Post Tagged with: "tumblr"

孤獨是一種境界   一個人開餐「Table For One」
by / on 26/02/2015 at 7:00 am

孤獨是一種境界 一個人開餐「Table For One」

一個人出街食飯其實好浪漫,住喺美國加洲嘅Jerry Hsu經常一個人出街食,為咗搵啲共鳴,佢喺Tumblr開咗個blog叫「Table For One」,專門post啲餐廳入面一個人食飯嘅相,佢仲威到比TIME訪問,喺訪問入面佢話:「好多人覺得自己一個食飯sosad,其實自己一個人食飯可以重新評估自己嘅感覺,同埋對孤獨重新定義。」嘩,估唔到一個人食飯都可以咁浪漫,但點解我睇啲相都仲係覺得凍凍哋?

Read more ›

恐怖屋威到出書      廚房廁所連成一體
by / on 14/12/2014 at 1:49 pm

恐怖屋威到出書 廚房廁所連成一體

香港出名多縮水樓,仲有好多唔合邏輯嘅設計,例如放唔到床嘅睡房、企唔到人嘅露台等等,外國呢?一樣都有,有啲仲幾驚嚇。例如廚房入面有馬桶,大廈正門有四個出口‥‥‥全部都係來自外國Tumblr網站有個叫「Terrible Real Estate 」嘅主題相集,最近仲結集出書,喺amazon有得買。買幾本送比香港嘅買樓苦主下吓火都好。

Read more ›
貓冰屋引貓入洞      大風雪喵星人避世
by / on 30/11/2014 at 3:55 pm

貓冰屋引貓入洞 大風雪喵星人避世

今個星期四氣溫跌到最低13度,大家出街記住著多件衫。不過比起落大雪嘅地方,香港實在太熱。外國Tumblr網誌嘅用戶Charmelon就喺大雪期間整咗個貓雪人,仲有個擘大嘅口懶得意,點知佢隻真貓好鍾意間冰貓屋,成日捐入去避世,張相吸引好多網友留言開心share。話時話,貓大哥,返入屋喇,地球好危險o架。

Read more ›
無痛失戀   100日約會100個男仔治療法
by / on 01/07/2014 at 11:49 am

無痛失戀 100日約會100個男仔治療法

失戀唔係世界末日,因為仲有好多個森林等你發掘。外國有個女仔叫Elise Moreno,佢因為甩拖加上喪父,心情跌到落谷低。為咗令自己重新振作,佢實行咗個「100 Dates of Summer」計劃,喺100日內要自己同100個不同國家城市嘅男仔約會,強迫自己認識新朋友,重新開始生活。佢將所有戰績放上Tumblr blog同Twitter戶口同大家分享,雖然佢唔算靚女,但係見佢而家識笑返,就知呢個世界希望在人間,失戀嘅巴打絲打們振作呀!

Read more ›
自製八爪魚背囊    好玩唔好用
by / on 02/06/2014 at 1:15 pm

自製八爪魚背囊 好玩唔好用

潮流嘅嘢我唔多識,好似呢個八爪魚背囊,由Tumblrer用戶Jen設計,亦即係示範緊背上身嘅呢位靚女,個背囊觸鬚位完全無用純粹裝飾,中間位又睇落唔擺得好多嘢,純粹貪得意。阿Jen佢對八爪魚情有獨鐘,之前都自己設計過另一款青BB嘅八爪魚背囊,品味好奇特。雖然有唔少網友對呢個袋有興趣,可惜暫時阿Jen都未有計劃量產,,無得買,羨慕吓好喇,如果你真係會嘅話。 

Read more ›
Pokemon玩fashion變潮   突入Prada廣告
by / on 27/05/2014 at 7:35 am

Pokemon玩fashion變潮 突入Prada廣告

之前有《JoJo奇妙冒險》同Gucci合作,而家有Pokemon同Prada合作,咪住!我都想係真,不過只係fan made作品,而且唔只Prada,仲有好多潮牌。呢輯作品由Tumblr用家兼Pokemon粉絲frannyxlife由2011年起創作,將各大品牌嘅廣告加入Pokemon角色,無違和感之餘仲幾靚o忝!下一步會唔會幫Pokemon班主角換埋套潮衫呢?

Read more ›

由香蕉出發    古怪blog講人生哲理
by / on 03/04/2014 at 7:11 am

由香蕉出發 古怪blog講人生哲理

生活上嘅瑣碎事物,只要花少少心機都可以充滿趣味,紐約設計師Sara Elan同佢嘅作家朋友Shirley Chan一齊喺Tumblr開咗個叫「Orange is the The Snack」嘅blog,將生果、零食加幾筆變成得意人樣,好溫馨好可愛。每張相下面仲有一句精警句子比讀者慢慢細味,好有意思。

Read more ›
超神奇3D GIF圖   秘訣在於兩條白線
by / on 18/02/2014 at 7:22 am

超神奇3D GIF圖 秘訣在於兩條白線

信我,就算你用緊嘅唔係3D芒,你都會睇倒超3D嘅GIF圖,嗰種3D程度,係你見倒美國隊長個盾飛緊埋嚟,會忍唔住合埋眼嗰隻。最近Tumblr出現大批3D GIF圖,之前都興過一排,不過今次每張圖都加咗兩條白線,原來咁樣可以令原本嘅GIF圖變得更3D,好神奇好好睇!想睇多啲,可以上tumblr搜尋#3d gifs,或者入嚟網站慢慢睇。

Read more ›
同露宿者玩自拍   網民鬧爆
by / on 13/02/2014 at 7:13 am

同露宿者玩自拍 網民鬧爆

港女最鐘意自拍,外國呢排都有新嘢玩,就係同露宿者玩自拍,仲開咗個Tumblr嘅blog收集大量Twitter同Instagram嘅自拍照。大部份露宿者都係喺不知情嘅情況下被攝入鏡,影相嘅友仔仲做晒趣怪表情懶好玩咁。事件曝光後,大量網民不齒佢哋嘅行為,至於負責呢個Blog嘅主持人Jason Feifer,就喺網頁下面叫大家鬧完記住去關注吓幾個露宿者志願團體,你話係補飛定事先舖排?

Read more ›
法包變狼人鋼爪      中產食物變影相道具
by / on 02/02/2014 at 10:02 am

法包變狼人鋼爪 中產食物變影相道具

法包(Baguette)呢啲中產食物,原來都可以變成影相道具,仲成為網上熱潮。外國Tumblr有個Blog叫Baguette-Me-Nots,兩個年輕人Tim Bierbaum同埋John Milhiser將法包變成日常生活物品,再影咗大量搞笑相,網民有樣學樣爭相效法,法包變蕉、變殺人武器,連狼人對鋼爪都有,年初三赤口,睇啲輕鬆嘢,戾氣都少啲呀!

Read more ›
《Star Wars》好活躍   新開Tumblr網誌
by / on 20/12/2013 at 11:07 am

《Star Wars》好活躍 新開Tumblr網誌

迪士尼上年買咗LucasFilm,最近《Star Wars》開始好積極做網上宣傳(雖然遲咗啲),上個月開咗首個官方Instagram戶口,轉頭今日又開咗個Tumblr戶口。Tumblr呢個輕量級網誌香港好少人玩,不過為咗《Star Wars》我都走去開咗個戶口。暫時只得3張相,最吸引係舖咗2014年底套《Star Wars Rebels》嘅概念圖,另外我好鐘意Tumblr入面嘅Star Wars插畫封面圖,好型。入嚟有得大家慢慢欣賞。

Read more ›

胸肌型男大戰得意貓仔    女士尖叫時間
by / on 17/11/2013 at 5:29 pm

胸肌型男大戰得意貓仔 女士尖叫時間

今個星期日,我決定安排一個最性感嘅動物時間比大家!Tumblr有個個名好長嘅網站「Des Hommes et des Chatons」,將一堆性感型男同得意貓仔嘅相同甫士相擺埋一齊做個對比,嘩,Justin Bieber、Jude Law同碧咸呀!胸肌呀!不過喺我眼中,都唔及一班貓仔咁sexy,睇到我血脈沸騰,要讚吓版主落足心機搵靚相,仲要揀啱一樣甫士,處處有驚喜,女士好難忍得住唔尖叫呀!

Read more ›
狼人變迪士尼公主    驚嚇相集之鐵漢柔情
by / on 29/10/2013 at 8:45 am

狼人變迪士尼公主 驚嚇相集之鐵漢柔情

細細過學識一個成語叫:「鐵漢柔情」,事隔多年居然搵倒最完美嘅演釋,就係呢輯狼人迪士尼公主圖集喇!可能因為迪士尼收購咗Marvel,Tumblr嘅用戶David J Prokopetz最近做咗一個好無聊嘅事,就係懸紅50蚊美金比每個插畫師,呼籲佢哋創作迪士尼公主打扮嘅狼人!暫時收集倒10份作品,睇見狼人低胸露心口毛跌膊嘅嬌俏樣,我就知道Prokopetz一定係同狼人有仇。

Read more ›
陳年娘爆相對照    Tumblr活動追溯童年
by / on 25/07/2013 at 7:17 am

陳年娘爆相對照 Tumblr活動追溯童年

每個人櫃筒底都會有啲那些年老土相,封晒塵盡量唔想比人睇倒,唔信你問身邊嘅朋友拎本護照出嚟睇吓,好可能連佢都唔認得自己。Tumblr呢個輕量級blog最近搞咗個叫「Awkward Years Project」嘅活動,邀請咗一班靚仔靚女,手執自己嘅童年娘爆相合照留念,當中發現最驚嚇嘅,通常都係細過嗰副厚到打晒圈嘅眼鏡,不過共通點係每張童年相嘅笑容都好真好甜,年青真好。

Read more ›
萬能key比卡超篇     尼古拉斯基治151款狂惡搞
by / on 26/03/2013 at 8:28 am

萬能key比卡超篇 尼古拉斯基治151款狂惡搞

睇完呢輯相,我好同情尼古拉斯基治(Nicholas Cage),港版萬能key馬德鐘,通常都係比人key落第二個「人」度,但有荷李活版萬能key稱號嘅國際巨星尼古拉斯基治就勁嘞,最近俾人漫畫化後惡搞成比卡超,你都知啦,第一代比卡超有151款,網友Pokemonxniccage就成立咗個tumblr專頁,仲承諾最少一日一圖。老實,巨星真係好有萬能key潛力,每張都有驚喜,入嚟仲有尼古拉斯基治萬能key回帶圖,夠你消磨一個午飯時間。

Read more ›