喵星人最鍾意紙箱，最近日本Twitter見到呢隻喵，佢玩紙箱嘅方式好有個性，就係坐喺豎立嘅amazon紙箱上面，唔知佢點樣跳上去？不過好快就變咗另一回事。之後引到好多貓奴出圖，入嚟有回帶。

要影一張靚相唔容易，好似最近喺日本Twitter就見到有攝影師跳咗落水，將部相機放喺頭頂，自己個頭就浸入水，係就係誇張啲，不過都感覺到佢嗰份認真同投入。之後唔少網民出圖回應，似乎影水中倒影真係好考功夫。

雖然未知幾時有得去旅行，都可以留意住先嘅。日本福岡縣博多駅前原來有間酒「Expected Inn」，入面嘅裝飾好有Harry Potter嘅魔法學校感覺，最多可以住16人，大概2萬円一晚，有興趣嘅可以遲啲預訂吓。

究竟係乜嘢怪病，令到隻腳出現一粒粒神秘班點？呢位日本網民上星期發現自己對腳出現一點點，仲好擔心自己出咗乜嘢問題，不過佢好快搵到答案，之後唔少網民都貼圖回應，原來佢哋都患咗類似嘅「病」‥‥‥

最近唔出得街食飯，個個都變廚神，日本有網民學人放食物相上Twitter呃like，不過佢整嘅係多啦A夢，而且係根據多啦A夢嘅料理教室製作，材料包括食過嘅西瓜、兩隻雞蛋、一粒酸梅‥‥‥

要將曾經好鍾意嘅毛公仔或者玩具棄置，係一件好傷心嘅事，好似日本呢位網民，就影咗輯相喺Twitter分享，好可憐嘅鬆弛熊下身笠咗個垃圾膠袋，就咁被放置喺街頭，慘慘豬。無幾耐仲消失埋，希望佢搵到另一戶好人家，定係好似Toy Story咁已經偷走咗？BTW，之後有網民貼圖回應，其中有深山被棄置嘅多啦A夢公仔，超恐怖！入嚟有回帶。

最近成日好想食炸蝦，因為喺屋企比較難整到食到。講返正題，有網民將我想要嘅兩樣嘢放埋一齊，就入炸蝦水泡，一條著咗水泡上身嘅炸蝦，遙望藍天白雲，正如大家好想趁夏天同朋友去沙灘玩一樣，好有詩意，難怪輯相喺Twitter火速熱傳。

喵星人嘅行為好好笑，日本呢位網民深夜就發現有隻貓喺佢窗前大嗌，好似想破窗而入咁，不過隔咗無耐隻喵居然攤咗喺花園瞓著咗，似乎嗌到攰晒要抖抖，超搞笑。之後樓主仲放多咗啲相，好可愛，入嚟有回帶。

又到烹飪時間，今次呢位日本網民好勁，整咗個魚批出嚟，係Pokemon嘅鯉魚王呀！像真度極高，而且焗完之後似乎好好味‥‥‥

日本攝影師久賀裕之經常拍攝流浪貓嘅跳躍動態，最近喺Twitter熱傳有呢輯，隻喵凌空跳起，最正嘅地方係佢打橫嘅姿勢，仲有輕鬆嘅表情，睇埋佢嘅四肢動作好優美，10分！話時話以流浪貓嚟講佢都幾肥美。

會唔會太過份？日本有網民喺Twitter分享咗呢款甜品，係法式薄餅crepe，但上層係法式焦糖燉蛋Crème brûlée嘅惡魔級設計，見到啲口水已經流晒出嚟。地點係福岡縣久留米市嘅善導寺車站附近，店名「ル・ボヌール」，遲啲去日本一定要食！

每年嘅8月8日都係「世界貓之日」，日本畫師工藤陽輝就趁今日喺Twitter出咗幾張貓圖，出名用顏色筆繪畫嘅佢，畫嘅呢幾張貓圖像真度好高，每條貓毛以至貓眼嘅反光位都做得超靚，好似相片一樣！入嚟可以放大睇得清楚啲。

想唔想考吓自己眼力？日本Twitter熱傳呢幾張圖，叫大家喺圖中搵吓貓，左邊嗰張好易，右上嗰張要花少少時間，最難係右下嗰張，好難搵呀！入嚟有網民貼出嘅結果。

以為將啲零食放高啲，隻貓就拎唔到？貓奴你太天真了！日本有喵星人成功突破防線，俾人類發現佢企起身打開櫃偷零食，手法仲好熟練！入嚟有片睇。

喵星人大得好快，不過呢隻貓嘅生長速度似乎有啲超乎常理喎！日本有貓奴放咗隻貓同部世嘉Mega Drive嘅對比圖，仲有4個不同階段，不過越睇越唔對路，再睇返，樓主原來有5部不同呎吋嘅Mega Drive，由原裝到Mini版到超迷你‥‥‥入嚟有得睇。