Post Tagged with: "Tote Bag"

馬少飛x李小龍會 推出Tote Bag+八達通卡貼
by / on 14/07/2020 at 9:45 pm

馬少飛x李小龍會 推出Tote Bag+八達通卡貼

之前報導過「李小龍會」會推出《馬少飛隨心畫冊》,原來續有後續精品的,先來有李小龍Tote bag,限量60個,售$250;再來有八達通系列卡貼,一套10款,每張$10,限量100套,李小龍迷咪錯過。

Read more ›

《千與千尋》、《風之谷》Tote Bag     角色企上膊頭超可愛
by / on 02/07/2020 at 7:55 am

《千與千尋》、《風之谷》Tote Bag 角色企上膊頭超可愛

好可愛!吉卜力工作室最近宣佈會推出呢兩款tote bag,特別之處在於膊頭位置,動畫《風之谷》嘅「キツネリス」同《千與千尋》嘅「坊ねずみ」好似企咗喺你嘅膊頭上面一樣,每個賣2800円,今個星期尾開始喺官方店「どんぐり共和国」有得買。

Read more ›
日式便當變Tote Bag  自由創作獨一無二款式
by / on 04/09/2019 at 7:52 am

日式便當變Tote Bag 自由創作獨一無二款式

日本人好有心機整便當,全部都砌到好靚,估唔到有人諗到商機,可以幫人製作便當Tote Bag。先揀便當盒,再選材料,然後就可以製作獨一無二嘅便當Tote Bag!有中碼同細碼嘅Tote Bag可以揀,另外可以製作埋T恤,價錢由2160円至2700円不等,視乎呎吋大小,入嚟有多啲參考圖。

Read more ›
黃水斌《英雄本色鋼筆手繪漫畫3.0》書展開訂 Tee+Tote Bag要搶
by / on 05/07/2019 at 9:00 am

黃水斌《英雄本色鋼筆手繪漫畫3.0》書展開訂 Tee+Tote Bag要搶

黃水斌今年書展好積極呀喂,除咗有等到我頸長嘅《英雄本色鋼筆手繪漫畫3.0》開訂外,仲連帶推出埋相關精品,包括Tee賣$350同Tote Bag賣$200,圖案係經典Mark哥用美金點煙一幕,齋睇相都覺得正,限量各50,要搶架。

Read more ›
黃水斌書展產品一覽 《Fruit Punch 5.0》+磁石貼+Tee+Tote Bag
by / on 03/07/2019 at 8:36 pm

黃水斌書展產品一覽 《Fruit Punch 5.0》+磁石貼+Tee+Tote Bag

擒日報導過黃水斌會喺書展推出《Fruit Punch 5.0》,依家有詳細資料嘞。先講本靚靚畫集,《Fruit Punch 5.0》分常規版同特別版兩個版本,各售$200,書展期間購買送海報同登機證各一。精品方面,一,冰箱磁石貼,每個$30;二,《Fruit Punch 5.0》特別版+Tote Bag套餐,$350;三,《Fruit Punch 5.0》特別版+Tee套餐,$450。講真唔貴,值得入手。

Read more ›
Ikea藍色Tote bag迷你版進駐日本 玩具迷用嚟做配件
by / on 13/05/2019 at 3:25 pm

Ikea藍色Tote bag迷你版進駐日本 玩具迷用嚟做配件

之前時裝品牌Balenciaga出咗過好似Ikea藍色tote bag嘅袋,搞到呢個袋成為一時熱話,近年香港同星加坡嘅Ikea仲出埋迷你版,用嚟裝吓散紙鎖匙,最近呢個迷你版終於去到日本Ikea嘞,有玩具迷就諗到用佢嚟做figure嘅配件,每個99円好抵玩,效果仲幾正,你睇蜘蛛俠shopping幾開心?

Read more ›

日本《Love Live!》大膽的愛 巨型Tote Bag揹上身
by / on 31/05/2018 at 7:01 am

日本《Love Live!》大膽的愛 巨型Tote Bag揹上身

《Love Live!》嘅fans有嘢買嘞,最近官方公佈出咗呢款Tote Bag同埋筆袋,用咗水手服嘅設計,第一年係黃色,第二年係紅色,第三年係藍色,第三年嗰個Tote Bag仲有條呔夾仔,好精緻。大袋Tote Bag呎吋35x42cm,賣5500円,嫌太搶眼有啲尷尬嘅,可以買袋仔,22x15cm,賣3500円,可以低調啲支持吓。而家網站有得訂,不過要等到10月先出貨。

Read more ›
門小雷《#Me》展覽 搶畫集+襟章+Tote Bag
by / on 19/03/2018 at 9:05 pm

門小雷《#Me》展覽 搶畫集+襟章+Tote Bag

門小雷新畫冊《#Me》搞新書發佈會兼展覽,屆時仲會有其他產品發售,Fans又要荷包乾硬化嘞。詳細價錢如下──《#Me》$220、《#Me》襟章$80、《#Me》襟章限量套裝連手寫編號$240,最多人搶應該係Tote Bag,超限量得20個,每個$280。

Read more ›
崔成安「俠義龍情」環保Tote Bag 每個$120開訂
by / on 16/01/2018 at 9:00 pm

崔成安「俠義龍情」環保Tote Bag 每個$120開訂

正呀喂,崔成安又有新精品推出,今次係「俠義龍情」環保購物Tote Bag,有兩款,每個$120。兩個袋構圖都靚到犯規,若硬要二揀一的話,我會揀彩色嗰個,搶眼啲吖嘛,咁當然,最好就兩個都買晒喇。

Read more ›
【超治癒】「熊貓之穴」長下巴動物Tote Bag    大阪有得買
by / on 04/11/2017 at 12:32 pm

【超治癒】「熊貓之穴」長下巴動物Tote Bag 大阪有得買

日本扭蛋「熊貓之穴」嘅長下巴動物系列一向勁受歡迎,最近佢哋轉戰出Tote Bag,長下巴變咗做袋仔,可以放啲小雜物例如紙巾、散紙,超可愛。而家開始喺大阪嘅日式雜貨店Village Vanguard有得買,每個2800円,去開大阪記住買返個。

Read more ›
《今晚打喪屍》作品展 仲有Tee同Tote Bag要搶
by / on 17/10/2017 at 6:50 pm

《今晚打喪屍》作品展 仲有Tee同Tote Bag要搶

講番先,喺Boom Art Gallery舉行嘅《今晚打喪屍》作品展,除咗原畫展覽,仲有好多精品推出,畫板喇、漫畫喇、限定海報喇,之前已經介紹過,最新消息原來仲有余兒聯乘faminik嘅Tee同Tote Bag,個Print好型,係絕對著得都戴出街嗰隻,當然,捨唔捨得著同戴係另一回事,各$220,價錢合理,值得一儲。

Read more ›

書展推硬皮別注版《今晚打喪屍》漫畫 送Tote Bag+Game Card
by / on 19/07/2017 at 8:29 pm

書展推硬皮別注版《今晚打喪屍》漫畫 送Tote Bag+Game Card

今日書展開鑼,雖然已經買咗平裝版,但都心郁郁想買埋呢個硬皮別注版《今晚打喪屍》漫畫,係,我認我貪心,因為現場購買即送電影Tote bag同顏卓靈‧真一Game Card。每本$100,無話貴唔貴,只有值唔值,睇過封面相,我就覺得好值。

Read more ›
余兒設立「創造會」 年費$100送漫畫+戲飛+Tote bag
by / on 12/06/2017 at 1:00 pm

余兒設立「創造會」 年費$100送漫畫+戲飛+Tote bag

聽清楚,「創造館」阿一余兒吹雞,正式設立「創造會」招收會員,年費$100,一成為會員即送《今晚打喪屍》電影換領證同漫畫,首100位會員再加送限量電影版《今晚打喪屍》Tote bag。一舊水,送漫畫又送戲飛,真係抵到爛。無收余兒錢,但繕啲都要咁寫,唔入會,絕對係你損失。

Read more ›
日本喵星人被拒入美術館 官方出限量版Tote Bag
by / on 18/04/2017 at 7:28 am

日本喵星人被拒入美術館 官方出限量版Tote Bag

仲記唔記得呢隻想偷入美術館睇貓展覽嘅黑喵?佢嘅憤怒眼神令佢喺網上爆紅,自從被保安拒絕入場之後,輯相喺Twitter有超過1萬個轉發,官方決定推出一個特別版Tote Bag紀念吓。個Tote Bag將隻喵變成超級巨型肥喵,被困喺玻璃門入面,而保安員就指住佢作出訓示。售價1500円,只係發行390個,呢間「尾道市立美術館」果然唔係一般美術館咁簡單,好有生意頭腦!不過隻貓有無得分佣?我驚佢會反嚟報仇。

Read more ›
門小雷《The Blister Exists》後續精品 Tote Bag+Poster+邀請卡要儲
by / on 23/01/2017 at 9:15 pm

門小雷《The Blister Exists》後續精品 Tote Bag+Poster+邀請卡要儲

門小雷《The Blister Exists》越搞越大壇,繼售賣原畫後,2月4日新書簽名會當日仲有別注版Tote Bag發售,買書加$200即有一個;啱Feel嘅,可以買埋限量紀念版海報;而逢喺The Overlab買書,即送邀請卡一張,一書一袋一海報一邀請卡,撐場撐全套,呢鋪真係飽咯,開心死。

Read more ›