Tag: USB

插49個USB裝置 全班齊充電不是夢

如果你屋企又電話又Tablet又手掣又唔只你一個有,咁USB或者電掣位會唔會唔夠用呢?呢個「USB 49-Port Hub」有49個插口,莫講話你全家人,學校全班人嘅電話一齊充電都得呀!由「USB専門店」Brando出品,賣174美元,型吖嘛。

Read more ›

USB花粉症面罩 99.99%防粉原來靠口罩

其實我一直都深信地球好危險呢個事實! 日本人喺呢方面就最合我心喇! 最近佢哋出咗件USB花粉ブロッカー, 你咪睇佢好似防生化頭套咁樣, 就以為第三東京出現生化危機, 不過問題都係差唔多, 呢件嘢係用嚟防花粉症嘅!

Read more ›

迷你太空人枱燈 純裝飾用途

有啲嘢其實無實際用途,不過靚同埋得意已經係購買理由。好似呢隻太空人USB燈,迷你太空人一插電頭頂即刻會射出一道光。老實,當枱燈用應該唔係幾夠光,但得意喎!又吸引倒我令我好想買。售價美金$19.99,港幣$150有找,作為書枱上嘅小裝飾,買得過吖。

Read more ›

有片 日本出遙控蟹 火鍋前嚇人

遙控曱甴之前日本出過,最新出品真係估你唔倒,居然係遙控蟹!我諗咗好耐,點解唔係老鼠、蜘蛛而係蟹呢?可能因為冬天好適合煮蟹煱啩。呢隻遙控蟹識打橫行,對眼仲識閃燈,最抵死係出咗兩隻色,一隻係生蟹嘅啡黑色,另一款係熟蟹嘅橙色,賣1780円一隻,下次打邊爐前用嚟嚇女仔都唔錯。

Read more ›

SONY孖頭手指 micro USB+USB插手機/平板/電腦

一見到呢件嘢我就好鍾意! 無他! 實用, 香港SONY公佈會喺聽日推出全新USB記憶體USM-SA1, 最與別不同處, 係佢同時有齊micro USB同USB埠, 簡單講, 大嗰邊可以正常插電腦, 細嗰邊頭, 就可以直插Android手機、平板, 有咗佢, 兩邊交換檔案真係舒服晒!

Read more ›

日本壓力爆煲頭箍 用完唔駛返工?

日日比老板哦到頭都爆?日本上班族壓力特別大,所以古怪發明都特別多,好似呢個用USB駁電嘅頭部按摩器,有震動功能,可以刺激頭皮紓緩頭痛,賣2980円,信不信由你。不過可以肯定嘅係,戴住佢你老板一定知你壓力好大唔敢再騷擾你,而你有好大可能第二日唔駛再返工。

Read more ›

有片 日本爆笑廣告 打火機Jii攬女食煙爆紅

瘋狂搞笑嘅日本廣告,好耐無睇過咁瘋狂搞笑嘅日本廣告,所以雖然已經係一年前,都忍唔住要分享吓。影片主角係一隻叫Jii(讀音: G)嘅打火機,佢唔單止係打火機,打開隻腳之後仲係USB,不過係用嚟叉電,等個火機長著長有。影片好睇在阿Jii演出奔放,又攬女食煙又坐海賊船揚帆出海,而且首主題曲勁洗腦,「A B C D E F Jii」,雖然有啲爛,但無宜家傢俬首廣告rap歌咁抽水,睇完我心情好舒暢,難怪影片有過百萬views,有品味!

Read more ›

電芯USB兩用 兩個只能活一個?

記得細過時,電芯好重要,聽歌嘅Discman成日要換電,到而家,電芯只係會用喺遙控器、屋企嘅掛牆鐘同埋沖涼嘅電熱水爐。不過呢個AA電芯USB,令我又想袋返粒電芯喺身,呢粒電芯同時係一隻USB手指,內置4GB記憶體,叉電方式好簡單,將USB頭插入電腦就可以叉滿電,同時電芯入面又可以儲存資料當一般嘅USB用。不過我有一個疑問,如果我將粒電芯用喺遙控器,咁咪等於癈咗一半武功?因為我無理由袋住個遙控器出街o架嘛,你估我想cut有線咩?

Read more ›

新片速報 Iron Man尿袋識發聲 隨時補電

鴨仔漏氣,不過Iron Man仲未到水尾,繼手機殼、USB手指同埋滑鼠後,終於到手提叉機(尿袋),心口識著燈,而且好對題,因為Iron Man真係會無電。最搞笑係按實開關掣仲會有特別聲效。售價美金$65,電力方面用緊4000mAh,可以叉爆一次有餘,不過只係手機,真係Iron Man的話,呢個電量叉隻手指都唔夠。

Read more ›

Iron Man出USB 手指識郁分埋左右手

Iron Man鋒頭呢幾日比鴨仔蓋過,好彩網上仲見倒Iron Man新聞,呢隻Iron Man手指認真霸氣,首先體積巨型,而且細節位做得好靚,例如手指可以郁動,掌心位可以發光,不過最毒係USB分左右手兩款,搏你買齊一套,USB有8GB同16GB兩個容量提供,連埋之前介紹過嘅Iron Man頭盔滑鼠,擺齊喺書枱先算係死忠fans嘛。

Read more ›

型!變形金剛USB 打開變機械豹

USB你同我個袋梗有一隻o格,不過我到而家都未搵到自己鍾意嘅款式,呢隻好似Transformer嘅USB,一望就好鍾意。未變身前係一隻普通而略嫌大舊咗啲嘅USB,變身後就型得多,係一隻惡形惡相嘅機械豹,好想買!amazon賣$10美金,差啲唔記得講埋,容量係8GB,趁《變形金剛4》未上,我諗住買嚟自我滿足一下。

Read more ›

獵奇發明 32GB開瓶器真係有用?

開瓶器加USB,唔算特別吖,但諗落幾實用。嗱,例如夜晚去旅行開完啤酒汽水,再將隻USB插入電腦慢慢執旅行相,寫意!呢隻PNY 32GB手指,睇落好似一條鎖匙,amazon賣美金$24.99,不過我又諗到幾個問題,隻USB防唔防水?可唔可以帶上飛機?係咪所有電腦都插得入呢隻手指?插咗佢,分分鐘擋住晒其他USB插頭‥‥‥

Read more ›

有片 唔駛再記密碼 USB手指指模解碼

呢隻叫「myIDKey」嘅USB真係高科技又實用,威到攞埋發明獎。今時今日,你同我閒閒哋都幾十個網上密碼跟身,呢隻USB,可以儲存晒所有密碼,想check密碼用指模加聲控,就搞惦。萬一唔見咗隻手指,除非對方連你隻真手指都偷埋,否則無可能開到入面嘅絕密資料。或者你可以簡單deactivate佢,無後顧之憂。插入PC或Mac機可以自動輸入密碼,同時Bluetooth支援手機,亦可以透過雲端同你信任嘅人share資料。Kickstarter募集資金中,有興趣嘅入去出一份力啦。

Read more ›

獵奇發明 巨型USB拖鞋開價$300

呢隻嘢我用咗一段時間先搞清楚發生緊咩事,首先我知佢係一對拖鞋,我都知佢係模仿USB,但係‥‥‥嘻,睇咗一陣我終於明嘞!淺灰色位置,即係平時插入電腦嗰部份,就係腳趾位!至於點穿落去?我估係條褲遮住嗰個襪筒位啩,咁點解佢唔稱之為襪,而係一對拖鞋呢?唔,我諗因為著咗佢,就著唔落鞋啩。咁醜樣嘅外形,居然仲夠膽開價港幣$300,真係藝高人膽大呀。

Read more ›

i系叉機 伸脷貼紙皮

iPhone叉機!真係頂你個肺又多、又煩、差啲想死!不過更可惡係身邊嘅嗰個人……我係話同事、女朋友、家姐、細路,不時偷咗嚟用,跟手仲要據為己有,個個一條毛樣,你話用Maker寫個名上去咩,又好似樣衰咗啲!外國有設計人幫佢諗咗件貼紙皮,仲要改埋名,真人一樣,不過做型真係超可愛,未插傳輸線時會「露白齒」(其實係USB裡面個白膠位),好喇!當你插上Cable,個頭位又有張貼紙,佢仲會同你伸晒脷,真係幾得意,佢個名叫Whooz,喜歡嘅可以上佢個網碌碌!

Read more ›