Wrangler出保濕牛仔褲 真係去倒橙皮紋?

嚴格嚟講,呢段唔係遊戲新聞,但因為Model Lizzie Jagger好索,加上聲稱有保濕去橙皮紋呢個科技實在太獵奇,所以忍唔住同大家分享。後生少少可能都唔識嘅老牌牛仔褲牌子Wrangler,最近好有創意,宣佈推出有保濕及去橙皮紋功效嘅牛仔褲,取名The Denim Spa Jeans, 1月28日起喺外國網站asos有得買。品牌仲搵咗160位女士每星期5日,每日8小時連續著咗6星期,67%話橙皮紋有改善,堅係獵奇。咁條褲係咪唔駛洗?又唔係喎,呢個藥效可以維持15日或6-8次清洗,但你可以買支補充劑,噴兩噴又可以減肥嘞,都話女人錢好易賺。

Read more ›