fbpx

Tag: Wai On

Wai On幫《光明卡與光明會》畫封面 靈異作品乜書名?

Wai On幫《光明卡與光明會》畫封面 靈異作品乜書名?

話說Wai On幫《光明卡與光明會》畫封面,加埋另一「暗黑指紋」拍檔高迪斯畫嘅另一個封面,雙封面係可以合併成一張大畫欣賞的。封面咁靚,有無興趣撐吓呢本專講陰謀論同神秘學嘅作品?另,佢本個人靈異作品書名已經有定案,仲出咗張圖添,但字體極度刁鑽,唔知大家又睇唔睇得出書名係乜?我估先,我估係《靈玄異界》,唔知有無估錯,估錯咪打頭!

Read more ›

暗黑指紋動漫節產品一覽 Wai On靈異漫畫附手繪信封

暗黑指紋動漫節產品一覽 Wai On靈異漫畫附手繪信封

由四位獨立漫畫人給合而成的「暗黑指紋」,今年動漫節都有擺Booth,產品有新有舊,漫畫、口罩、Tote Bag、Postcard、貼紙等等應有盡有,價錢列表自己睇。想重點推介嘅係Wai On嘅靈異漫畫,齋買書早鳥預訂價$78送Postcard一張,連埋藍稿貼紙加手繪信封一套$200,連信封都手繪喎,幅幅都撚盡十二成功力,淨係呢份心機都值得一撐。

Read more ›
Wai On靈異漫畫送Postcard

Wai On靈異漫畫送Postcard

之前提過,Wai On打算喺今年推出一本靈異漫畫,雖然暫時仲未知本漫畫叫乜名,但佢就先透露話大家可以喺動漫節親臨「暗黑指紋」攤位預購,凡預購者即送Postcard。張Postcard靚唔靚?自己睇相,我就覺得好高質嘞,Wai On,加油!

Read more ›
支持!Wai On年尾出靈異漫畫!

支持!Wai On年尾出靈異漫畫!

我幾鍾意《暗黑指紋》作者之一Wai On嘅暗黑系畫作的,每幅都落足心機,線條精細風格好詭異,望一眼就容易留下深刻印象。近排佢密密出Post,話預計2021年尾會推出《偉安首本個人靈異作品》,吓?書名咁老定嘅,放心,暫定啫,諗到真正書名自然會通知大家。暫時資料所得,全書黑白,約180頁,一期完,普通版售$88,預訂早鳥價$78兼送多張Postcard,咁當然唔少得手繪封面版喇,售$800,加送「百鬼道場」精品。請支持本地創作,加油。

Read more ›
網圖分享:Wai On的凸點女版老祖宗

網圖分享:Wai On的凸點女版老祖宗

《暗黑指紋》主筆之一的Wai On,畫得一手好畫,呢期佢畫咗好多幅精美小畫板,構圖離不開性感美女、骷髏,皆暗黑味濃。最新一幅女版老祖宗卻一反常態,唔再以黑色為主調色,吊帶白絲襪、低胸露事業線兼凸點,如此這般出一招御劍飛行,好亮麗好Sexy,我好Like。如果對佢啲小畫板有興趣的話,歡迎查詢,每幅$180。

Read more ›
Wai On《暗黑指紋》送禮 骷髏頭卡名額50張

Wai On《暗黑指紋》送禮 骷髏頭卡名額50張

有禮送呀喂,《暗黑指紋》作者之一嘅Wai On,正密鑼緊鼓繪製一批心意卡,圖案係骷髏頭,打算無條件送畀大家,名額50個,送完即止。學佢話齋,「如不怕新年流流收到骷髏頭卡」的話,PM佢就OK。

Read more ›

撐《Project 72》畫展 港漫人的老香港情懷

撐《Project 72》畫展 港漫人的老香港情懷

Good到無得再Good呀,可以聚集到咁多位港漫人,係絕對值得支持嘅香港畫壇盛事,講緊嘅係《Project 72》畫展,排名不分先後,有包括Cody Chow、Noel Mok、Pen So、Tony Yim、WaiMan Tsang、Wai On、白水、米奇、阿傑多、袁家寶、梁光明、梁偉家、梁瑋豪、畢亦樂、曹志豪、戇男、張君豪等人參與。畫作以七十二行為主題,盡顯老香港一面,好多位港漫人都率先各自喺面書登出畫作,好讓心急嘅你同我先睹為快。齋睇相都覺得靚到啪啪聲,唔到饒宗頤文化館睇真跡,絕對係你損失,我話嘅。

Read more ›