fbpx

Tag: WALKING DEAD

【有片】《鐵拳7》Walking Dead「Negan」好好打 預告還原阿Glenn經典劇情

【有片】《鐵拳7》Walking Dead「Negan」好好打 預告還原阿Glenn經典劇情

之前都報過,就係《The Walking Dead》嘅奸角「Negan」會參戰《鉄拳7》,咁有預告喇,而且條預告都好有心思,學番《The Walking Dead》美劇中好令人心傷嘅一幕,就係阿Glenn……咁到底《鐵拳》邊個角色會有阿Glenn嘅下場?Lucille呢支武器又有冇咁勁呀?

Read more ›

【有圖有片】《The Walking Dead》阿Glenn結婚 陰屍賓客到場

【有圖有片】《The Walking Dead》阿Glenn結婚 陰屍賓客到場

恭喜晒!我諗到呢一刻都未睇嘅話,都應該俾人透咗,所以唔爭在啦,《The Walking Dead》阿Glenn雖然冇咗條命,但喺現實中就聚咗個老婆。韓國人演員Steven Yeun啱啱星期六佢就喺洛杉磯舉行婚禮,同拍咗好耐拖嘅女朋友Joana Pak結婚,好多Walking Dead演員都到場,包括Norman Reedus (Daryl)、Andrew Lincoln (Rick)、Melissa McBride (Carol)、Chandler Riggs (Carl)、Alanna Masterson (Tara)同之前有份參演嘅Emma Bell (Amy)、Sarah Wayne Callies(Lori)都有到場,佢仲同阿Rick現實中嘅太太Gael Anderson合照。

Read more ›
【有片】《The Walking Dead》第7季片段 10月開播邊個死?

【有片】《The Walking Dead》第7季片段 10月開播邊個死?

睇到上季結局,大家最擔心嘅都係邊個俾Negan扑爆頭啦,嚟緊10月23日第7季開播就知喇。上個月聖地牙哥Comic-Con播嘅短片o依家都公開咗,見到Dwight著住阿Daryl件衫……

Read more ›
【有片】第7季《The Walking Dead》預告 King Ezekiel養老虎

【有片】第7季《The Walking Dead》預告 King Ezekiel養老虎

嚟緊喪屍愛回家又返嚟喇,10月23日開播嘅第7季《The Walking Dead》,喺聖地牙哥Comic-Con有新預告,片中最搶眼一定係漫畫fans最想見到佢嘅King Ezekiel,佢係一個名為The Kingdom嘅地方領袖,由Khary Payton演出,仲養老虎……

Read more ›
【有片】第6季後半預告 《The Walking Dead》新奸角現身

【有片】第6季後半預告 《The Walking Dead》新奸角現身

其實未現身,不過聽到個名,據講係會喺季尾出場,之後第7季就係同佢玩喇,講緊嘅係漫畫中嘅著名奸角Negan,而演出嘅就會係曾經演過《Watchmen》嘅Jeffrey Dean Morgan。《The Walking Dead》第6季後半季將會喺2月14日開播,啱啱有最新預告。

Read more ›
【有片】本地製作大劇透 《The Walking Dead》第6季旁述總覽

【有片】本地製作大劇透 《The Walking Dead》第6季旁述總覽

「遊樂道場」嘅朱雀,除咗做遊戲攻略之外,近排都玩新嘢,就係趁《The Walking Dead》第6季頭半季完咗,要等到2月先有得再睇,同大家嚟個總覽。簡單啲講,如果你睇咗想回帶嘅,或者你有追開但唔得閒睇今季又想知講咩嘅,再或者你聽日放假真係冇嘢做想睇吓到底其實《The Walking Dead》好唔好睇,都可以入嚟睇呢條23分鐘影片。最後講講呢張相,因為今日係阿Glenn「Steven Yeun」生日,所以箭佬「Norman Reedus」就出咗呢張圖賀佢,生日快樂!祝你喺劇入面長命啲。

Read more ›

外國網民玩星戰喪屍改圖 「May the Rick be with you.」

外國網民玩星戰喪屍改圖 「May the Rick be with you.」

《Star Wars》同《The Walking Dead》我都有睇,估唔到係兩套嘢可以拉埋一齊。近呢排都係《Star Wars: The Force Awakens》最紅啦,連《The Walking Dead》班fans都要玩埋一份,喺Twitter多咗好多「#TWDStarWars」嘅Tag,改咗海報、「May the Rick be with you.」,仲有我覺得毫無違和感嘅,係我女神Michonne改揸激光劍。講開又講,下年2月14日先再有《The Walking Dead》下半季睇喇。

Read more ›
【被咬】箭佬Daryl Dixon終於失守 瘋狂粉絲合照期間出口咬

【被咬】箭佬Daryl Dixon終於失守 瘋狂粉絲合照期間出口咬

呢單新聞好瘋狂,《The Walking Dead》箭佬Daryl Dixon有幾型唔駛多講,咁多集入面佢都無俾喪屍咬,不過現實生活中終於失守!早兩日佢出席活動,有位瘋狂大媽同佢合照期間突然失控咬咗佢一啖!同場嘅TWD藝人Michael Rooker即刻大叫,保安亦即時衝出嚟趕走咗個女人,仲下令以後禁止呢位女士出席任何活動。呢位大媽事後喺自己Instagram講返,話自己只係情不自禁,並唔係有心傷害佢最愛嘅Norman Reedus。而Norman Reedus就喺自己嘅IG出咗張chok相,件背心就寫住「DO NOT BITE ME」,仲話:「Um please don’t (公仔)」,好可愛。其實佢被咬後已經即刻表明唔會追究,男神果然係男神,又大方又大隻又有型,無得輸!

Read more ›
《The Walking Dead》第1季喪屍妹妹  Addy Miller 15歲好靚女

《The Walking Dead》第1季喪屍妹妹 Addy Miller 15歲好靚女

  《The Walking Dead》2010年開播,仲記唔記得一出場就俾Rick一槍爆頭嘅喪屍小妹妹?第六季就嚟開播,英國《The Huffington Post》專登搵番呢個喪屍小妹妹做訪問,劇中佢叫Summer,真名叫Addy Miller,依家已經15歲咯。Addy話:「演中槍嗰場戲,我要企喺木梯向後跳落去,我無擔心過危險,仲覺得好過癮添……不過睇番自己個喪屍妝,我都覺得好嘔心,我差啲認唔番嗰個係自己……」對於有劇迷話人類變喪屍後應該無常性,所以Summer唔應該執番起隻兔公仔,Addy又咁話:「初頭我都無乜點諗呢個問題……我諗,呢啲係本能啩,就好似Morgan老婆變咗喪屍,都想開門返番入自己屋企一樣。」話時話,既然都大個女咯,導演會唔會考慮俾Addy飾演過第二個角色,以人類身份重新加入《The Walking Dead》呢?都算Gimmick吖!搵埋Addy facebook畀大家睇,裡面有大量童年照,兼同Rick(Andrew Lincoln)、Andrea(Laurie Holden)同Daryl(Norman Reedus)等合照。

Read more ›
【有片】美國宣傳交通安全 超認真製作《The Driving Dead》

【有片】美國宣傳交通安全 超認真製作《The Driving Dead》

宣傳交通安全喎,如果拍得認真啲,效果會唔會好啲?睇個名都知,呢套《The Driving Dead》係玩《The Walking Dead》啦,而且仲有「Michael Rooker」主演,即係箭佬個阿哥呀!入面真係有飛車、機關砲、喪屍呢啲元素,由「伊利諾州交通運輸部」製作,o依家有4集睇,每集10分鐘。又或者,入嚟睇吓預告。

Read more ›
【箭佬柔情】有片 Norman Reedus同病女童做朋友 Instagram改埋名做大禿頭

【箭佬柔情】有片 Norman Reedus同病女童做朋友 Instagram改埋名做大禿頭

  《The Walking Dead》嘅箭佬「Daryl Dixon(Norman Reedus演)」越嚟越污糟,又越嚟越有型,應該有唔少fans啦?其中一位,就係呢位住喺美國Georgia嘅7歲小朋友「Ava Truesdale」,佢喺2013年確診患上「Alopecia Areata」,即係我哋講嘅「鬼剃頭」,而且一直都未好,冇乜頭髮。咁佢睇完《The Walking Dead》之後就好鍾意「Norman Reedus」,佢媽媽知道後,有一次喺劇組喺Atlanta拍攝時,就安排咗一次會面俾佢哋。佢媽媽話箭佬佢好Sweet,成日叫囡囡做「sweetie」、「cutie」,仲同佢擁抱,之後仲做埋朋友,早幾日「Norman Reedus」仲喺佢Instagram放咗張相,寫住「To Norman: Love Ava」,係女童送俾佢嘅!不過最勁都係佢為咗撐女童,連ig個名都改咗做「bigbaldhead(大禿頭)」,女童媽媽接受訪問時話:「對於一個7歲小朋友嚟講,要佢禿頭返學唔係一件容易嘅事。但佢知道箭佬叫自己「bigbaldhead」,就覺得自己「little bald head」係一件好有型嘅事。咁女童自己又覺得點?「佢好真誠好有型而且好風趣,佢令我更有自信,令我變得堅強。」嗱,真係型到喪屍都驚呀!入嚟有片睇。

Read more ›

【有片】《Fear The Walking Dead》聽日開播 首3分鐘率先睇

【有片】《Fear The Walking Dead》聽日開播 首3分鐘率先睇

留意,係美國時間嘅8月22日9點開播。《The Walking Dead》第6季要等到10月先有得睇,之前有傳聞話今季箭佬會死,唔會啩?如果係真,我諗好多人第7季罷睇。講番呢套《Fear The Walking Dead》,講嘅係洛杉磯啱啱爆發喪屍災難嘅時候……頭3分鐘,主角Nick Clark (Frank Dillane)喺間舊教堂瞓醒,周圍搵女友Gloria,點知落到樓,見到自己女友擒住個男人,以為帽已戴之際,更恐怖嘅事發生喇……

Read more ›
【突破盲腸】喪屍越玩越殘 《The Walking Dead》第1至6季演變圖

【突破盲腸】喪屍越玩越殘 《The Walking Dead》第1至6季演變圖

第1季已經係2010年10月開播喇……5年喇,諗番起先覺係!有睇《The Walking Dead》嘅唔知有冇留意到,就係原來除咗阿Rick同箭佬越嚟越殘(第5季阿Rick終於捨得剃鬚剪頭髮)外,啲喪屍都越嚟越殘。其實都啱數嘅,因為喪屍啲肉好易爛,咁過咗咁耐,揩嚟揩去又可能撞親隻腳又可能刮親隻手,再唔係俾樹枝插親,越嚟越爛,衫都冇得著都係好合乎常理嘅。入嚟睇吓6季演變之餘,又可以睇吓嚟緊23日開播嘅《Fear the Walking Dead》,去到美國洛杉磯LA,喪屍啱啱出現,仲有靚女喪屍喎!至於第6季,就要等到10月11日喇。

Read more ›
【有片】今個月睇喪屍《Fear the Walking Dead》LA喪屍初來襲

【有片】今個月睇喪屍《Fear the Walking Dead》LA喪屍初來襲

     第6季《The Walking Dead》仲要等下先有得睇,不過唔緊要,今個月美國時間8月24日又有呢套《Fear the Walking Dead》,劇組講明唔算係外傳,因為只係同一個時空,但正傳角色唔會現身。而故事發生嘅地方就係美國洛杉磯,睇預告又搞到我諗起《GTA》……講嘅係喪屍初出現喺城市嘅情況,喪屍迷睇喪屍戲/劇,最鍾意睇應該都係呢個時刻啦?入嚟有大量預告片,LA市民有水著女喺泳池浮床上瞓緊,有人玩緊滑板,有人啱啱揸完車去shopping,但其實喪屍已經喺你身邊……演員陣容有Kim Dickens(Gone Girl, Sons of Anarchy)、Cliff Curtis(Missing, Gang Related)、Frank Dillane(Harry Potter and the Half-Blood Prince)、Alycia Debnam Carey(Into the Storm)等,囡囡OK。另外亦都講定會有第2季,下年播。

Read more ›
【新片速報】Walking Dead第6季trailer 足本4分鐘繼續喪

【新片速報】Walking Dead第6季trailer 足本4分鐘繼續喪

《The Walking Dead》第6季未有得睇住,不過啱啱喺Comic-Con就有4分鐘嘅trailer睇,amc好小氣,block咗香港地區無得睇,不過喺YouTube依然搵到高清片。睇片見今季依然勁刺激,Rick延續上季繼續癲,箭佬Daryl繼續有型,Glenn繼續溝女,喪屍圍剿人類嘅大場面勁多,仲有,點解阿Rick個仔大得咁快?第6季10月11日開播,未睇完第5季嘅仲有時間慢慢煲。想撈埋汁嘅,8月仲有套60分鐘嘅外傳《Fear the Waling Dead》,背景係洛札磯,新角色,有無興趣?

Read more ›