Post Tagged with: "VR"

玩VR四圍行 電腦背囊揹上身
by / on 31/05/2016 at 8:49 pm

玩VR四圍行 電腦背囊揹上身

其實都有個裝置可以俾人企上去行同轉彎,好似跑步機咁,玩VR最啱。不過如果想四圍行真實啲,又驚吊住條線好唔方便好危險(其實戴住個眼罩四圍行好似仲危險),呢個PC背囊就幫到手。喺COMPUTEX TAIPEI 2016入面,MSI就有呢個「Backpack PC」展出,重5kg,有散熱,用Intel Core i7配NVIDIA GTX980卡……同埋除咗佢之外,HP都話會出,咦?咁我咪可以戴住個眼罩四圍寫稿,嘩到時去到邊都可以做嘢可以為公司付出喇!

Read more ›

【有片】囡囡玩VR喪屍Game嚇到癲 奇妙肢體動作全記錄
by / on 24/05/2016 at 9:24 pm

【有片】囡囡玩VR喪屍Game嚇到癲 奇妙肢體動作全記錄

一向都話睇人玩VR開心過自己玩,尤其係睇囡囡。不能逃避,作為機迷,VR嘅驚嚇喪屍遊戲,我哋遲早都要面對,我都好想知自己會唔會嚇到掉眼罩,所以都係去試玩會玩吓先穩陣……好喇,呢位囡囡玩嘅就係《Zombie Freakout》,佢驚嚇嘅動作同情感,完全被好朋友好同事記錄咗落嚟,仲放上網……睇到笑出聲之後,我更加想知佢本身個樣係點?唔知可唔可愛呢?

Read more ›
【虛擬世界】《龍貓》都有VR! 免費下載走入吉卜力世界
by / on 05/05/2016 at 7:13 am

【虛擬世界】《龍貓》都有VR! 免費下載走入吉卜力世界

VR越嚟越好玩呀,早兩日我哋報導過日本嘅「ニコニコ超会議2016NicoNico超會議」有虛擬采耳玩(係呀撩耳仔呀),啱啱又見到有fans自製咗《龍貓》、《哈爾移動城堡》同《千與千尋》嘅VR場景,可以跳入吉卜力嘅動畫世界,仲有得互動,超正!最正係已經有得下載免費試,如果你有VR眼罩嘅話。呢個Demo由英國VR Studio「Fire Panda」嘅Nick Pittom製作,如果再多啲動漫內容製成VR,應該好多人想跳入虛擬世界,以後都唔返出嚟嘞。

Read more ›
【VR玩採耳】瞓和服美女大脾採耳     滿足男性願望
by / on 01/05/2016 at 12:19 pm

【VR玩採耳】瞓和服美女大脾採耳 滿足男性願望

VR可以玩到幾盡?現實生活中想瞓喺著和服嘅女朋友大脾採耳,簡直係FF極致,不過啱啱喺日本嘅「ニコニコ超会議2016」,就有呢款好突破嘅美人采耳VR遊戲「なごみの耳かきVR」,玩家瞓喺地,喺虛擬世界入面就好似瞓咗喺個和服美女嘅大脾上,然後由佢好溫柔咁幫你採耳。為咗增加玩家嘅投入感,現場工作人員都係著和服嘅美女,佈置亦係日式榻榻米部屋,但係工作人員當然唔會真係幫你採耳,如果去到中國展示就好難講‥‥‥

Read more ›
【男人夢想】今個月有得玩 VR駕駛巨型機械人 機艙仲要有囡囡
by / on 11/04/2016 at 9:43 pm

【男人夢想】今個月有得玩 VR駕駛巨型機械人 機艙仲要有囡囡

有得玩嘅意思,係要喺東京。之前都報道過今個月15日至10月中,喺台場會有個Bandai Namco搞嘅「VR ZONE Project i Can」玩,咁有6個遊戲,啱啱就公佈當中有呢個《アーガイルシフト》,由《鐵拳》嘅「原田勝弘」製作,玩家就係巨型機械人嘅駕駛者,仲要有位囡囡喺機艙入面先奇幻!呢個,仲唔係男人嘅夢想?

Read more ›
【有片】日本學校虛擬開學禮?學生戴VR眼罩參觀
by / on 07/04/2016 at 3:35 pm

【有片】日本學校虛擬開學禮?學生戴VR眼罩參觀

如果未來學生們可以喺屋企戴住VR眼罩嚟出席開學禮、上堂就上網上,去秋季旅行就喺MMORPG入面進行,咁都真係幾……日本Kadokawa Dwango嘅「N高等学校」,雖然唔係舉行虛擬開學禮,不過就喺六本木呢個開學禮度俾學生們戴眼罩參觀沖繩嘅校舍。講多少少,其實呢間學校本身都好破格,課程包括編寫程式、遊戲設計、聲優等等。開學禮仲有理事「鈴木敏夫」出席添。

Read more ›

【有片】台場體驗VR遊戲 Bandai Namco開試玩中心
by / on 30/03/2016 at 5:14 pm

【有片】台場體驗VR遊戲 Bandai Namco開試玩中心

下個月去開日本台場拜高達,又有多樣嘢玩埋喇,就係Bandai Namco會喺附近嘅「東京プラザ」3樓開設Virtual Reality嘅體驗中心,入面會有6隻遊戲可以試玩,當中包括片中呢個行高空木橋救動物遊戲。由4月15日開到10月中,下次去東京可以安排埋啦。

Read more ›
【新片速報】戴住VR坐過山車 美國主題樂園新機動遊戲
by / on 22/03/2016 at 7:13 am

【新片速報】戴住VR坐過山車 美國主題樂園新機動遊戲

VR用嚟打機夠晒爽,而且仲有好多種玩法,好似最近呢段影片,片中兩個男仔戴住VR眼罩坐過山車,一邊坐一邊玩飛行射擊遊戲,向下衝或者翻滾嘅無重狀態,夾返遊戲入面嘅情景,睇落真係驚到腳震。自問大膽嘅可以飛去美國主題樂園Six Flags Over Georgia親身試吓,VR配過山車嘅全新機動遊戲,夠晒gimmick不過你夠唔夠膽試?

Read more ›
尋找VR眼罩的樂趣 玩家完全無防備
by / on 17/03/2016 at 11:00 am

尋找VR眼罩的樂趣 玩家完全無防備

VR眼罩好玩,自己玩開心,其實睇人玩都係一種享受,尤其係……日本有網民就突破盲腸,就係玩緊VR遊戲時,玩家睇唔到出面世界,係完全處於無防備嘅狀態,而且動作仲會極度忘我……講開又講,我哋都拍過一條囡囡試玩片,係,的確係,到時買咗一定要邀請多啲女機迷返屋企試機。

Read more ›
【有片】放送事故 「菊川怜」試玩 驚到掉爛VR眼罩
by / on 10/03/2016 at 10:24 pm

【有片】放送事故 「菊川怜」試玩 驚到掉爛VR眼罩

講真,第時買咗VR眼罩嚟玩,我都同自己講,一定唔會走去玩驚嚇遊戲,真係驚會掉手掣,或者掉爛個VR眼罩……38歲嘅「菊川怜」就示範俾大家睇喇,佢喺電視節目度試玩VR眼罩,當佢望住個井望住個井,嘩呀呀呀呀呀!男主持即時衝埋去……睇吓個眼罩有冇事。

Read more ›
【有片】Microsoft新VR遊戲 $2萬港幣扮Rockman屋企打怪
by / on 07/10/2015 at 1:11 pm

【有片】Microsoft新VR遊戲 $2萬港幣扮Rockman屋企打怪

呢隻HoloLens遊戲「Project X-Ray」,唔係概念嘢喇,係確定下年第一季會推出嘅產物。睇示範影片,戴咗眼罩拎住控制器,就可以好似Rockman咁隻手變支砲,而你間屋嘅牆就會被爆開,機械怪就會入侵,你就要避開砲火之餘射爆佢哋!遊戲好簡單,但見到機械蠍子喺梳化上面爬又真係幾真實……不過$3000美元,咁樣玩又好似貴過頭喎。

Read more ›

《TIME》雜誌封面肥仔玩Oculus 網民瘋狂改圖
by / on 14/08/2015 at 7:09 am

《TIME》雜誌封面肥仔玩Oculus 網民瘋狂改圖

呢個係嚟緊8月18日嘅《TIME》雜誌封面,有個肥仔戴住VR裝置Oculus Rift喺沙灘前做出古怪姿勢,封面大大隻字講虛擬實景技術將會改變世界。其實呢個肥仔係Oculus Rift嘅創辦人,22歲嘅Palmer Luckey呢張潛力圖好快被網民瘋狂惡搞,有人key佢落鐵達尼號度,仲有長頸鹿、復仇者聯盟、火箭升空‥‥‥好睇過原本個沙灘背景,仲好夾虛擬實景呢個主題。BTW,PS4都有個玩VR技術嘅Project Morpheus下年推出,有得玩Summer Lesson溝女,算唔算改變世界?

Read more ›