fbpx

Post Tagged with: "Ted"

【奇遇】喵星人收聖誕郵件 郵局要求出示身份證
by / on 10/12/2015 at 7:17 am

【奇遇】喵星人收聖誕郵件 郵局要求出示身份證

呢單新聞好好笑,英國有位媽咪想寄個倒數聖誕嘅月曆(Advent Calendar)比呀女Brittany Maher-Kirk‥‥‥隻新收養嘅喵星人呀Ted,收件人佢仲寫埋「Ted Maher-Kirk Lindsey」。點知郵差派件當日屋企無人,於是佢哋要落去郵局攞返,但弊在攞郵件要身份證明,但喵星人Ted乜都無。最後呀女失敗而回,要親身打去郵政總局解畫。郵局方面都好幽默,仲問佢點解唔帶埋隻喵落去郵局,呀女就解釋因為喵星人無身份證啦,同埋因為有長期病所以唔適宜出街,最後當然係成功拎返份件啦,喵星人終於收到自己張咭好威威!當事人就將件事放咗上Facebook,吸引好多人討論,郵局之後接受訪問,話無正式統計過過去有幾多郵件係寄比喵星人嘅,不過佢哋就建議寫收件者嘅時候,可以寫埋寵物主人個名,咁主人就可以代收,亦唔駛勞煩喵星人收件嘅時候打手印嘞。

Read more ›

新片速報 25/6香港上《TED 2》賤熊借種 新女角更加索
by / on 28/04/2015 at 2:42 pm

新片速報 25/6香港上《TED 2》賤熊借種 新女角更加索

6月25日香港就上喇,早過美國添。今集個新女主角Amanda Seyfried相當唔錯,而且借種題材都有笑點。但其實我想問,我把口同思想都好賤,而且都算毛茸茸,但點解啲囡囡見到我唔會大叫:「嘩好得意?」男人賤就唔鍾意?熊人賤就得?公平咩?

Read more ›
新片速報 Super Bowl新預告《TED 2》明星球員客串特別版
by / on 02/02/2015 at 9:58 pm

新片速報 Super Bowl新預告《TED 2》明星球員客串特別版

勁!早兩日先有新預告,不過賤熊唔俾你停,《TED 2》喺香港時間今朝嘅超級碗直播時段又有新嘢,而且似乎係特別製作嘅。片段中賤熊為咗生仔,繼續出去搵捐精人,咁佢哋就趁夜晚爬入有份打決賽嘅球隊「New England Patriots」四分衛球員Tom Brady屋企,揭開張被識發光!運動員即係運動員!

Read more ›
新片速報《TED 2》賤熊回歸 香港暑假上映
by / on 30/01/2015 at 12:06 pm

新片速報《TED 2》賤熊回歸 香港暑假上映

講咗好耐,終於有第一條預告片睇喇,男主角賤熊同Mark Wahlberg都冇乜點變,不過女主角就變成Amanda Seyfried,都OK喎。美國6月26日上映,香港就會暑假檔上,嘩一開始賤熊就結婚喇,喺預告中啟示咗一個問題,就係佢點生仔呢?

Read more ›
新片速報    賤熊識講嘢       AI人工智能控制好恐佈
by / on 30/07/2013 at 7:13 am

新片速報 賤熊識講嘢 AI人工智能控制好恐佈

《賤熊30》(TED)香港落咗畫好耐,日本啱啱出碟,仲紅到周圍去撩女仔好風騷,外國有人可能好鍾意賤熊,整咗隻號稱全世界首隻識講嘢嘅熊仔Supertoy,個樣有啲似瘦臉賤熊,勁在內置電腦版,識得好似機械人咁同主人對話,唔係播帶式對話,而係好似Siri嘅人工智能對話,有片睇,似乎真係幾恐佈,Kickstarter集資中,我唔會買比小朋友,因為我好驚佢以後就只係識對住隻熊仔講嘢,諗起都好恐佈!

Read more ›
惡行曝光 《賤熊》日本蒲Bar攬女 揭女僕裙底
by / on 22/07/2013 at 8:30 pm

惡行曝光 《賤熊》日本蒲Bar攬女 揭女僕裙底

《TED賤熊三十》話開續集,不過就冇咁快有得睇。日本版嘅DVD/Blu-ray會喺7月24日推出,遲過我哋,但係佢就請嚟巨型版賤熊去咗日本做宣傳,而佢嘅宣傳節目就係落去酒吧攬吓囡囡,再去Maid Cafe度搞吓啲女僕,你睇佢衰到揭人裙底!入嚟有超多圖,搭膞攬腰摸臀,可以一次過睇晒呢隻賤熊嘅惡行,這些機會竟然係屬於呢隻中熊!可惡!

Read more ›

《TED》賤熊杯 拎起識爆粗
by / on 17/07/2013 at 3:12 pm

《TED》賤熊杯 拎起識爆粗

《TED》賤熊三十話咗會拍續集喇,呢隻外表可愛內心寸爆嘅熊仔,男女通冧。啱啱睇玩具人就見到有呢隻杯。齋睇樣可能唔算好吸引,但係原來佢識得發聲,拎起就會爆粗講番戲入面嘅抵死對白(入嚟有得睇),超正!14.99美元,Amazon有賣,不過佢啲對白入面有勁多粗口,睇嚟都係喺屋企用好啲!

Read more ›
賤熊日本陪你浸溫泉   慶祝票房No.1
by / on 09/02/2013 at 4:00 pm

賤熊日本陪你浸溫泉 慶祝票房No.1

仲記唔記得呢隻賤熊?電影《賤熊30》主角,又口賤又咸濕,偏偏好多女仔嗌得意,你話幾神奇?電影喺日本上映無耐,上星期仲成為票房No.1,為咗慶祝,官方喺facebook搞咗個溫泉旅行感謝企劃,留言講吓點解鍾意呢隻賤熊,最精彩嗰10位,可以得到溫泉酒店宿泊券,仲有10間溫泉任揀,去到仲會送隻實真實比例嘅賤熊比你o忝!唔,至於點解揀浸溫泉?我估因為浸溫泉可以玉帛相見,嘻,好曳呀你!入嚟仲有日本電影宣傳嘅賤熊得意相,正!

Read more ›
13/1一週碟榜:布斯X祖瑟夫 穿越殺自己
by / on 13/01/2013 at 10:19 am

13/1一週碟榜:布斯X祖瑟夫 穿越殺自己

  今個星期終於正路啲,多返啲戲揀!同DVD Pro Andy打牙鉸,佢就大推《時凶獵殺》:「有布斯韋利士、又有夜神起義嘅祖瑟夫哥頓利域,你就知好戲啦!」套戲主要講今日的我、打倒明日的我!話說未來會有時光機,不過呢件事完全唔合法!細Joe(祖飾)就係專職殺未來人嘅時凶殺手;一日撞到穿越回來的布斯,開刀之際,竟發現要殺的原來是未來的自己……

Read more ›
0106 DVD/BD碟榜
by / on 06/01/2013 at 8:29 am

0106 DVD/BD碟榜

  呢個星期都係一貫嘅死靜!碟行仍然喺半放假狀態……即係無乜新碟出,仍然喺度點倉點存貨中,新碟方面,只有幾隻DVD撐吓場,而BD嗰邊完全久奉;老實!《獵頭遊戲》、《走進炮火中》都真係相對較B級,相對較簡單嘅《盲證》同《魅妝》,感覺較好睇;聽講下星期好似好返啲,會有《時凶遊戲》同《Taken 2》嘅BD返,碟場方面會開始正常返啲,大家有時間可開始正常巡視業務。

Read more ›
2012新碟最後一擊  賤熊30一路向西
by / on 23/12/2012 at 9:00 am

2012新碟最後一擊 賤熊30一路向西

  落場掃碟過節,原本幾開心,多口問句下星期有乜好嘢先?「有就有、無就無,喺晒度0架啦!」Heeeeee!唔係碟舖寸,係實在無乜新片返,再嚟貨要到2013,真係合皮扭耳喇呢舖,好彩都有賤熊30、Wyman演唱會同一路向西,全部都值得煲吓,都叫頂到舖碟癮!

Read more ›

12/2 影碟榜 蝙蝠俠:夜神起義  邊個版?好難揀!
by / on 02/12/2012 at 10:51 am

12/2 影碟榜 蝙蝠俠:夜神起義 邊個版?好難揀!

  《蝙蝠俠 – 夜神起義》今個星期贏晒!喺街邊邊度有得播,都一定企滿人!買啦!買啦!不過選擇相信好多人同我一樣,都有母親的決擇嘅感覺,要「雙碟面具限量版」好吖?定「雙碟人偶套裝」好呢?定「雙碟鐵盒限量版」,不過最後我係揀咗普通版!因為我發現放碟個膠箱,要容納個面具或公仔有困難,鐵盒又有少少Oversize,為免為我執屋嘅「貼身」菲傭開我波,我唯有忍痛啦!另外今個星期仲有阿部寬搭上戶彩套《羅馬浴場》,輕鬆睇碟星期日啱晒!至於科幻友,有套《異形爆倉》,聽個名都知爆,仲唔快啲打81777778?

Read more ›