fbpx

Tag: World War Z

【有片】準備掃喪屍 《World War Z》推出前影片睇吓有咩玩

【有片】準備掃喪屍 《World War Z》推出前影片睇吓有咩玩

準備發售喇,如果鍾意玩喪屍遊戲,應該實會買呢隻《World War Z》啦,廠方就發佈咗Launch Trailer,睇吓有咩Co-op同對戰玩,仲有,個人覺得東京場景係吸引嘅。

Read more ›

【有片】屍潮洶湧!《World War Z》發售日公開 4月地球末日戰

【有片】屍潮洶湧!《World War Z》發售日公開 4月地球末日戰

當電影版第二集有消息話會取消嘅時候,遊戲可能可以o氹番你,因為啱啱《World War Z》嘅發售日公開喇,4月16日,會有PS4、Xbox One、PC版,你估住邊區嘅朋友會特別想玩?

Read more ›
新片速報 4人協力掃喪屍《World War Z》今年內登陸PS4/Xbox One

新片速報 4人協力掃喪屍《World War Z》今年內登陸PS4/Xbox One

有睇過畢彼特套戲嘅,都好有印象一大堆喪屍衝埋嚟嗰吓有幾震撼?遊戲版啱啱有新片睇喇,由Saber Interactive公開,最多四人協力,E3會有新嘢睇,預定今年內發售,會有PC/PlayStation 4/Xbox One版本。

Read more ›
新片速報 PS4/Xbox One/PC《World War Z》喪屍塔名場面曝光

新片速報 PS4/Xbox One/PC《World War Z》喪屍塔名場面曝光

積屍可以成塔,我冇睇書,但有睇電影,最震撼一幕應該係啲感染者堆埋一齊擒高嗰下啦?啱啱The Game Awards就有呢隻PS4/Xbox One/PC《World War Z》嘅影片睇,係咪即係射槍喪屍版無雙?

Read more ›
Brad Pitt回歸打喪屍 《World War Z》續集2017得唔得?

Brad Pitt回歸打喪屍 《World War Z》續集2017得唔得?

改編自Max Brooks嘅書,呢套《World War Z》喺2013年上嘅陣賺咗5.4億美元票房,成為Brad Pitt最賣座電影,係,估唔到,Brad Pitt大把有表現嘅戲都唔及呢套嘅票房,所以喪屍加Brad Pitt,原來威力咁勁。外國有消息話Brad Pitt演嘅「Gerry Lane」都會繼續擔正《World War Z 2》,而劇本都會係Steven Knight,導演就係J.A. Bayona(《The Impossible》)(第一集係Marc Forster)。到上映日期,就係2017年6月9日,同Fox嘅《Fantastic Four 2》同日……希望呢個消息係真啦,飲番罐百事撐吓先!

Read more ›
新片速報     Audi廣告片扮《World War Z》  喪屍變汽車維修員

新片速報 Audi廣告片扮《World War Z》 喪屍變汽車維修員

德國Audi最近嘅新廣告幾有驚喜,擺明喺喪屍電影《World War Z》度攞靈感,一班喪屍變晒汽車維修員,喺沙漠上喪追架路過嘅Audi,最終架Audi安全駛入Audi維修部,門口就爬滿人,十足電影《World War Z》經典一幕。睇到最尾彈出訊息:「「Don’t let your Audi fall into the wrong hands.」原來想話Audi車都係喺Audi維修最好。呢段廣告仲令人諗起2003年攞獎嘅PS2廣告「Mountain」,早過《World War Z》玩人山人海,而家睇依然覺得正到暈,未睇過嘅記住入嚟回帶。

Read more ›

06/10一週碟報價:醉爆3/古魯熱賣 大劈佬做魔間槍神

06/10一週碟報價:醉爆3/古魯熱賣 大劈佬做魔間槍神

  今個星期行碟舖都係靜靜哋, 超級大片欠奉, 所以見好多舖都係用老畢隻WORLD WAR Z做DEMO, 冇計啦! 有齊美國最盛產嘅靚仔同喪屍喎! 夠熱鬧埋; 今個星期正路大戲會買醉爆伴郎團3同古魯家族, 笑吓、小吓又話睇完, 做人就係咁簡單! 不過講到個人最愛, 當然係CULT片之神DANNY TREJO套魔間槍神啦! 大劈佬又出嚟擔喎!

Read more ›
兒童讀物「喪屍手冊」   從小教食腦

兒童讀物「喪屍手冊」 從小教食腦

  電影《World War Z》眨吓眼落咗畫,但係我對喪屍嘅愛並無減退。呢本專為小朋友而設嘅喪屍圖書《A Brain is for Eating》,有實體版有電子版,最啱小朋友放暑假溫習。內容主要教喪屍小朋友點樣搵啖食,萬一真係有喪屍出現,人類小朋友好應該作好準備。而我呢,就諗住訂一本送比我鄰居,因為佢每日都好似喪屍咁行屍走肉,相信佢5歲嘅囡囡都好快步佢後塵變喪屍。

Read more ›
新片速報    百事魔術男凌空飛起   熱爆YouTube

新片速報 百事魔術男凌空飛起 熱爆YouTube

最近百事可樂好忙碌,睇《World War Z》見倒畢彼特飲百事,上YouTube又見倒呢個百事宣傳嘅魔術短片。事緣百事搵咗魔術師Dynamo喺倫敦嘅巴士廣告牌旁表演凌空吊起,途人個個爭住影相拍片,迫住睇埋車身上嘅百事廣告,短片3日已經吸引150萬人睇過,十足睇緊真人版《非常盜》。其實魔術原理好簡單,嗰隻扶住車頂嘅手只係一隻假手,07年都有街頭表演者Johan Lorbeer嘅巡迴示範過,所以話橋唔怕舊。入嚟有拆解同埋回帶。

Read more ›
喪屍攻陷全世界 《World War Z》新系列海報7張

喪屍攻陷全世界 《World War Z》新系列海報7張

先唔好討論6月20日喺香港上映(美國21日)嘅《末日地球戰》個譯名講乜春,呢套由畢彼特(Brad Pitt)主演嘅、改編自美國作家Max Brooks嘅第二本喪屍著作嘅《World War Z》我真係極級期待!啱啱官方發佈咗好多張海報,張張都有唔同國家城市主題,有法國巴黎、墨西哥城、澳洲悉尼、德國柏林、意大利羅馬,全部已經俾喪屍攻陷!咦!點解冇中國呀?又話特登改劇本,話病毒發源地唔係中國而係俄羅斯?咁唔係為咗強國人睇得開心啲咩?

Read more ›
新片速報《World War Z》第2段預告片 喪屍打上天

新片速報《World War Z》第2段預告片 喪屍打上天

《Iron Man 3》之後,必定第一日入場睇嘅就係呢套《World War Z》!香港6月20日上映(美國21日),改編自美國作家Max Brooks嘅第二本喪屍著作,Brad Pitt打喪屍。新預告片繼續玩大堆頭,喪屍群多到可以堆成人山截擊直昇機!入嚟可以睇埋新海報,頂,中文名叫《末日地球戰》。

Read more ›

新片速報《World War Z》港版預告 6/20畢比特打喪屍

新片速報《World War Z》港版預告 6/20畢比特打喪屍

事先聲明,呢條片除咗加咗中文字幕之外,基本上同之前公開嗰條係冇分別嘅,但重點唔係呢度,係香港講咗會喺6月20日同步上映(美國6月21日),而譯名叫《末日地球戰》,個名普通得嚟冇意思,好冇誠意,我情願佢叫打鬼戰士……套戲係改編自美國作家Max Brooks嘅第二本喪屍著作,第一本就係嗰本《打鬼戰士:世界末日求生指南》,我上年12月21日咪晒成本,但係無用武之地,希望Brad Pitt有睇晒。  

Read more ›
新片速報 火腩畢彼特殺喪屍 《World War Z》首段預告

新片速報 火腩畢彼特殺喪屍 《World War Z》首段預告

終於唔駛再睇Brad Pitt食豆腐火腩飯嘞!之前電影公司Paramount買斷咗美國喪屍作家Max Brooks嘅著作版權,傳聞會出遊戲,但一直無新消息,不過由Brad Pitt主演,下年6月21日上映嘅喪屍電影《World War Z》就搶閘發放咗第一條trailer,片段睇倒喪屍殺到,Brad Pitt帶住屋企人逃生嘅驚險過程,雖然無喪屍close up,但見到一大堆喪屍堆成嘅屍山一樣好震憾。「World War Z」改編自美國作家Max Brooks嘅第二本喪屍著作,呢位仁兄之前出過本《打鬼戰士:世界末日求生指南》教人點樣打喪屍,香港書局都有得賣,堪稱末日喪屍專家。老實,呢套戲真係喪屍迷必睇,如果末日無喪屍嘅話。

Read more ›