fbpx

Tag: the walking dead

《The Walking Dead》Rick捕獲Grumpy Cat 網友:「起碼殺幾隻喪屍!」

《The Walking Dead》Rick捕獲Grumpy Cat 網友:「起碼殺幾隻喪屍!」

Grumpy Cat經常比人野生捕獲,啱啱就有《The Walking Dead》嘅Rick (Andrew Lincoln),兩隻手已經攬實晒成隻喵,好Man!張相放上FB後網友即時起哄,有人話Grumpy Cats一出起碼殺幾隻喪屍,有人話睇Grumpy Cat個樣就知佢想今季全部人死晒。其實除咗呀Rick,仲有好多名人同過Grumpy Cat影合照,例如名嘴Conan O’Brien、籮霸Jennifer Lopez、《Game of Thrones》嘅Peter Dinklage(呢張係惡搞嘅),入嚟有回帶。我最欣賞係Grumpy Cat無論同任何人影相,都係一幅臭臉,呢啲咪巨星囉!

Read more ›

【超正相集】4個女仔重遊電影場景    實景劇照合併

【超正相集】4個女仔重遊電影場景 實景劇照合併

  呢輯相好正,4個外國女仔,專程去自己鍾意嘅電影/電視劇場景旅遊,再將現實景同劇照合拼,所花嘅時間同心機都唔講得笑。呢4個女仔叫Tiia、 Satu、Johanna同Essi,用咗2年時間,去返《Harry Porter》、《The Walking Dead》、《復仇者聯盟》、《Batman Begins》等等嘅經典場景,有睇過套戲嘅應該會睇得好開心。入去佢哋網站仲有詳細介紹,推介。

Read more ›
新片速報  《The Walking Dead》官方授權     箭佬武器有得買

新片速報 《The Walking Dead》官方授權 箭佬武器有得買

睇《The Walking Dead》好大原因都係為咗睇箭佬Daryl,學唔到佢嘅不覊,都可以學佢拎起把弓箭保護自己,網站Think Geek有呢把官方認證嘅Daryl弓箭,賣美金$34.99,雖然而家無喪屍,但難保遲啲會爆發,買定支傍吓身囉。我都知你想問,黑妹Michonne把長刀同埋箭佬個衰格大佬Merle把短刀都有,買嚟送比朋友啦。

Read more ›
《The Walking Dead》大數據      神級Fans計盡殺喪屍數目

《The Walking Dead》大數據 神級Fans計盡殺喪屍數目

《The Walking Dead》第5季播完,我專登儲埋復活節一次過睇,爽!外國Imgur用戶MorbidMalignant係我見過最認真嘅Walking Dead粉絲,因為佢統計晒每一季每個角色嘅殺喪屍數目!除咗鬥殺「喪屍」數目之外,仲有個鬥殺「人」嘅排行榜,今季最殺得性起嘅居然係‥‥‥(我忍咗好耐唔劇透,唔覺意睇咗,好想喊) 佢仲計埋邊10個角色出鏡率最高、最多喪屍被殺嘅集數統計、每集殺喪屍最多嘅角色‥‥‥計到好刁鑽,而且整埋得好靚好有心機,真心推介。BTW,箭佬係咁多季之中殺「喪屍」殺得最多嘅角色,男神呀!(你睇佢第一季個樣幾白淨!)

Read more ›
終於到你喇!《The Walking Dead》殺氣Michonne出figure

終於到你喇!《The Walking Dead》殺氣Michonne出figure

講緊係《The Walking Dead》入面嘅Michonne,唔夠Beth靚,唔夠Maggie性感,但勝在有性格兼有情有義,個樣夠殺氣,而且間中有柔情一面,最重要係打得,喺喪屍世界入面跟住佢實無死。出開《The Walking Dead》玩具嘅Gentle Gian今次終於揀佢,咪係囉,無理由Glenn都有份無Michonne嘅,今次披麻質斗篷仲有把招牌長劍揸手,件斗篷可以拆落嚟,figure高18吋,今個月推出,賣美金$399.99。話時話,第5季下半季開咗,今個星期要開始追返!

Read more ›
《The Walking Dead》喪屍耳仔頸鍊    官方授權限量1676套

《The Walking Dead》喪屍耳仔頸鍊 官方授權限量1676套

有睇開《The Walking Dead》嘅,應該記得箭佬Daryl嗰條用喪屍耳仔串成嘅頸鍊,睇嘅時候我都好想要返條。之前台灣有網站整過兼發售,像真度好高,但就有啲驚嚇。最近官方授權推出咗呢套豪華版,串耳仔項鍊鑲喺畫架入面,製作勁精美,限量1676套,每套有獨立編號,價錢美金$99.99,網站ThinkGeek有得買,老實,掛喺屋企真係型。

Read more ›

《The Walking Dead》Maggie出figure    打得又睇得

《The Walking Dead》Maggie出figure 打得又睇得

美劇《The Walking Dead》入面我都幾鐘意Maggie,打得又睇得,尤其是乜乜乜之後,嘻,差啲劇透咗。講返正題,之前出過主角Rick同埋箭佬Daryl嘅figure,最近終於輪到Maggie,繼續小背心,仲一手揸槍一手揸刀,10″高賣美金$399,不過要2015年第4季先出。BTW,Lauren Cohan唔做The Walking Dead時嘅造型都幾正,特別係幫《MAXIM》影嗰輯,唔覺意上網搵咗少少,入嚟有得睇。

Read more ›
美國時代廣場倒數 箭佬神回覆《The Walking Dead》第5季仲有2日

美國時代廣場倒數 箭佬神回覆《The Walking Dead》第5季仲有2日

《The Walking Dead》第5季美國時間10月12日就開播,咁喺Time Square就有隻巨型喪屍手倒數緊!之前3隻手指,啱啱就兩隻手指,去到最後,梗係一隻手指,不過演出箭佬Daryl Dixon嘅Norman Reedus就喺Twitter話:「希望倒數一日嗰陣係剩番一隻中指……」

Read more ›
喪屍花圃放枱面 Walking Dead小盤景

喪屍花圃放枱面 Walking Dead小盤景

  The Walking Dead講到第幾季? 我唔知! 自從嗰個乞米盒子LOAD唔到片之後……如果你都係佢死忠FANS, 可以玩吓呢個Chia Zombie – Restless Arm, 隻喪屍手就係花盤, 只要淋吓水, 就會好似喺你後花園伸隻手出嚟一樣, 價錢$29.99美金, 不過造形感覺稍為有啲寡, 如果加多條黃絲帶應該會靚仔啲。

Read more ›
《The Walking Dead》主角出figure   掹搶爆頭血漿四濺

《The Walking Dead》主角出figure 掹搶爆頭血漿四濺

McFarlane之前出嘅《The Walking Dead》箭佬Daryl figure我都有啲想買,啱啱宣佈主角Rick Grimes都有雕像出,本來嫌佢婆婆媽媽唔多鐘意,不過今次有埋場景,一隻手箍住喪屍頸,另一隻手揸槍爆喪屍頭,血漿四濺打側睇都好正。今次係根據漫畫版造型製作,老實Rick哥個樣麻麻,但勝在故事性十足。全高12英吋,預計今年10月出貨,開價美金$295。咦,點解阿Rick隻手斷咗嘅?我無睇漫畫版唔想知咁多住呀!

Read more ›
《The Walking Dead》婆媽Glenn出Figure    醒樣精神晒

《The Walking Dead》婆媽Glenn出Figure 醒樣精神晒

見倒張圖,又令我好想睇《The Walking Dead》。美劇《The Walking Dead》入面嘅韓裔美國人Glenn婆婆媽媽,不過有人鐘意佢性格善良,我就羨慕佢有個靚女又有情有義識揸槍嘅女朋友,女朋友個阿妹仲好靚添。講返正題,Gentle Giant出完箭佬、喪屍同埋黑妹figure後,最新對象就係阿Glenn,1/4雕像,個樣同Hot Toys比當然差少少,不過都叫見得吓人,仲著埋監獄篇嘅防暴套裝,精神晒。預計下年第二季推出,開價美金$449,網上而家有得預訂。

Read more ›

新片速報   《The Walking Dead》捐血當錢駛   用血換T恤

新片速報 《The Walking Dead》捐血當錢駛 用血換T恤

葡萄牙嘅Fox Channel早前為咗宣傳《The Walking Dead》第四季開播,官方就諗倒同葡萄牙最大嘅血庫銀行IPST合作,整咗一間臨時捐血店舖出嚟,大家捐出嚟嘅血可以當錢駛,然後用嚟買返店舖入面嘅《The Walking Dead》精品!全部精品都係同IPST合作推出嘅,包括水樽、T恤等等,正所謂捐得越多,買得越多,好古惑。呢個計劃好成功,最後收集嘅捐血量比去年激增571%,其中有67%嘅人仲係第一次捐血,而套劇嘅收視比起第三季亦加咗17%,雙贏。

Read more ›
《The Walking Dead》箭佬Daryl   電單車擺甫figure

《The Walking Dead》箭佬Daryl 電單車擺甫figure

箭佬通常都比較有型,《魔戒》嘅弓箭手Orlando Bloom以至《The Walking Dead》嘅箭佬Norman Reedus(Daryl)都係男神級數。講返後者,1月份時宣佈推出箭佬Daryl嘅figure,企定定揸住十字弓,幾型!嚟到4月,官方再推另一款男神Daryl嘅figure搶錢,今次唔再企,改為坐喺佢架電單車上擺甫,車頭仲有佢嘅武器十字弓,睇落幾新淨,不過個樣呢,始終都係差dd,無辨法,比Hot Toys縱壞咗。開價港幣300左右,Think Geek有得賣。

Read more ›
The Walking Disney  公主王子喪屍化

The Walking Disney 公主王子喪屍化

《The Walking Dead》第3季下半部開始緊,又係時候追喪屍!外國網友Kasami-Sensei整咗個迪士尼版「The Walking Disney」,將公主王子變晒斬喪屍嘅主角,又Bikini又陀槍,仲成身血。白雪公主個露腰狂野造型好索,John Smith仲變埋劇入面好槍眼嘅喪屍寵物!最貼題都係《Brave》嘅女主角Merida,佢套弓箭似足劇入面我最鐘意嘅型仔箭佬,正!

Read more ›
【有片】《The Walking Dead》日本宣傳片 唔殺喪屍講日文

【有片】《The Walking Dead》日本宣傳片 唔殺喪屍講日文

《The Walking Dead》第4季後半美國開播咗,日本都開始宣傳喇。兩位主角Andrew Lincoln同Norman Reedus就飛咗過日本拍咗兩條宣傳片,講日文之餘仲玩茶道,Lincoln仲拎住佢嘅最強武器—箭插人……

Read more ›