【有片】撐本地原創製作 電話遊戲《Triangle 180》智力Combo三角形

香港人呢排都好落力支持香港人,聽晚當然要撐香港隊,不過,其實仲有好多層面可以幫吓自己人嘅。好似電話遊戲咁,唔抄唔一味求課金而有創意嘅真係好難得。呢隻《Triangle 180》就係由香港團隊Fingerprint Studio製作,上星期五上架,玩嘅就係點對點連線,每連成一個三角就有分,如果連續連到同色三角就會有Combo,考智力在於唔係個三角畫得大就有著數,而係要部署開Combo同時又要用三角嚟食道具,食到「Bonus Time」就可以狂畫,再食就分數倍增!入嚟有試玩片睇,隻遊戲$15,o依家玩鬥高分,之後會陸續加玩法同道具,可以一撐。

Read more ›