Tag: Tomb Raider

2013年3月出GAME時間表 [PS3 / Xbox / PC / Wii / 3DS / PS Vita]

收入有限,3月正game無限,機迷點樣迎接呢個挑戰?點樣可以喺game海中存活過嚟?今個月大作浪接浪,利是錢終於有碇駛。最開心應該係PS3機主,有獨佔嘅《God of War:Ascension》、《ONE PIECE海賊無雙2》同埋《初音未來Project Diva-f》。另外,羅拉終於出場,《Tomb Raider》歐版噚日偷跑咗,想玩中文版就等多一個星期啦。手提機方面,3DS隻《超級機械人大戰UX》同埋PS Vita隻《Soul Sacrifice》都係等咗好耐嘅必玩大作,加上日版Vita大減價,跟手可以玩埋隻《ONE PIECE海賊無雙2》同埋《朧村正》,財散人安樂。

Read more ›

新片速報 《Tomb Raider》11分鐘介紹影片

《盜墓者羅拉》呢隻遊戲,都算係經典吖,喺3月5日Square Enix就會推出PS3/Xbox360/PC新作《Tomb Raider》,今次羅拉後生啲靚啲,仲搵嚟Camilla Luddington演呢個角色,應該打得開心好多。呢條新片就係開發廠Crystal Dynamics嘅製作人Noah Hugues邊玩邊解說嘅片段,長11分鐘嘅單人模式,睇落都玩得過,不過得一個星期爆唔爆到呢?因為3月12日我要玩《God of War》喇。

Read more ›

新片速報 《Tomb Raider》多人模式11分鐘試玩

Square Enix喺下年3月5日推出嘅PS3/Xbox360/PC《Tomb Raider》,開發商Crystal Dynamics已經公佈話有Multiplayer mode,外國就有傳媒有得試玩,仲拍咗11分鐘試玩片。睇嚟係Death Match,最多8人連線,玩法冇乜特別,地圖暫時亦只得一個。

Read more ›

官方確認 《Tomb Raider》有網上多人模式

由Square Enix喺下年3月5日推出嘅PS3/Xbox360/PC《Tomb Raider》,之前就流傳話今集會有Multiplayer mode,而啱啱製作《Tomb Raider》嘅Crystal Dynamics就證實咗呢個消息係堅嘅。咁詳情係點呢?有啲咩主角呢?官方就話會喺嚟緊嗰期《Official Xbox Magazine》公佈,快喇。

Read more ›

新片速報《Tomb Raider》升級系統多嘢玩

有人覺得Square Enix喺下年3月5日推出嘅PS3/Xbox360/PC《Tomb Raider》反過嚟好似《Uncharted》,但睇過咁多片之後,其實唔太似。呢段「New Guide to Survival Trailer」就介紹咗羅拉嘅唔同技巧升級系統,例如升咗級就可以學識執起堆沙灑落敵人度等佢盲一盲,另外就連唔同種類武器都有得升級。仲要打獵先有嘢食有飯開,仲有睇嚟用弓箭多啲,辛苦好多。

Read more ›

新片速報 《Tomb Raider》羅拉跳傘爆大鑊

由Square Enix喺下年3月5日推出嘅PS3/Xbox360/PC《Tomb Raider》,啱啱就喺美國VGA發佈咗一段新影片。睇到後生靚女咗嘅羅拉又暗殺又跳傘又爆人大鑊,感覺真係好似《Uncharted》……Sorry,原來我唔記得咗《盜墓者羅拉》出得先過《Uncharted》……

Read more ›

《Tomb Raider》8吋模型套裝歐美開訂

講到下年推出最期待嘅遊戲,《Tomb Raider》盜墓者羅拉一定有份。今集唔單止羅拉成個靚晒,遊戲畫面同玩法都大躍進。由Crystal Dynamics開發、Square Enix發行嘅PS3/Xbox 360/PC《Tomb Raider》歐版3月5日先有得玩,不過官方啱啱公佈「Collector’s Edition」同「Survival Edition」詳情。其中Collector’s Edition最齊料最吸引,除咗雙面大型地圖連海報、32頁遊戲畫冊、Soundtrack同埋Weapon Pack DLC之外,仲跟多隻8吋蘿拉figure同埋「Survival Tin」鐵盒,雖然figure蘿拉個樣man咗少少,但賣美金100蚊跟齊咁多嘢都買得過喎!根據經驗,香港返貨機會都幾大。

Read more ›

新片速報 預訂《Tomb Raider》有皮收

Square Enix啱啱公佈,只要喺Amazon預訂下年3月5日推出嘅PS3/Xbox360版《Tomb Raider》,就可以得到Final Hours Edition。呢個版本除咗有精美畫冊外,仲會有「The Final Hours of Tomb Raider」幕後製作片段嘅輯錄版。不過講到最搞笑,係送你一塊皮,係Lara Croft塊皮,可以喺遊戲入面幫羅拉換皮……至於入面條新片,就係The Final Hours第二集,幕後製作特輯!真人靚女Camilla Luddington現身是重點!

Read more ›

新片速報 PAX《Tomb Raider》13分鐘遊戲試玩

西雅圖舉行嘅PAX,有外國傳媒放上下年3月5日推出嘅PS3/Xbox360遊戲《Tomb Raider》Reboot試玩片。熟口熟面就梗o架喇,不過就可以睇到實機試玩下遊戲嘅暴力程度同埋受傷嘅羅拉點樣打獵BBQ求生。

Read more ›

新片速報《Tomb Raider Reboot》製作特輯 真人索女現身

下年3月5日推出嘅盜墓者羅拉最新作《Tomb Raider Reboot》,大家都知會搵嚟英格蘭靚女演員Camilla Luddington演出年輕版羅拉嘅動作模組,而且仲會配埋音添。而啱啱開發商Crystal Dynamics就發佈咗一條真人靚女做motion capture同訪問嘅片段,老實講,唔駛嘴唇厚,後生真係好好多。

Read more ›

E3現場 《Tomb Raider》羅拉變少女

《Tomb Raider》之前宣佈下年3月5日先出,咁啱時機,E3又點少得佢。喺微軟展前發佈會又見到佢,實機試玩示範,當中有只係21歲女嘅羅拉又跳又飛又射又打,睇嚟弓箭仲係今次主力武器之一。不過,見到後生咗嘅羅拉成身傷,真係我見猶憐呀!另外,可能係微軟發佈會關係,同場都宣佈遊戲會有Xbox360時限獨佔DLC。

Read more ›

新片速報 《盜墓者羅拉》明年3/5打獵搵食

由Crystal Dynamics開發、Square Enix發行嘅PS3/Xbox 360/PC《Tomb Raider》最新作,之前已經宣佈要下年先有得玩,而且仲寸到釋出預告片嘅預告。好啦,正式嘅預告片登場,真係驚險刺激咩都有,仲有羅拉爭啲失守,俾壞男人……

Read more ›

新片速報 新世代《盜墓者羅拉》gameplay預告

雖然呢段係宣傳片嘅預告,但都睇到今集PS3/Xbox360嘅《Tomb Raider》大概係點嘅樣。片段中見到羅拉喺森林度靠飲雨水同用火柴嚟生火求生,亦都有遊戲片段睇到。完全版宣傳片將會喺5月31日透過美國GT.TV公佈,而遊戲則會於2013推出。

Read more ›