusive」?
by / on 22/07/2014 at 4:23 pm

外國一樣俾人寸 Xbox唔明咩叫「Exclusive」?

嗱,呢單嘢唔關我哋事,係外國網站要寸佢哋。話說Xbox出咗個Twitter,裏面有6張圖,下面就係寫住:「We aren’t saying Xbox One has the best exclusives. That’s just what everyone else says.」首先佢個「Everyone」唔知係邊個,同埋佢呢張圖入面,有3隻遊戲《Call of Duty》、《Assassin’s Creed》同《Evolve》唔只有PS4版,仲有PC版……不過如果佢係講緊限時獨佔嘅DLC,咁冇計啦。

Read more ›

PS4全球銷量達900萬 Xbox One賣500萬
by / on 05/07/2014 at 5:14 pm

PS4全球銷量達900萬 Xbox One賣500萬

喺4月嗰陣,官方公佈咗PS4銷量係700萬部,而Xbox One就話出咗貨500萬。最新消息係嚟自《International Business Times》,Xbox One方面就話佢哋嘅銷量已經達到500萬接近600萬,而喺同一篇文章,亦都有講PS4已經賣出超過900萬部。嚟緊9月Xbox One又多幾估國家有,到底有冇機會反敗為勝開個半全場主客呢?

Read more ›
今年香港動漫電玩節 PS4 Xbox One正面交鋒!
by / on 24/06/2014 at 9:22 pm

今年香港動漫電玩節 PS4 Xbox One正面交鋒!

今日記者會,PlayStation宣佈首次參加7月25至29日喺會展舉行嘅「香港動漫電玩節 2014」,搵嚟PlayStation大使王敏奕(Venus)同埋陳蕊蕊、尹秦晞(Yumi)cosplay撐場,不過到時有咩優惠有咩新遊戲試玩就未講,得班囡囡俾你睇吓先。另一邊廂,一直有參加動漫電玩節嘅Xbox陣營,主力梗係宣傳9月行貨到港嘅Xbox One,話率先有會場限定預訂優惠,到時同場正面交鋒,到底係藍色醒定一話綠色勁就未知,不過淨係知一邊有機賣,一邊未有機賣咁解。老套啲講句,兩邊都唔想輸個勢,機迷冇蝕底。  

Read more ›
秋葉原「Xbox One大感謝祭」排隊試舊Game
by / on 22/06/2014 at 3:17 pm

秋葉原「Xbox One大感謝祭」排隊試舊Game

Xbox One喺香港同日本都係9月發售,噚日(21日)同今日喺秋葉原舉行咗「Xbox One大感謝祭」,有得試玩歐美已經出咗嘅《Dead Rising 3》、《Titanfall》等遊戲。而預訂都啱啱喺今日開始咗,不過喺日本……其實都係……雖然我好想玩雷電新作,射擊打飛機嗰隻。

Read more ›
官網更新 Xbox One日本發售日/價錢公開
by / on 27/05/2014 at 6:25 pm

官網更新 Xbox One日本發售日/價錢公開

香港同日本都係9月開賣,不過日本方面就公開咗確實日期同售價喇,係9月4日,而連Kinect嘅就賣49,980円,齋機就39,980円,而頭一浸跟機遊戲亦都公佈咗,可以入嚟睇。香港方面,會唔會同日本同日呢?賣幾錢呀?不過最值得開心係應該都有齋主機版賣,如果到時有中文版遊戲就好咯。

Read more ›
Xbox One減到$399美元!?Kinect終於分開賣!
by / on 14/05/2014 at 1:15 am

Xbox One減到$399美元!?Kinect終於分開賣!

其實唔係減價,只係終於有唔使跟埋Kinect嘅Xbox One齋機賣。自宣佈推出以嚟,Xbox One一直都俾PS4壓住嚟打,就係因為價錢貴過$100美元,因為佢冇得唔連Kinect買,而PS4就可以唔使包PS Camera。終於,Microsoft官網公佈咗,6月9日會推出齋機版Xbox One,賣$399美元。咦?但之前阿Don Mattrick話Xbox One唔可以冇Kinect喎?咁即係點?冇得聲控開機操控,又冇得玩《Kinect Sports Rivals》囉。照咁睇,相信9月香港行貨推出時,都有唔駛跟Kinect嘅版本啦?好事嚟嘅。

Read more ›

新片速報 官方確定 Xbox One 9月中港台發售
by / on 30/04/2014 at 2:51 pm

新片速報 官方確定 Xbox One 9月中港台發售

有片有真相。終於正式公佈,中國同台灣都會喺9月正式發售行貨版Xbox One,香港方面啱啱都講埋,一樣都係9月!都好啦,起碼有個確實日期,不過實際幾多號出同賣幾錢就未知,而且,可惜嘅係趕唔切暑假玩囉。嗱,一早講咗會出o架啦。嗱,一早講咗會今年出o架啦。嗱,一早話係夏天o架啦……一有呢啲消息出嚟,啲勁人就蒲面o架喇!嘻嘻。

Read more ›
突發!Xbox One預計7月於中國推出 今年內賣出10萬部
by / on 21/04/2014 at 2:03 am

突發!Xbox One預計7月於中國推出 今年內賣出10萬部

遲遲未公佈港台行貨發售日期,好多人都估係等埋中國一齊出。啱啱最新消息係嚟自BesTV(百視通)呢間會同Microsoft合作喺大陸推出主機嘅公司,預計好快會公佈喺今年7月推出,係,仲早過之前公佈嘅第2波發售地區(包括日本),而且仲話預計會賣出10萬部。另外,據講大陸推出嘅Xbox One遊戲會比較平,只賣低於300元人民幣,不過,遊戲審批時間可能會長啲喎,咪一定遲過水貨?月底官方會公佈發售詳情。香港方面,暫時仲未有官方消息發佈,如果真係趕得切7月暑假檔期,咁又有得鬥吓喇。

Read more ›
銷量微軟 Xbox One全球出貨500萬部
by / on 18/04/2014 at 1:51 pm

銷量微軟 Xbox One全球出貨500萬部

噚日PS4先公佈全球賣出超過700萬部,睇番一個星期前個表,Xbox One都係賣出420萬部咋喎,升得咁快?唔係,Xbox One今次公佈嘅係「出貨量」,佢話出咗貨500萬部啫。好喇,又想講番香港台灣方面,繼上次公佈9月發售地區冇我哋份之後,繼續係冇聲氣,官方仲出咗聲明澄清,話從來未公佈行貨發售日期同價錢,叫大家唔好信啲傳聞咁威水,咁就算真係如傳聞話可以趕到年尾出行貨,新機都遲咗美國成年,既然你唔重視香港市場咯,fine。

Read more ›
超型陳設 Xbox One主機電線火牛上牆5粒鐘搞掂
by / on 12/04/2014 at 11:48 am

超型陳設 Xbox One主機電線火牛上牆5粒鐘搞掂

其實大約三兩年前,都已經有人試過將PS3咁樣上牆,連埋啲電線擺位,真係幾有型!今次呢位「2BearArmy」就將Xbox One、電視、subwoofers同家庭影院全部放埋一齊上晒牆,而啲電線都玩到電路板咁,佢話佢用咗5個小時去計劃,再用多5個小時去實行,我最欣賞佢後置揚聲器啲線咁樣喺天花板過……

Read more ›