【有片】Bernard Pras的Trash Art 廢物利用 砌出李小龍

香港成日講甚麼廢物利用、綠色生活,講來講去都計唔掂成本,所以成效不大。唔好乜都金錢掛帥,學吓法國當代藝術家Bernard Pras啦,用垃圾一樣可以砌出藝術品,呢啲咪生活品味囉。你可以話Bernard Pras行為怪異,玩到無嘢好玩要玩垃圾,但我就非常欣賞呢位61歲老人家嘞。佢本身係攝影師同美術老師,睇嘢有美感,創作有天份,見到傢俬、玩具、衣物、木材、電線、鋼筋、金屬片、餐具、膠袋、車胎等等等等人家棄置嘅雜物垃圾,靈機一觸,透過簡單嘅黏貼、裝嵌、擺設同重組,另加遷就鏡頭嘅拍攝手法,居然可以變成一組組經典明星名人頭像擺設,化腐朽為神奇就正正係呢隻嘞。呢種裝置藝術稱為「Trash Art」,直譯「垃圾藝術」,但作品一啲都唔垃圾,以下呢組圖片,你又認得幾多個明星名人?

Read more ›