【神人出動】30張Mario 30周年慶生圖集 置入30年間世界大事

呢位巴西藝術家Butcher Billy嘅作品好正,之前都介紹過幾次,佢特別鐘意任天堂,之前試過將瑪利奧變punk友,宮本茂變瑪利奧,仲威到由官方親自邀請設計作品,前日撞正Mario誕生30周年,佢當然要露兩手贈慶,呢個「Super Mario Bros: 30 years of Pop Culture系列」將過去30年發生過嘅世界大事「孖寶兄弟化」,例如柏林圍牆倒下、解放者曼德拉以至最新嘅同性戀婚姻合法化彩虹標記嘅時刻,變成好有孖寶兄弟感覺嘅改圖,總共30張,真心講每張都好正,應該係送比Mario最好嘅生日禮物,唯一唔好嘅係啲圖好多雪花,睇到有啲眼花花。

Read more ›