fbpx

Tag: Trailer.

【新片速報】《怪奇物語2》新Trailer 死小孩變捉鬼敢死隊

【新片速報】《怪奇物語2》新Trailer 死小孩變捉鬼敢死隊

有無睇開Netflix嘅《怪奇物語》(Stranger Things)?呢套幾高質,仲經常向舊片致敬,未睇又鍾意外星人題材嘅可以睇返。嚟緊10月27日會上第二季,啱啱有中文新trailer睇嘞。上次玩完board game今次轉玩街機,都係幾個死小孩做主角,可能相隔唔耐,好似湯盈盈嗰個男仔依然都好似湯盈盈,至於好好彩返到屋企嘅烕爾就好唔妥,臨尾仲見到女主角Eleven破繭而出‥‥‥BTW今次成班小朋友變晒捉鬼敢死隊咁,好明顯再向舊片致敬。

Read more ›

有片:真實版貞子捐出電視機!《Rings》宣傳片嚇死人咩?

有片:真實版貞子捐出電視機!《Rings》宣傳片嚇死人咩?

《Rings》,貞子又嚟呀,喺嚟緊2月3日公映呀,呢條係電影宣傳片,場景係疑似電器舖一間,有客人揀緊電視機,有Sales sell緊電視機,現場部部電視機都播緊貞子,趁客人唔為意一刻,其中一個改裝過嘅電視屏幕拉起,喺裡面捐出一個貞子出嚟,見人就捉。咁呢個貞子當然係人扮架喇,但客人ABCDE個個都嚇到目定口呆,講完:「My god.」之後紛紛嚇到雞咁腳走,有靚女嚇到呆咗唔識郁添。又係嘅,「First you watch it, then you die.」嘛,我諗我喺現場的話,就算唔嚇到調頭走,都一定嚇到爆晒粗。

Read more ›
有片:真‧驚嚇慎入 海洋公園哈囉喂宣傳片 滴蠟+針線縫人肉

有片:真‧驚嚇慎入 海洋公園哈囉喂宣傳片 滴蠟+針線縫人肉

九月未到,海洋公園已經推出哈囉喂全日祭廣告短片,仲寫到明「驚嚇慎入」,而事實上又真係幾驚嚇,不再柴娃娃,唔見龍婆亦唔見夏蕙BB,反而用瘋狂滴蠟加針線縫人肉做主打,另加呻吟聲、喘氣聲同呼喊聲,埋尾再閃出「炙痛心慄驚刺血誘」幾隻大字,嚟宣傳「16禁感官禁室」,明明一滴血都唔見,但感覺又好重血腥味,Edit到好似驚慄片Trailer咁,夜媽媽一個人睇,真係有少少毛管戙。

Read more ›
【新片速報】Walking Dead第6季trailer 足本4分鐘繼續喪

【新片速報】Walking Dead第6季trailer 足本4分鐘繼續喪

《The Walking Dead》第6季未有得睇住,不過啱啱喺Comic-Con就有4分鐘嘅trailer睇,amc好小氣,block咗香港地區無得睇,不過喺YouTube依然搵到高清片。睇片見今季依然勁刺激,Rick延續上季繼續癲,箭佬Daryl繼續有型,Glenn繼續溝女,喪屍圍剿人類嘅大場面勁多,仲有,點解阿Rick個仔大得咁快?第6季10月11日開播,未睇完第5季嘅仲有時間慢慢煲。想撈埋汁嘅,8月仲有套60分鐘嘅外傳《Fear the Waling Dead》,背景係洛札磯,新角色,有無興趣?

Read more ›
新片速報   Iron Man遭毁容 惡搞版《復仇者聯盟2》

新片速報 Iron Man遭毁容 惡搞版《復仇者聯盟2》

講明先,笑片嚟嘅,呢條fan-made嘅《復仇者聯盟2》trailer,跟足之前嘅原裝trailer,不過係惡搞版,而且低成本製作,Marvel超級英雄嘅盔甲變晒紙版製作,主角有毁容版嘅肥仔Iron Man、平民版美國隊長、流浪漢版嘅雷神,仲有中咗劇毒嘅變形俠醫,條片有晒剪接配樂懶認真,仲整埋一個比較版,將原裝同惡搞版逐忽比,趁《Avengers: Age of Ultron》下年5月1日先上,睇住頂吓癮先囉。

Read more ›
新片速報   蜘蛛俠突入復仇者聯盟?   《Disney Infinity 2.0》秋天推出

新片速報 蜘蛛俠突入復仇者聯盟? 《Disney Infinity 2.0》秋天推出

迪士尼收購Marvel後,我覺得最傷心係推出遊戲《Disney Infinity》,超級英雄全部變晒cute版,不過小朋友似乎幾buy,因為迪士尼宣佈秋季會有新一集《Disney Infinity: Marvel Super Heroes (2.0 Edition)》登場,網上有新trailer睇。今集唔玩毛毛大眼仔胡迪,全部變晒超級英雄,由於齊晒腳,十足復仇者聯盟卡通版。最驚喜係片尾見倒蜘蛛俠突入!睇嚟要見倒蜘蛛俠同復仇者聯盟同場,可能都係要靠喺《Disney Infinity》入面先見倒。遊戲將會喺PS4/PS3/Xbox One同Xbox 360平台推出。

Read more ›

【有片】《異空戰士》出中文Trailer 五月靚佬開月光寶盒

【有片】《異空戰士》出中文Trailer 五月靚佬開月光寶盒

  呢世人最鍾意睇科幻片, 尤其係打怪獸, 又有好戲上喇! 係嚟緊5月29號IMAX 3D上嘅《異空戰士》, 男主角係湯告魯斯, 哎! 好老! 面部肌肉都見到有啲鬆咗落嚟, 仲要出嚟打怪, 真係好慘情! 仲見到一幕佢揸電單車扮《Top Gun》……你話情可以堪呢! 女主角係《穿Prada的惡魔》嘅艾美莉賓特, 真係Barbie公仔咁索, 不過由於佢要扮女戰神關係, 可能過度操練, 所以……個身栽變成波平如鏡, 真係好可憐; 故事唔錯, 話說不久後嘅地球俾外星人侵襲, 冇實戰經驗嘅威廉基治少校(湯告魯斯飾),突然被調配到前線,執行尤如自殺式任務。基治在戰場上不到幾分鐘已陣亡,但他卻離奇地跌入時空循環中,被迫不斷重生,一次又一次經歷這場殘酷的戰爭,重複搏鬥然後死亡。

Read more ›
新片速報   300套電影回顧   剪輯成7分鐘短片

新片速報 300套電影回顧 剪輯成7分鐘短片

年尾流流又到總結時間,自問係電影迷嘅你要睇吓呢條新片,一次過剪輯晒超過300套2013年上映嘅電影trailer,淨係條片都有7分鐘長,由網友Gen Ip炮製,好有心機。我發現原來今年自己都睇咗好多套戲,有無邊套係你嘅心水?

Read more ›
GRAVITY香港官網開皮 木偶師製造無重力效果

GRAVITY香港官網開皮 木偶師製造無重力效果

  睇Trailer已經覺得《GRAVITY》好吸引! 一個太空人喺太空飄浮, 究竟點樣可以拍到成套戲出嚟? 香港官方電影網剛開咗, 有中文字幕版Trailer之餘, 新發佈嘅新聞稿對電影作進一步解畫; 佢個無重力狀態拍得好真, 原來係用咗12條威吔配合電子臂同電腦混合操作, 仲要有專業木偶師幫拖! 太空站同地球影像來自太空署數據料、燈光是用了一個4,096個LED燈做出20 X 10呎燈箱, 做出太空中極端單向性光源效果! 據知連聲效, 佢都玩上成日粒聲都冇嘅壓抑效果, 再加上一啲超重低音的觸碰聲效, 被周邊的死寂無限擴大(電影解釋在太空傳遞聲音, 好多時都係由觸碰產生。), 淨係睇資料都覺得逼力十足

Read more ›
《哈比人 – 荒谷魔龍》二部曲 出中文新Trailer

《哈比人 – 荒谷魔龍》二部曲 出中文新Trailer

  又到昆哥時間! 《哈比人》三部曲第二回:《哈比人 – 荒谷魔龍》啱啱出咗新中文Trailer(12月香港上畫), 首部曲好多朋友睇完都喪鬧! 話佢同《魔戒》完全兩回事, 記憶中《哈比人》小說係一個又短、又小品嘅故仔, 0依家要佢拍成三部曲, 對金像大導彼德積遜, 真係難為了家嫂!

Read more ›
Man of Steel新中文Trailer: 超人敵人現身 同鄉入侵地球

Man of Steel新中文Trailer: 超人敵人現身 同鄉入侵地球

  嚟緊6月上嘅超人《Man of Steel》又有新預告片! 對上一條Trailer係交代超人身世, 文戲多、未知套片有啱唔啱睇? 今次呢條新Trailer就會講另一邊, 係奸角嗰邊! 最開心係有香港版預告片, 係有埋中文字幕嗰隻; 剛剛由香港華納3小時前公佈, 只播過300次左右, 非常新鮮; 呢條片明顯動作場面多好多, 打到上天入地、又有外星戰隊, CG亦做得唔錯, 堅睇得過!

Read more ›

新片速報 九把刀第2部電影《功夫》前導影片

新片速報 九把刀第2部電影《功夫》前導影片

有睇九把刀作品嘅,要熱血嘅,有《第八銅人》,要現代啲又熱血嘅,有呢本《功夫》。《那些年,我們一起追的女孩》票房狂收,九把刀話如果那些年係佢嘅夢想,咁第2部電影一定係大家嘅夢想,所以揀咗《功夫》嚟拍,而呢條前導影片,就見到男主角淵仔同阿義喺招牌上練輕功嘅經典場面,不過兩個都戴咗面具,因為男主角人選未公佈嘛!仲有,呢條3分幾鐘影片話用咗400幾萬台幣拍攝,都有啲特技睇吓,2015年上映,期待!更期待淵仔、阿義同黃駿師父用內力打邊爐一幕!不過個結局可唔可以改改佢……收口!再講劇透!

Read more ›
新片速報: 變態超人Trailer 腐皮壽司頂鼻尖 小栗旬協力搞劇本

新片速報: 變態超人Trailer 腐皮壽司頂鼻尖 小栗旬協力搞劇本

  太精美喇! 4.13日本公映0既《變態超人》出0左新Trailer, 個變身造形, 我可以俾佢9.9999分! 真心! 身邊同事好多話佢唔夠大隻, 其實原著男主角狂介, 真係瘦弱到有0的病態0架! 再睇返佢件衫, 惟一要挑釁0既, 係唔夠賓緊, 無0左0個種包粽子0既感覺^^。另外劇本同監督就係福田雄一,而且仲有小栗旬協力劇本!

Read more ›
GAMELOFT神秘新Game 扮投票呃Like

GAMELOFT神秘新Game 扮投票呃Like

見過最毒嘅!未見過咁狠毒嘅!講緊係GAMELOFT,有打開手機動作Game,對佢應該唔陌生,佢將新開發、第一款Unreal引擎製作的手機遊戲,名稱、類型及遊戲內容乜差都唔公佈,仲要人喺fb度喪Like佢哋公司,先話放Trailer出嚟畀大家睇,已經累積626萬個,但佢都話未夠數囉!Game未見街已經從其他地方攞名搵利,呢啲咪生意囉!

Read more ›