Post Tagged with: "street fighter"

新片速報《Street Fighter X Mega Man》Version 2司令出場
by / on 20/01/2013 at 12:17 pm

新片速報《Street Fighter X Mega Man》Version 2司令出場

唔好成日話Capcom咩都講錢先,因為佢都有免費嘢俾我哋玩嘅,好似之前嗰隻免費下載嘅《Street Fighter X Mega Man》,即係街霸對洛克人,啱啱仲出咗Version 2。今次加咗新角色司令M. Bison,撞嚟撞去嘅絕招梗係喺度,另外仲有個神秘角色會登場,睇剪影,識得昇龍拳嘅,唔通係……

Read more ›

新片速報 第一身《街霸》旋風腿頭都暈
by / on 14/01/2013 at 10:24 am

新片速報 第一身《街霸》旋風腿頭都暈

有冇諗過《街霸Street Fighter》可以變成一隻第一身主觀遊戲?呢位巴西嘅動畫製作人Pipoca就將《街霸 IV》其中一段拆磚嘅Bonus Stage整成第一身主觀版,你可以見到阿隆起腳踢到啲磚散晒飛起晒,仲睇到佢出波動拳同昇龍拳時嘅主觀視點。不過最令人印象深刻嘅係旋風腿,原來出呢招絕招都幾頭暈。

Read more ›
龍貓 VS 紅豬俠 宮崎駿吉卜力玩《街霸》
by / on 10/01/2013 at 11:00 am

龍貓 VS 紅豬俠 宮崎駿吉卜力玩《街霸》

唔好驚又唔駛開心,其實,呢10幾張圖只不過係日本網民嘅改圖,佢將宮崎駿吉卜力入面嘅動畫人物加入街霸揀人畫面度……啲圖做到真嘅一樣,真係令人好有幻想,除咗龍貓同紅豬俠,仲有Pazu、哈爾、千尋等等。不如咁啦,Koei不如考慮吓出「吉卜力無双」啦,隱藏人物係宮崎駿本人,我實買,再出猛將傳,我再買。

Read more ›
新片四連環《Bayonetta》魔女/神勇飛鷹俠參戰《Street Fighter》!?
by / on 02/01/2013 at 12:57 pm

新片四連環《Bayonetta》魔女/神勇飛鷹俠參戰《Street Fighter》!?

嘩!《Bayonetta》嘅魔女殺入《街霸 X 鐵拳》!仲有《忍》嘅男主角!加埋人造人卡辛、神勇飛鷹俠(科學忍者隊)嘅阿健同Dr.Doom參戰《街霸 IV》!不過要留意嘅係,呢幾條片都係PC版,望一望頂頭個頭像,哦,原來只係PC高手整嘅mod,不過整得好正!

Read more ›
新片速報 後日免費下載《Street Fighter X Mega Man 》
by / on 15/12/2012 at 12:57 pm

新片速報 後日免費下載《Street Fighter X Mega Man 》

《Rockman》同《街霸》齊齊慶祝25周年,Campcom呢隻免費電腦遊戲《Street Fighter X Mega Man 》將會喺後日(17日)有得免費下載(入面有Link)!唔好以為免費冇好嘢,呢隻遊戲真係分咗8關,同以前《Rockman》玩法一樣,片段中亦都睇到一樣咁難玩!而8關嘅Boss就係《Street Fighter》中嘅角色,好似阿隆、春麗、怪獸等等,唔知係咪同以前一樣,打完阿隆,Rockman會識得出波動拳呢?

Read more ›
真人波動拳  內地神人出招 問你怕未?
by / on 24/10/2012 at 8:16 am

真人波動拳 內地神人出招 問你怕未?

細過睇《龍珠》你有無試過學出龜波氣功?大過啲打《街霸》有無匿埋學出波動拳、昇龍拳?「阿波極」、「我要極」,諗起都霸氣。不過點都唔及內地鄭州呢位神人咁厲害,佢可以徒手將10支蠟燭打熄,堪稱神人波動拳,浙江衞視仲搞笑地配上孖寶兄弟同埋黃飛鴻音樂。只可惜呢位奇人個樣一啲都唔似阿龍,反而有啲似鐵拳製作人原田勝弘,問你怕未?

Read more ›

《街霸》大富翁 修練爭地盤
by / on 10/09/2012 at 12:14 pm

《街霸》大富翁 修練爭地盤

打街霸唔一定要用手掣開電視嘅,正牌大富翁Monopoly推出咗《街霸》版本大富翁,裏面有六個金屬製嘅棋仔,包括有Vega個面罩、波動拳、春麗個護腕,至於M. Bison、阿隆同Blanka就人形現身。而其他特別之處就係遊戲裏面會有22個經典格鬥場地,起樓起酒店就變成買格鬥場、修練場地同道場。Amazon有得買,不過可惜已經賣晒,仲話唔知幾時返貨……

Read more ›
街霸 X BAPE Tee 東京遊戲展率先發售
by / on 05/09/2012 at 5:43 pm

街霸 X BAPE Tee 東京遊戲展率先發售

又係周年,又係25周年,講緊嘅係《街霸(Street Fighter)》。今次勁咯,潮咯,乘A Bathing Ape喎!仲有勁可愛嘅Milo o氹水仔喎!今年會一次過推出六款短袖Tee,最正係阿隆對猿人,又有八大角色大集合,仲有阿隆出波Milo鬼鬼鼠鼠匿喺後面……東京遊戲展率先發售!雖然我唔鍾意Bape,唔係好想同錢家樂撞衫,不過7,140日元一件,都有少少心郁。

Read more ›
7月31日登場 《街霸 X 鐵拳》12角色DLC
by / on 07/07/2012 at 3:34 pm

7月31日登場 《街霸 X 鐵拳》12角色DLC

呢隻PS3格鬥遊戲,喺之前推出已經事先張揚會推出大量DLC新角色,好似街霸嘅Blanka、Sakura、Cody等等!而啱啱Capcom就公佈會喺7月31日推出呢個包含12個新角色嘅DLC,售價$19.99美元或1,600MS點數!計番條數,嚟到香港都要一嚿水左右,喂!唔係啩?

Read more ›
香港區街霸25周年紀念大賽 即日網上接受報名
by / on 30/06/2012 at 2:04 pm

香港區街霸25周年紀念大賽 即日網上接受報名

正所謂驚輸用阿隆,怕死用阿Ken,街霸呢個遊戲縱橫格鬥遊戲界25年,好多人都會玩番兩手。如果你係高手,如果你曾經努力修練過,O依家就係時候出嚟耀武揚威!街霸25週年紀念大賽 – 四大系列賽已經接受報名!獎品豐富之餘,仲係真正武者見識、切磋、證明嘅好機會……冇時間怕醜參加唔到呢啲唔係藉口,切咩磋呀!一係唔打,一打就要贏!

Read more ›
9月推出 內容超豐富《Street Fighter》25周年15碟珍藏版遊戲
by / on 24/05/2012 at 12:42 pm

9月推出 內容超豐富《Street Fighter》25周年15碟珍藏版遊戲

街霸25周年,Capcom除咗會搞國際大賽外,仲會推出PS3/Xbox360《Street Fighter 25周年收藏版》遊戲!除第一代外有齊咁多代遊戲,仲有阿隆Figure、腰帶、圖集、影碟等等,加埋成15隻碟!9月18日推出,149.99美元。

Read more ›