呢位美國小朋友(可能都唔算小朋友，年輕人啦)，日日去Best Buy打機，就係呢部Display出嚟嘅WiiU，玩嘅就係《Smash Bros.》大亂鬥，咁班員工見到佢日日都過嚟打機，打完又要自己行返屋企，於是就有呢個念頭，就係夾錢夾咗約$300美元送部主機同遊戲俾佢，等佢放學就可以返屋企啦！片中見到佢實在唔相信呢件事咁款，遲遲都唔識得反應……其中一位喺度做咗差唔多10年嘅員工Rahiem Storr就話：「This kid came in every single day to play the display Wii U, the employees in this store saw an opportunity to make a child smile and did just that. They chipped in and purchased a Wii U for him with their own money. This is amazing, why shop at Amazon when you have genuine people in […]

今個月尾有隻《XenobladeX》，必玩，正吖！之後……之後WiiU仲有咩遊戲？梗係《薩爾達傳說》新作啦！Open World喎！但發售日未定……有日本網民發現，原來WiiU喺5月28日出埋隻《Splatoon》之後，唔計啲年內發售遊戲，要到9月先有隻《Mario Maker》。咁當你會玩9月呢隻，《XenobladeX》都要玩成5個月？傻嘅，有WiiU嘅，我估一定最少有多一部其他主機啩？

嘩，有WiiU嘅玩家又可以期待一下喇，因為喺啱啱嘅「Game Awards」，WiiU嘅新遊戲《薩爾達傳說》都有新片俾大家睇，而且仲係用Gamepad示範嘅遊戲影片。遊戲善用Gamepad嘅細畫面同體感操控功能……但係，俾個日期我得唔得先？

    嚟到年尾，天氣有開始涼涼地，真係好有打機嘅氣氛，有咩好得過年尾假期喺屋企煲機吖？啱啱出咗《Call of Duty》，之後仲有《Far Cry 4》，打香港人奸角喎，啱晒o依家嘅香港人玩啦！再嚟《刺客教條》、《GTA V》高清版，第一身模式，當新Game玩都得！再之後，3DS機主要玩《Pokemon》，《Biohazard》高清版又嚟緊，真係夠你玩到出年。

係，WiiU終於贏咗PS4/Xbox One喇。不過唔係總銷量，亦都唔係一周銷量，而係「獨佔遊戲對主機嘅銷量提升數量」……話說IGN上星期話《Mario Kart 8》唔駛1個月就賣200萬隻，都算係任天堂殺手級作品，尤其喺歐美更加多人玩。咁有多個統計就出咗嚟喇，就係本來每周賣29,000部嘅WiiU，喺《Mario Kart 8》推出嘅一星期賣出130,000部，到3個星期後，都仲有接近平時2倍銷量，計埋前後，一隻遊戲令到WiiU賣多咗207,000部！咁佢用咩同佢比呢？就係PS4推出《inFAMOUS: Second Son》同Xbox One推出《Titanfall》時嘅銷量，入嚟有詳細圖表睇，其實，唔係太公平……

聖誕殺到又有長假期，有乜好得過匿喺屋企煲機？今個月香港PS4推出，要訂嘅應該一早訂咗，必玩應該係跟機嘅《KILLZONE》或者《真三國無雙7》，仲有隻可以同女朋友玩嘅《KNACK》；XBoxOne水貨都返咗，唔駛諗梗係玩《Dead Rising 3》。想睇定啲先買新主機嘅，仲有隻PS3嘅GT6同埋真《Gundam無雙》可以玩；再唔係3DS機主都有好多正嘢，《進擊之巨人》、《PAD》都出喇；最後仲有PSV機主，有《Gundam無雙》同《魔法少女小圓》陪住過節。點解唔提等咗好耐嘅《FFX HD》版呢？因為暫時只得日文版確定咗12月26日出，中文版冇講實，唔係唔同步嘛？

呢排任記Wii U都有唔少不利消息，但講番轉頭，其實對比起PS3同Xbox360喺日本初推出幾個月嘅銷量，有多冇少咁話。點都好，包括筆者在內，任記Wii U始終有Fans喺度，外國嘅就仲hardcore啲，呢個專幫主機變身嘅Ozcan佢就啱啱整咗部《ZombiU》嘅主題Wii U主機，雖然Ubisoft呢隻喪屍遊戲認真麻麻，但整落部機度又幾好睇，仲有血跡添。

係，可能有人好嬲，喂買咗部Wii U返嚟冇Game玩喎！不過話晒自己錢，都唔會捨得打爆部機啩？外國Rated RR今次就搵咗部Wii U做主角，先用Barrett MRAD sniper rifle遠距離射爆Gamepad，再嚟用C4塑膠炸彈炸爆部主機……但我想話其實幾好睇，因為佢全程用超慢鏡播放，清到睇到子彈由狙擊槍射出嚟再慢慢穿過部Gamepad，勁！

今個月遲咗幾日先有出GAME表，唔好意思，下個月一定準時見。2月份本人最期待一定係即將推出嘅《Metal Gear Rising: Revengeance》，美國PSN已經有試玩版下載。至於啱啱推出嘅3DS《勇者鬥惡龍》今日見街，反應勁，第一日已經斷貨，證明3DS用家餓咗好耐。EA大作《DEAD SPACE 3》就有爆頭女王Kali幫我哋拍嘅試玩片睇，睇完先買啱晒數。最後另一射擊game 《Crysis 3》都值得留意。至於本月最傷心機主，一定係Wii U玩家，只得一隻《TANK!TANK!TANK!》，睇嚟年廿八都要幫部機掃掃塵 。詳情大家入嚟睇入嚟揀！

新一年新開始，但1月份各大廠商都放緊年假，養精蓄銳等3月份重槌出擊，1月份嘅出GAME表實在非常冷清。比較啱玩嘅係等咗好耐，試玩版都玩到爛嘅《Devil May Cry》。其餘真係要揀嘅，仲有射擊遊戲《Sniper: Ghost Warrior 2》同埋兩隻《SIMS》模擬系列。至於任天堂呢，我好羨慕佢哋嘅員工，因為不論WiiU同埋3DS都無影。吖，差啲唔記得，仲有PS Vita，記唔記得好邪惡捽心口嗰隻《限界凸騎 Monster Monpiece》？1月出嘞，其餘自己睇啦！

今日WiiU美版再返貨，最新報價白機開價$3550，黑機貴成千蚊，開價$4600，另外跟機首選《Super Mario Bros. U》都返咗貨，賣$450，其他正game例如《ZombieU》、《忍者外傳》、《鐵拳》等等周末返貨，預計都係同Mario差唔多價。買完機周末玩，啱數。

唯一令我下定決心要出WiiU，就係呢隻喪屍遊戲《ZombiU》，官方終於公佈會出ZombiU嘅Premium Pack，個盒仲鬼咁有型，隻喪屍好似兇我叫我一定要出機咁。套裝無乜特別，都係跟32GB機跟遊戲呢啲基本嘢，唯一唔同係跟一隻GamePad加一隻普通手掣，比之前公佈嘅Deluxe Pack多咗隻普通版手掣，對於一心諗住玩ZombiU嘅玩家嚟講好實用。另外套裝仲有GamePad支架、叉座、WiiU機座(係囉，咁多個座，我屋企邊有咁多位擺？)同一大堆線，唔知香港有無game舖會入呢套歐版？有通知聲，我會去訂。

今日睇新聞，釣魚台事件升溫，對於機迷尤其係任記PS支持者實有影響。啱啱喺內地網站A9VG討論區睇倒有篇報導，標題大大隻字話「抵制日货热情高涨，WiiU在华制造商闭门停产 」，咁即係話即將推出嘅WiiU分分鐘唔夠貨，輕則遲出，重則可能捱炒價。另外，亦有人喺討論區留言話Playstation喺內地嘅廠都要暫時關閉，不過抱歉，呢篇帖文好快已經被河蟹。

聽日TGS開鑼， WiiU消息都要最後召集！之前公佈12月8日推出嘅WiiU遊戲《NINJA GAIDEN 3:Razor’s Edge》，既然遲過PS3/Xbox推出，當然要加啲新元素吸引玩家，啱啱 Koei Tecmo就發佈咗大量新圖同情報。首先確認索女「綾音」(あやね)將會參戰，有自己嘅專屬劇情之外，仲可以同另一角色龍隼一齊co-op合作殺敵。仲有新武器「無想新月棍」同埋「日蝕刀」，女忍者大屠殺，聽落都吸引！不過最正都係遊戲畫面貫徹刀刀見血，玩落特別爽快。加埋之前公佈隻《Bayonetta2》，真係令人出機意欲大增。

今年E3未到，已經一盤盤冷水照頭淋，繼《BioShock Infinite》宣佈延遲至下年2月推出，《Tomb Raider》都宣佈今年無望推出，大家要等到2013年第一季先有得玩。