下年2月13日發售嘅Nintendo Switch用《初音ミク Project DIVA MEGA39’s（メガミックス）》，啱啱有新片，睇吓今次拆開兩邊Joy-Con嘅操控方法，有番啲新意喎！

機場有得試玩Switch，咁小朋友當然去玩兩手啦，不過有網民就發現小朋友旁邊嗰位雖然都只係18歲，但就唔係一般後生仔，而係電競選手MkLeo！佢15歲就進入電競世界，喺今年8月嘅「任天堂明星大亂鬥」世界大會「Super Smash Con 2019」中優勝……咁到底佢旁邊嘅小朋友最後會點？命運會唔會從此改變？

之前公佈話Switch玩舊遊戲會加入回帶功能，即係可以即時回到之前畫面再嚟過，咁即係好無敵啦？係，有好多日本機迷就示範可以點用，動作遊戲尤其係《魔界村》呢類就最啱用，另外賽車遊戲《F-Zero》甚至係《薩爾達傳說》都啱用！另一種樂趣啦。

  嚟緊Switch又有新裝置推出，除此外，可能手掣Joy-Con都會有新設計。任天堂被發現申請專利，係兩邊嘅Joy-Con係可以屈曲少少，應該係為咗好握手啲舒服啲？

任天堂啲遊戲主機周邊產品好鍾意鼓勵人做運動，嚟緊又有喇，啱啱今日出咗片，詳細會喺9月12日公佈。

據說係以以Android 8.1為基礎製作嘅LineageOS 15.1，可以將Switch偽裝成NVIDIA Shield TV。不過要啟動LineageOS 15.1，就要用仍然未被任記修正嘅舊機，即係約2018年夏季前發售嘅機型，就可以破解到，不過當然，係係官方釋出，試唔試就要諗清楚啦。

如果要送遊戲機俾女朋友，最適合都係Switch啦，除非佢買咗啦，又除非佢係硬派Gamer啦。咁如果佢係迪士尼fans，呢部《ディズニーツムツムフェスティバル》同梱版主機就更加大條道理，10月10日發售，未買嘅諗諗佢。

話說呢隻鸚鵡係喺一個有玩Switch嘅家庭長大……如果你有玩開任天堂Switch，應該會感覺呢隻鸚鵡嘅叫聲好有親切感。

有冇覺得Switch無論係手提玩或者放電視玩，個手掣都唔係太好揸手？如果斜斜哋咁會唔會好啲？Reddit就有機迷自行改裝成咁，望落係好似順手咗咁，唔知遲啲會唔會有呢類配件買？

五十嵐孝司隻新作《Bloodstained: Ritual of the Night》，好多「月下夜想曲」fans玩緊啦？我本來諗，呢啲Game喺Switch玩正喎，於是就算Switch版遲一個星期都等，但點知當日想下載時，先發現原來日版原來有排未出，咁唯有買實體版，不過，最後都係忍唔住上網買番PS4版玩住先。不過啱啱外國有比較動畫出嚟，話PS4/XboxOne/PC版會有60fps，而Switch版則30fps，而且仲有唔少問題。官方見到冇玩潛水，即時出嚟正面回應，就係話會釋出更新，盡量解決問題。如果仲諗緊買Switch版定其他版本嘅，要再諗一諗。

最近網上出現一條影片，就係用一部Switch玩XQEMU Xbox模擬器嘅，而且仲示範load咗啲遊戲，當中包括《Halo》同埋《Jet Set Radio Future》。不過先唔好討論呢個行為啱唔啱，又有幾多人想喺Switch上面玩初代Xbox？

早前任天堂宣佈推出紙皮VR套裝，你以為淨係玩摺紙？唔係喎，啱啱仲宣佈可以玩埋其他遊戲，嚟緊4月26日開始，《Super Mairo Odyssey》同《ゼルダの伝説BotW》都可以免費對應，而且撒爾達更加係全篇對應，不過，並唔係大家所想嘅第一身VR，而係用VR嚟移動畫面，講真，呢個設定又簡單又易入口又唔怕太暈，聰明嘅。

本身有間地庫遊戲房已經威，外國呢個任天堂迷仲威到自製部超巨型Switch打機。佢先製作咗個巨型木框扮Switch架，之後套住部65吋電視，睇落就好似部超大嘅Switch，駁埋部1:1嘅Switch嚟打機會唔會特別爽？入嚟仲有教學。

LEGO萬物皆可砌，所以砌到一部任天堂Switch都唔出奇，不過呢部迷你版Switch仲可以放Game喎。製作者叫Squid50s，入嚟有片睇有教學。

終於來了，不過並非之前傳聞中咁加個特製膠眼罩放部機上去，而係用Labo嚟玩，摺個眼罩加埋配件。呢套Nintendo Labo: VR Kit將會喺下個4月12日發售，暫定套裝會賣由40美元至80美元。不過遊戲內容就暫時未見介紹。