哥斯拉套新動畫《GODZILLA 怪獸惑星》日本11月17日上映，最近官方就公佈會喺新宿開主題商店「Godzilla Store Tokyo」，10月30日開幕，除咗網上商店嘅貨品有得買之餘，仲有幾款店舖限定商品，包括杯、T恤、相集、模型等等，官方仲公佈會推出哥斯拉信用咭，一式四款，用佢嚟簽咭好霸氣。

無臉男出動！日本有得賣嘅呢個T恤系列超正，拉起件T恤笠住個頭就可以cosplay，既方便又低調。之前都有其他公司出過，不過今次嘅造型更加過份，除咗無臉男，佢哋仲有推出蜘蛛俠、初號機、死神流克同史萊姆，全部都超正，頭型啱啱好，每件賣2千零円，日本Amazon同樂天都有，夏天熱熱哋想cosplay啱晒！

噚日去日本渋谷有無見到呢個咁搶眼嘅家族？佢哋嚟自波蘭，一家四口遊日本，呀爸著住個「父」字嘅T恤，其餘分別係「長男」、「次男」同「三男」，好搶眼！勁在唔識中文嘅佢哋都無著錯，定還是著錯咗都唔知？好多日本人留言話見到佢哋，去到餐廳門口又有人影佢哋放上網，勁受歡迎。BTW，有網民留言問佢哋呀媽究竟去咗邊，唔通去咗行藥房？

媽呀，唔覺意著咗粗口Tee，點算？無辦法嘞，因為件tee係你呀媽買俾你嘅，世上最慘嘅事莫過於此。最近外國網站搵咗大量亞洲人著錯tee嘅相，最可憐係班小朋友，媽咪買咗咪照著囉，點知咁就一世。其實日本都經常有偶像出事，又粗口又話自己係妓女都有。不過講到最尷尬，可能係肥大媽著咗讚自己超級sexy呢件tee，真係No Eye See。

  睇到呢張宣傳海報，好難忍得住唔買呢個邱福龍動漫大師1:6可動人偶，ACG Toys出品，除福龍本尊有衫換之外，仲有檯有凳有垃圾桶、有筆有鉛筆刨有電話等細緻配件，試想像放喺屋企飾櫃，真係多麼的賞心閱目，望到都精神爽利呀。幾錢？每個$1380，及早訂購即送紅色特別版1:6福T恤一件同即將出版嘅《黑漫畫》，仲諗？科水喇。

Cospa最近經常同《龍珠 改》合作，之前有套《龍珠 改》嘅魔人布歐服喺網上預售，擺明玩嘢，最近就出返兩件著得出街嘅T恤，一黑一白，分別用咗動畫入面最經典嘅對白，包括受菲利挑釁時怒極大嗌嘅「クリリンのことかーっ!!!!!」(你是說無限嗎?) 同埋出元氣彈時講嘅：「おらに元気をわけてくれ！」(請大家把力量分一點給我！)同埋仲出多過Tote bag，11月7日發售，不過只限Cospa喺日本嘅秋葉原同幕張兩間店舖發售，有朋友去開日本嘅識做啦！

Hello Kitty係貓定係人搞到滿城風雨，不過唔影響佢繼續搵銀，最新動作就係推出HELLO KITTY MEN(ハローキティメン)系列，男人係咪聽到都驚？如果你BB豬係KITTY粉絲，千祈唔好比佢知！今次為紀念貓哥40週年而設，同日本設計工作室nendo、設計師田部井美及石黑篤史(個名好特別)合作，第一個活動T恤展覽會喺噚日開始至9月16日，地點係東京阪急百貨男性館 HANKYU MEN’S TOKYO嘅 ，男士們，走呀！

舊公司嘅制服或者咭片儲嚟都無用，除非你係蘋果APPLE員工啦。呢位叫Sam Sung嘅男員工，最近將佢嘅舊公司員工T恤、名牌同埋咭片放上eBay拍賣，而家已經bid到美金80200，即係港幣62萬！嘩！有無咁誇張？估計原因係佢個真名叫Sam Sung，似足三叔SAMSUNG，佢仲話張咭無皺無花(無假)！今次拍賣所得收益會捐去The Children’s Wish Foundation呢個慈善團體，BTW，佢下次可以去埋LG、SONY、HTC打工，或者返大陸搵小米。

多啦A夢套3DCG電影《STAND BY ME ドラえもん》8月8日就喺日本上映，老實呢套我非常期待！日本最近已經開始預售戲票，仲出埋多啦A夢四次元百寶袋或者風呂敷手巾仔戲票套裝比fans一齊預訂，百寶袋或者風呂敷入面可以裝埋張戲飛，成人賣2000円，小童1400円，帶埋去戲院相當有愛！同步仲出咗好多周邊產品，有T恤、領呔、手巾仔、杯等等，多啦A夢迷入嚟前小心睇實銀包。

洛杉磯嘅Isac Walter好鐘意音樂，更鐘意買衫，屋企儲埋大量樂隊T恤，有一日佢忽發奇想，決定每日著一款Tee兼喺自己嘅blog度介紹，目標係連續1000日著唔同嘅T恤唔撞款！最後佢成功咗！仲一次過show晒自己嘅海量收藏威威。不過故事仲未完，佢而家仲繼續舖緊相，最新數字係1006‥‥‥

點樣先表達倒巨人嘅霸氣而又唔會尷尬？日本專出ACG產品嘅Cospa終於出招，推出進擊之巨人嘅T恤，勁在要翻轉笠實個頭先會變超大型巨人，平時就只會睇倒「I’m 60m class」嘅字樣，開價3045円，呢類型翻轉變身T恤日本一直好興，不過今次係扮巨人喎，所以重點係你要無肚腩，如果唔係我驚你一變身就比人打‥‥‥

綠帽大叔有隻3DS鬼屋遊戲，於是呢個法國插畫家Donnie創作咗呢系列Tee，而且當中仲有個充滿捉鬼敢死隊風格嘅LOGO。講到捉鬼專家，主角梗係唔係Mario而係Luigi，話明捉鬼，點少得孖寶兄弟入面我最憎嘅鬼鬼? 今次創作仲出埋tee賺你一筆，男女裝同時推出，女仔仲有背心仔款式，好清涼。

當年睇龍貓嘅，今日應該大個仔大個女夠18歲可以飲酒，所以呢個卜卜口龍貓大吟釀廣告，有無勾起你嘅回憶，令你好想買返支飲吓回味那些年？其實以上都係我嘅推測，今次創作單位叫Ruwah，外國人，設計咗呢款龍貓大吟釀，有iPhone套、T恤、杯墊同埋外套，可以網上訂購，但就係偏偏無大吟釀，喂，擺明玩我哋喎。

  T-ara成員推出型格漫畫個人T恤   T-ara的官方網站公佈，將會推出以成員樣子作為漫畫圖案的T恤，而這七款T恤將在6月4日韓國時間早上10時在 Core Contents Media 的網上商店和G-Market 的 T-ara 明星店發售。