下個月先萬聖節，不過嚟緊9月18日《Street Fighter V: Arcade Edition》就已經會有E.本田同Poison嘅特別服飾同舞台，乜河童有咁肥咩？

《ストリートファイターＶ アーケードエディション》有新追加角色，今朝都有流出喇，o依家Capcom正式發佈足本影片，玩懷舊玩情懷喎！包括有「エドモンド本田」、「ルシア」同《Final Fight 3》嘅「ポイズン」，8月5日配信決定！

終於到佢出嚟喇，《Street Fighter V: Arcade Edition》嚟緊2月20日就有經典角色Blanka出場，懷念發電咬人嘅日子？你有冇諗起邊個朋友成日用怪獸好煩？

  如果將《Street Fighter V》嘅戰鬥畫面變咗做鉛筆畫風會係點？咁囉。由modder Nded製作嘅呢個MOD就係咁玩喇，但點解我睇唔到啲波動拳？係咪快過頭？

又有完全版喇，應該係完全版啦，下年1月16日就有呢隻《Street Fighter V: Arcade Edition》，會齊Season 1同2嘅角色，合共28人，另外，每個角色都會有第2種V-Trigger可選用。再嚟就係終於有Arcade Mode啦！另外仲有Extra Battle Mode、Gallery等新元素，如果你已經有《Street Fighter V》，係可以透過更新嚟有埋呢啲mode，仲未買game又想買嘅，呢隻Arcade Edition賣$39.99美元，製作人小野義德仲拍咗條片同你講吓嘢。

開始咗喇，入咗去未？可以同日本格鬥界五神之一嘅「SAKO」對戰，打得好仲有機會攞到$500 PSN預付卡等獎品，玩到11點，快！

之前搞過越洋對戰，請嚟日本格鬥遊戲高手同大家網上對戰交流嘅E-Sport up又有新嘢，就係聽晚(30日)會再次請嚟日本格鬥界五神之一嘅「SAKO」喺晚上9點至11點同大家對戰，只要有PS4/PC同《SF V》，到時睇直播，主播Ken Sir就會喺9點提供房間名同密碼，自己撞入去就得，而且仲有機會攞到$500 PSN預付卡等獎品。

美國時間7月16日舉行嘅世界最大格鬥大會「Evolution 2017」嘅《Street Fighter V》部門比賽終於完結，決賽由日本選手「ときど」對美國選手Punk，最後由用豪鬼嘅「ときど」勝出奪冠，得到16,000美元獎金。入嚟有決賽嘅過程同埋佢得獎後嘅感言睇番。

星期日晚悶悶哋，睇人打機又好，入去參與吓挑機都好，E-sport up嘅Ken Sir開台玩，格Game迷要支持吓啦！

記唔記得呢個泰國背景？就係《Street Fighter II》入面最後嗰關打司令嗰度啦，如果你夠強，打豪鬼都係呢度。呢個DLC會喺4月25日推出，400円，或者70,000Fight Money。另外，阿隆、春麗、Juri都有校服版服裝，同日推出，都係400円。

「格鬥之神」梅原大吾啱啱喺Milan Games Week 2016贏咗Arman Hanjani 3-1，成為Capcom Pro Tour European Regional Finals贏家，不過外國網站煲嘅唔係決賽戰，而係16強對ImStillDaDaddy嘅最後一Round，梅原繼續係阿隆，對手就係軍佬Guile，喺決勝時刻連環Block再反擊，贏2比1！

2016年，新一年開始，係時候計劃定今年嘅打機行程表嘞！嚟到1、2月，好多勁game陸續推出，最期待嘅有《進撃の巨人》、《人中之龍 極》同《火影忍者 疾風傳：終極風暴 4》，夠玩晒兩個月，但係有囡囡陪打沙灘排球嘅《DEAD OR ALIVE Xtreme 3 Fortune》同新一集《Street Fighter V》又好吸引‥‥‥仲有等咗好耐，希望唔好再延期嘅PS Vita《艦これ 改》同《Mighty No.9》。話時話，嚟緊兩個月PS Vita都幾多正Game，有興趣出機嘅可以諗諗。

《Street Fighter V》早兩日有新片公佈，仲有好難認，換咗新造型嘅阿Ken，不過話晒今集主角係阿隆，Capcom就同3D印刷公司Source3合作，出咗張立體3D嘅阿隆poster，amazon有得買。用返今集嘅主題相，阿隆交叉隻手握拳，側面睇手瓜同拳頭都係激突嘅，價錢唔平，6″x5″賣美金$90，豪啲嘅買10″x8″要美金$190！唔知會唔會出埋春麗同Cammy呢？

自從《Street Fighter V》公佈咗之後，大家都特別留意有關街霸嘅新聞，包括佢嘅周邊產品。噚日公佈nanoblock最新有軍佬同印度佬，啱啱就見倒呢隻香港玩具公司bigboystoys hk嘅阿龍Q版figure最新圖片，勁在個波動拳識發光亦會有聲效，配埋個街霸經典場景都幾正，而且係Capcom官方認可出品，暫時完成度已經達到95%，預計下年2月中即係新年前推出。希望唔好賣太貴，平平哋都可以考慮買返隻看門口。